مطلوب رجل تساهيل لست بيت شاملة

فيها شنو لواي راجل سهل ووفر لزوجتو فرصة لتصير ست بيت شاملة ...مثلا يساعدها في استمرارية نهلها للعلم عملا بالسنة وحتى تنفعو بتطوريها لنفسها وتنفع اولادها والمجتمع ...ويدخلها دورات تدريبية لتصليح الاعطال الكهربائية ودورات اخرى .ولانها الوحيدة المتواجدة بالمنزل لتستطيع تفادي المخاطر وتشخيص العطل وبكده توفر زمن تواجد الفني بالمنزل وتوفر قروش كمان لانو بعض الفنييين يبتزك لجهلك ...او تتعلم قيادة السيارة وما بالضرورة يشتري ليها عربية ...وما فيها حاجة لو فتح ليها حساب في البنك وخت ليها رصيد كويس وللضرورة احكام
وقبل كل هذاوذاك يحرص على ان تتعلم امور دينها

الفاتح ابو السارة كتب :يعني عاجبك كده يا دكتورة اهو من محراشك خليتينا طلعنا الجوانا ورحنا في ستين داهية
تحياتي

اضحك الله سنك اخي الفاتح
واسمح لي اعطيك وسام الشجاعة من الدرجة المنتازة هههههه
والله الدهب بقي موضه قديمة والتعليم ما خلي بيت الحمدلله
البنوت بقن واعيات
وإقبال بتاعت موقوتة ههههههههه
تحياتي وتقديري

انا على ثقة تامة لو ان الرجل اعطى المراة حرية وصلاحيات كاملة لتصبح امراة شاملة ستؤدي الدور افضل من الكثير من الرجال لاسباب كثيرة اقلها ان المراة تمتاز على الرجل بقوة الصبر والتحمل....

على العموم معليش يا استاذ الفاتح خلي روحك رياضية واقبل بالمراة الشاملة وماتكون زي فيصل خليل مكابر وعنيد..

شكرا يا استاذة اقبال ودكتورة احسان وانا متابع وموجود ولو اي واحد قدم اعتراض على طول بدخل.....

طبيبة تداوي بلمسة ايد.... معلمة هادمة لجهل عنيد
مهندسة واعية ورايا سديد

تسلمي يا دكتورة

استازنا محمود يازول انت بتتكلم جد هم نسوان الزمن ديل خلو للرجال حرية ولاصلاحيات بس حكاية الصبر والتحمل دي عندك فيها حق خاصة مع الاولاد وخصوصا البنات

وينك يا فيصل من الانبطاحات دي

ههههه والله يا دكتوره دخلت قلت اكتب البوست الشافو خلو
الفاتح الكلس شغالين بالوصيه والوصيه جوه في قلوبنا الوفية حافظين للبيوت ومفضيييين للجيوب

الصامد محمود انت معروف صاحب مبادئ ومثل عليا
سدد الله خطاك ...بس اقرع ود عشمان من البوست دا

كل التقدير

هذا البوست حصري وخاص لاعضاء جمعية الرفق بالقوارير

ممنوع دخول فيصل خليل وودعشمان والفاتح التوم وابوهريرة

ولا عذر لمن انذر
جمعية الرفق بالقوارير
فرع المملكة

اقبال عبداللطيف كتب:ههههه والله يا دكتوره دخلت قلت اكتب البوست الشافو خلو
الفاتح الكلس شغالين بالوصيه والوصيه جوه في قلوبنا الوفية حافظين للبيوت ومفضيييين للجيوب

الصامد محمود انت معروف صاحب مبادئ ومثل عليا
سدد الله خطاك ...بس اقرع ود عشمان من البوست دا

كل التقدير

انا الظاهر دخلي لي في ممزق على رأي ابونا حارن طيب الله ثره

ومادام دي شعاراتكم نحن من هسع رفعنا الراية وينكم يا فيصل وابو هريرة وودعشمان كان ما ظهرتوا بعد كلام اقبال ده تقطع فيكم غنيوة وبصراحة محمود ده طلع طابور خامس عديل كده

الفكرة في رأي جيدة بس لواديت كل هذه السلطات للمرأة حتصبح من وزيرة بالدولة إلي وزيرة إتحادية كاملة السلطات وكل زمام الأمور بيدها

هههههه الجماعة ديل بارض المعسكرات بسوبا
نازلين دورات امناء ولايات للجمعية ....الفاتح خليك رافع الراية
ول نوية سلامات نعل مافي عوجة؟ ...الفكرة جيدة وبس...كراع جوه وكراع بره

احترامي لكم

مرحب بيك إقبال كيف الأخبار
ذي ماعارفة نحن لسه مادخلنا نظام الوزارات دا لو أيّدنا كل هذي الصلاحيات لحواء حيكون مؤشر خطر قادم علينا

ياجماعة دة كلام شنو دا هى الحاجات دى ياتو مرة بتقدر عليهم

والبيت والعيال

كدة خلى نشوف راى الجماعة

ســــــلامات
وليكم وحشه

ههههههههه ...... اسمعى كلام اخيتى احسان يا خالتى اقبال .
تفجير القنابل ممنوع الا لاغراض انسانيه الوثيقه الدوليه بتقول كده ... انقرعوا ....

استاز محمود منصور اللسامى كترن عليك
ابو كوارو ... ابو لوارى .... طابور خامس دى شينه من الفاتح ابو ساره وانا ما رضيتا ليكا ...

ولكم فائق الاحترام

حمد لله على السلامة ومنورة يا ناهد طبعا الجماعة كلهم زاغو من القنابل واولهم ود عشمان وفيصل والفاتح محمد توم بعدين يا استازه كترت الاسامي دليل على اهمية المسمى وانا اتأكدت انو استازنا محمود برئ بس الطابور الخامس هو ابوهريرة ما شايفه رده كيف

وين الراكوبه يا استاز محمود منصور ده كورنق

وفى النيل الازرق بسموه نيفاشا والله ما عارفه وجه الشبه

ولكم تقديرى

يا استاذة ناهد

يبدو ان العولمة لم تحط رحالها في السودان بعد

دي راكوبة صناعة صينية.. اما الكرنك صناعة تايوانية

تحياتي لعمنا عبيد و لوالدتك والاخوان صلاح عبيد واسامة عثمان وفي انتظاركم في العمرة

تحياتي

هههههههههههههههههههه هههههههههههههههههه والله يا محمود ما عارفين الحكاية شنو

ياخ انت ما بتفرق بين الراكوبة والكرنق وضهر التور وتيفاشا وضهر التمساح

انا ما عارف لكن اهل ود عشمان لو لقو كرنكك دا بتشو ليك الشم ضحى وكان ما عاجبك اشتكيهم لود عشمان

محمود حواطك مسكت ود عشمان ما شاف البوست
الحمدلله ما تفك السبحة بالله ههههههه