دبله خطوبه سعرها ستمائه مليون جنيه سوداني
+5
ادم محمد ادم سراقه
nashi
ابوهريرة عثمان عبدالسلام
محمود منصور محمد علي
ود عشمان
9 مشترك
صفحة 1 من اصل 1
دبله خطوبه سعرها ستمائه مليون جنيه سوداني
تناولت الصحافه البريطانية يوم امس حدث خطوبة الملاكم البريطاني امير خان الذي ينحدر من اصول باكستانية و يقيم بمدينة مانشيستر ( بولتون ).. و تحدثت الصحافة عن موضوع خطوبته للطالبه فاريا البالغة من العمر عشرين عام و التي تدرس باحدي الجامعات الامريكية بعاصمة المدن العالمية ( نيويورك ) و كلفة دبلة الخطوبه مائة الف جنيه استرليني اي ما تعادل ستمائة مليون جنيه سوداني ..
دي الخطوبه و لا بلاش ..
ود عشمان- مشرف تعريف المنتدى
رد: دبله خطوبه سعرها ستمائه مليون جنيه سوداني
طيب يا ود عشمان العروس دي ما عندها اخت اصغر منها؟؟؟
تتزوجها انت
وبعدين انت ممكن تشتري اغلى من هذا الخاتم والملكة بتساعدك وناس
جمعيتنا بساعدوك وممكن نبيع اللواري بتاعتك الواقفة في امبرمبيطة
بدل ما ابوهريرة يضيعها ليك في الفاضي لانو انا شايف اتفق مع
فيصل خليل وختو عينهم عليها
تحياتي
تتزوجها انت
وبعدين انت ممكن تشتري اغلى من هذا الخاتم والملكة بتساعدك وناس
جمعيتنا بساعدوك وممكن نبيع اللواري بتاعتك الواقفة في امبرمبيطة
بدل ما ابوهريرة يضيعها ليك في الفاضي لانو انا شايف اتفق مع
فيصل خليل وختو عينهم عليها
تحياتي
محمود منصور محمد علي- مشرف المنتدى العام و مصحح لغوي
رد: دبله خطوبه سعرها ستمائه مليون جنيه سوداني
محمود
ههههههههههههههههههه هههههههههههههههه ههههههههههههه
انت داير تقطع ضراعي و لا شنو ..
عندها اخت اكبرها منها طوالي يعني بتكون عمر 24 سنه كده .. عمر الزهور و المني .. لكن لواري ابوجبيهه و لواري امبرمبيطه .. اقول ليك قوله لواري الولايه كلها خايف ما تجيب الشقلانيه دي ..
شكرا يا رائع ..
ود عشمان- مشرف تعريف المنتدى
رد: دبله خطوبه سعرها ستمائه مليون جنيه سوداني
يامحمود اللوارى دى فاضية ما بتجيب حاجة الا تون شاحنة بصل
وتكون سفنجات خشنة
التوامس والاواستن اسعارها تعبانة
بعدين ياخ ود عشمان تعبان مالو ما بنت الملكة قاعدة وقالت ما دايره زول غيرو
وتكون سفنجات خشنة
التوامس والاواستن اسعارها تعبانة
بعدين ياخ ود عشمان تعبان مالو ما بنت الملكة قاعدة وقالت ما دايره زول غيرو
ابوهريرة عثمان عبدالسلام- مشرف المنتدى الاسلامى
رد: دبله خطوبه سعرها ستمائه مليون جنيه سوداني
ابوهريره ..
مشتاقين ياخ ..
انت عارف صحبي محمود مره يخط لينا صورة لوري و مرة صورة دحش .. ما عارفين زاتو بمتلك شنو من الثروه .. و بعدين موضوع بت الملكه هي ما زالت موجوده و راجيني بس الموضوع سر للغايه ما في زول عارفو غيرك انت و محمود و نتمني فيصل خليل ما يعرفو لانو بحب الخربشه ..
لكم التقدير
ود عشمان- مشرف تعريف المنتدى
رد: دبله خطوبه سعرها ستمائه مليون جنيه سوداني
اجش يا يمه حالا البنات لي حدهن ان شاء لله
سعد الهنا يا يمه
أها يا اولاد امي شدو الحيل البنات باقي تاني ما برضن بي اقل من كدي ههههههههههههههههههه
وغايتو راجيه ناس سهاد وصباح وناهد وسوسو وسومه يأكدن كلامي ده او يقولن غيره
والعرسان غالبا مسلميين باكستان دي ما ظنيت ما فيها ناس ما مسلمين
الا خايفه علي البنات كان قالن جنس الكلام ده
اسامه ود عمي المغواري يكتب فيهن قصيدة سلبطه جديده
هههههههههههههههههههه
سعد الهنا يا يمه
أها يا اولاد امي شدو الحيل البنات باقي تاني ما برضن بي اقل من كدي ههههههههههههههههههه
وغايتو راجيه ناس سهاد وصباح وناهد وسوسو وسومه يأكدن كلامي ده او يقولن غيره
والعرسان غالبا مسلميين باكستان دي ما ظنيت ما فيها ناس ما مسلمين
الا خايفه علي البنات كان قالن جنس الكلام ده
اسامه ود عمي المغواري يكتب فيهن قصيدة سلبطه جديده
هههههههههههههههههههه
nashi- مشرف المنتدى الرياضى
رد: دبله خطوبه سعرها ستمائه مليون جنيه سوداني
و الله يا ود عشمان دا العرس ابوطعم انشاء الله عقبالك
اخاي لكن القروش تجيب سته مراح بقر الا المراح البقول
انا و بعدين الجماعه ديل ما يغشوك تعال بيع مراح كبير
و سير و سوي ليك نقاره و اخد من بنات عمك السمحات
البعشن الضيف و بسترن الحال بلا خواجات بلا سجم
ولا كلامي دا ما صحي؟!!!!
