الجيش السوداني يستعيد هجليج

تمكنت القوات المسلحة من استعادة مدينة هجليج اليوم.
الشيء الغريب التردد الواضح علي وزير الدفاع و الاخطاء في القراية و التلفت يمنى و يسرى.
اعتقد انه حانت اللحظة لان يستريح عبدالرحيم من اعباء الدفاع فليس له المقدرات لهذا المنصب.

??????????????????,

اخي ابوالزهور لم اتكلم عن المحاسبة لسبب بسيط المحاسبة تكون عندما يرجى منها اصلاح الحال لكن نظام الانقاذ لا امل في خير فيه.
المحاسبة نتكلم عنها اذا ذهبت هذه العصابة.
نحاسب منو؟ من كبيرم لي صغيرم محتاجين يتحاسبو بداية من الانقلاب علي ارادة الشعب مرورا بقتل الابرياء و الفساد بكل انواعه و سرقة اموال البترول الذي لم نر منه شيئا.
الحساب جاي و لو ماهنا حيكون مع رب العالمين

السودان يستعيد السيطرة على منطقة هجليج المتنازع عليها

بواسطة هانا ماكنيش (AFP) – منذ 3 ساعة

جوبا (ا ف ب) - استعاد السودان الجمعة السيطرة على منطقة هجليج الحدودية المتنازع عليها اثر معارك عنيفة، فيما تحدثت دولة جنوب السودان عن انسحاب طوعي تحت ضغط دولي.

واعلن وزير الدفاع السوداني عبد الرحيم محمد حسين في الخرطوم ان "قواتنا تمكنت من تحرير مدينة هجليج بالقوة واستعادتها في الساعة 14,20 (11,20 ت غ) اليوم".

وقبل ساعتين من ذلك، اعلن رئيس جنوب السودان سالفا كير انه اصدر الامر لجيشه بالانسحاب على الفور من منطقة هجليج التي سيطر عليها في العاشر من نيسان/ابريل الحالي مما وضع البلدين على شفير الحرب.

لكن كير اكد في بيان قرأه متحدث باسم الحكومة في جوبا ان الانسحاب تقرر استجابة لنداءات مجلس الامن الدولي وعدد من مسؤولي المجتمع الدولي وكذلك لاشاعة "اجواء تسهم في استئناف الحوار مع السودان".

واشارت شهادات جمعتها وكالة فرانس برس في بنتيو في اراضي جنوب السودان الى ان المعارك كانت متواصلة صباح الجمعة في هجليج التي تبعد نحو ستين كلم وان العديد من جنود جنوب السودان عادوا جرحى من الجبهة.

وقال المتحدث باسم حكومة جنوب السودان برنابا ماريال بنجامين وهو يقرأ البيان الرئاسي امام الصحافيين الجمعة ان "جمهورية جنوب السودان تعلن ان قوات الجيش السوداني الجنوبي تلقت الامر بالانسحاب" من هجليج، مضيفا ان "انسحابا منظما سيبدأ على الفور وسيكتمل في الايام الثلاثة" المقبلة.

واكد كير مع ذلك انه لا يزال يعتبر هجليج جزءا لا يتجزأ من اراضي جنوب السودان.

وكان الرئيس السوداني عمر البشير توعد من جانبه الخميس بتلقين جنوب السودان درسا "بالقوة" بسبب احتلال قواته منطقة هجليج النفطية.

وتعتبر منطقة هجليج الحدودية التي يطالب بها الجانبان استراتيجية بامتياز وهي تؤمن حتى الاشتباكات الاخيرة نصف الانتاج النفطي للشمال.

وقد كثفت الولايات المتحدة والاتحاد الافريقي والامم المتحدة والمجتمع الدولي في الايام الاخيرة الدعوات الى انسحاب قوات جنوب السودان كما دعت الطرفان الى ضبط النفس بغية تجنب حرب جديدة.

وكان الامين العام للامم المتحدة بان كي مون اعتبر الخميس استيلاء جوبا على هجليج "غير شرعي". وطلب في الوقت نفسه من السودان "التوقف فورا عن قصف" جنوب السودان والانسحاب من مناطق اخرى يتنازع على سيادتها مثل منطقة ابيي.

