مبدعي بلادي

ادم الطيب احد مبدعي بلادي سمعت الاغنية عبر الموبايل واعجبت بها استعين بالزعيم للتعديل وشرح الكلمات والحديث عن هذا الفنان

قميرية بتقوقي
آدم الطيب
**************

على المي الفوقي قميرية بتقوقي
طير ياقمري يارايق تلقى الحبيب رايق
قول لي زولك متضايق من حسرة الفرقة
في الالم حايك
@@@@@@@
تعالي ياقميرية هاكي مني وصية
تلقي ليكي بنية سلمي ليها عليا
ولأني في سجنا زي مافي حرية
مالي عملت شنو انا مسجون بلا جنية
هاك ياقميرية طلي البلد ليا
وريها بالفوقي
@@@@@@@
بنادي البلوم مابي ولابراعي لي عذابي
تعال امشي للقاضي وريهو اسبابي
احكي لي مشكلتو انا ارجع لي احبابي
جابوني لامجرم انا ولاني نهابي
كفى يا دموع روقي
@@@@@@@
اقيف يا بلوم صبرك ولومابي مابجبرك
جاتني القميرية المن البلوم ابرك
خلت الدمع شاشاي قالت ليا قول عذرك
أأمرني مهما تقول اني البطيع امرك
هاك مني تعذيري وديهو لي مصيري
احكيلو بي شوقي
@@@@@@@
يا القاضي انا مظلوم انت العديل عادل
انظر قضيتي انا وقل ليا قم سافر
ولأني في شوقا بنريدو من جاهل
حال السجن مرة وانا منها يا ساتر
يارب يجي الافراج من هسي لي باكر
وطالب محامي انامن المكاشفي النادر
سريع يشطب اوراقي
@@@@@@@
صابر بنتخيل داك السحب شيل
تلقى البلد سيل تلقي الشجر ميل
تلقى الفرع ميل تحتو الجدي قيل
ما حال السجن غير دايما بنتحير
وشقاي انا وشوقي

استاذة اقبال
يبدو ومن خلال المفردات ان الفنان ادم الطيب من كردفان ويا ليتك لو تتكرمي علينا بانزالها في رابط حتى يستمتع الجميع بسماعها علما بانه اذا كان للفن اب فكردفان ام الفن السوداني الاصيل الجميل

تحياتي

مبدعي بلادي

مبدعي بلادي

رد: مبدعي بلادي