اخاي لكن القروش تجيب سته مراح بقر الا المراح البقول
انا و بعدين الجماعه ديل ما يغشوك تعال بيع مراح كبير
و سير و سوي ليك نقاره و اخد من بنات عمك السمحات
البعشن الضيف و بسترن الحال بلا خواجات بلا سجم
ولا كلامي دا ما صحي؟!!!!
ادم محمد ادم سراقه- نشط ثلاثة نجوم
رد: دبله خطوبه سعرها ستمائه مليون جنيه سوداني
مكافأة قدرها 10 آلاف يورو لمن يجد.. بقرة! | |
تشهد مقاطعة بافاريا عملية مطاردة لا مثيل لها بعد تخصيص صحيفة "بيلد" الاكثر انتشارا في المانيا مكافأة قدرها عشرة الاف يورو لمن يلقي القبض على بقرة هاربة تحمل اسم "ايفون". وكان أثر البقرة ايفون قد فقد نهاية مايو في أحد الأحراج (شرق ميونخ)، وقررت صحيفة "بيلد" السبت تخصيص مكافأة قدرها عشرة آلاف يورو لمن يلقي القبض عليها حية بعدما أبلغت السلطات الصيادين المحليين أن بإمكانهم إطلاق النار على البقرة لأنها تشكل خطرا على حركة السير. إلا أن قتل البقرة يجب أن يبقى الملاذ الأخير على ما تؤكد السلطات التي تتمنى "كل الخير" لايفون. ومنذ نشر خبر المكافأة يكثر الصيادون والسكان المحليون في الاحراج المجاورة فيما اقترحت جمعية نمساوية للرفق بالحيوان شراء البقرة في حال عثر عليها حية. ومطلع الشهر تمكنت مجموعة من الصيادين والأطباء البيطريين من إخراجها لفترة وجيزة من الحرج إلا أنهم فقدوا أثرها عند هبوط الليل. وذكرت "بيلد" أن السلطات المحلية استعانت بـ "أقارب" البقرة "شقيقتها" فالروت و"نجلها" فريزي، فضلا عن ثور "جذاب" اسمه ارنست في محاولة لاستقطابها. إلا أن كل محاولات "الإغراء" هذه لم تلق قبولا عند ايفون. |
محمود منصور محمد علي- مشرف المنتدى العام و مصحح لغوي
رد: دبله خطوبه سعرها ستمائه مليون جنيه سوداني
بالصوح دى الخيتوبه ولا بلاش
ذى الجنيات وحال الولدات والبنوت لحدهم
اجى احسان انسى بس ولا كلمه حال السرور والهناء سعد البنيات
اهلنا قالوا السمعه ولا طولت العمر قلت يا ود عشمان خبر تناولته الصحف دى ما ذاتو بيت القصيد تقعد الدار تنقل لينا فى الخبورات الما ياها فلان لبع فلانه وفلانه خمشت علانه هههههههه
ناهد عبيد- مبدع مميز
رد: دبله خطوبه سعرها ستمائه مليون جنيه سوداني
ول عشمان ياها جاتك فى مكانك
البقيرة دى تغلبك عشرة مليون يورو
شيل عكازك المضضب وشد حيلك وما تنسى تشيل معاك سلبة بلاستيك
وبعدين رسل القروش لسراقة يشترى ليك مراح ما تقول اليومين دى البقر رخاص
البقيرة دى تغلبك عشرة مليون يورو
شيل عكازك المضضب وشد حيلك وما تنسى تشيل معاك سلبة بلاستيك
وبعدين رسل القروش لسراقة يشترى ليك مراح ما تقول اليومين دى البقر رخاص
ابوهريرة عثمان عبدالسلام- مشرف المنتدى الاسلامى
رد: دبله خطوبه سعرها ستمائه مليون جنيه سوداني
هههههههههههههههههههههههههههههههها
هههههههههههههههههههههها
انت يا ودعشمان الباكستانى مش بتاع البونيه ولا الملاكمة داك ولا واحد غيرو
تانيا يا عمو محمود ياخ ودعشمان دا مرتبط او عاقد على بت هنا ارجوك ما تلخبط عليهو امورو
و لو تلاحظ قال ليك الموضوع سرى لو فيصل عرفو بخربش ليه الامور
هههههههههههههههههههههههها
كد يا ودعشمان شوف لمحمود دا واحدة انشاءالله ابوها يكون رئيس الحرص الجمهورى الايرلندى مافى مشكلة
ههههههههههههههههههها
فيصل خليل حتيلة- مشرف إجتماعيات أبوجبيهة
رد: دبله خطوبه سعرها ستمائه مليون جنيه سوداني
العزيز سراقه ..
