ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

[تم الحل]مليشات دى سى تزعزع الامن بابوجبيهة على مرأى ومسمع

+12
خدورة أم بشق
الشاذلي محمد عبدالله ادم
مرتضى عبدالعظيم عبدالماجد
jaber abdulsater mohammed
كرم هجانه
الفاتح محمد التوم
MONZAL
ابوهريرة عثمان عبدالسلام
محمد قادم نوية
غريق كمبال
أزهرى الحاج البشير
فيصل عبد الله سعد
16 مشترك

صفحة 1 من اصل 2 1, 2  الصفحة التالية

اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty مليشات دى سى تزعزع الامن بابوجبيهة على مرأى ومسمع

مُساهمة من طرف فيصل عبد الله سعد 20th يونيو 2012, 21:08

نقل شاهد عيان الوضع الراهن للمنطقة . وقال فى افادة عبر الاسكابيى ان مليشيات (ال دى سى) اول قل حزب لام كول المكونة من
اثتبات الشلك المنتشرة فى المنطقة تقوم بمطاردة ابناء الشلك داخل المنطقة بغية تجنيدهم اجبارى مما ادى الى تدهور الحالة الامنية فى كل من قرى السهل وجديد وابو نواره التى فر سكانها الى داخل مدينة ابوجبيهة تاركين قراهم لهذه المليشيات التى تسعى فى الارض الفساد.
ونجدر الاشارة ان هذه القوات تم تكوينها لزعزعة امن دولة الجنوب المجاورة ولكنها فشلت فى الدخول الى منطقة كاكا التجارية مما ادى الى رجوعهم الى ابوجبيهة للبحث عن قوة اضافية من ابناء الشلك القاطنة بمحلية ابوجبيهة .والسؤال اين هو معتمد محلية ابوجبيهة من هذه القوضى

فيصل عبد الله سعد
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف أزهرى الحاج البشير 21st يونيو 2012, 06:59

جيش المنشقين يستولى على منطقة كاكا التجارية بدولة الجنوب



الأربعاء - 20 يونيو 2012 12:27

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Algash-shabixxأكد جيش المنشقين استيلاءهم الليلة الماضية، على منطقة كاكا التجارية إثر معارك بينهم والجيش الشعبي لجنوب السودان.
وقال المتحدث الرسمي باسم جيش المنشقين العقيد قبريال قوزي في تصريح صحفي ،أن قواتهم تمكنت من قتل (115) من جنود وضباط الجيش الشعبي التابع لجنوب السودان.
وأوضح قبريال أن قواته تمكنت من الاستيلاء على (16) عربة تاتشر ودبابتين (55)، وأنها أسرت (53) من جنود وضباط الجيش الشعبي، مشيرا إلى أن المعارك قادها اللواء (يوانس اكيج)، داعياً المواطنين بالمناطق الغريبة لولاية أعالي النيل إلى الابتعاد عن مناطق معسكرات الجيش الشعبي.
وأكد المتحدث الرسمي استمرارهم في تطهير كل أرضي جنوب السودان من منسوبي الحركة الشعبية.

وفي سياق اخر أكدت مصادر موثوقة مهاجمة عصابة من منسوبي دولة يوغندا البنك المركزي لجنوب السودان بجوبا ، مساء الثلاثاء 19 يونيو، واستولت العصابة على كميات ضخمة من الأموال بالعملات المحلية والأجنبية.
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف غريق كمبال 21st يونيو 2012, 09:59

فيصل

سلامات

حمدله على السلامه
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف محمد قادم نوية 25th يونيو 2012, 14:19

منذ إعلان قيام هذه الدويلة المتتبع لحالها يجزم بأن هناك حروب عبثية وغارات قبلية ستقوم فيها؛الشلك من القبائل المهمشة عند عصابات جوبا ؛والحرب الكبري ستقوم في مناطق النوير الشرسة
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف ابوهريرة عثمان عبدالسلام 25th يونيو 2012, 23:26

اكيد الموضوع خطير للغاية

حضرن قبل يومين من ابوجبيهة

وهؤلاء القوات بكامل عتادهم الحربى يتجولون فى سوق ابوجبيهة وكان شافو شلكاوى الله قال بى قولو

عسكرت هذه القوات فى منطقة حمد الله (جبل بالسهل

وقامو بذبح اكثر من سبعين راس من الغنم وعندما اشتكى منهم اهل لسهل تم نقل معسكرهم الى منطقة الجحرى بالقرب من الدليبات والان هم معسكرون فى وسط الفرقان

وخبر احتلالهم لكاكا دا كلام جرايد فقط والحقيقة هم كانو فى مناطق الطمر والقردود الطويل وطردوا بواسطة قوات حكومة الجنوب وسبق ان تم الهجوم عليهم فى كاو وربما تلحق بهم قوات الجنوب فى ابوجبيهة

اين قادتنا من ذلك
ابوهريرة عثمان عبدالسلام
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف فيصل عبد الله سعد 26th يونيو 2012, 13:19

ابو هريرة- غريق - نوية - والحاج - سلامات وشكرا على التعلبق على هذا الموضوع الذى اعتبره فى غاية الخطورة
الامن والاستقرار فى ايوجبيهة شى يهمنا جميعاً
ولكن المدهش امما عندما نتحدث عن ابوجبيهة نجد ان هنالك يجلب لنا احداث الجنوب وكاننا مواطنين فى جنوب السودان
وهذا هو الغريب
انا لا ادرى ماهو موضوع احتلال مليشيات النظام قد احتلت كاكا ام لا
اما موضوع احتلال مجموعة مسلحة لبنك الجنوب المركزى فهذه فرية من فريات الانقاذ وانا كنت بحاضرة جنوب السودان جوبا قبل اسيوع ولم اسمع بهذة الحادثة الا فى منتدى ابوجبيهة
ثم ثانياً ماهى مصلحتنا من رعاية قوة فى محليتنا البسيطة لزعزعة امن الجنوب هذا امر يجب ان لانسكت علية وعلينا ان لانغطى النار بالقش
ان تكن هنالك حرب فى الولاية علينا الاجتهاد لاخمادها وليس اجترار الاسباب التى تهدد استقرار الغلابة والمسحوقين من بنى وطنى
ابو هريرة فى الخير وجيت من جوه والحمد لله ان صدقت خبرى بسردك تفاصيل لم اعرفهنا
ولكم مودتى


عدل سابقا من قبل فيصل عبد الله سعد في 26th يونيو 2012, 13:27 عدل 1 مرات (السبب : التعديل يخصوص تصحيح اسم ابو هريرة)

فيصل عبد الله سعد
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty الدي سي

مُساهمة من طرف MONZAL 26th يونيو 2012, 14:24

اخوتى بعيدا عن اى شي يجب ان نناقش بموضوعية هل وجود الدي سي داخل مدينة ابو جبيهه شى محمود؟ لوافترضنا ان قامت حكومة الجنوب بماهجمتهم منوا الخسران نحن ام هم ؟
MONZAL
MONZAL
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف الفاتح محمد التوم 26th يونيو 2012, 18:13

فيصل عبد الله سعد كتب:ان تكن هنالك حرب فى الولاية علينا الاجتهاد لاخمادها وليس اجترار الاسباب التى تهدد استقرار الغلابة والمسحوقين من بنى وطنى
ابو هريرة فى الخير وجيت من جوه والحمد لله ان صدقت خبرى بسردك تفاصيل لم اعرفهنا
ولكم مودتى
مع خالص المودة ,,,فيصل حمداً لله على سلامة عمتنا عاشة (أم عبدالقوي) ,,,
وبنفس الفهم أخي فيصل (أبناء جنوب كردفان )في الحركه عليهم الدفع والإلتفاف حول المبادرات والدعوات التي قدمت من الإدارات الأهلية وأبناء المنطقة ومن خارج السودان لأجل السلام في المنطقة عامة ,, هل تعلم بأن الولاية ستفقد أكثر من ثلث المساحة الزراعية ( جباريك+ مشاريع ) ؟؟ إضافة الى الماشية التي فرت أو هلكت أو نفقت وكذا الأطفال و النساء و الشياب ,,, الولاية كفاها نقصاً في الأموال و الأنفس و الثمرات .....

