مفاجأة رقم ( ! ) عمو محمود

فيصولي

طيب لم تذكر لنا الاسماء

انا لم اعرف غير هاشم حسن المقعمز

اكتب لنا الاسماء

تحياتي

بعد التعديل ممكن تسحب الشكوى

الصور دى نحيلها الى العجايز

وبعدين يا محمود الصوره دى ما بتاعت ود كردمان

دى يا حبيبى صورت الراحل المقيم تجانى السر سعد
الله يرحمو

يا محمود بعد دا انت لازم تعترف بانك زول عجوز خالص
معقول ما عرفت الناس ديل
والمفاجاة دى طبعا فيصولى تعب فيها تعب شديد
واحضر اثنين اسكنر
واسنعان بمجموعة من المهندسين لانزالها
وانا اقترحت عليه الاتصال بيك شخصيا لذلك
وعندما ظهرت الصورة باهتة اتصل بى لرفع دعوى فى الادارة وتم انذار الادارة كتابة حتى استجابت فى شخص السيد المدير ياسر والان الصورة واضحة
تجى تقول ما عرفت الناس ديل
عموما لو داير تعرف لازم تدفع وتحول المبلغ لود عشمان ويكون بالاسترلينى

محمود منصور

علاء الدين تنير

هاشم أبوزلازل

ولربما يكون الرابع مامون عثان حسين أغا

يا ابو الزهور ما ضيعت لينا الجنيهات الاسترلينية

قلت لى ابو جلابية المكوع دا ما عرف نفسو يا فيصل

والله العظيم يا فيصل شككتني في نفسي

المهم كلام الدكتور 00صاح في علاء الدين ومامون وهاشم حسن

لكن الثالث ده باين شكلو كدة من اولاد فطاطات بس انا ناسي اسمو

وحاتذكر الاسم واكلمك00

بعدين بالله عليك يا فيصل لوعندك صور قديمة نزلها وانا حاطبعها واحتفظ بها في البوم خاص


باين عليك ما ساهل00وابوهريرة وودعشمان ساي حاقرنك

تحياتي

ابوجلابية الكوع دا ما من فطاطات يا محمود

من السهل ياخى وانا بعرفو كويس

بعدين انت داير تفتن فيصل دا مع ودعشمان تانى

ياخى لجنة راب الصدع الاولى ما انتهت

منتظرين المفاجأه رقم 2

الاخ فيصل ..

انت من اليوم تعبر اخ و صديق و صاحب لانك قلت الحق .. انا من زمان بقول لكم الزول الاسمو ياسر سرالختم مسلط و خبير في الكمبيوتر و بعرف يزور اتقول مولود في الصين .. الان حصحص الحق ووجدته الشخص الشجاع و البساندي للقول الحق و لا يخشي في الحق لومة لائم الا و هو فيصل خليل محمد .. الان القانون الدولي يجري مجراه ياسر لازم يمشي لاهي محكمة العدل في هولندا و بالمناسبة اوكامبو صحبي التقيت معه في امريكا و اداني رقم تلفونو وقال لي لو عندك اي مشكله اتصل علي .. و انا ممكن اكلمو يجي السودان يورور للسيد ياسر و يدي العين الحمره في حالة الجماعه يدوه فيزا لكن الله يعم اظن ..

طيب نرجع لموضوع الصوره .. اكيد الزول اللابس جلابية الدموريه دا محمود و الشقلانيه واضحه و ما دايره غلاط ..

نحن في بريطانيا عندنا جهاز بيعرف متي الصوره التقت حتي لو كانت ابيض اسود بس ما بعرف المكان و الجدير بالذكر ان الصوره التقت قبل ثورة علي عبداللطيف الماظ ب سته سنوات و اذا الناس رجعت لتاريخ السوداني الحقيقي ممكن تعرف العمر الحقيقي لمحمود منصور هذا من جانب ..

طيب نرجع لموضوعنا الاساسي .. يجب الناس تشوف موضوع ياسر بتاع السلبطه و اللعب في تغير الصور و يجب نحسم الموضوع دا باي حاله من الاحوال ..

و لو في اي صور قديمه الناس عايزه تعرفها متي التقت ارسلها لي كما ارسلت صورة الاخ محمود و انا بعمل الشقل دا ما داير منكم اي اتعب .. خدمه لوجه الله انا بقدمها ..

تقديري

انت ياود عشمان جاى بى هنا عشان اللجنة بتاعتك فشلت وعايز تصالح محمود باى طريقة

وكمان داير تعمل السيد المشرف سبله مش كدة

تقولى عارف اكامبو واداك رقم تلفونو

لكنك داير تكحله عميتها عديل كدة يعنى كيف تقول محمود لابس جلابية دمورية انت جهاوك دة ماشغال كويس ولا شنو ومنو القال ليك محمود كان بلبس جلابية

انت ما عارف محمد ود عز ولاشنو

واللوارى الشافتة عينك دى كلها كانت لوارى عمك منصور

بعدن انت ما سمعت بالبوبلين المترو غالى

محمود كان لابس بوبلين

ولا شنو يا عمو محمود

صباح الخير يا ابوهريرة بطل الابطال وقاهر الرجال

اولا احييك على شجاعتك وموقفك الثابت من المدعو ود عشمان السباري

ثانيا عشان تعرف انو عشمان صن راجل ما عندو موضوع وهرب من البوست الاول لانو حجتو ضعيفة وخايف من ان ينكشف اكثر...

وبعدين تلفون اوكامبو خليهو يبلو ويشرب مويتو لانو اوكامبو انتهى وخرج من المحكمة واحيل للتقاعد والرئيس الجديد للمحكمة واحدة اسمها بن سودا وهي دنقلاوية وقريبتنا...

ثالثا قول ليهو احسن ليك تبعد من فيصل خليل لانو حيبيعك في سوق الله اكبر في اي لحظة..يعني ماعندو عزيز ..وفيصل عشان طابع التذاكر للمصارعة وهو الراعي الرسمي لها وامتلك حقوق النقل التلفزيوني للمباراة عاوز يحمس ود عشمان وهو عارف سلفا ان النتيجة ستكون بالضربة القاضية او الخنقة المميتة او المسكة المنومة لصالح البطل ابوهريرة..
المهم يا ابوهريرة واصل في انقاص الوزن شوية وزيد المسافة في الجكة يعني بدل تجك من تجملا لابو جبيهة خليها من رشاد لابو جبيهة عشان نكسب الوقت.. وابعد من اكل السمك والكوارع وام فتفت
تحياتي

يعني يامونج عملت نايم؟؟؟

وين المفاجاه الثانية؟؟؟؟

واسال صحبك غريق وين الصور الحباكية الوعدنا بيها؟؟؟

صباح الخير

يافيصولي ليه الصورة اختفت؟؟؟؟ انا بشك في ود عشمان فهو وراء هذا العمل التخريبي المقصود والمتعمد