والله ضحكتني قلت لي دا العرس ابوطعم .. اخي شوف لي واحده ليها ( تربلول ) ..
الدكتوره ناشي
ناهد عبيد ..
لو كنت عارف دا رايكن كنت الموضوع دا زاتو ما نزلتو ..
ابوهريره .. البقره قالوا حلوب توه نحن شاتين في الفرقان بندور فوقا .. دي بقره ما بتتفوت ..
فيصل خليل ..
شوف يا زول ما تلخبط لينا سوقنا انت منو القال ليك انت مرتبط .. عشان كده المواضيع الحساسه دي ما بنحب نوريك ليها غير الخربشه ما بتعرف حاجه ..
اما بالنسبة لمحمود هو قال عايز بت بت ملكة هولندا و البت و حبوبتها موافقين بس عندهم خالهم رافض الموضوع دا عشان كده انا ماشي هولندا احسم الموضوع دا ..
لكم التقدير
والله ضحكتني قلت لي دا العرس ابوطعم .. اخي شوف لي واحده ليها ( تربلول ) ..
الدكتوره ناشي
ناهد عبيد ..
لو كنت عارف دا رايكن كنت الموضوع دا زاتو ما نزلتو ..
ابوهريره .. البقره قالوا حلوب توه نحن شاتين في الفرقان بندور فوقا .. دي بقره ما بتتفوت ..
فيصل خليل ..
شوف يا زول ما تلخبط لينا سوقنا انت منو القال ليك انت مرتبط .. عشان كده المواضيع الحساسه دي ما بنحب نوريك ليها غير الخربشه ما بتعرف حاجه ..
اما بالنسبة لمحمود هو قال عايز بت بت ملكة هولندا و البت و حبوبتها موافقين بس عندهم خالهم رافض الموضوع دا عشان كده انا ماشي هولندا احسم الموضوع دا ..
لكم التقدير
ود عشمان- مشرف تعريف المنتدى
رد: دبله خطوبه سعرها ستمائه مليون جنيه سوداني
ايووووووووووووووي ايوه دا الكلام الصاح
الزول المابقدر يجيب دبلة متل دا ولا يعتب
كتر خيرك اخوي ودعشمان انك وريتنا البحصل واحنا ماجايبين خبر
هههههههههه
الزول المابقدر يجيب دبلة متل دا ولا يعتب
كتر خيرك اخوي ودعشمان انك وريتنا البحصل واحنا ماجايبين خبر
هههههههههه
سومه العمدة- نشط مميز
رد: دبله خطوبه سعرها ستمائه مليون جنيه سوداني
الخطوبه كده بالتأكيد بالنسبه ليهم بحكم معتقداتهم نحن معشر المسلمين وفي المسلمين الكادحين وناس القري والبوادي مابنعرف ننطق حتي الرقم ده
الله يعينهم
والله يدينا مبلغ الدبله ده عشان نعرس للعزابه
لكن شايف اختي سومه الكلام عاجبها
والله كان الدبله قيمتها قدر ده بالتأكيد البوره سوف تكون معضله لايمكن حلها في القريب العجال
الله يخلي المفكرين
وهاك ياعرس جماعي جوك زباين
بالتوفيق ود عشمان
الله يعينهم
والله يدينا مبلغ الدبله ده عشان نعرس للعزابه
لكن شايف اختي سومه الكلام عاجبها
والله كان الدبله قيمتها قدر ده بالتأكيد البوره سوف تكون معضله لايمكن حلها في القريب العجال
الله يخلي المفكرين
وهاك ياعرس جماعي جوك زباين
بالتوفيق ود عشمان
الجبالي- نشط مميز
مواضيع مماثلة
» (((( ++ حوادث وجرائم محلية وعالمية ++ ) ))
» (((( ++ حوادث وجرائم محلية وعالمية ++ ) ))
» تاجر يدفع (75) مليون جنيه ثمنا لشريحة موبايل
» في زيارة سرية إلى غرفة الشاب الذي باع كليته لأجنبي بـ«150» مليون جنيه
» قف تأمل ؟؟؟؟ مجسم للكعبة بالساحة الخضراء بالخرطوم لتدريب الحجاج بتكلفة 100 مليون جنيه !!!
» (((( ++ حوادث وجرائم محلية وعالمية ++ ) ))
» تاجر يدفع (75) مليون جنيه ثمنا لشريحة موبايل
» في زيارة سرية إلى غرفة الشاب الذي باع كليته لأجنبي بـ«150» مليون جنيه
» قف تأمل ؟؟؟؟ مجسم للكعبة بالساحة الخضراء بالخرطوم لتدريب الحجاج بتكلفة 100 مليون جنيه !!!
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى