بعد الانفصال والحرب في كردفان

الله يكون في العون
بالتاكد اثار الحرب واضحه في مناطق التماس فهنالك مشاريع زراعه تم طرد المواطنين من زراعتها وكذلك قام منسوبي الدي سي بتحزير الاهالي في كل من جديد الطمر وقريد بعدم توجه المواطنين لضق الصمغ العربي بحجة انه تم زراعة الغام في مناطق الهشاب واين الجماعه الطيبين من البحصل ؟

نعم ياخى ول نوية لابد من التفكير فى حل لهذه المشكلة وانت تعرف ان الثروة الحيوانية اصبحت المصدر الاكثر من حيث الصادر والعائد الاقتصادى (توفير عملة صعبة) لكن السياسة القائمة الان ماذالت تعتمد على سياسة ادارة الازمات ولم تتخذ اى خطوات تخطيطية مناسبة لحل مثل هذه المشاكل .والحل لهذة المشكلة يمكن ان يتم بناء على قاعدة الانابيب البترولية مقابل العلف والماء اى بمعنى اتركوا ثروتنا ترعى(تسرح وتمرح) ونحن فى الشمال ترك انابيب البترول تنساب دون ضرر وبالتالى تكون واحد بواحد والشئ بالشئ رايكم شنو

الله يستر

الاولويات بقت امن وصرف على الحرب

الله يجازى الكان السبب

يا غريق دا كلام عجيب الحرب مافي داعي ليها عشان تكون مبرر للصرف

والفشل لا يبرر هاكذا

والله يا ولد النو انحنا هنا بقينا ما عارفين حاجه

ووالله اطياف كثبره فى ابوجبيهه اصبحة الان تفكر فى خيارات اخرى

وانت عارف لو انحنا عارفيت الحرب بتجيب نتيجه كان دخلناها قبال الحلو

الولايه ماشه وين 000

ما عارفين

ربك يستر

بقينا فى ظل وضع غريب

ده كلام زول محتار يا عم غريق انتم قيادات البلد والجمرة بتحرق الواطيها ماهو الدور الذى يفترض ان يلعبة المثقف الواعى بخطورة الصراع على اهلنا ؟هل سيظل اهلنا دروحا دوما كما كان فى الحرب السابقة ؟

ابنى ول مرسال والله الحاله بتاعت الاحباط الوصلنا ليها 000

قول ربك يستر ساى

كده شاهد قناة الشروق نشرة 9 مساء اليوم الجمعه وبعد داك بتعرف

( وضرب الله مثلا قرية كانت آمنة مطمئنة يأتيها رزقها رغدا من كل مكان فكفرت بأنعم الله فأذاقها الله لباس الجوع والخوف بما كانوا يصنعون (

نسأل الله ان يصلح اعمالنا.. واعمال المسلمين..

تحياتى