الحكم باعدام طالب سوداني بماليزيا

بيرناما : أصدرت المحكمة العليا في ماليزيا حكماً بالإعدام على طالب كلية سوداني سابق بتهمة اغتيال ابنة خليلته البالغة من العمر ثلاث سنوات قبل عامين. وقال القاضي داتوك عبد العليم عبد الله أن مهند طه إسماعيل "27 عاماً" قد ارتكب جريمة اغتيال علياء أيمن حسين عبد الله بمقاطعة فينيس هِلْ في جيراس وكان ذلك في يوم 12 أكتوبر 2009م. وقد شهد الخبير الشرعي بطب الأمراض الدكتور عبد الكريم تاج الدين بأن هناك 34 إصابة بدنية وقعت على جسد الفتاة.
وقال تاج الدين إن علياء توفيت نتيجة النزيف الحاد بالجمجمة جراء الاهتزاز الشديد، وأدلت والدتها إيلينا مولاد مهاتير "25 عاماً" بشهادتها التي قالت فيها إن ابنتها ــ ومن خلال زواج سابق ــ شكت إليها من أن مهند طه كان يقوم بلكمها وسحقها عندما كانت تحت رعايته، وقالت إنها كانت تشاهد أيضاً مهند طه وهو يوبخ ابنتها ويضربها بحمالة الثياب وبالمسطرة وبيده. كان نائب المدعي العام الفريد إيجين هو ممثل الاتهام في حين كان المستشار القانوني هشام تيه بوه تيك هو ممثل الدفاع عن مهند طه.
وتعتقد أسرة مهند وزملائه وقطاع كبير من السودانيين المقيمين في ماليزيا أن مهند مظلوم،وأن الخطأ الذي ارتكبه لا يستوجب عقوبة الإعدام، وأن القاضي يبدو عليه التحيز العنصري مما أدي إلى استقالة المحامي الأول كومار الذي كان واثقا من براءة موكله مهند كما أن نتائج الــ DNA أثبتت براءة مهند من تهمة الاعتداء الجنسي على الطفلة علياء.،وعلى الرغم من ذلك أدانه القاضي بهذه التهمة أيضا
**************************
تابع ردود الافعال للمواطنين وتعليقهم على الخبر:

يا اخى الاولاد ديل ما يكونوا مسؤلين الواحد اهلو ودوه يقرا ولا يتصعلك . كلام فارغ خليه كل من جنى على نفسه فليتحمل وزره لان الزنا فاحشة وساء سبيلا هكذا قال رب العالمين . نسال الله العافية و الستر لابنائنا اينما كانوا.
************************************
[روعه] [ 04/10/2011 الساعة 9:30 صباحاً]
( وَلَكُمْ فِي الْقِصَاصِ حَيَاةٌ يَا أُولِي الْأَلْبَابِ لَعَلَّكُمْ تَتَّقُونَ )
اؤيد اعداامه ان كان قد فعلها ليكوون عظه لغيره
**********************************************
[أم أيمن] [ 04/10/2011 الساعة 7:08 صباحاً]
بصراحة أنا مقيمة بماليزيا عشر سنوات ، كان سمعة السوداني فوق الكل بس السنوات الأخيرة لو في تزوير وتهريب فلوس تلقى السودانيين السودانيات لهم ضلع في الموضوع وماننسى البزنس لأنهم أكبر حرامية فيه فتجدهم يأجروا الغرفة أم 160بأضعاف مضاعفة ولي منو لي سودانيين مثلهم ويأجرو الشقق للسودانيين الجدد بمبالغ خرافية وكمان بيبزنسوا في الطلاب وقبولهم ولو تكلمنا عن المخدرات والاتجار فيها أشطر ناس فيها طلاب البكالوريوس السودانيين والسعوديين والمحاكم فيها قصص تشيب الرأس وللأسف أغلبهم طلاب الشهادة العربية الجايين من الخليج والسعودية وكمان بيتعاطوه وفي حوادث انتحار وجنون حصلت ولو تكلمنا عن السودانيات برضو الشهادة العربية ففضايح ما بعدها فضايح والله العطيم ما ظلمتهم بس بنات بيسكرو وبيلبسو أردية وبيمشو البارات وسمعتهم زفت وأكثر ولما تكون في الشارع ماشي وتشوف ليك سودانيات من العينة دي تخجل ...وأنا شايفة الحل إنو الأهل المغتربين ديل إما يجو مع أولادهم أو مافي داعي يرسلو أولادهم للبلد المفتوحة دي لأنهم بيخربو وبيصاحبو الهنديات والشينيات والماليزيات والايرانيات وبيصرفو عليهم كمان والأدهى من كده في واحدين بيتزوجوا فلبينيات خدامات وماينماريات قريب لزواج الشيعة وبعدين كل قرد يركب شجرتوويكون متزوج في السودان ولو مامتزوج مابيكلم أهلو انو متزوج هنا حتى لما يرجع مابيجيب سيرة للموضوع أبدا.
