نريد لجنه لرأب الصدع

استمر فيصل خليل من زمن طويل للبحث عن ايجاد وسيله لكي يفتن بيني و بين الاخ العزيز محمود منصور و قد تحقق حلمه ليلة البارحة الامر الذي جعل الاخ محمود ان يشن هجوما عنيفا علي شخصي الضعيف و بعد ان فقد المنطق ووصفني (( بالسباري )) جاء ذلك ظهر امس و قد استدل الاخ محمود بانني سميته (( بابو لواري )) و لا ادري ما هو العيب في ذلك و اني توقعت من تلك التسمية ان تضيف شيئا حقيقيا لشخصية الاخ محمود و جاءت التسمية لان الاخ محمود كل يوم يضع لنا صورة لوري جديده من اواستن و سفنجات و شفرلت و غيرها من الكوارو التي تقودها الحمير زات اللون الابيض و اني قصدت من التسميه بأن الاخ محمود منصور رجل غني و ثري و هذا كله ما في الامر ..

كل من نرجوه من الحكماء اصحاب الضمير الحي بهذا المنتدي ان تكون لجنة رأب الصدع لكي تحل المشكله التي بيني و بين الاخ العزيز محمود و التي تسبب فيها الاخ فيصل خليل ..

و شكرا و لكم التقدير

وانا بالاصالة عن نفسي وبالانابة عن السواقبن واصحاب اللواري القديمة0 اعلن عن رفضنا التام لاي محاولة للصيد في الماء العكر00 او النيل من سمعة اصحاب اللواري وتشويه صورة السواقين التي ظلت هدفا استراتيجيا للمدعو ود عشمان السباري00
ونرفض اي مساعي للصلح وحل الخلاف ونرفض مبدا حفظ ماء الوجه وغير معنيين بدغمسات ودعشمان او خزعبلات ابوهريرة او هطرقات فيصل خليل
تحياتي

ههههههها


هههههههههههههه الله يجازي محنك ياابو هريرة

ياخي ما تهدد الراجل كدة هههها هههههه طلعت محامي خطير

انت عارف ودعشمان بعد كده حيشرد عديل من المنتدى

ولوكان سماني ابوكارو كنت سافرت ليه واشتكيتو للملكه

استاذ فيصل

ود عشمان ده متطاول وحقار00 ولازم يقف عند حدو00 ولازم نحرش ليه ابو هريرة00
انت عارف ابوهريرة زول كلس ومصارع خطير يعني لو مسك ود عشمان السباري ده من رقبتو بيفطسوا
ولازم نضع خطة عشان نوقع بينهم ونستدرجهم الى حلبة المصارعة
ونخلي ابوهريرة يعلم ود عشمان الادب ويبطل الفصاحة ويقصر اللسان الطويل00

ههههههههههههه

انت عارف يا محمود انا ريت فيصل اولا نشتغل مع ودعشمان شغل القانون واذا لم يستجب نقلع الكرفته ننزل معاهو فى الداره

فعلا يا ابوهريرة
.. ود عشمان ده شغل الدلع والكرفتة ما بنفع معاهو وما بسكتو

لازم توريهو العين الحمراء وتنزل معاهو في النقعة وتمسكو لينا مسكة منومة وخلي الباقي على فيصل خليل المحراشي

اليومين دى ودعشمان رسل لجنة وساطة تتوسط لينا كلجنة راب صدع

ورجعنا ليه لجنته لاننا ما عاوزن نؤثر فى العدالة

وساطة تتوسط لينا كلجنة راب صدع

ورجعنا ليه لجنته لاننا ما عاوزن نؤثر فى العدالة

................
اهو دا كلام المحامين.. والناس الفاهمين ..يا فيصل وبرضو تقول لي ابوهريرة ما بفهم في المحاماه..

اشكرك جدا يا ابو هريرة ولاتلتفت الى تهديدات او ((دغمسات)) اي احد والماعاجبو ((يلحس كوعو ))ونحن جاهزين للصراع وبنجهز في الحلبةفاتكم القطار فاتكم القطار

تحياتي..

هو محمود الكلام دا فيصل قالو صحى ولا داير تفتنى معاهو ساى

يا ابا هريرة

ياسعادة المحامي

انت عارف انا ما بكذب عليك..وفيصل خليل قال الكلام ده لي بالتلفون يعني ما كتبو في المنتدى يعني لا توجد بينة ..ولابد ان تتخذ معه اجراء قانوني.. ول اقول ليك خليك انت الكبير وسامحو لوجه الله والمسامح كريم وانت اخو البنات وعشاء البايتات..