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف كرم هجانه 26th يونيو 2012, 22:37

تسلم يا أخى الفاتح .. و يسلموا كل الشباب ..
يا فيصل ما برضوا أبناء جنوب كردفان التابعين للحركة و الجيش الشعبى هم يتجولون برضا حكومة الجنوب فى مدن الجنوب بأسلحة مختلفة رشاشات و أقلام .. ديل ما دايرين إنفصال .. عشان كدا مرحب بيهم .. ياكلوا غنم و بعدين منقة و كلنا سودان .. إذا الجنوب بيحتضن مليشيات معادية الشمال .. بديهى الشمال يحتضن مليشيات بتعادى الجنوب ..
المعم إنو السلام فى أبوجبيهة لن يكون بمعزل عن سلام السودان .. خلوا الجنوب فى حالوا و تعالوا ننضم لمبادرة أهلنا و نلم شملنا .. و نلعب بولتيكا واطة .. كورة واطة .. ولا شنو يا ود النو ؟؟؟
بعضنا صار أيادى و أدوات فى يد تدمر أهله .. دولة أخرى .. حقوا نخلى الجنوبيين يستمتعوا شوية بأجواء الحرية و الإستقلال .. أى شخص بيطلب الوحدة هو مستعلى بغيض .. على أقل تقدير ...

كرم هجانه
نشط مميز
نشط مميز


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف jaber abdulsater mohammed 27th يونيو 2012, 08:14

انا بفتكر ان الجنوبين الذين يرفضون الانفصال لايحق لهم الحرب لان الاستفتاء الذي اجري بأشراف حكومة المؤتمر الوطني وفاز الانفصالين ب98% وعليه يجب ان يكونوا ديمقراطين ومن حقهم ان يحاربو المؤتمر الوطني ليس حكومة الجنوب . ولام اكول من اوائل الذين كانوا ينادون بالانفصال قبل ان يقرر الشعب الجنوبي .
jaber abdulsater mohammed
jaber abdulsater mohammed
نشط مميز
نشط مميز


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف مرتضى عبدالعظيم عبدالماجد 27th يونيو 2012, 09:08

مع اني لا اقف مع الحركة الشعبية و لكن هناك معروف ان الحركة وقعت اتفاق للسلام في اديس ابابا مع نافع و جاء الرئيس الهمام بجرة قلم الغى الاتفاق و بل طالب بمزيد من القتال ووجه جنرالاته بذلك.......... بصراحة ما حيتحقق سلام و لو ختينا كورة واطة او لعبناها فوق لأنو القرار ليس بيد ابناء جنوب كردفان القرار بيد الخرطوم و الخرطوم لا يهمها ما يحصل فليقتل الاطفال و تشرد الاسر..... و الموضوع مكايدات بين حكومتين واحدة ادمنت الفشل و الثانية في الطريق......


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
مرتضى عبدالعظيم عبدالماجد
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف ابوهريرة عثمان عبدالسلام 28th يونيو 2012, 01:06

جابر ودكتور مرتضى وهو كذلك

لم اكول هو اول من طالب بالانفصال

الاخ كرم هل سمعت بان حكومة الجنوب اطلقت يد المعارضة الشمالية فى جوبا لتجنيدهم اجباريا كما يحصل للجنوبين فى ابوجبيهة وحتى فى الخرطوم

اى استراجيه هذى

وهل تسمح لنفسك بان يتصرف قوات الدى سى فى اموالك او حتى تستضيفهم

ثم ماذا فعلت حكومة المؤتمر الوطنى لاجل السلام على الصعيد المركزى او الولائ

انظر كيف اهتمت الحكومة بهجليج ووضعت لها فرقة كاملة من الجيش لحمايتها فى حين كل الجيش

بتاع جنوب كرفان فرقة ولا دا ابترول ما فيه لعب

اصحو يا ناس
ابوهريرة عثمان عبدالسلام
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف كرم هجانه 30th يونيو 2012, 18:53

قدر ربنا إنو أبوجبيهة تقع على مقربة من الحدود .. و دا طبيعى ..
و مال اللاندكروزرات دى قاعد تجى من وين يا أبو هريرة ؟؟ و من وين بدأ تحرك غزو هجليج ؟؟ حكومة المؤتمر الوطنى حلت مشكلة الجنوبيين .. أدتهم إستقلالهم .. من وطن لا يرون أتهم جزء منه منذ العام 54 قبل خروج المستعمر .. كان يمكن لأى حكومة شجاعة بعد الإستقلال تفعل ذلك .. لكن الإنتهازية و إستغلال الضعفاء عمى بصائرهم من أن يرحموا شعب الجنوب من بدرى .. ما يحدث الأن يا أستاذ أبوهريرة هو تداعيات السلام .. و عملية فصل للوجدان الملتصق قى غير إتحاد .. و الحروب الأخيرة دى هى فرفرة لمن زبح نفسه وهو الحركة الشعبية خاصة من الشماليين ..
هجليج شريان للوطن ككل .. و إذا سقطت لا قدر الله ح تسقط أبوجبيهة قبل الخرطوم ..
و بما أن للصادق المهدى أصدقاء فى الجنوب .. برضو للبشير و نافع أصدقاء فى الجنوب .. و تعرقتا السودانيين فى الصداقة ..
ناس فيصل ديل ح يرجعوا البلدمهما طالت غربتهم .. و ما سنحترمه فيهم هو أنهم عبروا عن موقفهم و بس .. لمن يجو ح يلقو البلد بي خير و أهلهم بخير ..
قد نعود ......

كرم هجانه
نشط مميز
نشط مميز


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف ابوهريرة عثمان عبدالسلام 30th يونيو 2012, 22:52

الجنوبيون اخذوا حقهم عنوه ورجالة

هجليج اهتمت بها الحكومة المركزية لانها توفر لهم البترول مش عشان سواد عيون شعب جنوب كردفان

وكونت لها فرقة من الجيش لحمايتها لوحدها

وكل جنوب كردفان يحمى بفرقة فقط والباقى د ش

شايف الفرق كيف

والان يتم التخطيط بحمايتنا بالدى سى

والبرلمان الان ينظر فى الغاء قانون العدوان

عشان ما يدخل فى مشاكل دبلماسية
ابوهريرة عثمان عبدالسلام
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف كرم هجانه 3rd يوليو 2012, 23:05

يبدو يا أستاذ ابوهريرة .. إنك تعيش لحظة (فـ لتراق كل الدماء)
ياخ الشماته ليك شنو ..
ما يفعله بعض الجنوبيين أسوأ أشكال رد الجميل ..
لأنو الحكومة كسرت ليهم الدش فى يدهم ..
ما دايرين وحدة .. و السبب هو إنو التباين العرقى بينهم و بين بقية السودانيين كبير جداً .. دا كل الموضوع ..
إسقاط النظام هدف صهيونى فى المقام الأول .. لمنع تمدد الإسلام نحو إفريقيا الجنوبية .. كما قال سلفاكير .. فهو هدف صهيونى يحقق أهداف كثير من الناس
و لمن يسقط النظام .. سوف تكونوا من أول الضحايا ..
ما يقول لى ح نعمل مؤتمرات و و و و و
القصة معروفة .. الإنتخابات قربت أحسن تمشوا تستعدوا بلاً من محاولات إستخدام الزخيرة لإسقاط النظام .. بعدين ما ح تفرز ..

