&&& بيتنا نور &&&

احبابى احباب الحباك
رحبو معى بعودة احباب الحباك
العزيز جدا
كرم هجانه والعزيز ود نويه والعزيزه جدا بت العمدة(سومه)
الف حمد الله على سلامتكم.
كرم :
وانشاءالله ربنا يكرم علينا بالامن والسلام وياخى منتظرين تعوضناالفات
وتحكى لينا الحاصل
بالظبط فى كادقلى و(شهد شاهد من اهلها )
وما معانا غيبه تانى (الحباك بتسأل من كتاباتك)
ودنويه:
وكمان بيتنا زاد نوره بطلت اخونا ود نويه
بعد غياب طويل .
مرحبتين ود نويه
ومنتظرين التعويضات .
بت العمده :
ربنا ينجحك ويعلى مقامك
وكمان منتظرين
تحكى لينا
(الزنقه) كانت كيف؟؟؟؟؟؟؟
تحياتى

حبا الحبايب 000طبعا الايام دى كرم مستمتع بجو الحباك

يديك العافيه اخونا غريق
وعليك الله قول عقبال اخيتك سهاد كمان
تستمتع بجو الحباك (اخيتك البرد كتلها خلاص)
وقول لى اخونا كرم (منتظرنك)
تحياتى

من طرف **ود عشمان** 23rd يوليو 2011, 12:19

سومة بت العمدة .. كرم هجانه

حبابكم عشره بدون كشره .. تستاهلو الضبحية ..

تسلم اخوى ود عشمان
عاد انت ما كملت السعيه
كلها
لكن بينى وبينك يستاهلو
تحياتى

كمان يا اخوانا بيتنا نوره
زاد
بوجود ود نويه
حبابك ود نويه
ومكانك كان فارغ
عليك ان تعوضنا الفات كله
واحكى لينا عن الحباك
واهلنا الحلوين
تحياتى

لكِ التحية أختي سهاد عرفناك دوماً بالمبادرات الطيبة والمواقف النبيلة نأمل أن يجتمع كل الشمل
بحكي ليكم عن كل الحصل

من طرف **nashi** 23rd يوليو 2011, 16:34

حبابهم ملياروالله
مشكورة يا الغالية

حباب العائدين ...........
وحبابك ملايين يا بت مدينة الضبــاب ....
تحياتي للوليدات و العزيز أبوهم
إلاً هنــــــــا ياسهاد ......... " ذيما حدســـّك غريق "
" نسام المطر .....وريحة طين الأرض البكر "
بدت معاي من الخرتــــــوم ......
وبالمناسبة أنا حألبد بعد هـــذا اليوم ..... عشان أمتع نفسي بالدهشة ....
وهجرة عصافير الخريف .......

حمد الله على السلامة اخونا محمد نوية وعودا حميدا
ونرحب ايضا بالاخت سومة العمدة بت السلطان على دينار مرحبا بها في دارها الحباك
والشكر اجزله الى اخوتنا ام يونس لك التحية ودائما ما تقومين بالترحيب بالاعضاء فلك منا كل تحية واحترام .

حبابكم عشرة فى منتداكم

حبيبتي سهاد تسلمي يارب
ويخليكي لينا ومايحرمنا منك
ولا من اهل المنتدى
ويارب دايما لامين وتامين
خالص حبي وتقدري لكي
كتر خيركم كلكم

سهاد ربنا يوديكى الحباك الايام دى الحباك مع الصباح الشبوره بتقطى جبل العمده والوطه بارده

وريحة الكسره تجيك هناك

حمد الله علي السلامة

تسلم اخوى ود نويه
وتانى بيتنا نور
ومنتظرنك
تحياتى

ربنا يديك العافيه اخيتى الدكتوره
وربنا يجمعنا فى امن وسلام
تحياتى

تسلم اخوى الاستاذ الفاتح
وربنا يهنيك باهلنا واحبابنا
ويجمعنا بيكم .

" نسام المطر .....وريحة طين الأرض البكر "
يا سلام على الجو الخرافى تقول لى (الضباب)
تحياتى لجميع بدون فرز

تسلم اخوى الخوجلابى
والتحيه لك والاحترام
وربنا يديم المعروف علينا
ويجمعنا داخل بيتنا (منتدى الحباك )
قول امين
تحياتى

وحبابك اخوى الافكاتو
تحياتى للحلوين ديل وامهم
وربنا يحفظهم .
ماشاءالله تبارك الله لكن قطعت قلبى الحمد الله
العسوله دى ما وقعت من اخوها.
تحياتى

حباب بت العمده
وما قلتى لينا الزنقه كانت كيف ؟
تحياتى

يا سلام يا غريق يا اخوى
يا بختكم
وربنا يهنيكم
بالشبوره ويجمعنا بيكم
قريب انشاءالله
تحياتى

تسلم اخوى محمود2
على المرور ويديك العافيه
تحياتى

كمان بيتنا نور وزاد نوره بطلت اخونا
الاستاذ
الطيب كنده)ه)

