مناشده لمحمود واخوانه

والله يا جابر اخوي ناس حلتهم مافي تمثيل في المنتدي خالص خالص
اضم صوتي لصوتك عسي ولعل يشرفونا هم واولاد عم القديل واولاد عم عبدالرحمن احمد جابر
والقائمة تطول

ما أروع شتول المحبة التى تزرعونها عبر هذا المنتدى الدهشة ..
سؤالكما عن أولاد البيتى و أولاد عم عبد الرحمن أحمد جابر .. و ..و
كلها دعامات لبيتنا الكبير أبوجبيهة .. ما تشلعوا الريح و العوارض ..
فى أبوجبيهة خطرت لى فكرة .. إقامة مركز صغير جهاز كمبيوتر و جهاز كونتكت .. نخليهو للشباب عشان نوسع دائرة التواصل .. لاحظت إنو كتيرين راغبين يتواصلوا لكن ما عرفين كيف ..
ما تفقدو عزيز

الشكر الأخ جابر ...احسان ماشاء الله عليك كيف مافي تمثيل!!!!!!!!!!!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟ أنا جارهم ومن حلتهم ياهو بنشارك معاكم وبنرد وبنكتب بقدر المستطاع...و لا مافي وجود لنا أصلاً كن كدا ننسحب زي إنسحبوا كثيرين

الأخ محمودالحكومة شاغلاهو ومعلوم إنو زوجته توفيت وتركت ليهوا مسؤلية بنات وأقرب شخص ليه آدم سراقة- عبد الرحمن في أدرمان ولديه تقريباً مركزللعلاج بالقرآن- مدني في رشاد بيجي كل خميس مع الدنيا ومشاكلة-عمر حماد طبعاً الأخت سمية عبد الكريم مريضة وبتابع معاها و الوالدة حواء صارت كبيرة و الآن بين عبد الرحمن وبنتها آمنة حما بالكلاكلةد

أما ما يخص أولاد عمنا عبد الرجمن جابر كلهم رحلوا إلي مدينة الأبيض في حي كريمة شمال مع الأخ شرف عبد الرحمن الأخت كريمة تقريباً في كادقلي-الأخ أحمد عبد الرحمن جابر جامعة السودان في الجناح الغربي وساكن في حي الجريف شرق مع أولاده في الحباك فقط موجودة الأخت زهرة عبد الرحمن( زهورة) االأخت حسنات في الخرطوم مع زوجها تقريباً في الفتيحاب المويلح جوار اجامعة أمدرمان الإسلامية والولدين موجودين معاهم والله أعلم

Ahmed Murhoum كتب:الشكر الأخ جابر ...احسان ماشاء الله عليك كيف مافي تمثيل!!!!!!!!!!!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟ أنا جارهم ومن حلتهم ياهو بنشارك معاكم وبنرد وبنكتب بقدر المستطاع...و لا مافي وجود لنا أصلاً كن كدا ننسحب زي إنسحبوا كثيرين

العفو احمد اخوي والله ما قصدي اي حاجه غير يزيد العدد من حلتكم
والله المعبود بالحق ما قصدت ما ذهبت اليه بقدر ان يزيد عدد المشاركين وانا شخصيا محسوبه علي نفس الحي حي المصالح
عن الذين تركوا المنتدي او انسحبوا اتمني الا يكون هناك من ترك المنتدي بسببي؟!!!!
لانه تبقي دي عوجه كبيرة والله يا احمد اخوي وصدقني في الحالة دي اخيتك الحتنسحب ومن سكات عشان ما اطفش الباقين!.
تحياتي وتقديري لك

الأخوة الأزاء فيصل+ إحسان ناس حلتنا ديل مش ما مهتمين لا مش عارفين هناك منتدي وتواصل وبالسهولة دي ومافي احد بث فيهم هذا الخبر وكثير منهم بفتكر الحكاية القروش(الإشتراك) لذا نرجوا تنوير أكثر للناس في الحباك ويكون في شكل حملة تعريفية عن الدور الكبير الذي يقوم به المنتدي وهذه لابد تكون بواسطة شخص في الحباك ولا كيف؟ تخريمة معليش و الحكومة تجيب ليكم العيش

نعمل ليكم دعايه للمنتدى بس مدونا بالافكار

او اقول ليكم كده خلونا نحتفل بالعضو رقم 1000فى الحباك ونعمل لينا لمه كده صغيرونه وندعو فيها ناس البلد وناس الجنيد وكرم يتولو النقه

اها رايكم شنو