كرم هجانه
نشط مميز
نشط مميز


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف jaber abdulsater mohammed 4th يوليو 2012, 11:48

والله ياكرم انت بتكتب كلام انت نفسك مامقتنع به دا كلام شنو ، الثورة الان انطلقت من المساجد والبنبان داخل المساجد مين الصهيوني ياخي فكر بعقلك .
ب
jaber abdulsater mohammed
jaber abdulsater mohammed
نشط مميز
نشط مميز


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف ابوهريرة عثمان عبدالسلام 4th يوليو 2012, 13:57

الدش يانو السرتو الحكومة للجنوبيين اظنك تقصد العكس

واذا تكلمت عن التباين العرقى الذى ادى الى الانفصال نفس التباين موجود فى النوبة صورة طبق الاصل ليه ما فصلتهم

والاسلام التى تتحدث عنه اين هو الان ونحن شايفين

هل الاسلام يعنى الفساد والسرقة التى طالت حتى مؤسسات العبادة حج وعمره واوقاف وذكاة

ام الاسلام هو التعامل الربوى الذى يتم لانغاذ الاقتصاد

والان كان القران يتنزل فيهم الان

قبل فترة احضروا المليارات وطرحوها فى السوق واشترها التجار واستفادووخسرت الدولة وهنا انطبقت عليهم كل احادث وايات الربا

هل هو الاسلام المحروس بهؤلاء
ابوهريرة عثمان عبدالسلام
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف كرم هجانه 4th يوليو 2012, 23:42

سلامات جابر ...
الثورة لا يصنعها الأيديولوجيين ... أو المؤدلجين ... معروف فى الخرطوم من يحاولون إنتهاز هذه الظروف .. حزب الأمة .. المؤتمر الشعبى .. الحزب الشيوعى ..
و من هم خلف الجدار ينتظروا فى ترقب لتفجير الوضع فى السودان .. الفكرة إنو التغيير السلس عبر الإصلاح هو الأفضل .. فى تقديرى الشخصى .. أنت لا تدرى ما دار و يدور .. قد تقول إنو الحكومة هى السبب .. و قد أتفق معك .. لكن لا أتفق معك فى الوسيلة .. الإنتخابات هى الحل .. أرضغطوا الحكومة عشان تعمل إننخابات مبكرة .. هكذا تفكر الشعوب الراقية .. ضغط لحمل الحكومة لكى تكون هناك إنتخابات مبكرة .. و ليس إسقاط النظام .. عشان تقول لى بعد شوية كنس آثار الإنقاذ .. مثل ما قلنا كنس أثار مايو و لم نكنس سوى أحلامنا بواقع أفضل ..
الإستاذ الجليل أبا هريرة ...
أنا لا و لن أدافع عن الفساد و لا المفسدين .. و لا حتى عن حكومة ما قادرة تقنع مواطنيها بأنها الأجدى و الأنفع لهم .. أعتقد أن هذا واضح ..
قصة إفقار الشعب و تجويعه حتى يثور فكرة قديمة .. جربتها بعض القوى السياسية ضد النميرى .. و كانت بتكب السكر و الدقيق و العيش فى البحر .. و كنا لمن كنا .. كنا نقول .. العصيان المدنى .. حتى خرج المواطن فى رجب أبريل .. إنتو الآن بتكبو قوت الشعب فى البحر .. و بتولعوا حرب بالوكالة مع الجنوب و بتشفطوا الدولار .. و و و عشان كرسى السلطة ... لسع دايرين تجيبوا الترابى رئيس و الصادق نائي رئيس .. يعنى نرجع بطون أمهاتنا ولا كيف ..
حقوا نتطور شوية و ملعب بولتيكا ... قولو دايرين أنتخابات مبكرة .. إتكلموا بلغة العالم .. إنت عارف إنو لو سقط شهيد واحد فى الخرطوم ممكن الدم يسيل بحر .. ليه عايزين تجرو الناس لهذا المعترك ؟؟
ما أظن دا يحصل
التباين العرقى الموجود ترتفع فيه درجة الإنسجام و التناغم .. أنا أتحدث عن علاقة المواطنين و ليس السياسيين .. الذين يرسمون البسمات الصقراء على شفاههم ...

كرم هجانه
نشط مميز
نشط مميز


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف jaber abdulsater mohammed 5th يوليو 2012, 08:59

كتب كرم الفكرة إنو التغيير السلس عبر الإصلاح هو الافضل .
هل اتي المؤتمر الوطني عبر الاصلاح .ام تدعدى على راي الشعب في ليلة ظلماءعبر الدبابة والبندقية
الان نحن في الشارع لضغط على الحكومة لكي تسجيب لحقوق المواطن والحل في يدها وان كان لها حل فلتطرحه على الطاولة وتكون جادة .

نحن لم نجر اي حد الى سيل الدم نحنا ناس عزل خرجنا من المساجد عايزين اصلاح يشارك فيه الجميع دون اقصاء .
اما إنتخابات مبكرة هذه فكرة مرفوضة تماماً . عايزين حكومة قومية انتقالية تحددلها فترة معينة ، دستور دائم / تم انتخابات .

الصادق /الترابي من هذا الشعب والشعب الذي يقرر من يحكمه لست معترضين على خياره.
jaber abdulsater mohammed
jaber abdulsater mohammed
نشط مميز
نشط مميز


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف ابوهريرة عثمان عبدالسلام 5th يوليو 2012, 13:28

ثورة الانغاذ استولت على الحكم على ظهر دبابة

وجاء جون قرنق وحكم بواسطة دبابة ورياك مشار وتعبان ولام اكول جاؤو على دبابات وكذلك موسى محمد احمد ومنى اركو مناوى وبحر ادريس وعقار وعبدالعزيز الحلو جميعهم حكموا بواسطة الدبابات والا التجانى سسى

وانت ياكرم تحدثنا عن انتخابات مبكرة او متأخرة يعنى عايز تبيع الموية فى حارة السقايين ولا ايه

نحن نعلم جيدا كيف تدار الانتخابات وكيف يتم التذوير

عندما وضعت لك الحركة الشعبية متاريس امام تزويرك لجات للحرب انت وهى ولكل شعار حرب اما النجمة او الهجمة واحمد هارون او القيامة تقوم وكل هذة الضحايا معلقة فى رقبتكم مؤتمر وطنى وحركة شعبية وستسألوا عن كل ذلك يوم القيامة

وحتى اذا لم تستفد الاحزاب من هذه الفرص فانهيار الاقتصاد والربا والفساد جدير بازالة هذا النظام
ابوهريرة عثمان عبدالسلام
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف الشاذلي محمد عبدالله ادم 5th يوليو 2012, 14:28

يبدو ان مشكلة وجود قوات الدي سي لا تؤرق الاعزاء في المنتدى وقد شاهدت بعيني معسكرهم الكبير قرب الجحره ولهم من الاليات ما لهم !!

