حجبتكم ما بجيتكم

بسم الله الرحمن الرحيم

والسلآم عليكم ورحمة الله تعالى وبركاته

كيفكومتس ؟ تماميتس ؟

حجيتكم ما بجيتكم ..

خيراً جانا وجاكم

اكل عشاكم وفات خلآكم ..

دول الحبوبات السودانيات ..

دائماً يحجونا بقصصهم المفيدة الرائعه الجميلة ..

بنكون عاملين شكل دائرة حول الحبوبة (( التيته عندكم ))

وبتحجنا (( يعنى تحكي لينا ))

فأنا اليوم بجسد دور الحبوبة ..

وأأتي لكم بقصص .. تحكوها لصغاركم

ويستمتع بها كباركم ..

يلآ ون تو ثري اكشن ..

انا اقووول >> حجيتكم ما بجيتكم

انتوا >> خيراً جانا وجاكم .. اكل عشاكم وفات خلاكم

في يوم من الايام ..

كان في حمامة .. الحمامة دي كانت طيبة ..

وظريييفه .. كانت بتحب حيوانات الغابة كلها ..

كانت الحمامة عندها 12 بيضات ..

كانت بتفتش ليها عن مكان تحفظهم فيه ..

فبنت لها عش فوق الشجرة ..

وحطت السته حمامات ..

ففي يوم من الايام .. جا الثعلب ..

واكتشف مكان الحمامة ..

يجي لها يوميا ً .. يا حمامة .. يا حمامة

تقول له نعم .. اعطيني واحد من اولادك

والا اطلع ااكلك انتى وهم مع بعض ..

فتخف الحمامه وتعطيهم واحدة ..

ويجي لها يوميا ً اخر .. يا حمامة .. يا حمامة

تقول له نعم .. اعطيني واحد من اولادك

والا اطلع ااكلك انتى وهم مع بعض ..

فتخف الحمامه وتعطيهم واحدة ..

وتانى يجي .. يا حمامة .. يا حمامة

تقول له نعم .. اعطيني واحد من اولادك

والا اطلع ااكلك انتى وهم مع بعض ..

فتخف الحمامه وتعطيهم واحدة ..

تكررت الحكاية وكانت الحمامة تبكي يومياً عند فراق احد اطفالها ..

فجاء المرفعين وجدها تبكي .. فقال لها مالك ؟

فقالت له بحزن الثعلب كل يوم

يجي لها يوميا ً .. يا حمامة .. يا حمامة

تقول له نعم .. اعطيني واحد من اولادك

والا اطلع ااكلك انتى وهم مع بعض ..

فاخاف واعطيه واحدة ..

تكررت الحكاية قلاق مرات فضحك المرفعين ..

وقال لها هل تخافين منه ؟

فقالت نعم ..

قال لها جربي يوم وقولي له اطلع ..

فجاء اليوم اللي بعده بتبختر وقال لها .. باستفزاز ..

يا حمامة .. يا حمامة

تقول له نعم .. اعطيني واحد من اولادك

والا اطلع ااكلك انتى وهم مع بعض ..

قالت له اطلع ااكنا انا وهم

فقال لها ماذا ؟ سااكلكم ان صعدت

فقالت له اصعد ..

فحاول الصعود .. ففي الطلعه الالى انكسرت ايده ..

وحاول ثانية .. فكر احدى ارجله

وحاول وكسر ايده الاخرى ..

وجاء المرفعين .. وقال له ابعد عنهم .. فقال له ابداً

فقدد له عينيه .. وابتعد عنهم الثعلب ..

وعاشوا في في تبات ونبات وخلفوا صبيان وبنات

اتمنى الحجوة تكون اعجبتكم

يلا حلوووش حجينا ..

والله انت يا الحازمى ول حبوبات بالجد

تحياتى

الحجى ده تراث فى طريقه الى الانقراط

كده يا الحازمى لو عندك فى الزاكره منه شيى حقو تجود به على هذا البوست لزوم التوثيق الى هذا الادب الشعبى

مشكور ياالزعيم غريق كمبال ادم -----علي المدخل الجميل

حجيتكم ما بجيتكم

فاطمه السمحه ..
ود النمير...
وحجيتكم ما بجيتكم ...
وخيرنا جانا وجاكم
بدايه حلوه تبدا بيها الحبوبه لما تبدا تحجى احفادها ..
صوره جمليه فى الذاكره..
يا ربى اتغيرت الصوره..
ولا لسه فى بيوت فيها حبوبات حولها احفادها وهى بتحكى ليهم كيف فاطمه السمحه اتغلبت بطبيتها على شر زوجه ابوها ؟
ولا الزمن غير حبوبات اسى ؟
وهل اطفال اسى عندهم الرغبه فى سماع قصص زمان..؟
احتمال الفضائيات ملات الجانب ده؟
الحبوبه قيمتها الحقيقه مهمه جدا وخانتها ما ممكن ابدا تملاها الفضائيات ...
الحبوبه كلها حنيه وحنان
وطريقه السرد للقصه دائما بتربط معاها جانب غير مرئ وهو جانب حسى ومعنوى..
حتى نوعيه القصه اكيد بكون مغزاها كبير وعميق
والحبوبه هى بتحكى قصدها تصل لنقطه يتم فيها توصيل المعلومه بصورة مبسطه وسهله ويمكن ترسخ فى الاذهان.
يعنى مدرسه قائمه بذاتها
انشالله نقدر انحنا وباقي الشباب في توصيل هذه الصوره النبيله
للحبوبـــه
ونعيد للذاكره بعض كلماتها الجميله
و البسيطه
النوم النوم
بكريك بالدوم
دومتين حلوات بالبحر مارات
يالنوم تعال سكت الجهال
الفته ام توم احمتنا النوم عن ناس كلتوم
يالنوم تعال بديك ريال
اللول اللول و اللول اللول
اللولاي لى حبيبى براي
اللولاي ماشربت الشاي
ضبحولو التور
الوليد دكتور
دخل الميس
حبيبى عريس
دوها يا دوها
لــون الخــدار
رنــة خلخـــال
بت السرور ود الحــلال
عنــد اللزوم.. ضُــل الغيــوم
هبــة نســيم ... غالبــة الســموم
حملاً خفيــف واحلامنا طيــف
دلــع الجهــال
بديــك ريــــال
وليــدنا تــاتــا .. اتنيــن تلاتــة
قــدم الحمــام ..زمــن الفــطام
وعرف الكــلام
زاد العيــار.. جــرى بالديــار
بنيــة عمة ومنـانا تمــة ووليــدنا خال
وهــاك يا ســؤال
والقمــرة دي كانــت هــلال
وأبوك ما جــا غنــوة وموَال
طعم المكـان..مشــى لي الدكــان
دخـل الجيــران
خلــي الخمج ! ما تمش حفيــان
النهــار ما حــار... ســيب الإستهبــال
وهــاك النعــال
جــزمة وشــراب .. لعــب التــراب
عــرف الحســاب
قســمة وطرح .. فهــم الشــرح
والإختصـــــــــار
جيـد لــي أنا
قرا للجــواب
دا الإنتصــــار
والريــد الريـــد
بنيــتي صيـــد ... عيــون المهــا
عجــب أُمَــها
شــبه الغــزال
لبســت حلق والفــرحة عيــد
هــوى من بعيــد لاقي المجــال
قــولو الصلا من الحــلا
خـــدرة وســـمار
ما جيــدنا طــــال
للســلســلة
احتــوى واســتدار
لغــة الحــوار
والثــــرثـــرة
ولعــب البنــات ..ســكر نبــات
والنجــار عاوز الفلوس
بتــي العروس
فرشـوا البــرش
للتــرتـــرة
والفــلوس عنــد الســلطان
ولــدك عريــس ..لبــس الخروس
ربــط الهــلال
مبــروك عليــك
تســتاهــلا
فــرحة صــغار ..وغنانا ســار
يــوم الخميــس صفقــة ورقيــص
وضُــل الضحــى واحــة النهــار
يــا فاطمــة بنت النبــي
بنــت الرســول
طلقــوا البخــور
مابــي الرُقـــــــاد .. عيــن الســـواد
عيــن الصــبي أب شــراً غبــي
أصبحتــوا كيــف؟؟ ما شــوية طــاب!!
ولــدي الاربــاب .. وربــي استــجاب
مشــى في خيــار ...والمــولى قال
للابتهـــال
عــافيـــة ونــــوال
والشمــس غابــت
زارنــا النــعاس
ويــن الكراس
حفظ الســور ويا يابا شنــو يعنــي الخناس
يا بــت خـــلاس
هــاك اللبــن .. وحبــة عجــن
واللبن تحــت البقــر والبقــر عاوز حشــيش
والحشيــش عاوز مــطر
وفــي الأحـــلام
بقيــت كبيــــــــــر
أحســن بنيــة ولا وليــد أخيــر
مرات أقــع من الســرير
مرات أطيــر في بســاط حريــر
يا حليلا ديــك .. كانــت أيــام
زمــن الصُلح سـابق الخصــام
زمــن الصغــير ســمع الكــلام
وأهــو بنعيــد
شيــتاً قصــص وشيــتاً نشـــــــيد
ذكرى الحرد والإعتــذار
يا حليــلي في زمــن الجهــل
يا حليــلنا نحن وكــت صـغار,,
سيدى سافر مككككككه
جاب لى حته كعكه
الكعكه فى الصندوق
الصندوق عاوز مفتاح
المفتاااااااااااح وين؟
,,المفتاح عند العروس
عشان كده حتدى العروس المنديل...
العروس عاوزه المنديل
والمنديل عند الجهال
الجهال عاوزين حليب
والحليب عند البقر
والبقر عاوز حشيش
الحشيش عاوز مطر
والمطر عند ربنا
هووووووووووووى يا الله تجيب المطر

Read more: http://www.helalia.com/vb/showthread.php?t=10141#ixzz1rHNhMSsh