وقبل اتفاقات السلام في العام 2005 التي ادت الى تقسيم السودان في تموز/يوليو الماضي، استمرت الحرب الاهلية بين الشمال والجنوب عقودا من الزمن، واسفرت الموجة الاخيرة من النزاع من 1983 الى 2005 عن سقوط مليوني قتيل على الاقل.

لكن التوترات بين جوبا والخرطوم مستمرة بسبب مواضيع خلافية عدة عالقة منذ اعلان استقلال جنوب السودان.

وتشمل هذه الخلافات خصوصا ترسيم الحدود وتقاسم الموارد النفطية السودانية قبل التقسيم --جوبا ورثت ثلاثة ارباع الاحتياطات لكنها تعتمد كليا على البنى التحتية في الشمال للتصدير--. وتتبادل العاصمتان ايضا الاتهامات بمساعدة المتمردين على اراضيهما.

ومنذ ايام عدة كادت المواجهات بين الجيشين تمتد على طول الحدود المشتركة.

واذا كان المجتمع الدولي يخشى حربا جديدة بين الدولتين المتجاورتين، فان بعثة السلام المشتركة من الاتحاد الافريقي والامم المتحدة في دارفور تتخوف ايضا من استغلال المواجهات بين الشمال والجنوب من قبل متمردين في دارفور.

وقال رئيس البعثة ابراهيم غمبري في بيان "في اطار التوتر المستمر بين السودان وجنوب السودان اشعر بقلق كبير لان الحركات المسلحة تسعى الى زعزعة الاستقرار في دارفور".

واكدت مجموعة سودانية متمردة لوكالة فرانس برس الجمعة انها قتلت 79 من افراد الجيش السوداني وعناصر القوات شبه العسكرية في كمينين في ولاية النيل الازرق المجاورة لجنوب السودان والتي تشهد معارك عنيفة منذ ايلول/سبتمبر.

وقال ارنو نغوتولو لودي الناطق باسم الجيش الشعبي لتحرير السودان-شمال ان الجنود وافراد الميليشيا ال79 قتلوا في كمينين نصبا الثلاثاء والاربعاء في منطقة تبعد نحو 35 كلم عن الدمازين عاصمة النيل الازرق.

واشار لودي الى تجدد المعارك في النيل الازرق منذ العاشر من نيسان/ابريل عندما استولت قوات جنوب السودان على منطقة هجليج الواقعة في ولاية جنوب كردفان المجاورة حيث توجد بئر نفطية ضخمة. وشنت القوات السودانية من جانبها غارات جوية على جنوب السودان.

وفي بانغي، افادت مصادر متطابقة وكالة فرانس برس ان احد عشر عنصرا من جنود افريقيا الوسطى المشاركين في مهمة في السودان في اطار القوة الثلاثية (السودان-تشاد-افريقيا الوسطى) لمراقبة حدود الدول الثلاث، قتلوا الاربعاء في اطلاق قذائف.

وقال مصدر حكومي في بانغي لوكالة فرانس برس طالبا عدم كشف اسمه "سقط 11 قتيلا و9 جرحى في صفوف (جنود) افريقيا الوسطى. واستهدف الهجوم قيادة القوة الثلاثية المتمركزة في السودان في منطقة ام دافوك (الحدود الثلاثية)، ونسب الهجوم الى "متمردين جاؤوا من جنوب السودان".

نتمنى استعادة ما تبقى من تراب الوطن حلا يب شلاتين ومنطقة الفشقة
وان لا يتنازل النظام من حلايب مقابل بقائه في السلطة
يجب محاسبة الذين دمروا القوات المسلحة السودانية و

هجيليج الجيش دخلها حمرت عين عديل

والان الخرطوم وكل مدن السودان تطالب بالمواصله الى جوبا

حسب معرفتى بالجنوبين اليوم زول فيهم بينوم فى بانتيو مافى الجماعه اتكرفسوا لقادى اولهم وصل واو