اخوتي المشكل السوداني عميق وكل شئ متداخل ولذلك قدر الحكام السابقون كبر المسؤلية الملقاة على عاتقهم فأبقوا على الجنوب الحبيب جزء من السودان بينما فكر اهل الانقاذ كعادتهم في وضع كل السودانين امام الامر الواقع فنحن الان امام الامر الواقع للانفصال فهل كان ذلك حلا ؟

كل الذين تناولوا مشكلة المليشيات لاشك انكم تعلمون معنى ان تقاتل بالوكالة سواء كان مع حكومة الجنوب او حكومة الشمال فالحل ليس في هذه المليشيات التي تاكل الغنم وتمشى في الاسواق وانما الحل في توافق وطني على الحد الادنى ينقذ السودان من الانقاذ والا ستستمر هذه الاشياء الاستفزازية

اخي فيصل عبدالله حمدالله على العودة لاثير المنتدى
الشاذلي محمد عبدالله ادم
الشاذلي محمد عبدالله ادم
نشط مميز
نشط مميز


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد

مُساهمة من طرف فيصل عبد الله سعد 7th يوليو 2012, 15:21

اولاً: نعتذر
لكل الاخوان مت
عدم المداومة للرد على
موضوع الدى سى
لاسباب كثيرة
[/right]



ثانياً : لابد من
التجرد فى اى نقاش يخص مدينة ابوجبيهة
لانها بالنسبة لى ويفترض ان تكون
عند الجميع خط
احمر لانسمح بتجاوزه ( فكل
شى كوم وابوجبيهة
كوم تانى خالص) وانا
لم اذكر هذا
الموضوع من بنات
افكارى بقدر ما انه
واقع يمشى بين
الناس تحدث عنه
الجميع . وانى ارى
تناول الموضوع من
بعض الاخوة فى
اطار التعاطف الغير مبرر وذكر
الحركة الشعبية و حكومة الجنوب .
فسؤالى ماعلاقة الحركة
الشعبية او حكومة الجنوب
بمليشيات دى سى فى محلية
ابوجبيهة؟ انا اعرف
للحركة الشعبية معارك
مع النظام. ولكنها لم
تاتى بمليشية تزعزع الامن
داخل ابوجبيهة .وهنالك
من ينظر الى
الامر بان فيصل
هذا حركة شعبية
ندى فى راسو
طوالى .وهنا انا لابد
لى من( تحية
الاخ غريق كمبال وبعد نظره فى
عدم تناول الموضوع ولو
من زاوية القبول فلك الانحاءة
ول كمبال).
[/right]

]وعندما تناولت

الموضوع لم اتحدث
باسم اى حزب
او غيره " فمالكم عن الحق
تخرصون"؟
[/right]



علينا الاجتهاد
لطرد هذة القوات وعدم ايجاد الاعزار
لبقائها فى " الجحرة "
او غيرها
من مناطق المحلية
لان اى هجوم من هذة
القوة على الجنوب
سيكلف المحلية ارواح
عزيزة وعدم استقرار لم
يحدث .انا لاتهمنى
حكومة الجنوب ولا الحركة
الشعبية بقدر مايهمنى استقرار مدينى
ومسقط راسى.
[/right]



الاعزاء كرم -
جابر - الفاتح
-ابوهريرة- وكل من لم اذكره تقبلوا
تحياتى
[/right]



الشاذلى يا
اخوى انت وينك والله
قرمانين ليك قرم
حار بالحيل اخوى
ارجو ان تمكنا
اخبارك لنطمئن عليك
ولك ودى الخاص
ايها الصادق المخلص
[/right]



الفاتح الله
يقبل حمدك وتحياتى
لعبد القوى
[/right]



نكتة(كتبت مقال
عن هذا الموضوع فى
عدة مواقع الكترونية
فكانت احدى المداخلات
فى الراكوبة بانى اى
كاتب المقال لست من ابوجبيهة
ولا يحق لى الحديث
عن ابوجبيهة وكان انت من ابوجبيهة ورينا انت منو)فضحكت كثيرا .
[/right]



تحياتى فيصل سعد
[/right]


عدل سابقا من قبل فيصل عبد الله سعد في 7th يوليو 2012, 15:25 عدل 1 مرات (السبب : مسح اشياء لاعلاقة لها بالموضوع)

فيصل عبد الله سعد
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف محمد قادم نوية 8th يوليو 2012, 14:42

يا أستاذ سؤالك كان مركّب ؛ألم تُشر فيه بأن هذي المليشا هدفها زعزعت أمن الجنوب؟
وهذا ليس همنا ؛فالآن الخطر الحقيقي الذي يواجهه أهلنا في أبي جبيهة وضواحيها هو مليشيا ت حركة الشمال
*يجب أن نكون أمينين مع أنفسنا ونضع مصلحة بلدنا فوق كل شئ
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف مرتضى عبدالعظيم عبدالماجد 8th يوليو 2012, 15:11

ياجماعة الكلام المنطقي انو الحكومة بدل تجيب مليشيات جنوبية و تخليها في ابوجبيهة تحل مشكلة الحرب في الاول و الاتفاق تم لكن الرئيس المتهور رفضو.
هل حل المشكلة انك تجيب مشكلة جديدة؟ و دا ممكن يدي جيش الجنوب مبرر انو يعتدي علي جديد و المناطق الجنوبية بحجة رد العدوان.........
ماتشوفو الفيل و تطعنو في ضلو المشكلة الانقاذ و احمد هرون


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
مرتضى عبدالعظيم عبدالماجد
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف فيصل عبد الله سعد 10th يوليو 2012, 15:23

نوية سلامات يا استاذ
انا لم اسأل فى الخبر اى سؤال . غير اين معتمد ابوجبيهة ؟ (لانو لو كان ده اى زول غير المؤتمر الوطنى كان قلبتو الارض) !! وفى تقديرى هذا سؤال بديهى
والخبر منقول كما قال محدثى فاين المركب ؟ واين حديثى عن زعزعة امن الجنوب ماجاء فى الموضوع هو ان من تحدث معى قال لى ذلك وليس انا
اما حديثك عن مليشيات الشمال فانا اكتفى برد الاخ مرتضى عبد العظيم
وياجماعة الله ناطتعنوا فى الظل والفيل واقف
مع تحياتى

فيصل عبد الله سعد
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف أزهرى الحاج البشير 10th يوليو 2012, 15:53

" فمالكم عن الحق
تخرصون"؟

فيصل أرجوا أن تراجع كتاباتك عن الحركة الشعبية سابقا
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف محمد قادم نوية 10th يوليو 2012, 16:14

فيصل عبد الله سعد كتب:نوية سلامات يا استاذ
انا لم اسأل فى الخبر اى سؤال . غير اين معتمد ابوجبيهة ؟ (لانو لو كان ده اى زول غير المؤتمر الوطنى كان قلبتو الارض) !! وفى تقديرى هذا سؤال بديهى
والخبر منقول كما قال محدثى فاين المركب ؟ واين حديثى عن زعزعة امن الجنوب ماجاء فى الموضوع هو ان من تحدث معى قال لى ذلك وليس انا
اما حديثك عن مليشيات الشمال فانا اكتفى برد الاخ مرتضى عبد العظيم
وياجماعة الله ناطتعنوا فى الظل والفيل واقف
مع تحياتى
سلامات يا أستاذ فيصل أرجوا أن تكون بخير؛ وتحياتي الحارة لــــــ صديقي "بوش" لومعاك أخبارو
ليس صحيح فيما أشرت له في عبارة(.......قلبتو الأرض) فنحن لامع المؤتمر الوطني ولا مع ذاك فقط نقول وجهة نظرنا ونري ماهو صائب؛ألا تتفق معي بالخروقات المشينة التي قامت بها الحركة الشعبية قطاع الشمال وأنت تغض الطرف عنها؛كونك صحفي يجب أن تتناول كل الأحداث بكل حيادية وتضع الإنتماء الحزبي جنب حتي يكون رأيك مقبول يا أخي
مجمل الحديث نأمل يعي الجميع بأن هذه الحرب والخروقات والإغتيالات ماهي إلا وقود وتأجيج لهذه الحروب
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف خدورة أم بشق 12th يوليو 2012, 14:20

