من اجل بلادي .. اذاعة ابوجبيهه

الاعزاء الكرام ..

احاول اتتطرق في هذه الحلقة و التي تتبعها حلقات من موضوع من "اجل بلادي" اهمية دور الاذاعة في تطوير المجتع من ناحية دينية واجتماعية و ثقافية و فكرية و ادبية و سياسية ..

السؤال الذي يطرح نفسة لماذا لم يكن لدينا اذاعات في محافظات ولايتنا الفتية جنوب كردفان ( محافظة ابوجبيهه .. محافظة الرشاد .. محافظة تلودي .. و محافظة الدلنج ؟؟

مما لا شك فيه ان الاعلام له دور رياد في تطوير المجتمع اذا كان الامر كذلك يـؤسفني جدا بان لم تحظي تلك المحافظات الاربعة الانفة الذكر ما عدا محافظة كادقلي حاضرة الولاية .. بالرغم من ان الولاية عمرها يتجاوز الـ16 عشر عام ..

تعتبر الاذاعة من اهم الوسائل الاعلامية و هي الوسيلة الامثل لتقديم المعلومات للمواطنين لذلك يقع على عاتق الاذاعة دور كبير فى عكس برامج التنمية.. وذلك يتاتى من خلال تقديم برامج خاصة للتعريف بالامكانات الكبيرة الموجودة فى الولاية وايضا توسيع مشاركة المواطنين فى البرامج التفاعلية والتى من خلالها يتأتى تأكيد دور الاذاعة بالتعريف بمشاريع التنمية التى تصب فى مصلحةالوطن والمواطن و كذلك تعمل من اجل المساهمة فى تخفيف حدة الفقر وتشجيع الانتاج والاعتماد على الذات وعكس الانشطة التى تدعو إلى هذا الاتجاه .. وايضا الاهتمام بالاهداف التنموية التى تتمثل فى توفير مياه الشرب وابراز حقوق المرأة والطفل ومحاربة الامراض الوبائية والاهتمام بأهداف الولاية.
وعن الخطط التنموية للاذاعة ترتكز على تقديم برامج من داخل المحافظات المختلفة تعكس فيها الدور التنموي الذى تلعبه تلك المحافظات واسهاماتها فى الناتج القومي وايضا تحفيز المواطنين فى التنمية وخاصة التنمية الزراعية و الرعوية.
كل هذه الاشياء لا يمكن تقديمها او توصيلها بصورة علمية اذا لم يكن لدينا الوسيلة الاعلامية العلمية عبر برامج اذاعية مختلفة إن كان ذلك فى شكل دراما اذاعية أو منوعات أو الاشكال الاخبارية أو التقارير الصوتية اضافة إلى المشاعر الغنائية المختلفة التى تحفز على العمل والانتاج .

لم تكن اجهزة الاذاعة بالقدر المكلف او المبالغ الباهظه التي تعجز عنها الولاية او تؤثر في ميزانيتها .. و لا اشك ابد اذا تكاتف ابناء كل محافظة لشراء اذاعة او اجهزتها لا اظن ان يكون في الامر صعوبة لكن يبقي السؤال هل القائمين علي الامر في حكومة الولاية مستعدون للمساهمة في تأسيس مثل هذه الاذاعات و دعمها لترسيخ مبادئها ؟؟

لكم التقدير ..




< برامج للشباب

تحية صباحية مفعمة بالود والترحاب والتقدير لهذه اللفنة البارعة والسبق الصحفي العظيم من الاسستاذ( ود عثمان )بطرحه هذه الفكرة الجديرة بالاهتمام والتحقيق. ويبدو ان شح الامكانيات واختلاف الراي يقف دائما حجر عثرة في سبليل تحقيق الامال والاحلام والتطلعات والطموحات لشباب الولاية ويحول دون تنفيذ الكثير من المشاريع والبرامج التي تصب في مصلحاة المواطن الكردفاني .خاصة وان الولاية حبلى بالكوادر المؤهلة والخبرات المتميزة والمتمكنة في مجال العمل الاعلامي.. هذا اذا علمنا ان اغلب المهندسين والفنيين والمصورين والازاعيين والموسيقيين والصحفيين العاملين في المحطات الازاعية والتلفزيونية المختلفة هم من ابناء ولاية او محافظة كردفان الكبرى شمالها وجنوبها.الف تحية

اخي العزيز محمود منصور محمد

متعك الله بالصحة و العافية ..

انت عزفت في الوتر الحساس و دي حقيقة يجب ان لا نخفيها معظم الاذاعيين الاكفاء و المرموقين في الاذاعة السودانية هم من ابناء من كردفان الغره ام خير جوه و بره .. اما فيما يتعلق بشح الامكانيات تعبنا من سماع هذه النغمة الحزينة .. لو بعنا مائة كرتونة منقه ساي بتجيب لينا اذاعة لمحافظتنا ..

