الإخوة وجميع أسرة المنتدي الأعزاء ...

التحية لكم جميعاً دون فرز ...وبشكركم كتير كتير على الفترة والأيام الجميلة والتي قضيناها مع بعض .... وأرجو لكم من كل قلبي التوفيق ...وأتمني لكم ولأبوجبيهة التقدم والإزدهار ...وأسأل الله أن تري الجمعية الإستثمارية النور ... وفي هذا اليوم الثلاثاءالموافق :12/07/2011م أعلن لكم إنسحابي الكامل من هذا المنتدي الرائع ومن كل قلبي أتمني لكم التوفيق ....إحترامي

عم شاويش طبعا مستحيل نخليك تنسحب بدون ما نعرف السبب ثانيا ما ممكن وما معقول انت قلب المنتدى وتفاحتها لا ثم لا ياخي يا جماعة الحقونا عفو علينا نحن ما خربنا

ابو علياء ده كلام شنو0000زكرتنى زمان نلعب البلى فى الحباك ام الحفره واللين والواحد لما يخرت الجماعه يملأ جيونو نلى ويقول يا جماعه انا فريت ما داير العب تانى !!!!!!!كده يا شاويش فارى ماشيى وين ؟؟؟؟؟؟؟؟ بعدين شفت كلام الشباب ديل سمح كيف واصرارهم قوى كيف

كده احكى ليك الحكايه دى حصلت اليوم فى الحباك

طبعا اليوم عندنا ضحوى من الصباح 00وبعد ان فطرت فى البيت بالكسره بملاح الباميه المفروكه مشيت على الجنيد فى الصيدليه وانا راجع من الجنيد وجنب دكان عمنا المرحوم المقوارى وجدت مجموعه من الجماعه وافين قدام الدكان ومعهم فرعون وابكير ومحمد الامين واخرين وعندما اقتربت منهم هتف فرعون وبطريقته الدراميه المعهوده


الشعب يريد اسقاط النظام

توقفت وخاطبت الجميع 000مالكم نظام شنو الدايرين تسقطو 00ضحكوا بطريقه جعلتنى استغرب من جديد 000

قال لى فرعون نريد اسقاط رئيس اتحاد الخضر والفاكهه بابى جبيهه

طبعا ده عمك صديق التعايشى


قلت لهم الا تستعينو بمرتزقه افارقه



اهه يا شاويش كم فريت وين تلقى اخبار زى دى



طبعا انت وابوالزهور وياسر 0000مافى ليكم طريقه تخلونا فيها المنتدى ده الا تسلمو 00زى ما بقولو لعيسى


محنتى وتحياتى ابها الشايب

السلام عليكم يا نـاس ..
أنـــا مـا قاعـد اخـش المـنتدى دا كـتيـر لكـن بالــرغـم مـن كـدا
كل مرة أجـي ألقـى نداء لعـودة احد الأعضاء أو وداع من آخر
أو جــودية تـقـوم و تقـع عشــان فـي زول لملـم عـفشـو و نـوى
الرحيـل ..أنـا ما عارف شنو القـاعد يحصـل بين الناس هنا ..
ومــا بــقدر أحــكم علــى دوافع الناس و ما بقــــدر احدد طريقة
تفاعلهم مع بعضهم البعض في هذا المكان لقلة تواجدي بينكم ..
لكن الشي البقدر أقوله انو المنتدى قام في المقام الأول لمد حبال
الربـط بيــن أهــل أبوجبهة الجميلة و كان ليهو دور مقدر فــــي
احداث وصــال جميل بين الناس .. عشان كدا حقو النــاس
تحافظ على القيمة الجميلة دي وتكتفي بيها وتقصر دور المنتدى
على كدا وبس وتسيب كل ما له أن يهيج الحساسيات بين النـاس
دمتم ودامت مواسم فرحكم زي ما بقولوا ^_^ ..

العزيز شاويش ..