بعد غيبه طويله
مرحب حبابك
ورمضانك كريم

شكرا ممتد بطول تاريخ الوطن وأصالة أهلنا الطيبين . عدنا لكم ولكم في داخلنا شوق بسحة الكون ودمتم
كل الشكر لمن سأل عنا

وكمان مرحبتين

حباب

اخونا الغائب

عود الصندل

نورت بيتنا بعد غيبه

ورمضانك مقبول )

الشكر لك اخى الطيب
لطله الصغيره
والله نحن طماعين وعايزين البدخل لينا
ما يمرق بالساهل .
تحياتى

وتانى (بيتنا نور )
بعد غيبه طلى علينا اخونا
العزيز ( خالد عثمان )
اهلين عزيزنا (خالد)
ورمضانك يتبارك ويتقبل انشاءالله
وما تنسانا من الدعوات
ومنتظرين التعويضات
تحياتى

بيتنانور والله نور كل زينه
يا لجمال
والنور
بالامس استاذنا واخونا الفاتح
والان اختنا الغاليه الصبوحه
ربنا ما يحرمنا منكم
وتنورونا على طول
الف حمد الله على سلامتكم
تحياتى

بيتنا نور
بوجود اخونا محمود
بعد غيبه شغلت الجميع
لعل المانع خير
ومرحبتين حبابك ومنتظرين تعويضات.
تحيات

حمدا لله علي السلامة الاخ محمود ......
وانشاء الله تسلمي وينور طريقك
يا غالية
تحيااااااااااااااتي

امين يا رب جمعا انشاءالله
وحمدالله على السلامه
تحياتى

مرحب بأخونا قمر الصديق نورت المنتدي

أرجوا أن تكون بخير

تشكر يا ودنوية وموصول لصاحبة البوست وكل الواصلين

نعم اخى ود نويه منتدانا نور بطلت اخونا الغالى قمر الدين
ونتمنى عدم الغياب مجددا
خالص احترامى لكم

هلا وغلا
بالاخ قمر الدين
كل سنه وانت طيب
احتراااااااااامي

شكرا يا احباب على البوست الجميل

بقول يا سهاد انتى الشى الفى الصحن بتاعك ده البشبه الدوم ده شنو كده ورينا اسمو

تحياتى

من طرف fady 16th أكتوبر 2011, 20:30

رغم حداثتى وعدم المامى التام بكل الاعضاء نقول مرحب بالعودة وهذا تواصل وتفقد جميل جدا وياريت نقدر نواصل ونتواصل معكم

بيتنا نور بيك (ابنى )او (اخى)
فادى ومرحب بيك وسط اهلك
وياريت
لو تعرف نفسك اكتر ونحن لك شاكرين
ومنتظرين
ابداعاتك .
احترامى

Suhad Abduelgfaar كتب:احبابى احباب الحباك
رحبو معى بعودة احباب الحباك
العزيز جدا
كرم هجانه والعزيز ود نويه والعزيزه جدا بت العمدة(سومه)
الف حمد الله على سلامتكم.
كرم :
وانشاءالله ربنا يكرم علينا بالامن والسلام وياخى منتظرين تعوضناالفات
وتحكى لينا الحاصل

بالظبط فى كادقلى و(شهد شاهد من اهلها )
وما معانا غيبه تانى (الحباك بتسأل من كتاباتك)
ودنويه:
وكمان بيتنا زاد نوره بطلت اخونا ود نويه
بعد غياب طويل .
مرحبتين ود نويه
ومنتظرين التعويضات .
بت العمده :
ربنا ينجحك ويعلى مقامك
وكمان منتظرين
تحكى لينا
(الزنقه) كانت كيف؟؟؟؟؟؟؟
تحياتى

بسم الله الرحمن الرحيم
الاُستاذة المحترمة/ suhad
===========
لك التحية والاِحترام والف الف مليون مراحب بالعايدين ونؤكد للجميع بأن الحباك يسعهم وهي دائما أمنه فمرحبا بالجميع ونسمع في القريب العاجل دهر البقية الباقية من التمرد الدخيل علي بلادنا
تحيا تي
=====

تسلم اخى الزبير
نعم اخى الحباك تسعهم ومحتاجه ليهم
ويارب تصلح الحال فى بلدنا
وعلينا بالدعوات
تحياتى

بيتنا نور بظهور خالنا واستاذنا وعمدتنا
(ابو الزهور )
الف حمدالله على سلامتك والمنتدى نوره زاد بوجودك وسطينا
وكل عام انت والاسره الكريمه بالف خير
تحياتى