لك التقدير اخي الكريم علي المداخلة ..

الراقي ود عشمان ...إنت رجل طموح وقدرك عالي ... وهو بالجد موضوع رائع ومنتاز ...يعني ممكن تكلف الإذاعة كم جنيح ؟؟؟ ولكم محبتي

شكرا يا عزيزي شاويش

الاذاعة لم تكن غالية الثمن و خاصة تلك المحدودة البث و اقصد بالمحدودة البث التي لا يتجاوز بث تردداتها حدود المحافظة .. مثل هذه الاذاعات يمكن الحصول عليها باسعار مناسبة جدا .. لو ناس المنتدي دا عملو نفير بتاع تبرعات ممكن يحصلو عليها لكن يبقي السؤال قائم هل حكومة الولاية مستعدة لتكملة المتبقي من رواتب الاذاعيين او العاملين بها ..

لك التقدير اخي شاويش علي المداخلة

عزيزي الفاتح محمد التوم

مشتاقين كتير و اتمني الاسره الكريمة بخير .. اكيد بيكم و بي كلمتكم سوف تصحي المنطقة ثقافيا و فكريا و ادبيا و اجتماعيا ..

لك التقدير

جزى الله الأخوه الكرام كل خيراً على إثارة هذا الموضوع الحيوى والهام واحب ان أزف البشرى لاخوتنا الكرام النباء القنبله وأدعوا للباشمهندس صالح الحاج بالتوفيق والتقدم وان يجعل هذا العمل الكبير فى ميزان حسناته اتصل على اخ كريم وافادنى بان الاخ الباش صالح ساعى فى تحويل عدد من اذاعات اف ام الى المحافظات الشرقية للولاية والمطلوب بس احضار طلب من الوالى والحمدلله تو تجهيز الخطاب من الوالى والان انا فى طريقى الى تسليم الخطاب والباقى كلوا على الباش صالح الحاج جعل الله هذا العمل فى ميزان حسنات الاخ صالح الحاج وكل ابناء السودان البررها امثاله وطبعاً هذا العمل ماغريب على الاخ صالح سبق وان قام بمثله والشاهد موجود الى الان تلفزيون الحباك

الاخ osama osman

شكرا للافاده و هذا كلو ما نرجوه ان يكون هنالك اذاعات بمحافظات الولاية لنشر الوعي و تثقيف الناس فكريا و اجتماعيا و ثقافيا .. و يلا يا اخونا جري علي الولاية جيب لينا الخطاب من الولاية عشان نبدا في التنفيذ ..

اما بالنسبة لتدريب الاذاعيين و تأهيلهم انا مستعد للمساهمة في ذلك ..

لكم التقدير

شكر ول عشمان على الموضوع الحى.

اسامه ( بكره الصباح تلقانى قدام مكتب الولاية ) بس جهز الخطاب و الباقى خلى علينا.

( ول عشمان الناس بتكلمو ساى ياخ مالك كمان دخلت لينا تدريب هنا و هناك ) انا ممكن اتكلم

مع الناس كلهم ما تخاف بس كترو لينا الشاى و القهوه.

شكرا لكم جميعا

الرائع حقا ول ابوي خليل

كدت ان انفقع بالضحك .. ياخ انت مالك لفيف كي خلي الزول علي راحته يجيب خطاب الموافقه من الولاية .. و لازم ندرب الاذاعيين و نأهلهم عشان بعدين ما يعدو لينا برامج الاذاعة ونسة رواعيه و ما تخاف الحكامات قاعدت بسون ليك الشاي و البن ..

لك التقدير

الاخوه الكرام لقد تطرقتم لموضوع فى غاية الاهمية وانت ياود عشمان الاعلام دا لسة ما نسيته

والاخ اسامة مشكور لقد اتيتنا بالخبر اليقين وانت دائما رجل المهام الصعبة ولم تبخل بما فى وسعك لتقدم ورقى المنطقة والتحية والتجلة والشكر لعمنا صالح الذى افاد كل السودان وماتوانى فى ذلك لحظة واحدة وربنا يوفق الجميع
بعدين ياول عشمان انت خلى الازاعة تجى وتقول هنا ابجبيهى بعدين نسمع مردوم بليل هدايين حكامات ولو حتى موسى كجو يخاطب ستات الشاى

السيد المحامي ول ابوي عثمان

ماك طيب اخي الاعلام ما بتنسي هو ما دراسة رائعة .. و بعدين انا و فيصل حتيلة نجيب ليكم الحكامات و غني الدرملي و الكرنق و الشقلات بس خلي الزول دا يجيب لينا الجواب من الولاية و الباقي كلو هين ..