اتا الداوسك ياتو ؟؟

أعتقد ان حساب جاويش تهكر !
لا اصدق ان كيبورده كتب الكلام أعلاه .
او كميرا خفيه !
علي كل لا اصدق ابدا.

ما تعبرنا يا شاويش0000ما قادرين نتصل بالتلفون الشبكه كعبه

سلامات اخى ود شاويش شنو يعنى كراعى حارة على المنتدى ولا شنو والله عقدتنى عديل يدوب انا داخل المنتدى بتعرف على ناس تقوم انت تتخذ مثل القرار المفاجئ ده ,وزى ما قالو الشباب الدخول من حقك تقررو لكن الخروج فلا , كدى خليك معانا شوية .مع خالص تحياتى

ابو علياء تحياتى اتفق مع توقعات ابو احمد دى كميرا خفية ساااااكت لكن الله يكضب الشينة فى زول بجرى من بيتو وبخلى وبهمل اولادو واسرتو نحن ماصدقنا عندنا شبر فى الفراق الشاسع دا بلمنا باهلنا واعزاءنا وبعيشنا فى جو الاسرة وزى ما قال الزعيم وين نلقى زول يونسنا بالمفروعة ام شطة خضرة كان فرينا واشتتنا من المنتدى دا وبعدين نراكم عمد ومشايخ وزعماء وحكماء الادارة الاهلية بالمنتدى وقاعدين وراقدين قفى باعتبار ال ماعندو كبير تاه ولما حكمائنا وعقلاءنا يفرو ومايقدروا يتحملوا حماقتنا بغض النظر عن الحاصل شنو منو البعدل عوجتنا واخيرا اتمنى ان تكون هذه كميرا خفية لانو والله بجد راح نزعل منك ونقيف كتير فى اعلانك الما بشبهك هذا ونقول ليك دا ما كلام دا اكبر يا كبير

ده كلام شنو يا شاويش ، ماشي وين ، لقيت ليك أهل غيرنا ولا شنو ، هل في زول بهرب من نفسو . إحتمال تكون مسافر لجهة ما فيها نت ولا إيه ... إلا كده أما خلاف ذلك فلا عذر . إما إذا كان هناك زعل بالزعل مرفوع .

دا كلام شينو يا شاويش دايرين نعرف قصة الانسحاب هل في واحد من اسرة المنتدى قاليك لام جارح؟؟؟؟؟؟. ودا طبعا ما معقول والانسحاب مرفوض وممنووووووووووووووووووووووووووووووووع منعا باتن

والله يا جماعه ابوعلياء ده كلاموا اظنوا جد0000كده فتشو لينا بالتلفون

قالو اذا عرف السبب بطل العجب
السبب شنو
انا والله اول مره ادخل البوست
وفوجئت
تمامابالكلام داكلام شنو

نحن ما عايزين زعل ولانقاش لاسياسه ولا كوره

بسم الله الرحمن الرحيم
المحترم الاستاذ / عثمان شاويش
========
لك التحية والاحترام ‘ حبي للحباك وناسه جعلني اوهرول لانضمام لهذا الصرح الانيق أول يوم لدخولي للمنتدي لاحظت نشاطك ومواضيعك الجميلة وبدأت اتعامل معك وكأنني أعرفك من زمان - موش هيك - ؟؟وفجأة يعلم الله منذ فترة شعرت انك غير طبيعي ‘ هذه المنتديات نعمه من نعم الله علينا ان نتواصل ونتعارف ومعرفة الرجال كنز غالي وفجأة تقول انا مُنسحب والله خساره والمراجعه أفضل من مُنطلق انسا ني يارجل يا عظيم == الشعب يريد اِستمرار الرئيس ==
وبالله التوفيق / تحيا تي
===============

ده كلام شنو ده ؟؟؟؟؟؟؟
ما تشفوا ليكم بهول
انا ما فاهمه اى حاجه

اكيد دى الكاميرا الخفيه صح يا عمو عصمان

رمضا ن كريم