أسمحوا لي .. ...ومعليش دندنه ....

تسلم وتشكر

ول شاويش ..

دي الدندنه و لا بلاش .. شكرا يا رائع ..

بالجد المرور باهي ...

والشئ الرائع أن الأغنية بصوت حليمة الحبشية ...

وحقيقةً الأغنية معبرة جداً ...

وربنا يهدينا نحن أبناء البنات ... ونسأل الله أن لا نقف في طريق سعادتهن ... وبعدين كمان ناس ود عشمان ما عاوزين يطرقوا الأبواب ...

والتحية لشاعر وفنان وملحن الأغنية ...

إحترامي ،،،،

نتمني السعادة لكل إنسان

الفاتح محمد التوم كتب:تمام عمو عثمان .... صورة كانت موجوده وبحيــاء من كسير البنات .... طبعاً أكتر حاجة بنسمع " فلان مكسر " لكن " الفلانات برضو بتكسرن " ......

***حرام يابا حرام***
والله يابا حرام.. وريني ايه ذنبي... شان انت تقسى علي.. تطعني في قلبي...
من غير قصد يا أبوي ... تكتل كمان حبي...
من حقي صدقني ... راح يسألك ربي...
***حرام يابا حرام***
****....****
أنا يابا لي قليب.. مرهف رقيق حساس... وأنا عندي أغلى حبيب.. بهواه بي اخلاص...
اخترتو يابا براي... من بين جميع الناس...
كيف ترضى لي يا أبوي... حبي النبيل ينداس...
***حرام يابا حرام***
****....****
كان حقو تسألني.. يا يابا في أمري... وتعرف كمان رايي.. في شريك عمري...
مش حية تدفني... في بيت يكون قبري...
والله يابا حرام... يبقى الزواج جبري...
***حرام يابا حرام***
****....****
يا يابا خليني.. أختار شريكي براي... شاورني من قبال.. يا يابا تدي الراي...
صدقني تسعدني... يا يابا في دنياي...
وتكون صحيح يا أبوي... بدورو لي هناي...
***حرام حرام**
****....****
*****************************************************
والمرحوم محمد أحمد عوض كمان .... غنى " بالرق والدربكّة والبنقز"

" أبوي يا يابا ماتقول ليهو لا "
وافق عليهو انا راضية بيهو ....عليك ألله ماتقول ليهو ليهو لا...
من زمان بحبو وهو لي حبيب من زمان بحبو ما خان عهودو وجا قال لي خطيب...
قابلو بحنية وبصدر رحيب ..... قول ان شاء الله خير يبقى في النصيب....
عليك ألله ماتقول ليهو لا..
****....****
يابــا أرعى بتك وافرح بجديده ...وريدي يا با سامي والدموع شهيده...
ماتحرم قلوب قصتهم قصيدة .... يابا في الغرام فريده ..
عليك ألله ماتقول ليهو لا..
****....****
يابا ما تشك فيهو وتدور الشورة ..........بتك يابا بيهو سعادتا وسرورا
ماتجرح فؤادا وتجرح شعــوورا ..... والخطّاب لو بالغو وزادو في مهورا......
عليك ألله ماتقول ليهو لا..
****....****
وبالمناسبه في قصايد كتيره للــ" الفلانات المكسرات"
موجوده في ثقافتنــا السودانية .....
شكراً استاذ عثمان .... لهذه المساحة و الصور المجتمعية

وعليك ألله يا عمو عثمان ما تقول ليهو لا !!!
هههههههههههههههههههههههههه

انتم يا اخوانا الفاتح محمد التوم دا بجيب الكلام دا من وين ..

و بعدين يا الفاتح ما تشكشيك النيران انا دا خلوني ( ابرطع )

عثمان محمد يعقوب شاويش كتب:

المهم نحن آباء البنات في الوقت الراهن وبإيقاعه السريع ما عندنا أي إعتراض ...في الشخص الذي يطرق الباب ... بس المشكلة الجذور وخلاف كدا ما عندنا أي إعتراض ..

قصة حقيقية حصلت لواحد من الاصدقاء الرائعين جدا و كلامه رائع و قلبه طيب و جميل معنا هنا في لندن من ابناء الدمازين .. يحكي لنا رحلته الاخيره للسودان و ما وجده من معانة في اختيار شريكة حياته و هو الاخر بُعد عن السودان لاكثر من عشرة سنين بين الترحال هنا و هناك .. له طريقة رائعة في سر القصص و كان في زيارة لي بالمنزل و هنالك مجموعة من الاخوه معنا في تلك الامسية الرائعة ..

كان حبيبنا محمد يتجول في السوق العربي الخرطوم و يبدو انه وجدت (فريسته) بنت جميله ذات قوم رائع اختارها القلب ما بين الاف البنات في سنتر الخرطوم و توجه اليها قائلا: لو سمحتي ممكن اسألك ؟ قالت له تفضل .. سألها عن اسمها .. و من ثم عن مكان عملها فاخبرته .. فقال لها ح اسألك سؤال حساس و ممكن يكون محرج قالت له تفضل .. فقال لها انتي مرتبطه ؟ و ان لم يكن كذلك هل ترغبي في الزواج ؟؟ قالت له غير مرتبطه و ارغب في الزواج .. القصة طويله و للاخ محمد اسلوبه الجميل في السرد و في خاتمة المطاف اتفقوا علي ان يذهبوا منزل البنت للتعرف علي اسرتها ووجد والدها في البيت و كان الوقت موعد تناول وجبة الغدا .. و كانت السفرة حاضره و بدأو ياكلون و تناول والد البنت قطعة لحم من صحن الشايه و كانت في يده و سأل اخونا محمد .. يا ولدي انت جزورك من وين ؟؟ فقال له محمد علي الفور انا من الفلاته الهوسا .. فسقطت قطعة اللحم من يد الرجل علي السفره ..

فعرف محمد ان هذه ليست الاسره المناسبه له بالرغم من ان البنت كانت متجاوبه جدا و تريد الزواج منه ..

اذن نحن ما زلنا نردد :

***حرام يابا حرام***
والله يابا حرام.. وريني ايه ذنبي... شان انت تقسى علي.. تطعني في قلبي...
من غير قصد يا أبوي ... تكتل كمان حبي...
من حقي صدقني ... راح يسألك ربي...
***حرام يابا حرام

و لا ايش رايك يا الفاتح ؟؟