ماقلتوا رجال

ياداب الرئيس ركب صاح وعرف دوا الجماعه ديل

العصا لمن عصا

اهلنا زمان بقولو لينا الجنقاى زى الحنكوك لو ما تفيتو ما بنفتل

مبروك

بعدين يا شباب شنو نغمت حلايب الجديده دى

حلايب ما فيها مشكله دى حجج بعيده عن المنطق

القضيه الان فى الحشره الشعبيه وكيفية رشها بمبيد حتى ترعوى لكن اخوانا المصرين ما عندنا معاهم مشكله زات بال فى حلايب

الاخ اسامة مرحب بيك بعد غياب و نرجو الاجابة علي الاستفهامات
هل الاستفهام لعنوان الخبر؟ ام للكلام عن عدم كفاءة الوزير للمنصب؟ ارجو التوضيح

اها الحمد لله هجليج اتحررت دايرن تعملو لينا برنامج بتاع حرب و استنفار و طوارئ؟؟؟
عشان مافي زول يفتح خشمو يقول الحالة صعبة؟؟
الناس تاني تقول السكر يقولو البلد في حالة حرب و لو اتكلمتو بنعتبرا خيانة لو الدكاترة طالبو بمرتباتم خيانة لو كتلو واحدة زي عوضية فتحو خشمم يقولو خيانة. و الايام دي اي زول بقا متحدث باسم الوطن و يخون زي ما عاوز و يوزع صكوك الوطنية.

بعد هجليج يا فيصل عودة مفاوضات و عودة ضخ البترول عبر خط الانابيب و ما تستبعد البشير يمشي جوبا او سلفا يجي الخرطوم. انها السياسة

الله اكبر والعزة للسودان ..التحية للقوات المسلحة وقوات الدفاع الشعبي والمجاهدين الذين بذلوا أنفسهم
رخيصة في سبيل هذا الوطن،بعد أن صالوا وجالوا في صدور ونحورمليشا الحركة الشعبية ومن معها ، للأمام مُقبلين غير مدبرين فبثّوا الرُعب في زمرة باقان وعرمان فكانت الخيبة لهم والخذلان...
فالتحية لكم مرةً اخري بعد أن دخلتم هجليج (عنوة وإقتدارا) وارتمت تارة أخرى إلى حُضن الوطن وزفيتوها (عروساً) تمشي في (خُيلاء) كما (مُهيرة) فانطلقت حناجر الرجال بالتكبير والتهليل (وهزّت) العمائم (وزغردت) الحمائم وانسابت الدموع شلالات من الفرح تُسقي عفوية وعمق إرتباطنا الوجداني بتراب هذا البلد

كده يا جماعه سؤال برئى

انتو ياسر سعيد عرمان الزول ده وين

الزول ده مامن عوايدو الصمت فى مثل هذه المواقف

كده العندو معلومه يقولها لينا

انا لى شهور بدور على اخبار ياسر فى كل وسائط الدنيا ما لامى فيهو

كده ورونا الزول ده كن كان فى سقط لقط كان نضم

الحركة الشعبية قطاع الشمال تحسب خطواتها جيدا يا غريق حتى الحلو و عقار ايضا لم يصرحو هذه الايام

والله يافيصل الجيش ما بنتكلم فيهو باقي الايام دي (التخوين) حايم لكن هلالك دا الشلف بشلفتو ليك و يلحقو امات طه
احنا غايتو عارفين نفسنا طايرين و العارف عزو مستريح على الاقل حنكون طلعنا علي يد بطل افريقيا مرتين علي التوالي و تاني اندية العالم. بس الله يستر عليكم من الشلف.