تشكر علي المداخلة

ود عشمان ود خليل ود عثمان أبوى لكم التحية والسلام الموضوع جدير بالاهتمام وانا يافصيل خليل واقف ومستعد والخطاب جاهز وممهور بتوقيع الوالى وبل الوالى مستعد للذهاب معنا الحجل بالرجل بس انت شوف الباشمهندس وين ونحن جاهزين

الفارس أبو أحمد ...إنت أصيل ونبيل وما بتعرف الكذب ...وفيك نخوة وشهامة نحسدك عليها وما شاء الله تبارك الله ، وبالجد إنت هدية من الله لكل ناس ابوجبيهة... وربنا يحفظك ويغطي عليك ويرزقك بالذرية الصالحة يارب ... وشكراً ود عشمان على هذا الطرح الرائع وإنت زاتك زول ما ساهل ، ويكفيك فخراً أنك فرشت جامع أم برمبيطه في صمت والتحية موصولة لمحامينا الخلوق أبوهريرة ولك أسرة المنتدي دون فرز ....معزتي لكم .

ول عشمان اخوك ااصلو لفيف ( هههههههههههههههههههههها )

تمام يا اسامه الليلة انا معاك و باشمهندس منتظر ليه شهرين.

ابوهوريرة تانى خالك ما يفك المايك من قدومو

تسلمو يا شباب

نشجع الخطوه الجميله

جزالكم الله خيراً ياها المحرية فيكم ياشباب الحباك ويافيصل انا معاك للاخر باذن احد احد وربنا يكلل المساعى بالتوفيق اتصلت الان على تلفون الاخ الباش صالح لتحديد مواعيد لمقابلته فى معية الوالى ان شاءالله الاذاعة تكون من نصيب الشرقية ودا قليل من كثير على الحباك ولاشنو رايكم ياشباب والايام دى قالوا ايام الشباب والخير على قدوم الواردين

تسلم ابو احمد

ما دى ابوجبيهه و ديل ناس ابوجبيهه.

ضحكنى ول عشمان يا اسامه قال لى انت لفييف كى مالك

بس يا ول عشمان الخواجات قالوا ( Hit the iron when its hot )

كلامك شنو . اخوك عمل بنصيحة الخواجات و الامور مشت.

الله يقويكم كلكم

يا ول عشمان الكلام دا بقى نجيض يلا بلا خواجات تعال امسك لينا الازاعة وزيع
وفيصل كمان ما يكون الكلام ساى شايف ابواحمد دا بنفذ على طول اتصالات وتحرير خطابات وامسك لى اقطع ليك

الحديد الشديد يافيصل اضرب عليه وهو ساخن على الخواجات

رجال العز فخر الحباك..عجبوني الليلة جو ..خبر الاذاعة نجضو..حنبنيهو البنحلم بيهو يوماتي...وطن حدادي مدادي..فيصل كلامك اخير..الموضوع في حرو كان برد بسوي المرض...اسامة سلامات ان شاءالله طيب؟

بالتوفيق يارب
امييييييييييييييييييييين

يا اخوانا ..

الاخ شاويش اقترح اقتراح جميل في احدي البوستات بان نقون بتكريم الاخ الباش مهندس صالح الحاج و انا اقترحت انا يكون هنالك بوست خاص بهذا الموضوع يقوم به صاحب الفكره شاويش لكي نقوم بالترتيبات اللازمه لذلك و بمشيئة الله مستعدون بالمشاركه بكل ما نملك و نحضر التكريم لو بقي في ام طرق انعراض.. و الرهيفه تنقد..

لكم التقدير

الله يسلمك ياقبال يابت خالتى كيف احوالك والاولاد وابوهم ان شاءالله بخير ، فيصل أخوى انا ضد كلامك ومع مقترح الشباب لازم تكريم الباش صالح والشكر واجب وصالح يستحق اكثر من التكريم وذلك من باب الوفاء لاهل العطاء ياخوى ولا تبخسوا الناس اشيائهم اصحاب المقترح امضوا الى الامام ونحن من خلفكم وامامكم باذن احد احد

يبدو ان هناك سؤ فهم بطبيعة الحال.

اسامه ارجو ان تعيد قرأة مداخلتى .

لم و لن نبخس للناس اشيائهم و لا نستطيع و لكنى اعنى ما اكتبه.

تحياتى

أخى فيصل لم لن نسئ فهمك ولكن زى مابقولوا الفهم قسم يبدو اننى لم افهم قصدك على العموم انا مع تكريم الباش دا الشئ انا فاهمو ياحبوب

ايهاب ابراهيم ادم

ابوداليا يستحق التكريم من كل السودان وابوجبيهه الاولي ندعم بشدة هذه المبادرة الكريمة

اثنى مقترح التكريم بشرط ان يكون تكريم يليق بقامة الباش مهندس

ياجماعة الاذاعات دى لسة ما استلموها ولا الوالى واركان حربة منشغلين الانتخابات

يا ابوهريره السؤال دا يجب ان يوجه للاخوان :

OSAMA OSMAN و فيصل خليل
و الحاجه التانية دايرين نكرم الرجل و الاخ شاويش عمل بوست خاص لهذا الموضوع ما في اي زول قال بقم في كيفية الترتيبات اللازمه للتكريم ..

