مُسدار للوِصيّف

ربنا لو كتب في لوحك إنت وصيف
أكّد قط ما بتفرح خريف لا صيف
تفضل طول حياتك ماشي جنب القيف
لمن ينهدم !! وريني تسعد كييييييف ؟؟
***
الزول السعيد مكتوب في لوحو هلالي
يسعد طول حياتو وكعبو دايما عالي
لا بشيل الهموم لا بالمصايب يبالي
يلقاك مبتهج وتشوف جبينو يلالي
****
الشي العجيب الديمة شاغل بالي
دلقان السجم أولاد جمال الوالي
مهزومين طبيعي ولسه صوتهم عالي
لا حياء لا خجل خيبة ومعاها تعالي
***
حكمة ربنا صابرين سنين ماملّو
في كل عام جديد تيمهم خصومو تذّلو
مفطور بالوصافة مع الهلال زي ضلو
يقفل في ملف ويفتح ملف في محلوّ