عيال ابوجبيهه اقعدوا عافية

هوي عيال ابوجبيهه توه انا من بكاني دا راحل ماشي منتدي اسمو الحوش السوداني و الدايرني يحصلني هناك .. العيشه معاكم بقت مره



و اقعدو عافية

ياود عشمان

سيبك من اللف والدوران

مافي اي منتدى حيقبل يستضيفك الا منتدى ابوجبيهة لانهم ناس

طيبين... وبعدين انت مرشح عشان تتقلد منصب مدير المنتدى

بالانابة كيف تقوم تقول كلام زي ده؟؟؟؟

تحياتي

يا ول عثمان كن كي العكاكيز تلحقك توة كن ما بزغ كلامك ده شوفوا ليكوا بهول

هاى يا جماعة ما تشوفو الول

كان كى يامحمود منتدى الصراع ده الا نلغيه

هاى ول عشمان نحن توه سوينا ليك منتدى هيل صراع و جارى يين

الناس الماشى ليهم ديل عندهم صراع

ده اسمو كلام

ول عشمان ده مالو شوطن ولا شنو

عيال جارت الوادى هووووووى الحقو الزول

احم .. احم .. احم



طيب يا عيال ابوجبيهه وقت ما عندكم قدره بدون ابناء امبرمبيطة ( جارة الوادي ) ليش ما بتلتزموا بالعهود و المواثيق ؟؟ نحن ابناء جارة الوادي رقم لا يمكن ان يتجاوزه اي حد و هذا للمعلومية يجب ان تتفهمو هذا الامر جيدا

ثانيا

بالنسبة لمقترح الفاتح محمد التوم بأن يعطينا حقيبة المنتدي الاقتصادي انا بعتبر دا حل وسطي لكن لا يلبي الطموحات نحن نريد مشاركة فعلية في السلطة و ليس كما يشارك البعض في مناصب وهمية مثل عمنا أ. أ . م و لا اريد ان اذكر اسمه او منصبه لان ح يودونا في الف و ستين داهيه ..

خامسا

تعلموا ان هنالك عدد كبير من اعضاء المنتدي مسجلين غياب و براكم شايفن كل يوم في بوست نازل غيابك طال قبل تعال و نحن لدينا المقدره بأن نكون حزبا معارضا من داخل المنتدي من هؤلاء الغائبين للاطاح بالنطام الحاكم اقصد النظام الحاكم في المنتدي حتي لا يفهمني البعض خطا و لدينا اتفاقيات ابرمت و قابله للتوقيع مع السيد المناضل فيصل خليل حتيلة و الاستاذه اقبال عبداللطيف الان معنا تلفون السيد عبدالعزيز الحلو و مالك عقار و طبعا التلفوانات دي نحن خاتنها كرت ضقط لان انتم ناس ابوجبيهه الا يعطيكم العين الحمره حتي تمسكو الدرب عديل

و اذا عدتم عدنا

أزهرى الحاج البشير كتب:العرجا لمراحا .... ولا ده برضو كلام كُبار

الاستاذ ازهري ..

انا مولود في زريبة العجال ..
لو انت بتتكلم كلام واضح زي دا مافي زول بسألك ..

غريق كمبال كتب:ده اسمو كلام

ول عشمان ده مالو شوطن ولا شنو

عيال جارت الوادى هووووووى الحقو الزول

الزعيم غريق ..

هههههههههههههههههههه هههههههههههههههههه ههههههههههههههههههه

كد ان افطس من الضحك ..

تحياتى يا ول عشمان

طبعا شوطن دى ليك منها سنين ما سمعتها

غريق كمبال كتب:تحياتى يا ول عشمان

طبعا شوطن دى ليك منها سنين ما سمعتها

الزعيم غريق

اصبح طيب



اي والله لي زمن ما سمعت كلمة شوطن



هههههههههههههههههههههههه هههههههههههههههههه ههههههههههههههههه

"لك الله يا منتدى ابوجبيهه لقد أصبحت سنكيتا في جزارة عيال جارة الوادي ".....
ههههههههههها ...... مع خالص الود يا ول جدي
[/center][/quote]

يا اخوي الفاتح ..

مالك داير تبقي لينا زي الاستاذ ازهري .. حسي مقولتك " سنكيتا في جزارة عيال جارة الوادي "
دا كلام شنو .. ياخ اكتبو بوضوح عشان الناس تفهمكم قاصدين شنو ..

انا كلامك دا ما فهمتو لكن اذا كنت تقصد .. نحن ابناء امبرمبيطة ما عندنا مقدره بدونكم .. اتا غلطان ..

تحياتي للعيال و قرمان ليك حار معليش طول ما اتصل عليك مع المشقليات الكتيره ..