الملوته ام الميلوته

سلامات يا اهلى

اسم الفلهمه ميلوته

الملوته يا حليلها زماااااان فى اب جبيهه زمن الخريف يمه حاجه غنيه تسوى لينا الملوته الما خمج بتقول لينا عشان الملاريا ما تجيكم شتن بصل ابيض وطماطم وليمون وشطه خضراااااااء وملح ودكوه وكن ثقفوها بعملو ليها توم .

قصه الملوته بشيل الملاريا انا كنتا فاكرها كلام حبوبات سااااى ما عندو اساس من الصحه لكين امس القريب ده وانا راجععععه البيت بالمواصلات بتاع الحافله كتر خيرو شغل الراديو وفى واحده من المحطات الازاعيه عامله لقاء مع اخصائى تغديه وخبير اعشاب سمع اضنينى اتكلمو ليك عن (الميلوته ) لمن انا اتكيفت وقولت يا ربى هو بقصد الملوته حقتنا الواحده ديك حليلك يا بلد اتارى اهلنا ديل خبراء عديل كده علا مافى زولا جايب ليهم خبر.



وبجيكم مقبله تااااااااانى
اقعدوا عافيه

وا شريري يا ناهد كتلت اخيتك كتله ههههههههههههه
بالهنا
ووين ابوهريرة ارسل لي المليل

طبعا املوته فى الحباك صيف وخريف موجوده

الجماعه البزرعو الخضار لو صاحبت ليك واحد منهم بجيب ليك ربطه هديه

nashi كتب:وا شريري يا ناهد كتلت اخيتك كتله ههههههههههههه
بالهنا
ووين ابوهريرة ارسل لي المليل

احسان ابقى مارقه انت بس ليك عليا ملوته كااااااربه واحده بالدكوه والتانيه بالسمسم

احسان تجى بالسلامه يارب

فعلاً مجربه لناس الحبــاك عموم .... طبعاً ريفي ومدينة
كانو برضو ببلو لينا " قشر ساق المهوقني" هل تصدقي ؟؟؟؟
مر مرارة .... لكنو ناجع
***********
التمليكة طبعاً برضو من أكلاتنا العزيزة
بمثابة " المهلبية " .... حليلك يابلدنا
تسلمي ناهد...[/center][/color][/quote]

التمليكه مهلبيه عدييييييل كدى بشيش الفاتح اخوى شن الله جاب لجاب اصلى ما بسأك .

المهوقنى قالوا مر شدييييييييد بينى بينك المرض امر
ربى يديكم الصحه والعافيه
شكرا الفاتح اخوى

سهاد ربى يديكى العافيه الدنيا فراقه

فعلا قالو علاج للسكرى

ياااااااااا زماااان امال الفاضل عمتك فى امدرمان الملازمين
حاجه التومه فى ود البخيت .. وسهاد فى ام طرقن عراض وتبقى السيره الطيبه وربنا يلم الشمل وكمان انتى واحسان عزماكم ملوته
شكرا يا سهاد

صباح حسن عبد الرحيم كتب:يا ناهد ياختي يديكي العافية
زكرتينا الملوتة
تسلمي....

تسلمى يارب
صباح قلت ليك انا سمعت تحت تحت قالوا تشاد قريبه منكو وكمان دارفور يلا حاولى استوردى الملوته وافتحى محلات الصبوحه لعلاج ........و ........و ....... و.........مكسب ياختى

غريق كمبال كتب:طبعا املوته فى الحباك صيف وخريف موجوده

الجماعه البزرعو الخضار لو صاحبت ليك واحد منهم بجيب ليك ربطه هديه

حاج غريق نوكل ليك صحبة زارعى الخضار وما تنسانا من الربط وما تنسى انا ربط لسانى مع احسان وسهاد انجدنى

اشكركم على المرور

سلامات

نرجع لقصة الملوته وحديث اختصاصى التغزيه وخبير الاعشاب

قال الميلوته مفيده للصحه وبتعالج امراض كثيره

1- الحميات المجهوله (بلها فى مويه والاستحمام بها )

2- السكرى
3- الملاريا
4- ارتفاع الكرسترول

والاقرب من دلك انها بتعالج امراض النساء التى لها علاقه باختلال الهرمونات
وعيييييييييك حاجات كتيره .

وللاسف نزلت من الحافله لانى سمعت الكمسارى اللديح بقول يلا ناااااااازل المدارس .يا فرحه ما تمت .

واقعدوا عافيه

الملوتة علاج مجرب لمرض الملاريا – وهو علاج طبيعي للملاريا بشرط تحضيرها كالآتي :
غسلة خفيفة لازالة الطين والغبار تقطع قطع صغيرة مع فحل او فحلين بصل وشطة خضراء وليمونة كبيرة .وتمضق الملوتة دي انشاء الله يوم وبالكتير يومين تكون في عافية .
بوست جميل ياناهد – تجمموا ريق الواحد بالاكلات هذه شوقتونا للبلد