***************************************
[استاذ] [ 04/10/2011 الساعة 6:38 صباحاً]
نسبة كبيرة من الطلاب الجامعين منحرفين داخل الجامعات فى السودان مخدرات قتل سفاح سرقة حفر دخان وكثيـــــــــــــــــــــر ................ اما الذين يدرسون خارج السودان لن يكون حالهم بافضل من هم بالداخل
*******************************************
[كنت هناك] [ 04/10/2011 الساعة 5:51 صباحاً]
هنالك بعض المعلقين يقرأ الخبر ويقرر أن السفارة لم تتدخل ثم يبدأ في كتابة التعليق منتقدا السفارة دون تثبت ، أبشركم أن السفارة على اطلاع بالموضوع من سنتين (عمر القضية) و تتابع الموقف وهناك امور لا يصح نشرها للاعلام لانها تمس أسرة سودانية محترمة
***************************************************
[ابوردينة] [ 04/10/2011 الساعة 4:24 صباحاً]
الطلبة في ماليزياء من احسن الطلاب في دول العالم والتي تدعي بان الطلبة يدخلو البارات وبسكرو دة مستحيل نادر ماتحصل زي هذه التصرفات وكل الطلبة المنتهيين هم من تربية السعودية واي انسان مربي في السودان وراه مسئولية وحتي الطلبة كادحين وشغالين ومعتمدين علي انفسهم في موسم السياحة وانتي واحدة يمكن في احد من اسرتك شغال مخدرات واشك ان الفشل دق علي بابك من احسن الجاليات الجالية السودانية احترام وتقدير ومهند حالة واحدة مش 3
************************************************
[احمد علي ] [ 04/10/2011 الساعة 3:48 صباحاً]
عنصريه شنو يا جماعة ....الحاجة ماغريبة علي المجتمع السوداني بس الناس مابتتكلم والعنف حاصل في الأسر وبياثر في البنات شديد أكتر من الاولاد ....في بنات وزوجات فقدوا عقلهم واصابتهم أمراض نفسييه بسبب العنف من أحد أفراد الاسرة الذكور , .... في العالم الغربي بهتموا بالحاجات أكتر مننا و ازا تم اكتشافها القانون دايما يحمي المرأه والطفل واذا المرأة مابلغت الشرطة الجيران ببلغو الشرطة ......
**********************************
[الواثق محمد سيدأحمد] [ 03/10/2011 الساعة 10:06 مساءً]
لا نستطيع الحكم علي ( مهند ) دون معرفة الحقيقة ، وعلي السفارة القيام بواجبها تجاهه سواء اكان مذنباً أو بريئاً .
**********************************************
[عمار ] [ 03/10/2011 الساعة 6:26 مساءً]
ما اي حكم ضد سوداني عنصريه زي ما بقولو ماليزيا دوله اعدل بي مليون مره من السودان
في غرب السودان وشرقو وجنوبو كم من مغتصر وقاتل وعنصري عايشين بامان ولو وحده لابسه جنز ساااي يقيمو عليها الحد
************************************************
[sudani] [ 03/10/2011 الساعة 9:41 مساءً]
والد الطفلة سوداني وقد هرب بعد ان اعتدى على والدتها ولم يكتشف انها حامل بابنته الا بعد سمعه بالجريمة وكلهم يقيمون في sayprjaya.ويدرسون في limkokwin,واقاماتهم منتهية
**********************************************
[Sudani] [ 03/10/2011 الساعة 6:14 مساءً]
الي الاخوان العنصريين ... الشماعه الاسمها عشان انا اسود..العالم مليان ناس اسود منكم بس محترمين حتي عند الشعب الابيض.الواحد فينا اخلاقو زي الطين..لما يتكشف يقول عنصريه.. العالم مشي وين و نحن لسه حاتلين في ابيض و اسود.. قرفتونا
******************************************
[واحده قلبها علي اولاد بلدها] [ 03/10/2011 الساعة 5:25 مساءً]
الطلبه السودانين في ماليزيا سمعتهم ذي الزفت مالين البارات والخمارات.... وكثير من الاسر العاقله مشت ورجعت ابناءها والسبب المره دي كترة القروش لانو اغلبهم اولاد مغتربين ومشو لماليزيا عشان اصحابهم مشوا حتى ماعارفين حيقروا شنو ولما اتفاجاوا بالمقررات الصعبه وانظام الصارم قضوها مخدرات وديسكوهات وبتات وابشركم في كتير منهم بقوا من كبار تجار المخدرات..... عايزين تتاكدوا اسالوا وطبعا عشان السودانين جنس نعامي نسبه لحب دفن الراس في التراب كلهم ماحيعجبهم الكلام دا لكن احسن تحصلوا اولاد كمقبل فوات الاوان
******************************************
[Sudani] [ 03/10/2011 الساعة 5:22 مساءً]
ابعد عن الشبهات اذا كنت لاتريد اتهام
************************************************
[كتماندو] [ 03/10/2011 الساعة 4:24 مساءً]
نصيحة الي ابنائي وا خواني الدارسين بالخارج ...ابتعدو عن النساء والخمر تسلمو ويسلم اهلكم ...اقول لكم الغريب اديب الغريب اديب الغريب اديب ....درسنا بالخارج وكنا سفراء للسودان عندما كان لهذا البلد هيبة ...لقد كان الروس يشمئزون من الشباب الذي يصادق بناتهم ويحترمون من يبتعد عنهن ... يقولو شوف بالله نحنا نعلمهم علي حسابنا وهم جايين ..............بناتنا انا لا الوم الابن مهند انما الوم اهله يجب ان يعرف الاهل ابنائهم جيدا وتركيبتهم النفسية ومدي قابليتهم علي الانحراف قبل ارسالهم للدراسة بالخارج
***************************************************
[ود امدر] [ 03/10/2011 الساعة 3:30 مساءً]
كنت موجودا في اليوم الذي ظهرت فيه نتائج التحاليل سلبية وهي النتيجة الحتمية لبراءة الشاب ..والوثائق التي تثبت ذلك موجودة مع السفير ولقد اذاع بنفسه هذا الخبر في احتفال للرابطة بالجامعة الاسلامية
من المؤكد ان هناك خلل ما في القضية
عموما نقول
اللهم ان كان بريئا فاظهر الحق
وان كان مذنبا فاجعل في حكمه مغفرة لذنبه
والله المستعان
**********************************************
[جاد الرب ] [ 03/10/2011 الساعة 2:51 مساءً]
لا نقول اكثر من لا حول ولا قوة إلا بالله العلي العظيم
***********************************************
[مامون] [ 03/10/2011 الساعة 2:36 مساءً]
بعدما كنا سفراء للاخلاق والامانه
بعد المشروع الحضاري
بقينا أسوأ ناس
وما تبرروا ليهو
هو ماش يقرأ ولّ يخالل
عالم غريب
لا رأفه في قتل طفله
ولكم في الحياة قصاص يا اولي الالباب
********************************************
[ابوردينة] [ 03/10/2011 الساعة 2:13 مساءً]
ههه السفارة قال في سفارة بتسال من سوداني اول سوال بقول ليك جيت لشنو ؟
**************************************
[عادل الريح] [ 03/10/2011 الساعة 1:15 مساءً]
رسالة الى زووول
للاسف اصبحنا دائمل ما نتهم الغير بمشاكلنا
هل تتذكر سفاح اليمن عام 2000
برضو قالوا نفس الكلام
عنصرية واستخفاف بالسود
لكن دعنى اسالك
من قتل طالب الطب بجامعة الرباط قبل عامين
ومن قتل طالب الطب بكلية مامون حميدة فى العيد الماضى
لقد تفشى العنف بين الشباب وصغار السن
وخاصة ابناء المغتربيين
واسالوا المخدرات
****************************************
[زووول] [ 03/10/2011 الساعة 12:55 مساءً]
لا حول و لا و قوة الا بالله
القصة على حسب علمي ان مهند صادق تلك الماليزية قرابة العام, وفي يوم من الايام تم اقتحام الشقة و اغتصاب و قتل الطفلة و من ثم توجيه اصابع الاتهام الى مهند. و يرجح الكثيرون ان الزوج السابق للماليزية (و هو رجل كبير في الدولة "داتو") دبر الجريمة للانتقام من مهند. و يبدو ان الحكومة الماليزية تريد جعل مهند عبرة لكل السودانيين و الافارقة للابتعاد عن الماليزيات. علما بأن الفتاة نفسها كانت تدافع عنه في الايام الاولى للحادثة, و لا تحتاج عميق تفكير لمعرفة الدافع لتغيير اقوالها.
حقيقة ربما لا يعلمها الكثيرون, ان العنصرية تجاه الافارقة مستفحلة للغاية وسط الشعب الماليزي
المهم ان تتدخل وزارة الخارجية السودانية بسرعة للحيلولة دون وقوع هذه المأساة و توقيع عقوبة الاعدام على طالب سوداني اثبت ال DNA براءته. علاقته الغير شرعية خطأ, ولكنها لا تستحق الاعدام. و الله المستعان
**************************************
[صاروخ] [ 03/10/2011 الساعة 12:48 مساءً]
اول حاجة على اى اساس قالوا ان هذا الشخص برئ عشان سودانى فقط. الشعب السودانى صار
مشهور بالعنف داخل وخارج السودان والواحد ما طايق كلام من زول.
ولو برئ واعدم فسيلقى اجرآ عظيمآ. اما اذا كان قاتل لطفلة فيستحق اعدام فى ماليزيا وصلب فى السودان
********************************************
[حسن] [ 03/10/2011 الساعة 12:02 مساءً]
وليه السفارة ما تابعت الموضوع كل البلدان اندونسيا والفلبين والهند تتابع محاكمة رعاياها وتحاول بقدر الامكان توفير محاكمة نزيهة ومستقلة لكن نحن سفارات الجبايات والتجسس. منقول من موقع الراكوبة
*******************************************