الخطر كل الخطر من الطابور الخامس وهم مننا وفينا !!!! وسيؤكلوا كما أكل الثور الأبيض؟؟؟؟

خدورة أم بشق
مشرف منتدى الشعر
مشرف منتدى الشعر


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف أزهرى الحاج البشير 12th يوليو 2012, 17:12

الخطر كل الخطر من الطابور الخامس وهم مننا وفينا !!!!
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف غريق كمبال 14th يوليو 2012, 11:24

فيصل سعد

تحياتى

راى فى الدى سى واضح وقلته فى كل المنابر وقلته فى لقاء خاص مع النائب الاول واحالنى الى الوالى وقلت له رايى فى هذه القوات

وما كنت احزر منه قد وقع

الفظيع فى الامر ان قوات الدى سى اضحت اليوم من اهم اوراق التفاوض للجنوبيون واستطاعو ان ينقلوا صراع الحدود من كاكا الى جديد والمقينص والحمره

للذين لا يعرفون جقرافية المنطقه ان المفاوض الجنوبى يزعم ان الحد الفاصل بين الجنوب والشمال يمر بالمقينص مرورا بمبروكه ثم الحمره فالطمر وجديد وقريض وفنقر (ما يعرف بشارع اللحوم)

والحد الحقيقى يمر من المقيتص الى عجيز ثم العقد شرق الحلوف ومنها الى كاكا كمورد لعرب كردفان كما هو متعارف عليه فى خرط 56

بسماح حكامنا للدى سى بالتواجد فى هذه المنطقه عزز ذلك موقف المفاوض الجنوبى

واضعف من موقفنا التفاوضى وبالاخص بعد النزوح الجماعى لاهل المنطقه من قراهم

ورقة الدي سى اعمق من انها ورقه عاديه او قوات ماويه من دوله ضد الاخرى

الدى سى اليوم بقت شان سياسى مهم لدى الجنوبيون

تحياتى
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد

مُساهمة من طرف فيصل عبد الله سعد 19th يوليو 2012, 14:35

كرم الدين البلد لحقت حبوبات طه ناهيك من امات طه ولا ادرى ماذ ا تبقى من الصلاح وانتم لاتطبقون حتى مقولة من راء منكم منكراً فليغيره حتى ولو بقلبه مع انه اضعف الايمان وانتم تنظرون الى الامور بمنظار احادى الاتجاه ازهرى الحاج كتابتى عن الحركة الشعبية مثل كتابات الاخرين عن المؤتمر الوطنى وكل حزب بنا لديه قرحون ، ولكن عليكم ان تعلموا ان الحركة الشعبية لست لها علاقة بما يحدث فى ابوجبيهة بل هو من بنات افكار المؤتمر الوطنى وعلى قول حبوبتى عجوز خمو وضرو
فضل الحاج او خدورة ام بشق واخية لا ادرى ما عبارة طابور خامس ؟ وكل سودانى حر واقف الان ضد النظام لانه اكتشف سواءاته منذ قدومه الى الان نظام لم يترك لنا شى حتى نظن اننا فى بلد امن مستقر وياجماعة اليدو فى الموية ماذى الايدو فى النار
ناس بره
الاخ غريق انا احييك بقدر احترامى لك رغم اختلافتنا الابدولجيى ولكن ان كان لك موقف فهو يعبر عن ضمبرك الحى للتعامل مع قضايا الوطن ومن تشرد فهو من بنى جلدتك والمطلوب ان تعمل اكثر كما عهدناك وهذا عشمنا فيك.
اما الحديث عن عمالة ومخطط اجنبى وغيره فهذا حديث دنكشوطى وكل من يدعم هذا النظام هو العميل وكل من يقف فى صفه فهو طابور خامس من الزعيم الميرغنى الذى يشارك الان فى الابادة والقمع بتمثيل ابنه بشرعية الاتحادى الديمقراطى الى اقل تاجر من تجار السوق الاسود
وماهى معايير وصفكم لنا بالعمالة والكلام الخارم بارم ده
تحياتى فيصل

فيصل عبد الله سعد
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف أزهرى الحاج البشير 20th يوليو 2012, 09:45

طالما أنت فرح بما لديك فلماذا تنكرهم ؟؟ أما عن فضل الحاج وأخيه وسؤالك عن الطابور الخامس فكما قالت حبوبتي أيضا .. الفي بطنوا حرقص براهو برقص
.... وأنا عارف والله عارف وإنت عارف !!!
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد

مُساهمة من طرف فيصل عبد الله سعد 21st يوليو 2012, 11:05

نسمع في وسائل الإعلام العربية عن الطابور الخامس، ونفهم أنه يعني
العملاء في داخل البلد لمصلحة بلد خارجي، فإن صح هذا فهل هناك طابور رابع وطابور ثالث
وهلم جرا، وماذا تعني هذه الطوابير؟


نشأ تعبير الطابور الخامس أول
ما نشأ أثناء الحرب الأهلية الإسبانية التي نشبت عام 1936م واستمرت ثلاث سنوات ...
وأول من أطلق هذا التعبير هو الجنرال الإسباني كويبو ديللانو، وكان أحد قواد
القوات الثائرة... وكان يتحدث عن قواته الزاحفة على مدريد وكانت تتألف من أربع
طوابير من الثوار ثم قال أن هناك أيضاً طابوراً خامساً يعمل مع الثوار ولكن داخل
مدريد نفسها وكان يقصد بذلك مؤيدي الثورة من الأهالي. وبعد هذا الوصف الذي أطلقه
الجنرال الإسباني الثائر أصبح أستعمل كلمة الكطابور الخامس شائعاً، وأصبحت تدل على
الجاسوسية وعمليات التخريب التي تتم داخل البلد بواسطة أعوان لأعداء هذا البلد،
وبعد نهاية الحرب العالمية الثانية أتسع معنى كلمة الطابور الخامس ليشمل أيضاً
مروجي الإشاعات ومنظمي الحروب النفسية التي إنتشرت للحرب الباردة التي نشأت بين
المعسكرين الشرقي والغربي

.


هذا
هو المعنى الحقيقى
للطابور الخامس فان كنتم
تقصدون هذه العبارة
فانكم مخطوؤن لانى
خرجت على النظام
وفضلت ان اناضل بكل
ما املك الى
حين زواله , وهذا ما اصبوا
له اذن انا
خارج على النظام ان
كنتم لاتدرون .
اما عن تنكرى
للحركة الشعبية فهذا
حديث مجافى للحقيقة .
انا مؤمن بمشروع
السودان الجديد ومؤمن بقضايا
النضال التى رفعة
من اجلها الحركة
الشعبية شمال السودان السلاح فى
وجه العصابة الحاكمة
حتى لحظة كتابتى
لهذه الاسطر وساظل
داعماً لقضايا التغيير عبر
التنوير الى ان
يقضى الله امراً كان
مفعولا هذا موقفى ولا حيادة
عنه

والله من وراء القصد.

