j تمساح جزائر الكرد

مشكور ا محمود اخوى قضاى الغرض

يالتلب اللزوم الشلت فوق دبرك



ياخى انا كايس لى واحده بغنيها الكابلى بقول فيها يا جبل الداير الما بنطلع لى زول



واهديها لود عشمان لانو طلع جبل الداير ونزل بهناك

ولميت قبها فى المنتدى كن نزلها الفاتح التوم

كباس درايز ام حبر يا دابي الجبال
قلبك صميم من حجر يا دود الوعر

زينب تجر النم
فوق تور العواصات الـبكرف الدم
في محكر دواس حاشاهو ما بنزم
ساطور الرجال جرعة عقود السم
يادابي الجبال

زينب تجر القول
فوق شلبي العيال الوافر الشنقول
يا جبل الداير المـــــا بنطلع لزول

غنيت بغباش يا مطر السواري
الات هبـــــــــــــــــوب ورشاش

يا قصبة فراش أل للضلع قصـــــــــاص
ست زين القبيل قبل الناس تعرف الناس

وكبس درايز ام حبر يا دابي الجبال
قلبك صميم من حجر يا دود الوعر
هدية لود عشمان