من روايع الشعر السعودي العامي عوض سلامة العنزي

مآسي



    قتلتني وأخفيت أداة الجريمه
ونسيت ما تحسب يدينك تدينك
بصمة يدينك بالمحاني مقيمه
من دمّي الرايب مخضّب يدينك
قتل القلوب الابريا أكبر ظليمه
قتلتني وأنت اتعرفني سجينك
كلْ تضحياتي مالها أيّ قيمه
عندك وأنا من شاركك في أنينك
إليا أجدبت دنياك أنا صرت غيمه
وغسلت من دمعي مآسي سنينك
وأحرقت لجلك كل ذكرى قديمه
ونسيت عهدٍ كان بيني وبينك!
وأهديت لك قلبي وجنّة نعيمه
ومن جنّة شعوري أنا أمتعت عينك
وجازيتني بالقتل وأبشع جريمه
ونسيت ما تحسب يدينك تدينك

عوض سلامة العنزي