وين الاحباب النورو المنتدى ديل

رجـعـنـالـك وجـينـا غـفـرنا انـك بالوشـاية فـصـدت كبـد الـفـرحة فـينـا
رجـعـنـالـك وعـينـينا الـبكـت فـجعـت رموشـه دمـوع سـخـينـة
وبـفـرح عـودتـنا رفـت زغـردت كلـمات حـنـيـنـة
رجـعـنـالـك عشـان تـاه الـفـرح مـن دارنــا
رجـعـنـالـك وانـت ديــــــــار فـرحنــــا
رجـعـنـالـك عـشـان نـاحــت سـواقــيـنا
رجـعـنـالـك وبـكـت شـتـلات قـمـحـنــا
رجـعـنـالـك عـشـان يـسـكـت جـرحـنـا الانـت جـارح قـلبـو بجـراحاتـنا آحنـا
رجـعـنـالـك وكـيـف نـرفـض رجـوع الـقـمـرة لـوطـن الـقـمارى
يـا الـتقـوقـى على نخـيـلاتـنا الـقمـارى ...
وانـت واحـش نـيـل وطـنـا عـلـيـنا شـمـتـه الصحارى
رجـعـنـالـك عـشـان انـت الـجـرف الـفـيـهو شــتلات حـنـة لـفـرح الـقـبـيـلـة
رجـعـنـالـك عـشــان جــرتــقــنـا وسـيـرتـنــا وجـديــلـة ..
رجـعـنـالـك نـغـنـى فـرحـنـا فـيـك ونـقـول عـديـلــة
يـفـرح الـلـيـل بـفـرح صـنـدل يــفـوح يـكـســـى الـقـبـيـلــة

شكرا سهاد و ازعيمنا

غيابات مهولة جدا و من اخوة اعضاء لهم بصمة و دور كبير فى هذه

المساحة

سلامات
والله المنتدى بالجد منور بيكم

وبالتانى ما تغيبوا

سهاد مشتاقييييين وحمدا بالسلامه
صبوحه البركه الشفناك شديده ولضيده
تحياتى لكنٌ العزيزات

من طرف **ناهد عبيد** 19th مارس 2012, 10:08

الحمدلله بالــــــلامه المنتدى منــــــــور بجيتك بطلتك

اهلييييييين ايمان عبد الرازق

اوعا .. اوعا ....... اوعا من الغياب
ولكى تحياتى

من طرف **Suhad Abduelgfaar** 19th مارس 2012, 12:44

تسلمى يا بت عمتى
وربنا ما يحرمنا منكم.
هلا وغلا بعزيزتنا
ايمان وطولتو الغيبه انتى واخيانك لعل المانع خير ؟
تحياتى

من طرف **كرم هجانه** 19th مارس 2012, 13:57

رجعنا لك .. رجوع القمرا لى بلد القمارى
أختى جداً سهاد ..
عندى ليك كترة حكاوى من الزمن الجميل ..
وهى دايما راسخة فى الخاطر و مرتشاه من كل جنباتو ..
ما حديث فى كادقلى .. رهيب .. و عجيب ..
حاولى تتخيلى معاى .. ونحن فى السوق بعد العصر .. و فجأة يلعلع الرصاص .. من كل الجهات .. و نقعد تلاتة يوم .. تحت وابل من الزخيرة بكل أنواعها .. و لمن نمرق الشارع نلقا البلد عن بكرة أبيها نزحت .. الكل جرى إلى خارج المدينة .. معظم الأسر إتلمت إما فى الدلنج أو فى الأبيض ..
إرتبط باللحظة ديك حدث لابد من ذكرو وهو من حباكيين كرماء شهمين .. الزعيم جداً فيصل خليل .. بابكر محمد الحسن .. حسن السيد .. و آخرين .. كانوا كلما صياط الزخيرة ألهبت مهجتنا .. رشوا علينا من هواتفهم من الحب و المواساة ما لا يقدر بكل كلمات الشكر و الثناء .. أشكرك ..
مرحبتين كل الحباكيين و الحباكيات .. الراسخون فوق قمم الجمال .. الراهبون الزاهبون بنا إلى قمم المنال (بالمناسبة لك تحية مدام منال و الإبن حمودى)..
و السلام يمتد إلى كل من رحب و يرحب دوماً بجمال اللقيا الأنيقة فوق (قيفة البطحة .. لما يفيض بها الحب )
و اسمحى لى بتحية خاصة لصبوحة ..

أهلين و سهلين بالأخ كرم الدين.....
إنشاء الله طيب
أتمني للجميع الأمن و الإستقرار
تحياتي

من طرف **Suhad Abduelgfaar** 22nd مارس 2012, 10:57

رجـعـنـالـك وجـينـا غـفـرنا انـك بالوشـاية فـصـدت كبـد الـفـرحة فـينـا
رجـعـنـالـك وعـينـينا الـبكـت فـجعـت رموشـه دمـوع سـخـينـة.

سلامات يا ابو احمد كلنا بنغنى معاك وبنطالب بعودة كل المتغيبين .
تحياتى

من طرف **Suhad Abduelgfaar** 22nd مارس 2012, 11:02

عزيزى كرم هجانة والله منتظرين ومحتاجين نسمع حكاوينا القبيل
عسى ولعل الواحد يطلع من الدوامه الحاصله دى .
يلا ما تبخل علينا .
الف حمد الله على سلامتكم وربنا يسلم جبالنا من كل غدر .
( وخالص ودى وشوقى لعزيزتى منال والعسولى حمودى ) وربنا يجمعنا
قريب انشاءالله .
تحياتى للجميع