لك التقدير

لك التقدير

ياودعشمان انت عارف لفة صاحبك فيصل ماجابت اى دخل

اولاً الشكر للاخ ود عشمان للمتابعة وعبركم الشكر موصول للاخ صالح الحاج الذى قام بتوجيهنا فى الطريق الصحيح وهى مخاطبة السيد وزير الأعلام وبالفعل تمت مقابلة الوزير بصحبة الوالى يوم الأحد 20/3/ 2011م الساعة 2:30ظهراً وسلم الخطاب وعلى الفور وافق الوزير وقال بالحرف الواحد الولاية تستحق أكثر من ذلك وتم تحويلنا الى أدارة الهندسة وللا سف الشديد أفادوا بإن الأذاعة الموجودة بالحوش معطلة وتحتاج لصيانة وقاموا بطلب فواتير للواحدة جديده وطبعاً الجديدة عاوزه قروش كتيره وبعد شوية يقولوا الميزانية ولكن بالأمس إلتقيت الأخ صالح ووعد بالمعالجة ونحن فى أنتظار الباش ,ياخ أبوهريره نحن الحباك عندنا فوق كل شئ ولا والى ولاغيره نحن فى خدمة الحباك واهلها ولنا عودة باذن أحد أحد

الله اكبر كدة طمنتنا ياابواحمد

الله يبارك فيك أخى أبوهريره وان شاءالله تسمع خيراً قربياً وزى مابقولوا خليك على الخط

ماشاء الله
انشاء الله موفقين يارب
احترااااااااااااامي

Dear Osama Osman

Thank you for the clarification and it will be great if you update us what is going on regarding the Radio station issue

with best regards

شكراً عمو الخواجة ان شاءالله تسمع خير عن قريب وبعدين انا بعرف انجليزى قدر دا كان كنت معاكم انت وإبنة أخى عبدالغفار فى انجلترا ولا رايك شنو فى الكلام

وإبنة أخى عبدالغفار !!!

وين إنت يا بت أخونا وأختنا .. ده ما كان رحيل ....

سلام ليكم جميعا

ودعشمان كدة خلى كلام الخواويج دا ما ابواحمد قال الكلام منتهى
بس المهم تسمع كلام المشرف العام القالو دا ودى اوامر لابد من تنفيذها
وعليه الرجاء البحث عن الاخت سهاد واحضارها للمنتدى
ومعاك كل الصلاحيات

يا اخوانا مسئولين من الخير .. الزول الاسمو :
OSAMA OSMAN البتكلم مع الناس الكبار .. كبار مشي وين ؟؟ يا اخوانا الزول دا وعدنا و قال بجيب لينا الاذاعة و ياتوه ما وصلت .. انحن الاذاعة دي محتاجين ليها حار ..

لو فيكم زول بعرف بكان الزول دا ادوه لكزه خفيفه بتلفون و قولو له الجماعه راجينك و صبرهم قلا ..

لكم التقدير

صحي يا ابواحمد الحصل شنو؟

استلمنا تصديق الأذاعة من الاخت سناء حمد وزيرة الدولة ولكن الاحداث الاخيرة آثرت فى عملية الإستلام وبعدين فى شوية مشاكل فى الإستلام لانو الإذاعة قديمة محتاجه بعض الإسبيرات من الخارج على العموم أن شاءالله فى شهر رمضان تسمعوا الإذاعة قولوا يارب

الاخ الكريم OSAMA OSMAN

متعك الله بالصحة و العافية .. و بشارتك سمحه حار نحن دايرين زول فالح زيك بجيب لينا الشقلات السمحات ..

شكرا اخي علي الافاده و كتر الله خيرك ..

لك التقدير

كلوا من أجل بلادى صديقى الخواجى بس انت تعال كفاك غياب الإذاعات دى عاوزه كوادر ولا شنو الرأى تحياتى

عزيزي OSAMA OSMAN

انت من حسي بتقول الاذاعة مكعكعه زي ما قال ابوهريره .. دي يسوها كيف .. الغربه كملت لحم جلدنا انا و سهاد بت ابوي عبدالغفار قنعنا تب بنجيكم قريب انشاءالله ..

لك الاحترام

بجهدكم وخبرتكم تسير الأمور أن شاءالله بس انت قول بسم الله وتوكل على الحى القيوم

الحمد لله لقد تحقق الحلم
وجزا الله القائمين بالعمل خير الجزاء