فيصل عبد الله سعد
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف خدورة أم بشق 21st يوليو 2012, 13:12

ووين ولد الصادق المهدي ... الذي مثلك يا فيصل درسناه في المدارس وحين كنا نناضل ودخلنا من أجل بلدنا وليس حزبنا السجون والمعتقلات لم تعتب أنت على أبواب المرحلة الابتدائية وحين تكلمت عن الطابور الخامس لأن هنالك أهل لنا في كادقلي وتالودي تضرروا من الطابور الذي كان يستخدم الموبايلات .. وحين نتكلم نحن لسنا من النظام ولكن مايجرالأذى لكل سوداني ننتقده حتى ولو كان من الحركة الشعبية..الجنوب انفصل من الشمال ربنا يفتح عليه وعلينا والذي أعجبه الجنوب يمشي ليه ويتجنس بجنسيته لو يرتضيه أهل الجنوب بينهم. وكل إناء بما فيه ينضح

خدورة أم بشق
مشرف منتدى الشعر
مشرف منتدى الشعر


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف محمد قادم نوية 21st يوليو 2012, 13:18

للأسف الشديد أنتم(حركة الشمال)أكبر مهدد أمني لللمواطنين ونضالكم المزعوم هذا ؛كان لمصالحكم الشخصية فقط... ماذا أفدتم المواطن بنضالكم هذا ؟ غير القتل والتشريد والنهب وتعطيل التنمية ؛هكذا كان نضالكم
*إذا كان الحركة الشعبية قطاع الشمال هي نابعة من الحركة الشعبية الأم ؛ وأحد ذرائع الحركة الشعبية الأم في السودان فكيف لاينطبق عليكم هذا المصطلح (طابور خامس)


عدل سابقا من قبل محمد قادم نوية في 22nd يوليو 2012, 13:46 عدل 1 مرات
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف غريق كمبال 21st يوليو 2012, 14:58

يا فيصل

ناضلو لى قادى عليك الله ابعدوا عن

زعزعت الابرياء

و قتل الضعفاء

وتشريد المهمشين
وحرق المزارع

وقطع الشجر

ونهب اموال النواطنين

واكل حق الضعفاء

ووقف التنميه مثل الطرق

وطرد الصينين

ووقف العمل فى الطريق الدائرى

هذا يا اخى غيض من فيض مما تقوم به الحركه الشعبيه من عزاب الى اهلنا دون اى زنب اغترفوه غير ان قدرهم جعلهم سودانيون مقيمين فى جتوب كردفان

كده يا راجل راجع نضالك ده 00المستفيد منو منو ؟؟؟؟انتم كده بتعزبوا فى اهلكم وبتقتلوا فى المهمشين الذين تدعوا الدفاع عن حقوقهم

على الاقل المؤتمر الوطنى موفر لهم الامن والامان والواحد هسع لو لقى فرطه من كودا جرى لحدى الحباك يفعل عشان يتخلص من جحيم الحركه

طابور خامس كلمه ظريفه وناعمه وهى كما شرحت تطلق على معارضى الداخل لكن الامر منها هى العماله يا فيصل ان تكون طابور خامس ممكن دا رايك لكن ان تكون عميل هذا هو الخزى نفسهه

متوقعك ان تقول انا الان فى كودا او فى طروجى او حتى فى باو او الابيض لكن ان تقول انا فى جوبا هذه العماله بعينها

يا اخى انت اخترت هذا الطريق نعال ناضل بشرف اقطع المقرح

اقول ليك لما الجماعه قطعوا المقرح قالوا لينا معاهم اولاد ابوجبيهه منهم الشيخ كامل واخرين فى نظرنا انهم محترمين ومؤمنين بى القضيه المن اجلها حملوا السلاح لكن ان تقول لى انا مناضل من جوبا !!!

العماله طيب نكون شنو يا راجل

كده اقيف موقف واضح وتعال سوى كوماج عديييييل تجدنا نحترم خيارك لكن ان تكون فى فنادق جوبا فلا

الفرق بين ياسر عرمان وخليل شنو ؟؟لو عرفتو بتعرف الفرق بين العماله والنضال

لك التحيه
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف محمد النو 22nd يوليو 2012, 08:05

السلام عليكم ياشباب رمضان كريم

نحترم كل الاراء وكل ولكن الاراء الضبابية ما تنفع لكل انسان راي او يحمل فكر مخالف وهناك اشخاص لا راي لهم في كل الحاصل يعني لا عفنة ولا حلا فيصل حر في فكره وفي اي صف يقف

ملاحظة عندما يخطئ النظام واحد اعضائة لا يستطيع الكثيرين نقد هذا العضوا او النظام لماذا

وعندما يخطي الانسان العادي امثالنا وامثال فيصل سعد يجد وابلا وسيلا من الند والنقد السالب جدا ارى ان هذا المعيار غير عادل واتمنى ان تكتب رايك بحيادية

نعم لقد ارتكبت الحركات اوبعض الحركات او افراد منها مخا لافات ولكن ما رايكم في ما ارتكبته الحكومة ومليشيات الدفاع الشعبي من حرق ونهب مممتلكات الابرياء في مناطق التي تدعي الحكومة متمردة

وما رايكم في حملات التطهير العرقي

ومارايكم في التشريد طرد الناس من بيوتهم

وما رايكم في قتل الابرياء

وما رايكم في اجازة الربء والقروض الربوية

والتخابر مع اسرائيل وقبض الثمن

وما رايكم في التنازل من تراب الوطن لصالح الاخرين

ماريكم في فشل النظام وفي توفير ابسط الاحتياجات

لماذا لم نتحدث عن قتل النظام للابرياء في دارفور

كلها جرائم في حق الوطن والانسانية

لكننا لم نسكت عن اي انتهاك لحق الابريا من جميع الجهات

سواكانت الحكومة او الحركات

ولن نرضى عن اهانة اي شخص

اين الحريات

اين حقوق الانسان

اين الدين

اين العدالة
محمد النو
محمد النو
نشط مميز
نشط مميز


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف محمد النو 22nd يوليو 2012, 08:32

اخونا كرم رمضان كريم

كرم انت شايت وين الكلام دا بدينك الناس الكان بكبوا السكر والعيش معروفين وهم نفسهم الحاكمين وتاني في زول عندو قروش عشان يكب ويشتري اياكرم جماعتكم ديل ما سكين اي حاجة تقول يكبوا السكر

وبعدين ارجو يا كرم لو كلامك دا وصل البشير حتدخلنا في ورطة حيصدق الرئيس ويقوم يخلق لينا موضوع جديد بالطابور الخامس كبوا المواد الغذائية في البحر واتلفوها

ياكرم اتقوالله في حديثكم لا دتافع عن الباطل مهما كان قول الحق وبعدين المجرم هارون حيزعل منك

كلموا عشان يطرد مليشيات الشلك

قبل ما تتازم المشكلة
محمد النو
محمد النو
نشط مميز
نشط مميز


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف أزهرى الحاج البشير 22nd يوليو 2012, 08:39

يا ود النو نحن لم نتجن على أحد وأرجوا عندما تعلق على موضوع مُثار في أي بوست أن تقرأ كل ما كتب ليكون تعليقك منطقي ومقبول ومبني على فهم كامل للأمر .. فيصل حر في رأيه ومذهبه وله أن يكتب ما يشاء ولا أحد يستطيع أن يحجر عليه الكتابة أو الرأي ومثلما يكتب هو نكتب نحن .. ونحن أحرار في رأينا .. لا تدافع عن قضية هي في الأصل غير موجودة .. وما كتب فيصل إلا ليطرح أمرا للنقاش .. فقط أقرأ بترو وحيادية وفهم للأمر ولا تمر على الكلام بدون تبصر وفهم لكل سطر كُتب ولا تلقي الكلام على عواهنه نحن لم نعتد على حقوق فيصل ولكننا نبدئ رأينا فيما يكتب.. ولك صادق تحياتي ورمضان كريم.


