السجل المدني في الحباك ...؟؟؟؟

شهادات التسين يا اخ فيصل الاخوة ااالمتحنين ياخ فيصل اغلبهم ليس لديهم شهادات تسنين بحجة انه الدكتور مسافر
والغريبة في الامر يطلعوا للواحد شهادة عدم قيد ويقلوا ليه سافر ام روابة لاستخراج شهادتة التسنين
وطبعا والوضع ما بساعد كل الناس بالنسبة لظروف المنطقة والحال لبعض الاحباب في الحباك والقري المجاورة لها

اي ي فيصل ده هو ذاته ...
والله يا فيصل تالمت الي بعض الاخوة التقيت بهم في الخرطوم
ساكين موضوع استخراج شهادات التسنين وحكوا لي الحاصل
هناك وما قدرته استحمل الموقف وما لاقي لي قبلة اصلي عليها
الابنداء سريع اللهجة الي الاخوة في منتدي الحباك ليشاركو ابناءهم واخوتهم
من اهالي الحباك في محنتهم ....
وللاسف الشديد ذي ما قالوا لي ما عندنا ضهر يقيف معنا في البلد
قلت لهم ربكم كريم

سلام أخوتى الكرام اتصل على أخى الكريم فيصل بخصوص موضوع شهادات التسنين وخاصة حوجة الأخوه والأخوات والابناء والبنات ليها هذه الأيام لجملة من الأعمال وعلى الفور أتصلت على الأخت الوزيرة أسماء تيه ومن بالأخ د. تجانى مدير عام وزارة الصحة بالولاية وأفادنى بالأتى :- موضوع شهادات التسنين يحتاج للجنة قمسيون طبى ورئيس اللجنة لازم يكون فى درجة قيادية طبعا اخوانا قصة الدرجات القيادية دى قصة طويله يعنى عربية وبيت وحافز شهرى كبير العربية مافى مشكلة بس المشكلة فى البيوت لانو البيوت الموجودة مسكونه من قبل بعض الدرجات الوسطى والعمالية طبعاً من الصعب تكون فى اسره ساكنه تقوم بعد داك تخليها من السكن وبعدين البيوت دى قديمة وعاوزه صيانة طبعا الحكم الفدرالى دا بقت اى حاجه على المحلية من سكن القيادى وحافزو والذى منو علينا وانتو عارفين الحاصل فى الحباك فى الفترة الماضية على العموم السيد المدير العام للوزارة كتر خيرو على الفور كلف السيد مدير الأحصاء بالولاية بتشكيل تيم للقطاع الشرقى للولاية لاجراء مايلزم يعنى العباسية والرشاد وأبوجبيهة وتالودى والكلام دا كلوا لازم قبل يوم 17/7/2011م لانو فى هذا اليوم سوف تنعقد لجنة الأختيار فى القطاع الشرقى لاختيار نخبه جديدة من العالمين بالولاية نسأل الله التوفيق للمقدمين لهذه الوظائف نتمنى يكون الأختيار للكوادر بنزاهة وحسب الكفاءة دا كل الحصل وسوف اتابع مع الأخوه بالولاية فيما يخص حركة التيم ومتابعة وصوله بسلام ولكن ياجماعة حال الخدمة المدنية لايعجب والله ودى حقيقة ولازم نعترف بها والسلام ختام

نسأل التوفيق والسداد وبعدين ياسهاد انا عمك مأخوك ولاشنو يابنت أخوى تحياتى لكم جمعياً

تسلم يا عمى الصغير
بس ما عايزه اكبرك واقول ليك عمو اسامه زى(عمو فيصل )كده(طبعا انت شباب).
التحيه لك عمو اسامه
تحياتى للعيال والى عمتى الغاليه وربنا يرجعها سالمه ومعافيه انشاءالله
تحياتى

بارك الله فيك ابنتى تحياتى للاولاد وابوهم سلامى واشواقى