تحياتي

انتو ول عشمان ده مالو سوى مديده حرقتنى وكبه الزوقه كده

راجع صندوق البريد

ملاحظة قوية ودقيقة يا فيصولي

فعلا ابو هريرة نقص حوالي 27 كيلو ونحن اخضعناه لبرنامج مكثف لانقاص الوزن فتم منعه من اكل السمك والكوارع وام فتفت علما بان وزنه كان قبل البرنامج 280 كيلو وهذا الوزن يجعل منه مصارع بطئ الحركة داخل الحلبة ولا يستطيع القفز والطيران من الحبال... وستكون المباراة ثارية وتقام في حلبة في امبرمبيطة بمدرجات تتسع لسبعين الف مشاهد...
تبقت لنا مشكلة واحدة وهي ود عشمان ويبدو انه هرب واختفى خوفا من المواجهة الكبيرة.. وفي هذه الحاله لابد ان نستعين(( بالجبالي )) ليحل محل ود عشمان حتى لا نضطر لارجاع التذاكر ونتجنب الغضب الجماهيري....حاول يا فيصل يا محراشي ان تقنع الجبالي ان يخوض المباراه بدلا من ود عشمان...

تحياتي


تحياتي

كلام مظبوط يا فيصل

طالما ان هناك صلة قرابة بين الاتنين ممكن يتفقو علينا عشان كده ابعدنا من الجبالي... واتفاوض مع عود الصندل على الموضوع.. لكن يا فيصل ياخي عود الصندل ده لابس كرفتة وشغال في البنك يعني بقى خرطومي وبتاع راحات وما بقدر على ابوهريرة نحن عاوزين نهزم ابوهريرة ولو ادخلنا عود الصندل ممكن الحكم يلغي المباراة لعدم تكافؤ الخصمين...احسن تشوف لينا واحد غير عود الصندل.. ومشكور على المجهود وحق التعب محفوظ( ايفون5)

تحياتي

عوووووك ول عشمال

انت خفت ولا شنو

صباح الخيرات يا فيصولي

انا لا اتفق معك في القبول بالاخ الاستاذ يسين محمد يسين وتوريطه مع ابوهريرة واقحامه في مباراه غير متكافئة الا اذا كنت انت زعلان من الاستاذ يسن لانو قاعد يناكفك في المنتدى السياسي ولا اوافق على اقتراحك لعدة اسباب:

اولا/ يسن له علاقة قوية بامبرمبيطة ويبدو ان له جذور فيها وانت عارف ابوهريرة زوجته الرابعة من امبرمبيطة يعني ما حيصارع نسابتو...


ثانيا/ الاستاذ يسن اعتزل الصراع منذ فترة طويلة وبقى زول حكومة وسكن الخرطوم يعني فقد قوة التحمل التي يجب ان تتوفر لشخص يود منازلة ابوهريرة صاحب الوزن280 كيلو جرام ..والاستاذ يسن وزنه 85 كيلو00

رابعا/ انا ارشح الفارس غريق لانو زول شقاوي وبتحمل التعب ومتمرس على المصارعة وقاعد في ابوجبيهة على طول ..وانا اشهد له بانه قد صارع الشيطان في منى ايام الحج وانا شاهدته ضرب الشيطان بحجر فارداه قتيلا

ايه رايك في غريق يا فيصل؟؟؟

اولا يا محمود انا ما بسمع بالشياب ناس يس وغريق ديل

انا سجيلى ودعشمان وهو كان خاف خلى يقول انا خفت

وتانى ما يتكلم ساكت

وما يصدق حكاية الرجيم دى انا لو فاقد سوائل عديل كدة برميه ليكم

اها تانى فى شنو

يا شباب ..

السلام عليكو .. انا ما خايف من ابوهريره ابوعضلات و لا من فيصل خليل بتاع الفتن و بعدين ابهريره دا زول فخ و خواف انا عارفو كويس و هو زميل دراسه و نحن عيال دنقر ..

طيب سبب الغياب بتاعي الصوره ممكن براه توضح ليكم و يا محمود البس نضارتك و بحر في الصوره دي كويس .. من خلفي سيارتي مكسوه من الجليد و قلة الشقله مشيت مرتفعات ( اوبان ) و الجليد زراني هناك عشان انزل كانت مصيبه و لانو في عربات كتيره ادردقت ووقعت في الهاويه و انا قلت النجيد ربا عيالو خليت الجليد خفا و نزلته علي راحتي .. علي كل حال بجيكم راجع الداير الدواس انا جاهز و الداير الصراع انا جاهز و نحن قلنا لجنة رأب الصدع و لكن لا حيات لمن تنادي .. انا ح اجتمع ما ابناء امبرمبيطه و من الان اكون واضح معاكم يا ناس ابوجبيهه كل الخيارت عندنا مفتوحه .. و يوم الحار الزول بلقا اخو ..