عدل سابقا من قبل أزهرى الحاج البشير في 22nd يوليو 2012, 13:15 عدل 2 مرات
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف خدورة أم بشق 22nd يوليو 2012, 11:53

فيصل يا ود النو حر في رأيه ونحترم رأيه ونحنا أحرار في آرائنا ولا نحتاج لأحد أن يفكر بالنيابة عنا عن ماذا نكتب وعن ماذا ننتقد ولا نحن في الحركة الشعبية ولا نحن في المؤتمر الوطني ... حتى تطالبنا بأن نحدد مواقفنا ... من أنت حتى تطالبنا بذلك .. ولو الحركة الشعبية مالية عينك فهي لا تسوى لي أي شيء . ولو المؤتمر الوطني فاقع مرارتك الشارع موجود والسلاح كتير والغابات موجودة أعمل فيهم الذي يمليه عليك ضميرك.

خدورة أم بشق
مشرف منتدى الشعر
مشرف منتدى الشعر


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف غريق كمبال 22nd يوليو 2012, 13:28

الكوره واطه يا شباب

يا ود النو كده ارجع للمداخلات كلها وبعد داك قول رايك

فيصل حر وقاعد يكتب النفسو فيهو وكمان كلامو ده قاعد بيقولو وهو داخل الخرطوم

مافى حجر على احد الكل يغرد زى ما عاوز

عندما يدعى احدنا النضال يجب ان يعرف معنى مفردة نضال وان لا يخلطها لنا بالعماله

كده خلونا نفرق بين المناضل والعميل

مهما طال الزمن فان النضال باقى كالذهب لا يزيده الزمن الا بريق
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف أزهرى الحاج البشير 23rd يوليو 2012, 09:30


[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: تعرض حافلة ركاب لنهب مسلح من عناصر للحركة قرب ( العباسية تقلي )


من طرف خدورة أم بشق اليوم في 7:15 am



هذه هي الحركة الشعبية قطاع الشمال تسلب مواطنين عُزَّل في شهر رمضان ليس لهم أي علاقة بالمؤتمر الوطني أليسواا من مواطني أبوجبيهة التي قيل عنها أنها خط أحمر... ما ذنب السائق حتى يضرب؟؟؟ لقد علمنا بالخبر من أبناء بشير الحاج الذين دخلوا أبوجبيهة قبيل أيام من الحادث .. بمعنى آخر كان يمكن أن يكون أبناؤه في نفس هذه الحافلة فما ذنبهم هل هم مؤتمر وطني ولم يروا السودان من سنين عددا ولا يعلمون ما هو المؤتمر الوطني ؟


خدورة أم بشق
مشرف منتدى الشعر
[تم الحل]مليشات  دى سى  تزعزع  الامن  بابوجبيهة  على  مرأى  ومسمع Default2



عدد المساهمات: 1123
نقاط</FONT>: 1662
تقييم الموضوع: 2
تاريخ التسجيل</FONT>: 24/11/2009



عدل سابقا من قبل أزهرى الحاج البشير في 23rd يوليو 2012, 11:09 عدل 1 مرات
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف أزهرى الحاج البشير 23rd يوليو 2012, 09:37

تعرض حافلة ركاب لنهب مسلح من عناصر للحركة قرب ( العباسية تقلي )
من طرف محمود منصور محمد علي أمس في 2:20 pm

تعرض حافلة ركاب لنهب مسلح من عناصر للحركة قرب ( العباسية تقلي )

07-22-2012 09:54 AM

تعرضت حافلة ركاب في طريقها من أم روابة الى أبو جبيهة لعملية نهب بواسطة عناصر الحركة الشعبية بالقرب من العباسية تقلي حيث إعترض طريقها مسلحون ونهبوا ممتلكات المواطنين بتجريدهم من الأموال والهواتف والمقتنيات الشخصية ، وتعرض سائق الحافلة للضرب المبرح وولى الناهبون هاربين بإتجاه معسكرات الحركة الشعبية .
من جهة اخرى شهدت مدينة العباسية وصول اعداد كبيرة من النازحين من منطقة سوق الجبل – جنوب شرق المدينة – بعد احداث شهدها السوق أمس الاول ، أدت الى مقتل شخص واصابة آخر بجراح وبثت الحركة الشعبية دعاية عن هجوم مرتقب للحكومة على السوق ، مما ادى الى فرار اعداد كبيرة من الاهالي لمناطق تسيطر عليها الحركة من كل من ( طاسي ، ابو الحسن ) وقد نشطت الحركة الشعبية مع حلول شهر رمضان الكريم في عمليات النهب والسب وقطع الطرق وإستهداف المدنيين .


المجهر السياسي
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف محمد قادم نوية 23rd يوليو 2012, 10:01

هذه هي ثقافة(ربّاطة) الحركة الشعبية(ش) التي عرفناهابهم والتي يسمونها نضال ؛هذا الذي من أجله يناضلوا هؤلاء العصابات ؛لم يراعوا لحرمة هذا الشهر الكريم ولا لحال المواطنون الأبرياء الذين لاعلاقة لهم بالحزب الحاكم ؛فقط أناس يكادحون من أجل لقمة عيش شريفة يأتوا هؤلاء الرباطة ويأخذوا ممتلكاتهم في وضح النهار وفي هذا الشهر الفضيل ؛بماذا نصف هؤلاء الرباطة؟
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف jaber abdulsater mohammed 23rd يوليو 2012, 10:57

كتب خدورة ام بشق / ولو المؤتمر الوطني فاقع مرارتك الشارع موجود والسلاح كتير والغابات موجودة أعمل فيهم الذي يمليه عليك ضميرك..
طول بالك هذه فرصة للنقاش وهذا الاسلوب ليس حميد لشخصك الكريم ودائما تحاول تشتم فهذا مرفوض تمام قل خير او اصمت وهذه ليس المرة الاولى التي انت تشتم سبق وضفت بعض الاشخاص بالعمى . فيرجى ان لايتكرر ذلك .
jaber abdulsater mohammed
jaber abdulsater mohammed
نشط مميز
نشط مميز


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد

مُساهمة من طرف فيصل عبد الله سعد 23rd يوليو 2012, 13:59

الدنكشوطيون مازالو
يثرثرون والمسرح الان
لهم



انها لثالثة
الاثافى ان يُنكر
الحق ويواجه كل
صاحب راى بهجوم
عاصف. ولكن هذا
هو ديدن كل
احادىى الاتجاه ينظرون
الى الامور بمنظارهم
فقط ويصفون
الجميع بما يحلو
لهم. لذلك ارى
ان هذا المنبر
قدر تركه الكثيرون
بفضل تهافتكم غير
المنسود الى بالعواطف
تارة واخرى باشياء
واضحة للجميع.



