دبيكر و النبقاية.

أضحكنى اخى حسن خليل كثيرا يوم امس حينما اتى ليوصلنى الى الميناء البرى.

سالت حسن ( ليه العربية دى وسخانة كدة يا حسن ) قال لى والله يا فيصل وحلت فى سوبا

الحلة و كل المحاولات ما نفعت ( ورا و قدام ) و ( يدكم معانا يا جماعة ) و ( احفر و نشف )

وما مافى حيلة ما لجأنا لها ( تقول الواحد وحلان فى دبيكر)

ضحكت كثيرا و لكنى كنت متاكد ان العربة وسخانة لدرجة مبالغ فيها و قلت لحسن دا كلام ما معقول

و لكن عندما وصلنا شارع عبيد ختم ادركت ان عربة حسن هى الانظف فى الشارع.

زى ما بيقولوا اختلط الحابل بالنابل و هنا لا بد من زكر الماساة التى تواجه المواطن هذه الايام عندما اختلطت

مياه الامطار بمياه السايفونات و الحمامات البلدية و هى نفسها المياه الأسنة التى امامكم اجاركم الله.

دعواتكم لنا

والله يا ابو خليل كون عريبتك تقشر فى شارع عبيد ختم معناها فعلا وحلت فى سوبا ما فى دبيكر
فيصل تصحبك السلامه
الله يعينكم
............................................................. عشت

دي العمارات والصحافات بهذه الحالة ؟طيب كرور حتكون كيف0 ربنا يلطف
في مغسلة في تقاطع شارع الستين مع شارع افريقيا قول لخالنا حسن يودي ليها سيارتوللغسيل وغسيلهم تمام بطلعوها ليهو زي العجب

اخواني فيصل وحسن لكم التحية وخوفي عليكم من الامراض اما الوحل والطين فاهون كم تمنيت ان يغرق القصر الجمهوري ومنازل الوزراء حتي يحسوا بالم الناس ومعاناتهم ويبطلوا الكذب والتبريرات الواهية والمضحكة احيانا الخرطوم مسطحة هكذا يبرر وزير البنية التحتية هو في بنية تحتية من اصلوا؟

انت اخاف عليهم اليوم من الوحلة الكبيرة في كانو حتي يخلو الكلام البقولو فيهو ده

رمضان كريم عليكم اهلي الطيبين ؛الايام دي دبيكر عاملة ملاريا لام جليلي لن تمر ام جليلي الا واخدت حبة وحلة كدة والصاجات تعبانة معاها شديد ؛ دي فاتت اخوي الاحمر الوهاج بحب الحاجات دي لوكان موجود تلقاهو بي الكاميرا بتاعتو العجيبة دييك صورهذه المشاهد. والله الكل هنا فقدك حتي ناس الحي قالو لي نحنا خلينا الكورة لمن بارتيز يجي؛بارتيز ده اسمو هو طبعا حارس متميز جداً؛لمن يكون في البيت تقول ده نادي رياضي تلقي الصغار والامهات والاباء في مشادة كلامية معاهو في الكورة تقول الان بتحصل كارثة شوية كدة تسمع الضحك عماهم .عندو كاميرا عجيبة كدة مسميها( كاميرة البنتاغون)لا يعطيها لاحد حتي لو كان الاسطورة المعتزل زيدان هو طبعا من محبي زيدان ممكن يصل معاك حتي حمل العكاز في زيدان لايرضي فيه ابداً
تحياتي