تحياتي و قرمان ليكو حار

يعني ياود عشمان لساعك بتغلط على الناس؟؟؟

ابوهريرة زول فخ ساكت ؟؟؟

فيصل خليل بتاع فتن

وان بتاع لواري وكاروات ؟؟؟ evil:

يعني مافي زول مالي عيونك الكبار ديل ؟؟؟؟

المهم.. ما تتهرب وانتظر ابوهريرة 280 كيلو جرام وقاعد يتمرن عشانك 8ساعات في اليوم وكل يوم بعمل جكة من تجملة لابوجبيهة ولو ما عرفت كلمة جكة دي اسال عود الصندل عن المعنى بتاعا...

عفارم عليك يا ابوهريرة يا بطل

ده كلو خوف وجرسة من المواجهة ماتصدق الصورة دي... قال بردان

واصل في الاستعداد والتمارين وخليك جاهز لانو ود عشمان ثعلب

ومكار وغدار وخايف خوف شديد جدا منك.. وانا واضح معاك وفيصل خليل قاعد يلعب بالحبلين..

بالنهار معاك وفي الليل مع ود عشمان.....

تحياتي

محمود : كتب :

" واصل في الاستعداد والتمارين وخليك جاهز لانو ود عشمان ثعلب "

هههههههههههههههههههههههههههههههههههههههههههه
ههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههه

ياخ انت كارثه ..
ههههههه

يا اخوانا رايكم شنو نعمل الاخ ياسر سر الختم (( المدير العام للمنتدي )) رئيس لجنة رأب الصدع ؟؟

الاقتراح دا ما جاي من فراغ .. انا بس عايز اشوف شطارة ياسر البجيب بيها الناس الطيش دي حدها وين ..

الان يا ياسر انت امام امتحان عسير اما ان تكون عادل و تصلح بيني و بين محمود ّو اما كمان ......... فيصل تم الباقي ..

لكم التقدير

يافيصل يا ولدي ابوهريرة كان لبس حجبات ول ما لبس
بقدر على ود عشمان السباري الفصيح...

وبعدين شوف صورة ود عشمان لابس طاقية الخفاء عشان يندس مننا ومن ابوهريرة.. والطاقية دي ارسلها له واحد صحبو من امبرمبيطة ..

وبعدين كمان ودعشمان غلط على ياسر كتير ومشكك في مصداقية الفرز الالي للكمبيوتر بتاع ياسر لذلك يجب على الاستاذ ياسر ان لا يعير نداء ود عشمان واستغاثته بالمجتمع الدولي اي التفاته ولا يتعاون معه..

طبعا يا استاذ فيصل ود عشمان هارب من البوست وظهر في بوست اخر وطبعا هذه هي اساليب المراوغة التي ظل يتبعها حتى يفوت على ابو هريرة فرصة المواجهة..ونحن فاهمين كل حاجة وابوهريرة بيفهمها وهي طايرة....
وبعدين قول ليهو الجلابية دي قماش تيترون والفصلها لي عمنا عثمان عبدالسلام احسن ترزي في ابوجبيهة وتتلمذ على يده كل الخياطين المشهورين في ابوجبيهة على راسهم فانامي والدود وعبد الباقي سحنون واحمد قمر الدين وعمر الشايقي والمرحوم دبابة ايام العصر الذهبي لابوجبيهة....
............................................

صباح الخير يا ابوهريرة بطل الابطال وقاهر الرجال

اولا احييك على شجاعتك وموقفك الثابت من المدعو ود عشمان السباري

ثانيا عشان تعرف انو عشمان صن راجل ما عندو موضوع وهرب من البوست الاول لانو حجتو ضعيفة وخايف من ان ينكشف اكثر...

وبعدين تلفون اوكامبو خليهو يبلو ويشرب مويتو لانو اوكامبو انتهى وخرج من المحكمة واحيل للتقاعد والرئيس الجديد للمحكمة واحدة اسمها بن سودا وهي دنقلاوية وقريبتنا...

ثالثا قول ليهو احسن ليك تبعد من فيصل خليل لانو حيبيعك في سوق الله اكبر في اي لحظة..يعني ماعندو عزيز ..وفيصل عشان طابع التذاكر للمصارعة وهو الراعي الرسمي لها وامتلك حقوق النقل التلفزيوني للمباراة عاوز يحمس ود عشمان وهو عارف سلفا ان النتيجة ستكون بالضربة القاضية او الخنقة المميتة او المسكة المنومة لصالح البطل ابوهريرة..
المهم يا ابوهريرة واصل في انقاص الوزن شوية وزيد المسافة في الجكة يعني بدل تجك من تجملا لابو جبيهة خليها من رشاد لابو جبيهة عشان نكسب الوقت.. وابعد من اكل السمك والكوارع وام فتفت
تحياتي

سلامات عيال ابوجبيهة اتو المروة ما عندكو طب الزول قال ليكو داير يصالح عديل كى تسو للدرب كليوات ,هوى اخونا محمود ما تسمع كلام المهرشاتية ناس فيصل وابوهريرة وزول تانى ليهو احترامو, ول عشمان غلط بوصفة ليك وعرف غلطه, كدى بالواضح كده اتا داير تصالحه ولا داير ليك كلام تانى وكلو انحن جاهزين ليه , وكن مالئ يدك بهنرى ده ترى هو فخ وما محتاج للخمة دى كلها حلف بالله سكابة واحدة تجيب خبرو الزول ما( بو) راكوبة خريف ساكت . كن على ول عشمان يسكت دت ويرقد قفة انا مع ود المجتبى كفاية .

