عريس) يحتفل بقيدومته فى حفل المريخ بالممتاز! - صورة

الخرطوم:حسام

ليلة الاثنين الماضى ستظل راسخة فى ذهن المنتمين للقبيلة الحمراء عشاق مريخ مانديلا،فحين امتلأت المدرجات تدفق المئات نحو الملعب لتمتلىء مساحته بفرحة مريخية طاغية احتفالا بالظفر بكأس الدورى الممتاز بعد ان غاب عن دواليب النادى مدة عامين.
فرحة المريخ حولها عريس ام درماني لفرحتين اذ قدم الى المدرجات فى كامل زينيه متلفحا قرمصيصه ويحمل سوط عنجه بيمناه التى عليها الحريرة مربوطة بينما يتبعه ذووه فى جلاليب ناصعة يبشرون على جمهور الفرح ومنها اتجهوا الى مركبات كانت تتنظرهم خارج الملعب انطلقت بها سيرتهم.
احتفال المريخ جاء تتويجا لجهود الموسم الرياضى وتكريما للمدرب البدرى الذى انتقل للقاهرة مرة اخرى بعد الفوز بالممتاز تاركا سيرة حسنة وسط الرياضيين فى الخرطوم غير رفيقه فى الملاعب عصام الحضرى(40) عاما الذى لم يترك الملاعب ولا مماطلاته،قال جمال الوالى رئيس النادى ان انتصارات المريخ مستمرة والدعم الادارى لن يتوقف وقدم للجمهور المدرب الجديد ريكاردو البرازيلى الذى سبق ان درب نادى الهلال قبل سنوات ابان تولى صلاح ادريس رئاسة النادى،ريكاردو تحدث فى عربية ركيكة (مريخ تمام ..شكرا ..مية مية) معبرا عن امتنانه بالاستقبال الكبير الذى وجده فى الملعب الممتلىء..وقدم المريخ لاعبيه الجدد بقيادة ضفر الضجة وايهاب زغبير واكرم الهادى والمحترف الكنغولى امبييزا وتم تكريم اللاعبين بميداليات ذهبية وكأس.
الاعلامى المعروف احمد شوبير لبى دعوة المريخ بحضوره الاحتفالية وتحدث عن انجازات النادى وشهرته عربيا وافريقيا وطمأن الحاضرين عن سريان الديمقراطية فى مصر باعتبار ان الهم المصرىو السودانى مشترك ..
شارك من الفنانين انصاف مدنى وافراح عصام وتم تقديم نشيد المريخ لشاعره عبد القادر كرف وتغنى من بعد محمد عيسى بنجمة نجمة لابراهيم حسين وكان الحوت محمود عبد العزيز حاضرا بصوته والدكتور حمد الريح ورغم البرد وسوء التنظيم الا ان الليلة كانت باذخة الجمال.

الراي العام

يفرق كتير طعم الحلو لو يبقى مر

طول غياب البطولة قاد الى هذا الفرح الخرافى

شكرا عمو

تقصد ودعشمان ولا منو؟

مبروووووووووووووك لهذا المريخابي الفرحتين(الفوز بالدوري والزواج)
الحمد لله كان الكاسات بشبعوا منها شبعنا فيها( محلياً وقارياً) وبي عرقنا كمان ..عُقبال الفرحة دي للجماعة الكاسوها بالحُكام ومالقوها

منو القال ليك ودعشمان طويل يا محمود؟

عايز تديه ميزة من الميزات الخمسين بتاعتك ولا شنو؟

ودعشمان قصيرو مربوع

هههههههههههههههههههها