يا بت احسن من غيرا - محجوب شريف
3 مشترك
صفحة 1 من اصل 1
يا بت احسن من غيرا - محجوب شريف
كفتيرة تفك الحيرة
يابت أحسن من غيرا
الريح بتهد من حيلا
بتقلل ليلا مطيرا
أمك والصحة بتنزل
بتمغرب قبل عصيرا
يا حليلا العرق اتصبب
فصّد والله جبينا
إتدنى همقلوبينا
أخوانك شفع قُصّر
لسه ما بفِشوا غبينة
والحيلة قليلا بليلة
مرات بموية كسيرة
روشتة تخلى الحتة أضيق من ثقب إبيرة
جيران والحال من بعضو
نيرانم نار الحمى ضلمة
الضل كرتون وحصيرة
والعين والنية بصيرة
وحبال النجدة قصيرة
من ستة الزول لي ستة
الجتة تتكل جتة
بين كارو وبص كركوبة
وراهم شفع قصر
يرعاهم حس حبوبة
تتوسد إيدا وتوبا
تتحسس باقي عِميرا
كفتيرا تفك الحيره
يا بت أحسن من غيرا
ولذلك إنتي هنالك
في ركن السوق الشعبي
بت أمك ما بتكوسي
دروب الشك والذلة
جربتي الكسرة تعوسي
ما بسمع حسك إلا
النجمة وديك الحلة
وعجينك في البستلة
في ليل الصاج الداكن
ترميهو قميرا قميرا
كفتيرا تفك الحيرة
يا بت أحسن من غيرا
البنبر جنب البنبر
والمسك الفايح عنبر
نعناعك طينو قريرا
الشاى والبن قلاية
هبابة ترفرف طيرا
نجوم الضحى جمراتك
صحيها جميرا جميرا
غزلانك دستة كبابي
تتفنني في تِميرا
فنجانك جنب فنجانك
شفع في زفة وسيرا
وتزازي برند برندا
العدة حرام كسيرا
كفتيرا تفك الحيرة
يا بت احسن من غيرا
حليمة النيمة تلمك
في ضلها كتر خيرا
فيصل خليل حتيلة- مشرف إجتماعيات أبوجبيهة
رد: يا بت احسن من غيرا - محجوب شريف
كفتيرا تفك الحيرة
يا بت أحسن من غيرا
البنبر جنب البنبر
والمسك الفايح عنبر
نعناعك طينو قريرا
الشاى والبن قلاية
هبابة ترفرف طيرا
نجوم الضحى جمراتك
صحيها جميرا جميرا
غزلانك دستة كبابي
تتفنني في تِميرا
فنجانك جنب فنجانك
شفع في زفة وسيرا
*****
مشكزر اخي فيصل
قصيده روعه
يا بت أحسن من غيرا
البنبر جنب البنبر
والمسك الفايح عنبر
نعناعك طينو قريرا
الشاى والبن قلاية
هبابة ترفرف طيرا
نجوم الضحى جمراتك
صحيها جميرا جميرا
غزلانك دستة كبابي
تتفنني في تِميرا
فنجانك جنب فنجانك
شفع في زفة وسيرا
*****
مشكزر اخي فيصل
قصيده روعه
nashi- مشرف المنتدى الرياضى
رد: يا بت احسن من غيرا - محجوب شريف
ده واقع مرير عايشاهو ست الكفتيرا واخواته مع ظروف النزوح القاهرة البتخلى الواحد يسيب بلدى ويرحل الى ديار يتبهدل و يتبشتن ويتهان فيها .تشكر اخى فيصل
Ahmed kuku Ahmed- نشط مميز
مواضيع مماثلة
» [b]مقاطع للحيـاة [/b]
» الشاعر محجوب شريف
» وتر مشدود ... محجوب شريف ...
» محجوب شريف 00قصيده لنج
» قصيدة جديدة - محجوب شريف
» الشاعر محجوب شريف
» وتر مشدود ... محجوب شريف ...
» محجوب شريف 00قصيده لنج
» قصيدة جديدة - محجوب شريف
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى