عجائب ابوجبيهة السبعة

خلونا من عجائب الدنيا السبعة (منقة بلدنا و لاتفاح الناس) فى مقال اخر قلت (ابو جبيهة عجيبة ومتفردة فى كل حاجة)ونحن برضو عندنا -فى الحباك عجائب واكتر من 700 كمان ومتجددة ومختلفة من شخص لشخص اخر(وانا كنت متعجب من سبع حاجات عجيبة وغربية وفريدة (نقول على نطاق البلد او ماجاورها لكن كانت ونحن صغار عجيبة بنسبة لنا *وكل واحد من ابوجبيهة على حسب زمنه(يقوم يتسحر//حليل ود محمود-كان بسهر الناس بقول على حسب الزمن قوم اسحر)المهم كل واحد ممكن فى زمنه يشوف عجائب وانا عجائبى السبعه هى1/حصان عم مبروك(ده كان فى المحلج-وكان حاجه عجيبة بالنسبة لى-وخاصة نظافتة وهو الوحيد (فى الجبال الشرقية كان ما اخاف الكذب)وممكن اولاد المحلج والدكتورة يتكلموا عنه

2كبرى عم النور عبدالقادر وكان على خور البطحة من الناحية الجنوبية يربط حلة جبل العمدة بالبلد وكان من قطع دليب

3بطارية فرعون(وفرعون هو فاكهة ابوجبيهة على مر الزمان وكانت عجيبة وقوية وبها اكتر من لون (يعنى لو شفتها اول مرة تقول شيطان

4عجلة الاستاذ موسى ابو شنب(وهو الشقييق الاصغرللفنان خليل اسماعيل)كان مدرس فى المدرسة الشمالية وكانت ملونة واغرب حاجه فيها (الفرامل كانت برجل)وفى تلك الفترة كان الجن بتعنا العجلات

5/هينو عم علوان(عربية الهينو صاعد الجبال وقاهر الرمال/وكنت اشوف صورتها فى الجرائد(بس اول زول جابها فى الجبال الشرقية عمنا المرحوم علوان*وعندها فرملة تعمل صوت عجيب

6قون الاستاذ المهذب النور محمد يس0وكان هدف عجيب(ضربة خلفية---مقصية فى ال8*بس مامذكر فى اى حارس او اى فريق

7/واخر العجائب*ضحكة ابوسلوك(نار)ذلك الرجل الطيب كانت له ضحكة مميزة والاغرب لو سلمت عليه كان يضحك من الاعماق(وكان من السواقين المميزين وكنت احبه جدا

دى عجائب ابوجبيهة السبعة بالنسبة لى وفى زمنى((يمكن القى الزى فيكم ))واقعدوعافية

وكتب حامدونا حامدونا

6قون الاستاذ المهذب النور محمد يس0وكان هدف عجيب(ضربة خلفية---مقصية فى ال8*بس مامذكر فى اى حارس او اى فريق

اخى حامدونا طراك الله بالخير ذكرت زولا لا لا اقصد انسانا ذين (النور محمد ياسين ) ربى يعطيه الصحه والعافيه

تشكر معلومه جديده بالنسبه لى انه كان لاعب كوره
بوست جميل والله .
باسم الله تيت تيت زكرياتك حديد

تسلم يا حامدونا على الموضوع الجميل وما شاء الله لا زلت تختزن ذكريات حلوة وجميلة وبالجد رجعتنا لايام وذكرتنا شخصيات قل ان يجود الزمان بمثلها وفعلا عمنا المرحوم مبروك رزق الله كان مشهورا بحصانه والذي كان يجوب به انحاء البلد خصوصا في العصريات مرتديا االملابس الخاصة بذلك من رداء وغيره واذكر ان بعض خالاتنا كنا يزغردن له وهو يمتطى ظهر فرسه في خفة وجمال اما كبري الخور والذي كما تفضلت فقد قام ببناءه العم النور عبد القادر مسؤول هييئة توفير المياه وهو من منطقة المسلمية فقد كان اعجوبة فعلا ولو لم تكن جيد التوازن والتحكم لن تستطيع العبور لان كل الكبري يتماوج من تحتك وقد ادى الغرض وبجداره وياسلام يا حامد ذكرتنا باستاذنا موسى ابوشنب فقد درسنا في المدرسة الشمالية وكانت لنا معه ذكريات جميلة وفعلا كانت عجلته مميزة ولا تضاهيها الا عجلة استازنا هاشم عثمان قسم السيد فقد كانت تربطني باستازي هاشم علاقة وطيده فقد كان نعم الاستاز والمربي وكان يسمح لي بركوب عجلته ويرسلني في مشاوير وكان يحب الحمام كثيرا وهو يستحق ان يفرد له موضوع خاص وان شاء الله سنعود لذلك العملاق مرة اخرى

اما هينو عمنا المرحوم علوان فقد كان حديث البلد واذكر ان العم علوان تربطه علاقة حميمة مع المرحوم حاج احمد الفضل وكان شغل اللوري يتركز في نقل السمسم الى معاصر حاج احمد الفضل في ام درمان
اما قون استازنا النور فلا اذكر هذا القون بالتحديد لكن استاز النور كان من الاعبين المميزين ايام كانت الكورة والرياضة في اوجها ونذكر من ذلك الجيل استاز احمد ابراهيم والغزالي وضحية وحامد سيكو وهاشم حسن عبد الرحيم وموسى عبد الرحيم والدقل واخرين وفعلا كان في ابوجبيهة حركة رياضية نشطة واهتمام من الجميع ولاننسى عمنا المرحوم حسن عبد الرحيم المريخابي العظيم فقد كان يحب الكورة والمريخ ويبذل كل غالي ونفيس من اجل ذلك واخيرا حقيقة فاكهة هذه العجائب المرحوم عمر ابو سلوك نار فقد كان دائم النكت والضحكة تجده دائما هاشا باشا والابتسامة لاتفارقه واذكر عندما كنت ادرس في الابيض قابلته صدفةوهو كان يسوف عربة يعمل بها بين الابيض وكادقلي فقال لي والله وزنتك دي ما عاعجباني و ان شاء الله لمن ارجع من كادقلي اغير ليك وزنتك الا رحم الله ابوسلوك وشكرا لك مرة اخري يا حامد على هذه البوست الرائع والاسلوب الشيق ونحن في انتظار المزيد من ابداعاتك

بوست دمه خفيف وظريف

وبعدين بطارية فرعون دي انا ما شفتها هههههههه



والله يا حامد اخوي ماشاء الله تبارك الله

والله يا حامد عجايبك عجيبه اتزكر بطارية فرعون وقون النور كان فى اريل فى القون الجنوبى عصيييييير والكوره انتهت

ابوسلوك الله يرحمو كان من ظرفاء الحباك

شكرا حامدونا

مشكور اخي حامد علي هذه الافادات والزكريات الجميله ونتمني ان يعود زمن المرحوم علي يسن ودرجي دقل تراب واكمج وشرس والتاج راحات وسيد الكور وغيرهم من العمالقه وربنا يستر علي الهلال من الخمسات

المعز خماسية شنو يا راجل

ومالك طلاتك بقت محدوده

تحياتى لناس تقلى

الخال احمدو والله دسكيتاتك لسة نظيفة

ما بتتذكر مجانين الحباك وغرائبهم

من العجائب يا حامد عجلة فكي محمد التي كان يحمل با أطنان من سيقان الشجر ويرميها أمام منزله . وكان يرحِّل بها الناس في الخريف من أبوجبيهة إلى كالوقي وأذكر مرة رحل بها حامد جميل لحضور العيد في إم برمبيطة ورجع في اليوم التالي . والتي سافر بها إلى العديد من المدن خارج السودان .

اسطه بيلو برقص في الحفلة من قولت تيت إلى السلام عليكم وبطوي البروش

مجموعة من طلاب الوسطى في تلودي منهم بشير الحاج وقاقول وماريق وآخرون ... المدرسة قفلت خريف تحركوا كداري من تلودي حتى أبوجبيهة ومجموعة أخرى بينهم ابراهيم محمد علي (عروق) تحركوا كداري أيضاً من الأبيض ... خريف .. إلى أبوجبيهة

شكراً محمد سعيد على التصحيح ... طبعاً ديل أبطال ماراثون

طه سحنون يطراه الله بالخير ... كان عايم والموج دفعو إلى كبري الطوطحانية المشهور وكان مستوى الماء مع الكبري تماماً وعندما وصل طه إلى الكبري تعلق بصدره في الكبري ورجلينو تحت والماء يدفعه من الخلف وبقي طه معلقا في الكبري حتى طلب النجدة وعندما طلعوه من تلك الورطة تفسخت بطنه وصدره من قطع الدليب