مربعات: خش وارمي رميتكـ

ودي اول رمية



الليلة القليب غبيان عشقها القـمـــرة
هلكان بالبعاد حفيان وشوقها الجــمـرة
يسكرو دن عيونا –المشتهيهو- الخمــرة
فات أهلو ويكوس لا ساب فريق لا حمـرة

*********

اللـــيلة القــليب الغافي هوَّم وحبَّ
يحلم عطشو ري،وغــاية العشم ينحبَّ
لملم شـوقو زاد ووارد علاها محـــبة
اتخوزق وقع ، ما فاضلة فيهو الحـــبة

هلا بالعزيزة الاستاذة سهاد
علك طيبة اخيتي
معليش طولنا الغياب لكن المنتدى ذاخر بوجودك.. تحياتي



مما قمنا خلينا الفريق فارقنا
جرحاً فينا نوسر والوحيح حرّقنا
فوق شوك الظعن عافرنا وادردقنا
يوماً اسوداً طفشنا من جنب العزاز ومرقنا

هلا بالعم ازهري
وبنقولكـ

يابحر التلوب فايض نهار وعشية
سيل العرم ياب جبهتن مطــــــوية
نارك يالخزين تلهب تحرق النيـــة
دلميت الجبال جمبك كلامو شوية

[center]رأسيَّة أديبه عـندك فَـوقْ ندايدِك فَـوتْ
ضَـربِك للعشوقْ فُلَيخْ سِـيوفْ مُو سَوطْ
نَاس وَدْ دِقـمه مِتلي مهـددين بالمـوت
مِتِل كُـورةَ الهِـلالْ شَاتَتْ قُلوبُنْ شَـوتْ

دقيـت اليميـن انـو القمـر إتدلى
في نص النهار سارح يحوم في الحله
غيمت السما وشـرقت نجـوم تتجلى
وانبهرت عيون عاجـباها خـلقة الله

صالح اخوى كل سنه وانت بالف خير

nashi كتب:قلَّتْ المُقلْ مـن السُّـهـاد اتكـفَّـنْ
عـقبان يالقلب رنَّات نِغيمك هفَّــنْ
عليْ بريبة الدَّعـكن قـصيره وقفَّـنْ
الشوق حـدُّو فـاتو والدموع اتصفَّنْ

مشيت وجيت لقيت دلو السلوقي
يجوني الناس يعجو يقيفو فوقي
شاكي الغلبة لكن جد شوقي
متل جمل العلوق كل حين أهوقي

فيصل خليل حتيلة كتب:

و ماذا عن رباعيات الهلال

فى فهود الشمال و أسود الجبال

تركت جماعتك يا صالح فى حال مو حال

و قرروا الهروب و الجعجة بدلا عن الهلال

هههههههههههههههههها

تحايا يا جبل اللقمة

فكرة كبيرة

الهلال يا فيصل اخوي
في القليب دايما بتلقى مكانو
حتحت الجميع
حتحت كمان رفقانو
الضهبان في الوصيف
حرم بيبقى عندنا كانو
هييييييييييييييييع
هههههههههههههه
هلا بيكـ

ناهد عبيد كتب:

دقيـت اليميـن انـو القمـر إتدلى
في نص النهار سارح يحوم في الحله
غيمت السما وشـرقت نجـوم تتجلى
وانبهرت عيون عاجـباها خـلقة الله

صالح اخوى كل سنه وانت بالف خير

يتمني الدهب لو لونو يشبه لونك
إشتهت الدرر لو هي تبقي سنونك
مجنون ليلي حالتو أقل من مجنونك
ما دام ليلي كانت في المحاسن دونك

وانت بالف صحة وسلامة