أخيرا يا مرتضى إتذكرت الكورة كنت منتظر مداخلاتك وتعليقاتكم على المباراة الأخيرة .. لكن شايفك خايف من مازيمبي .. في الحقيقة دفاعكم وأنور الهادي ما بطمنوا .. نسأل الله للمريخ التوفيق والمضي قدما في البطولة

العودة بنقطة من الكونغو وهدف يفتح لكم الطريق لمرحلة قادمة في البطولة

آه

مفلوع تانى تفسد الفرح

حيى يا تلودى

يا عالم تلودى احموها قبال هجيليج ويا عالم الابيض هى الاستراتيجيه اقطعوا الامداد من الخونه

اه

لمتين يا غريق حتستمر الحرب؟
ابوالزهور الوضع ما مطمن خالص والله
خلونا الايام دي نستمتع بالكلاسيكو و الابطال
اسبوع حافل
الصراع بين الريال و البرسا و و شيلسي و البرسا و الريال و البايرن و فالنسيا و اتليتكو و سبورتنج و الاتليتك

الوضع بيتحسن باذن الله

ما قلتوا لينا مالو عرمان ؟؟؟

هو ما قاعد يحارب ولا شنو

انا غايتو سكاتو ده ما طبيعى

الحلو وعقار قاعدين يفرفروا فى الاعلام مره مره لكن عرما كاضم عديل

استاذنا الفاضل الشافو خلو

تحية طيبة والف شكر على انضمامنك لهذه النخبة الطيبة النيرة من ابناء الحباك ولا اشك في انك من ابنائها ومحبيها

وارجو ان تسمح لي ان ارد على تعليقك الحاد على موضوع ياسر عرمان ومانقله الزعيم غريق من خبر..

هذا الخبر ليس من صنع الزعيم غريق ولا من فبركته بل جاء متلازما مع مقتل خليل ابراهيم في بعض وسائل الاعلام السودانية
وتعلم انه في غمرة الاحداث تحدث الكثير من المغالطات والاشاعات كرد فعل طبيعي لقوة واهمية الحدث الرئيسي الا وهو مقتل خليل ابراهيم زعيم حركة العدل والمساواة...

ثانيا لقب الزعيم غريق استحقه عن جداره واستحقاق لما يتحلى به من ادب واخلاق اسلامية عالية المستوى وتعليم ومكانه اجتماعية في اوساط اهله وعشيرته وعطاؤه الغير محدود ومشاركاته وبوستاته التي تزين اروقة المنتدى..

اخي او ابني الشافو خلو وهنا تكمن اهمية ان يعرف الانسان ويكشف عن نفسه حتى يكون هناك ادب للحوار وان نحفظ لكل شخص وكل عضو مكانته ونخاطبه من خلال معرفتنا به..

ارجو ان اكون قد وفقت ولك مني فائق الشكر والود والاحترام لك وللزعيم غريق..

ياشباب يجب ان يكون الحوار منطقي ولاداعي للاحراج المنتدى حوار فكري وحرية راي شخصية علينا ان نكتب في هذه المساحة بكل صدق هناك وطن اسمه السودان يجب ان نتفق علية ونختلف في فكرنا وسياستنا وعلينا ان نقب الراي الاخر ليست هناك ملكية فكرية في الحوار وعلينا ان نحترم الراي العام

وشكرا

الاخ محمود منصور محمد علي



كلمك سمح .. ها خشمي سديتا

الاخ محمد النو

النصيحه و الحقيقه الزمن الفينا دا ما بتنقال و ما في حد بقبلها الا من رحم ربي ,, لكن الزول قال الكلام دا و اكد عليها

على العموم انا ما شفت المداخله المحزوفه ولم يحكى لى احد عنها لكن من مداخلات الاخوه فهمت انها بها امر يهمنى

1= انا لم اكتب فى هذا المنتدى او غيره وادعى اننى زعيم وهذا اللقب هو من حق الاخرين عليك

2=الشافو خلو ده منو انحنا عندنا ناس كتار قاعدين يكتبو باسماء مستعاره وقاعدين نحترمهم لانهم محترمين وقاعدين يطرحوا ارائهم بادب ويحترموا اراء الاخرين

3=لا يعجزنى ان ارت ان اعرف من هو الشافو خلو لكن نحن هنا اسره واحده نحس ببعض وهذا المنتدى مفتوح للجميع لكن فى حدود الادب واللياقه
4=ياسر عرمان رغم اختلافى السياسى معه لكننى اعرفه معرفه شخصيه ولى معه عدت حوارات فى السياسه وزاملته فى المجلس الوطنى لخمس سنوات وزرته فى منزله ولى علاقه مع عدد من اصحابه المقربين وانا قاصد ماكتبته عنه فى الايام الماضيه وقصة اعتقاله فى دار المعاليا وكل التفاصيل التى زكرت ولا زلت اكتب واستفسر واستطلع عن اين يوجد ياسر عرمان وهذا امر انا الذى يحدد عن من اكتب ومتى اكتب والجميع سمع بالشائعه القويه التى كانت تحكى عن اعتقال ياسر عرمان

واتحدى الشافو خلوه ده لو هو بيعرف اين ياسر الان

هذه ليس القضيه القضيه هى اننا فى هذا المنتدى قد ارسيا ادب للحوار بمنتهى الرقى نتناقش ونتجادل وكل منا يدافع بضراوه عن رايه وعن غناعاته وبعدها كلنا نحترم بعض ولا توثر تلك المساجلات فى علاقاتنا الاجتماعيه
انا اختلف فى كثير من الاحيان مع اخوانى فى الموتمر الوطنى اختلف مع اسامه وعوض الله وكرم واقبال ولكن هذا لا يعنى اننى انسلخت من جلدتى القديمه ولبست اخرى بل هو اختلاف فى وجهات النظر انا انظر الى القضيه من زاويه وهم من اخرى
وكذلك قاعدين نتفق مع فيصل وود النو وادم عيسى واخرين وانا فى الاصل من النظام ولم اكن من المعارضه ولكن عندما نرى ان النظام احاد عن الحق من واجبنا ان ننصح له ونجهر بالقول

ولى مواقف كثيره يعلمها ياسر عرمان وفاروق ابوعيسى وغازى سليمان وسليمان حامد ولو انت يا الشافو خلو محترف للسياسه كده اسال هؤلاء الفطاحله عن العبد لله عندما تكون المفاصله بين الوطنيه والاهواء الحزبيه كيف كان موقفه

عفوا سادتى محمود والعزيز ود النو ما كان ينبغى لى ان اعلق بعد كلامكم وتدخل الاداره بسحب المساهمه موضوع حديثى
لا ذلت اكن كل الود والاحترام للاخ الشافو خلو وعاوز ازكره انى اطلعت على مساهمته فى البوست الذى فتحه فى نفس المنتدى السياسى والذى يعرف فيه نفسه بانه كذا وكذا حتى بلغ بنا الى دينقا !!!

اعرف اهلى الحمر هذا ليس طبعهم ؟؟وان كان كذلك اقول له انا من الحباك وكفى

بيــــــان مـــن الحـــــركة الشـــــعـبية -شــــمال
قامت أجهزة الامن باعتقال ألاستاذة أزدهار جمعة صباح اليوم ٢١ أبريل ٢٠١٢، وانتزعتها من بين
أطفالها الذين أصرت الاجهزة الامنية على تركهم لوحدهم بعد أخذ والدتهم.. وقد تعرضت
الاستاذة أزدهار جمعة للاعتقال وأستهداف ألاجهزة الامنية مرات عديدة مع مئات من قيادات
وأعضاء وأصدقاء الحركة الشعبية بمختلف الولايات الذين لايزال عدداً منهم فى السجون خالد دّرجة من غرب دارفور،عبد المنعم رحمة ومجموعته، والاستاذة جليلة موسى والدكتور قمر حسين وغيرهم أننا نحمل الاجهزة الامنية وقادة المؤتمر الوطنى سلامة الاستاذة أزدهار جمعة ونطالبهم باطلاق سراحها فوراً. ووقف الانتهاكات والابتزاز ضدأعضاء الحركة الشعبية وعدم الاستئساد على المواطنيين والمدنيين ألابرياء وهم
(((أسد على وفى الحرؤب نعامة) ..