ول ابوي كوكو ..

ياخ انجيت انجيت .. قرمان ليك حار

ههههههههههههههههههههههههههههههههه اخي زي ما قل الزول بو ساي ..

يا محمود و يا عيال ابوجبيهه نحن مدينا ليكم ايد الصلح لكنكم ما دايرنه و اتا يا محمود كل يوم تلف و تدور نقول ليك تيس تقول احلبو ..

علي كل حال انت عارف يا احمد كوكو ناس ابوجبيهه ديل الا ننطيهم العين الحمر لانو بلعبو ما دايرين اي صلح و اتا يا محمود من اليوم غير اسم ابوكوارو و ابوحمير ما بنعرف ليك اسم .. الداير تسوي سوي ..

احمد كوكو كلم ول ابوك محمد يسن يقعد ربيطه للدواس و من حسي ناس فيصل و محمود و الهشيمه ابوهريره و الدكتوره ناشي ديل خليهم علي و اتا نوم قف ..

لكم التقدير

هاى هاى هاى ول عشمان انت نسيت خايف اذكرك ولا كو

تو انت سمع كلام احمد كوكو ومليت بى يدك

بقول ليك تسكب تسكب انا بسكب ليك

كان ادوك البنقرو ذاتا

ما بتقدر تسكبنى

ومن توى دا دى الداره وول كوكو قال ليك الصلح وانت ابيت والمابى الصلح ندمان

وتانى ما فى صلح الا تشم التراب دا

ولا ما كى ا محمود وفيصل

عفارم عليك ابوهريرة التمساح العشاري
رفعت راسنا وراس ابوجبيهة

تمساح جزاير الكرد بتقضي الغرض
انت بتشيل بوكد وما متلك ولد

سيبك من احمد كوكو طبعا ده قريب ود عشمان عشان كده قاعد يحرش وينفخ في القربة...

انا وفيصل والسبارة كلهم جاهزين وما خايفين لا من احمد كوكو ولا ود عشمان ولا عود الصندل ..

انت عليك بود عشمان ومسكتك المنومة المشهورة..اما ود كوكو ده خلي لي انا لانو في الرياض وقريب مني..

وما تخاف من الحب الاهلامية المنظمة والممنهجه التي يشنها احمد كوكو بين الفنية والفنية لتخليص ود عشمان الفصيح من الورطة الكبيرة التي دخل فيها ووضع نفسه في مازق وموقف محرج مع ابناء الحباك الاشاوس الاسود الصناديد..

الف تحية يابطل الجبال وفارس النزال وقاهر الرجال..

محمود .. ابوهريره .. فيصل

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

بجيكم راجع

نحنا يا فيصل حكاية انو احمد كوكو ده جرداقى عارفنها من زمان وودعشمان قبال كدة كلمنى انا كمان

وهو ودعشمان زاتو شنو ما هداى لكن انا ارميه رميه ادر ليه غناه الفى راسو

وهو لسة زاغ يجى يضحك ويقو راجع ليكم

يا محمود طبعا اخوك جاهز لودعشمان وحدنا النقعة معاهو

بعدين يا خى البنات دي وين ما سمعتا لينا زغرودة ساى

ولا ما سمعتن شروط ول عشمان

سلامات بالكوم عيال ابوجبيهى
فيصل وابوهريرة ياخى انا غير زولكم ده العبوا غيره ول عشمان معاى عيال دنقرواحد. هو ببلاد الانجليز كن همّ بشغل ساكت انا بعرفه ,شوفوا غيره دى مكشوفة .اخونا محمود الله يطره بالخير بن جارت الوادى الصامدة سوف اسجل زيارة خاصة ليهو وبنتهى ليكم من خصامه ده طب .اما ابوهريرة الداره بيناتنا خلى كن تشيل حديد ولا تشرب مديدة دخن ده كلو ما بحلك انحن الصراع قرمانين ليهو حار خلاص وخلى فيصل اليسبر ليك كويس وارجا الجاييك .الايام دى وصلنى طرد دخن كردفانى اصلى وسمسم مظلوط وعسل جبلى بكر نمرة واحد كلو ده تجهيزات المعركة المرتقبة معاك يا ابو كرفته .