يحتفل اعضاء الداخل بالاخ عثمان محمد يعقوب شاويش

يا للروعه

شكرا يا مدير ده الكلام

الصور يا شباب اهم شيى

يستاهل عثمان شاويش حفلة بمحمد الامين عشان يغني ليهو قلنا مامكن تسافر..
الف حمدا على سلامة الوصول لارض الوطن يا استاذ شاويش ونسال الله ان تقضي اجازة سعيدة شيقة وسط حفاوة الاهل واعضاء المنتدى الذين تعودنا منهم هذه المبادرات الجميلة والتي من خلالها يتم جمع الشمل ولا تخلو من الانس واعادة تشغيل شريط الذكريات الحالمة والامل المشرق
ولاتنسونا كما استبقنا الزعيم غريق في الطلب .الصور ثم الصور ثم الصور ...
الف شكر باشمهندس ياسر وكل عام وانت والاهل بخير وصحة وعافية

أكيد حتكون لمة حلوة فود الشاويش هو ريحانة هذا المنتدي ويا محمود لوما خوفي تكون معاه ام علياء كان قلنا للجماعة يجيبوا ليهه ايمان لندن انا عارف ابو عفان بموت في غناها

أكيد فيصل خليل واقبال عبد اللطيف حيكونوا حضور يا عثمان لازم تفاوض لينا الجماعة ديل ويرجعوا لينا تاني

ابوعفان اهل للحفاوة والغلاوة ياابوعلياء اقامة موفقة وصيف سودانى ولا ربيع عربى..بردا وسلاما عليك وعلى الكادحون الصائمون غداالصابرون على الغلاء والغلاة..ورمضان مبارك علينا وعليكم جميعا..

من داخل محل الاحتفال نحييكم

طبعا كالعاده شاويش كان نجم بحق

جانا كده وبصحبته ام علياء والبنات وخالهم وزين لنا اللقاء بصديقه مجدى المحامى واسرته الصغيره فكانو نجوم بحق 00

اول ما شاويش جاء داخل النادى قابل الجبالى وساله وقال له الجبالى نحن هنا نحتفل بواحد من اعضاء منتدى ابوجبيهه طوالى شاويش قال ليهو المحتفلين بيهو ده ابقا ده انا انا شاويش وطبعا الجبالى رحب بالراجل وعلى طول جو داخلين علينا 00

بعد السلام سالنى شاويش عن الراجل داك القابلناهو بره ده منو فيصل خليل قال ليهو ده الجبالى وصاحبك قام سلم على الجبالى تانى 00لقطه كانت رائعه سجلتها زاكرتنا بدقه

طبعا شاويش جاء لابس فل سوت وكرافته وكمان حالق جديد لنج بس ما عند رابح الحلاق فى صالون خمسه نجوم

كده نشوف الجبالى ينزل لينا الصور

اللقاء كان رائع وممتع وطبعا شرفنا جنابو امين وهو الاخر متواجد منذ شهور فى دوره تدريبيه فى العاصمه فله التحيه

وكمان شرفنا نورين هجانه 00وطبعا الرواد ناس فيصل وناهد وابوهريره وايمان والسيد المدير ياسر كانو رائعين جميعا

لكم التحيه

شكرا يا ول نويه ورمضان كريم

الجبالى هو الوحيد الذى اخذ الصور

نسكو لحدى ما ينزلها

عمو محمود

الجمل بتاعك ده شايل شنو

انا قايتو شايف لى حاجه زى الدوشكا

لو بقت دوشكا 00تكون من جمال الحركات

ولا ايه

تحياتى

الزعيم غريق

اكيد الشي الخاتيه محمود في ( الحويه ) بتاعت الجمل دشوكا ..

لكن الشي الجاري الجمل راجما و لا دا شنو ؟؟

محمود منصور دا ما عرفناه مع المعارضه و لا مع الخيانه ..

يا اخوانا تلفون الاخ شاويش خطا .. مدونا بتلفونو لو تكرمتم ..

تحياتي و رمضان كريم

شكرا يا ود عشمان

فعلا الجاريها الجمل راجمه ام ماسورتين

عمك ده حبرنا ما عرفناه معانا ولا مع الخيانه

تلفون شاويش 00249913468882

كل الود والحب لكم احبابي رمضان كريم اكيد الجلسة رائعة بوجود الجميع

It's absolutely unique get-together but unfortunately coincided with YOUM Kham Alremad as you know for sudanese people business as usul because they almost always rush on the last minute !!! though the number is quite few but we really enjoyed the warmness of the family, specially the dominent presence of our guest of honour whose truly well tact, well informed and well shaved along with his honourable family members and senior guest. Any how, thanks goes to Boss Yassir, Feisel, Ghereeg, Nahid, Algebbaly and many important person specially our sisters you are most welcome.

By the way when my flight touched down I phoned my sister Nahid and thank God she immediatly informed me about the get-together I drove down right to the venue, where I REALLY found it colourful, vivid, and momentous

Thank you once again Boss Yassir for boarding me at your car back home.

I love you all

Norain HAGANA

Darfur /Nyala

يا سلااام على ناس المنتدي الظراف ... يا سلااام على الذوووق والروعة ...يا سلااام على الكرم الفياض ....
لقد كنت ولا زلت في غاية السعاده ..ابوجبيهه تكرمني في شخص منتدانا العامر ...شكراً لأبوجبيهة وشكراً ...لأحبتي أعضاء المنتدي جميعاً ....
وأخص منهم بالشكر ...
* الريس ياسر
* الزعيم غريق .
* فيصل العمده .
* جنابو أمين .
* الغالية ناهد .
* الذوووق إيمان عبدالرازق وأسرتها الكريمة .
* الرائع الجبالي .
* محامينا أبوهريرة .

* ود هجانة .ونور الدين هجانة .وياسلاام على الإنجليزي .
* وشخص فاتني إسمه عديييل كده .
رحبوا بنا ترحاباً حاراً ...إستقبال رائع بسمة مليانة ... ضحكة فل وكاملة الدسم .
ناس ابوجبيهة ما أحلاكم وما أروعكم ...
لأول مره أشاهد الجبالي ... شخص بالجد رائع جداًًً...الكل رائع ...
ومداخلتكم رائعة والشكر للإخوة بترتيب المداخلات : ياسر ، ول نوية ، غريق ، محمود منصور ، الفاتح حسن ابوسارة ولي رجعة لهذا الإنسان ، الفاتح محمد توم ، عثمان موسي آدم ، سهاد عبدالغفار ، خدورة أم بشق ، ود عشمان ، أحمد مرحوم ، نور الدين هجانة ...شكراً لكم أحبتي جميعاً ...
أم علياء قالت لي بالله إجتهد وشوف لي بكم الإشتراك لإستقبال ضيوف الخارج ...عشان أقدر وأساهم معاهم ...يا جماعة أرسلوا لي ولو في رسالة خاصة ...عشان الولية الفنجرية حلاوة لبن تقدر تساهم معاكم ...
وإبنتي علياء كلمتني عدة مرات يا أبوي ما معقول حتي اليوم ناس المنتدي ديل ما عبرتهم بكلمة واحده ...وأنا بقول ليها حاضر ...حاضر عندي كمبيوتر جديد لنج بس ما موصل نت ...يالله يا علياء أحسبي عدد الكلمات ...وناس المنتدي في قلبي وفي حدقات عيوني .... محبتي،،،