ا لقد
اخترت هذا الطريق
بمحض ارادتى لانى
ارى فيه وجه
الحق من شيطان
اخرق سام البلاد
والعباد سوء العذاب وصل الى اعلى
مراتبه حينما قام
باغتصاب الحرائر داخل
الخرطوم. وما صفية
اسحاق الا خير دليل على
ذلك



موضوع النضال
السلمى من النضال
المسلح واحترامك لمن يرفع
السلاح عليك ان
تدرى اخى انى
فى منظومة وهى
التى تحدد اين
يعمل كادرها وليس انت !!
واذا ما الامر
كذلك لماذا لم
تتقدم انت صفوف
المجاهدين ومليشيات النظام التى
تركها هارون مولى
الدبر فى العتمور
. اما فيما
يختص بموضوع الشيخ كامل
فهذا غير صحيح كما
انى موجود بجوبا
فهى الفرية الثانية،
لانى الان بالقرب من
ابوجبيهة ويمكن نصلى
معاكم العيد كان الله
هون وعندنا انترنت
وكهرباء كمان



موضوع الانتهاكات
والقائمة العريضة التى
قدمت فهذه يسأل
عنها النظام قبل
كل منظومة اخرى
من دارفور الى
المناصير وانا امتلك
كم هائل من
الفديوهات التى تشيب
الرأس وكلها تم
ارتكبها فى جنوب
كرفان فى اقل
من عام فيها
حرق ونهب وتخريب وقتل وتمثيل
.وللاسف فى اثناء
هذه الممارسات تكبرون
وتهلوون وعندنا كم
خطاب لقادة بارزين
يوصوون بالابادة. ناهيك عن
خطف الصينىن وتسليمهم،
والتنمية قال: ياخى
فى تنمية فى ظروف
حروب لو اردتم
التنمية لرضيتم بالاتفاق
الاطارى الهزيل الذى
رفضناها قبل
البشير ولكن عنجهية
الرئيس وعجرفته هى التى
قادته لكى نمرق
انفه وتؤؤل الاوضاع الى
ماهية عليه الان فى
عموم السودان لان الحرب
كانت اكبر استنزاف للنظام منذ اغتصابه
للسلطه . المعركة
الان ايها الاعزاء
بين الحق والباطل كل
الشعب الاصيل فى
المهجر وفى الداخل
وحاملى السلاح وقفوا فى صف واحد
هو اسقاط النظام وسترضخون
ان لم تسقطون
وستاتى الحركة الشعبية
شمال السودان ثانية
فى كل الاحوال لانها
قوة سياسية لايمكن
تجاوزها ومعركتنا التى
تدور معركة كرامه.






ود النو ماقلته هو
ديدن هؤلاء لذلك
شردوا الجميع من
المنتدى وانا على
اتصال دائم مع
مايفوق ال 400 من اعضاء المنتدى
تركوه لهذه الاسباب
لانهم يتم تناوشهم
فى شكل
جماعات من نادية
الى اخر من
ترك المنتدى ولكن
لن اتركه ومن
هذا اليوم ساجعل
من المنتدى صفحة
محببه لانو احدى
هواياتى هى الكتابة
وساورد كل ما تغضون الطرف
عنه وهو دائر
فى ابوجبيهه مثل هذا
البوست وماتوجوا تقولوا لى حركة
شعبيه ولا غيروا .



اخير وليس
اخير علينا ان
نتحلى بروح النقاش
ولا نلجا للاساليب المستفزه لاننا وكل
منا يملك ناصية
البيان للدفاع عن
نفسه وانا اهنئكم
برمضان واغادرولاية جنوب كردفان
فى عشية هذا اليوم الى
اديس ابابا للحاق بوفود
الحركة الشعبية المفاوض
كملحق صحفى.



ودمتم فيصل
سعد

فيصل عبد الله سعد
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف أزهرى الحاج البشير 23rd يوليو 2012, 14:14

أنت متناقض يا فتى تارة تقول إنك حركيّ وتارة تتملص .. وكان لفت إنتباهي لك من هذا المنطلق وتجعجع كثيرا وأتحداك أن تذكر أسماء كل الذين إنسحبوا لضيق الرأي في المنتدى والآن إدارة المنتدى الجديدة تحت الإنتخاب فتعال برهطك وخيلك ورجلك وأربعمائتك وحرّر المنتدى وأبوجبيهة وجنوب كردفان يا فويصل ولقد نصحتك من قبل أيها الصحفي الهمام أن تهتم قليلا باللغة العربية في كتاباتك .
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف فيصل عبد الله سعد 23rd يوليو 2012, 14:38

يصل التناقض قمته حينما يكون الفرد مدعاة للنفاق ايها الازهير
وان كنت تمتلك اى شى يثبت انى نكرت الحركة الشعبية فاتى به عبارة انا قلت فيها انى لست حركة شعبية
اما الجعجه وطواحين الهواء انت ملكها ايها الازهير !! لانك متربص بشخصى الدوائر ايها هذا اما تستحى وبالامس كنت فى نقاش مع احد الخلصاء فى تربصك بى هذا منذ لبداية المنتدى والدليل على ذلك هو ردك اعلاه لانه لم يتجاوز ال10 دقائق من تعليقى وقجاءة اجد تعليقك
المهم انا ساغيب لظروف خارجة عن ارادتى ولكنى ساعود اكثر شوقاً للمناطحة لانى هذا ليس حوار هو مناطحة ووارجو ان لايتدخل احد لان ازهبر هو من ابتداء
الخروج عن المألوف
وكل اناء بما فيه ينضح

فيصل عبد الله سعد
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف غريق كمبال 23rd يوليو 2012, 15:44

يا فيصل

انا بحترمك جدا وانت عارف ليه

وكمان لما كان الجهاد كلمه ترعب الجبابره انت عارف انا سويت شنو

ناس الحباك عرب وعجم كانو ما بيعرفو الكلاش وانا اول من توشح به وشق الغياهب الى ان وصلت توريت ووقتها يا فيصل كنت انت واحد من مصادر امن النظام ولو نسيت اذكرك وكل الاشياء البى خط يدك موجوده 00ويعدين ما تكذب يا فتى انت قاعد تخش النت بالموبايل وجبناك حى فى مداخلتك الاخيره دى ما تدعى انك قاعد فى الولايه انت ترزح فى الفنادق وبتطارد فى حق الوجبه ايها المناضل الهمام

انا عارف حرقتك كلمة عميل لكن هى دى بس المفرده التى تناسبك فى هذا الظرف

ابحث عن اناء اخر تلق فيه غير هذا

وانت عارف انا لا اخشى ما يسمى بالحركه أوقطاع الشمال وهؤلاء عندى كالجرزان او الحشرات وهم كما تعلم فاقدى الاخلاق والقيم

لك التحيه واتمنى ان نراك متقدم الصفوف الاماميه زاحف بقواتك صوب الحباك
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

[تم الحل]مليشات  دى سى  تزعزع  الامن  بابوجبيهة  على  مرأى  ومسمع Empty رد: [تم الحل]مليشات دى سى تزعزع الامن بابوجبيهة على مرأى ومسمع

مُساهمة من طرف فيصل عبد الله سعد 23rd يوليو 2012, 16:59

غريق سلام
مع احترامى ليك الشديد لكن مداخلتك كلها كذب فى كذب فاجر وانا اتحداك انك تثيت اى علاقة لى بالحركة الاسلامية جميعها ناهيك عن جهاز الامن ودى كذبه انا سيكون لى معها . وساسلك منها فى يوم ما ويوم الموقف الغظيم وهذا هو ديدنكم
الكيزان تلطيخ سمعة الابرياء
وهسى ياغريق لو عندك اى دليل على افتراءاك على نهار رمضان
انا بتحداك لو مانشرتو على المنتدى
واحمد الله على انى لم تلطخ يدى بنتانته الاسلاميييييييييييييييييييين عامة
وبالمناسبة انا بحترمك شديد لكن اتصدمت فيك لسبب واحد هو انك كذبت كذبه لا اغفرها لك فى حقى مالم تثبتها او تعتذر

فيصل عبد الله سعد
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى