السودان في مزاد علني

منذ اكثر من عقدين ووالسودان يتناقص من اطرافه ونحن نقدم التنازلات والانحناء ات لاعداء الوطن لماذا يتأكل السودان من اطرافه من اجل من وكل صباح جديد نسمع قوات دولية مرسلة الى السودان ومنظمات دولية تنتقد سجل حقوق الانسان وكل يوم نسمع بحركات مسلحة جديدة باسم جديد وقادة جدد لماذا وكل يوم يفقد السودان ارض والكثير من ابنائه اما بالهجرة او المرض او الاوبئة التي تفتك بهم ام متشردين بسبب الحر.

وبعد كل الماسي والتراكمات التي طفح كيلها تاتينا صحيفة بخبر اتفاق النظام بطوطين عشرة ملا ين مصري لطوطينهم في الشمال ومنحهم اراضي زراعية واستصلاح الاراضي وتعمير الصحراء.

واليوم طالعت خبر مفادة بانه تم الاتفاق بين النظام المجرم في السودان وحزب الوفد لتمليكهم اراضي في الشمالية لجذب الناخبين للحزب.وقبل فترة ليست بالبعيد سمعنا تبرع النظام بعدد5000 الف راس من الابقار لمصر كرشوة اولية للمجلس العسكري من اجل تغير سياستهم نحوا السودان والوقوف في وجه المحكمة الجنائية ( اظنهم ياكلون ثيرانهم ويقفون مع الجنائية ).

قامت القوات المصرية المسلحة بوضع خط احمر على حلايب وشلاتين ومنعت اتباع النظام من الدخول اليها ولا يحق لاحد ان يقول حلايب سودانية. وياتي رئيس المؤتمر الوطني ويتنازل عن حلايب بسبب رجالة المصرين وحمرة عينهم مما حدى به ان يقول حلايب منطقة للتكامل بين مصر والسودان ويعلن بروح انهزامية خجولة بان السودان حدودة البحر الابيض المتوسط.

من خلال النقاط المذكورة يتتضح بان السدود التي شيدت في الشمال انها بنيت لصالح مصر وطوطين المصرين وبداية الاستعمار الجديد الثنائي

ام ان المزارعين الذين ياتي بهم النظام سوف يكون لهم الحق في التصويت والعمل كمجاهدين لفتح السودان على يد الصعايدة الجدد.

ام سوف ينتمون للمؤتمر الوطني ويستخدمهم لضرب ابناء الوطن.

لقد دخل السودان مرحلة البيع العلني في مزاد المؤتمر الوطني

لقد تم بيع حلايب والتنازل منها رجالة من المصرين ( سياسة ضبط النفس ) على قرار لا ترموا بانفسكم بالتهلكة خوف ساي من دولة الاسلام على ما سرقوه

خروج دارفور عن السيطرة النظام والتنازل من بعض المناطق لصالح شات وافريقيا الوسطى

الحكومة ضربت طناش من منطقة الفشقة للاثيوبين.

لكنها تهاجم الابرياء بشراسة في جنوب كردفان ودارفور بالطيران والمدفعية والراجمات ثم ياتي الصوارمي وهارون بتاعين المؤتمر الوطني ويعلنوا سيطرة الجيش على الوضع في جنوب كردفان .

ويعلنوا عن المفاوضات بشرط انسحاب قوات الحركة الشعبية من المناطق التي سيطروا عليها.

دا كلام شنو كلام متناقض



ربنا يستر الامور متدهورة ما فيها خير

ويظهر مالك عقار ويعلن تحديه العلني للنظام ويرفض اخلاء جيشه من النيل الازرق ويهدد بتقرير المصير في النيل الازرق وجنوب كردفان



ومن القرائب نشوف في التلفزيون التنمية تنتظم جبال النوبة ووفرنا المدارس والمشاريع وسلمنا المواطنين المساعدات والاستعداد للموسم الزراعي جيدة والمواطنين رجعو ا لقراهم ووووووو

كلام عجيب

السودان دولة الكذب الاعلامي والعنصر

باسم الدولة الاسلامية والمشروع الحضاري

يا اخوانا النموذج الشفناه في جسمنا دا نموذج اسلامي

طيب اذا كان الاسلام بالصورة دي الباقين حيكونوا كيف

احسن نجرب ونحكم ايهما افضل في الحكم



يا اخوانا كلام الزول بتاع المؤتمر الوطني الاسمو نافع علي نافع دكلام بخرب السودان وحتى كلام رئيس المؤتمر الوطني كلام مقصر دا كلام حر

احسن تشوفوا ليكم شدرة ضليلة وتقعدوا مع الناس المفرنبين ديل وتحلوا الخلاف بالري والجودية وبعدين الله كريم ما كل الميزانية ماشة في الحرب يعني لازم يحكم البشير ونافع ولازم عبد الرحيم يكون وزير للدفاع ونافع يكون مساعد الرئيس

يا خوانا خلوها حلوة شوية خلوا الناس المهمشين فرقة ولا بنخربها على قرار ( علينا وعلى اعدائنا دار ابوك كان خربت شيل ليك منها عود)



والكلام الداير اقوله ما دايرين الخراب لبلدنا

كلموا الجماعة ديل لو السودان خرب ما بتصلح

وانتو سايقنة للخراب بفعايلطم التسوفيها دي

مشكور ول نويه عل التعليق المنطقي الواقعي على ما آل اليه حال السودان من دمار وفساد وانهيار اخلاقي ودمار في البنية الاجتماعية ونسيجها الاسري



دا باسم الدين يا ولد ابه

ول ابو النو سلام

ورمضان كريم

منك طوله

عساكم طيبين

ود نوية رمضان كريم

لقد اشتقنا لك كثيرا

وشنو طولت الغيبة كدة



بعدين كلامك ده كلو صحى الدخلت فى السودان ما بتطلع والجاى كثير

وقروش البترول راحت رشاوى ومؤامرات وترضيات للدول القوية وحتى التعبانة والضعيفة والان جا الدور على الاراضى والمواشى وبعد داك يصلو لفلذات الاكباد

والله يستر

شكرا ابوهريرة شكر احسان

اهنئكم بالشهر الفضيل واتمنى من الله ان يكشف الهم والغم من عبادة جميعا مسلم مسيحي لا ديني

والله اي انسان متابع السودا ماشي بلا هوية لا مسعول ولا رعيس

ناس ماشة

امرخم ساي تمشي الصباح وتقبل المساء لا نظام لا ادارة لا رغيب لا حسيب فوضى



ماسمعنا تقام الجامعات ويعلن تاسيسها بالمارشات العسكرية وباليل مثل الانقلاب انه عهد العسكر مافيه شي غريب

ماهو مستوى تلك الجامعات وما فائدتها