ياسر عرمان
ألامين العام الحركة الشعبية لتحرير السودان
٢١ ابريل ٢٠١٢
منقول من موقع سودانيز اونلاين لي اخونا غريق عشان يطمن علي ياسر عرمان عارفو قلقان عليهو الايام دي

مرتضى عبدالعظيم عبدالماجد كتب:بيــــــان مـــن الحـــــركة الشـــــعـبية -شــــمال
قامت أجهزة الامن باعتقال ألاستاذة أزدهار جمعة صباح اليوم ٢١ أبريل ٢٠١٢، وانتزعتها من بين
أطفالها الذين أصرت الاجهزة الامنية على تركهم لوحدهم بعد أخذ والدتهم.. وقد تعرضت
الاستاذة أزدهار جمعة للاعتقال وأستهداف ألاجهزة الامنية مرات عديدة مع مئات من قيادات
وأعضاء وأصدقاء الحركة الشعبية بمختلف الولايات الذين لايزال عدداً منهم فى السجون خالد دّرجة من غرب دارفور،عبد المنعم رحمة ومجموعته، والاستاذة جليلة موسى والدكتور قمر حسين وغيرهم أننا نحمل الاجهزة الامنية وقادة المؤتمر الوطنى سلامة الاستاذة أزدهار جمعة ونطالبهم باطلاق سراحها فوراً. ووقف الانتهاكات والابتزاز ضدأعضاء الحركة الشعبية وعدم الاستئساد على المواطنيين والمدنيين ألابرياء وهم
(((أسد على وفى الحرؤب نعامة) ..

ياسر عرمان
ألامين العام الحركة الشعبية لتحرير السودان
٢١ ابريل ٢٠١٢
منقول من موقع سودانيز اونلاين لي اخونا غريق عشان يطمن علي ياسر عرمان عارفو قلقان عليهو الايام دي

شكرا يا دكتو

الثائر ياسر انا اعرفه لا يكتفى بالبيانات

قامت ياسر اطول من هذا البيان بكثير

عشان كده انا سوالى لاذال قائم

بعدين لو ياسر هو الذى كتب هذا البيان لا يمكن ان ينسى بعض اصدقائه فى المعتقلات وعلى راسهم الاستازه سلوى

تحياتى

نريد أيضا رأي المناضل ياسر عرمان في الدمار الذي ألحقه مقاتلين الحركة الشعبية بمقدرات الشعب السوداني في هجليج

الزعيم غريق لك العتبى حتى ترضى

ولم يعرف منتدانا من قبل هذة الاساليب

ونحن من اطلق عليك هذا الاسم لانك اهل له

وبقض النظر عن انو غريق من بيت زعامة

هو الان على راس جهاز قومى وعضو بالبرلمان لسنين وعضو فى عدة لجان ويشرفنا جدا نزوله لهذا المنتدى والكتابة فيه وعلى الاقل يمكنه اسماع اصواتنا لمن هم اعلى او ادنى

ونحن نشيد له بقول الحق فى كل صغيرة وكبيرة والمتدى يوثق كل ذلك

اين المتنفذين من ابناؤنا وكان من فى المنتدى اقل قامة من قاماتهم

الزعيم غريق رجاء لاتلتفت الى الذى يقال نحن نعرفك جيدا وهذا يكفى ولانريد ان نقصم ظهرك



الحمد لله هجليج عادت ونتمنى ان تكون عودة هجليج هى نهاية الازمات بين الجنوب والشمال وازمات جنوب كردفان

الاخ الشافو خلو نشكرك كتير الشكر وانت جزء من المنتدى ورقم يصعب تجاوزه .
اخي اختلفت مع الاخ غريق كمبال في الراي والفكر السياسي واتفقنا في بعض النقاط وقد يصل بنا الوضع الى الشد السياسي لكنا لم نصل في خلاق شخصي او قبلي او اجتماعي او ثقافي وربما كتبت مواضيع سخن جدا واحترمها الاخ غريق واشكره فيها
وانا كنت من امنياتي ان ارى ابنا ابوجبيهة بمختلف احزابهم ان يكونوا شخصيات قيادية وليست زيادة عدد واتمنى ان ارى شخصيات قوية في النظام لهم كلمتهم ووزنهم وبالرقم من ذلك اختلف معاهم وانتقدهم واناقشهم حسب فهمي المتواضع في السياسة

مع تحياتي

الاخ الكريم محمد النو

الاخ جبر عبد الستار

الاخ مرتضي عبدالعظيم



لكم التحية و الاحترام اينما كنتم

مهم جدا ان لا نجعل اختلاف الرأي يفسد للود قضيه و مهم جدا ان لا نجعل القبليه و الجهويه اساس تسود بيننا و مهم جدا ان نحترم الرأي و الرأي الاخر

ليس من المهم ان تعرف من هو كاتب الموضوع و لكن من المهم ان نقرأ ما كتب الكاتب و ان نتناقش فيه بكل جرأه و شفافيه و احترام الاخرين

و اني لا اخشي في الحق لومة لائم كما اشار احد المتداخلين و كأنه يريد ان يرمي بي في بيوت الاشباح بحكمه جزاء اساسي من هذا النطام الذي دمر و قتل و شرد الملايين من هذا الشعب الابي .. هذا النطام الجائر الظالم .. هذا النظام العنصري الذي فرق بين ابناء ذلك الوطن الواحد ,, هذا النظام الذي فصل جزء عزيزا من ارض المليون ميل مربع و كنا فخورين بذلك الوطن الشاسع .. انفصال جنوب السودان يعتبر وصمة عار في جبين نطام البشير و من ساند البشير و من يقف مع البشير و هو كذلك مطلوب للعداله الدوليه بفعلته التي فعلها في شعبه و قتله و تشريده لاهل القرأن و التكابه شعب دارفور الابي

هؤلاء الذين يجعجعون جعجعة بلا طحين اتحداهم ان كانوا في مركز القرار او يستطيع واحد منهم ان يقول للسيد عوض الجاز بترول الساحق و الماحق اضاع و قتل الالاف من ابقار المسيريه

اتحدي اي واحد منهم ان يستطيع ان يقول للسيد علي عثمان طه جلست ما فيه الكفايه في منصب النائب الاول ارجو ان تتنازل منه لابناء كردفان

نحن هنا من اجل قول الحق ان رضيتم ام ابيتم و لن تخوفنا تهديداتكم ببيوت اشباحكم و سوف يأتي اليوم الي تدور فيه الدائره بمشئية الله و كما تدين تدان

و لنا عوده

الشافو خلو الجربو ابو

ده الكلام الصحى

طبعا يا فيصل ده بيان الاسلوب ليس باسلوب ياسر ولا طريقة الطرح

انا اعرف ياسر هو مغرم بالفضائيات كده جيبو لينا فى فضائيه

انا سالت واحد من مراسلى الجزيره اعرف هاتفه من زمن وسالته ان يجيب لينا راى ياسر والحلو فى القضيه

رد لى انه يبحث عنهم من زمن وما لامى فيهم

يكونوا لابدين فى جقاب طروجى ولا ايه

السوال قائم يا حبيب

الشافو خلو ، الدفرو حرن ، الضربو نكس ، الشكرو رقد الضحكو ليهو كشر .

jaber abdulsater mohammed كتب:الشافو خلو ، الدفرو حرن ، الضربو نكس ، الشكرو رقد الضحكو ليهو كشر .

[quote="ابوهريرة عثمان عبدالسلام"]الشافو خلو الجربو ابو

ده الكلام الصحى

الاخ ابوهريره عثمان عبدالسلام

ايوه دا ذاتي الجربو ابو



شكرا علي المرور



الاخ ازهري الحاج



حاضر كلامك علي العين و الرأس

الاخ جابر عبدالستار


والله ضحكتني ايوه الشكرو رقد و الدفرو حرن و الضربو نكس .. دا انا ذاتي تركاش العقيق

مرورك رائع .. شكرا اخي

تسلم يا أخي ويسلم رأسك .. وإنت فوق رأسنا

كتب غريق
لكن الذى ادهشنى وانت تتحدث عن العنصريه وعن انفصال الجنوب بانه جنايه ارتكبها النظام هذا ما يتعارض مع ادعائك انك راجل ديمقراطى وتحب الحريه .


على حسب راي وفهمي للموضوع التظام لم يعمل من احل وحده جازية فهذا هو الخطاء والخطاء ليس في حق الحرية .
[]يظن النظام انه سوف يستقطب الجنوبين ويقنعهم أن يصوتوا ضد الانفصال
ولكن اتت الرياح بما لايشتهي السفن ]