ونسة ساااااااي ....... دكتور الجنيد وكدا ...

عندما يكون معي رصيد ... يمسكني القلق ...لو ما خلصت على الرصيد ما أرتاح  ... وسوف لن تهدأ نفسي أو يهدأ لى بال ...
وغالباً ما أفتش في جوالي كي أجد شخص لأتصل عليه وأدردش معه . وحينما أتصل على حسن محمد زين أسد ...أول ما يتحدث معي بطريقة رسمية أعرف أن بجاوره إما زوجته أو أحد أبناءه ... وحينما يتحدث معي منطلقاً أعرف أنه لوحده .... 
وأمس أبحث في الأرقام ووجدت دكتور الجنيد ... قلت وجدتها لازم أكلم عمك دا ..... وإتصلت عليه :
سلامات يادكتور ....
الله يسلمك معاااي منو ؟؟؟
هي لكن يادكتور بعملوها كده ...
معاااي منو ....؟؟؟
ياخي خلي عندك ذوووق وما تقطع أخبارك عن الناااااس ...
ياخي معااااي منو ؟؟؟
قلت له معاك عثمان جاويش ....
أووووو أبو عفان كيف حالك ... نحنا بقينا نااااس سوق ساااي ...وما أقدر أتابعكم من الجوال ...
قلت له المهم تظهر نحن فى إنتظارك ....  وودعته ...
وأرسلت رسالة لأزهري الحاج فيها رقمه ...وإتصلت على أزهري بقطر ....  وقلت له كلم دكتور الجنيد وعاتبه ...
قال لي أنا الآن في إجتماع ...بس أخلص واكلمه ....
ورن على أبو الزهور مرتين وفصل ...ولم أدري ماذا صاااار ...                                             معزتي ونستكو ولا كو ؟؟؟؟

ود الشاويش مشتاقين كتير وانت بالجد ما بتقصر ابدا ودائما تسأل عن الاخوان والاخوات وكمان الابناء والبنات ودكتور الجنيد بعد ان استقال من عمله في المنظمة زي ما قال ليك بقى زول سوق ولخمتهم كتيرة وياريت يطلوا علينا ولو في السنة مرة

تشكر أخي توحة ... بالجد مرورك جميل ... وأتمني أن يتم التواصل مع كل الأحباب ...وسلامي لأهلك الأعزاء ... ومستني زيارتك للرياض ....     معزتي ،،،

تسلم ول نوية العريس . وحتى الآن أنتظر مرورك على مكتبنا .... وكان أحلى مرور مرور العصرية  .... ويا حليل بلدنا الحلوة وياليت الأمور تتصلح ونرجع تاني من جديد ....       سلم لي على حكومتك .... إحترامي .

مرورك دائماً رائع وفيه نكهة قدحة التوم ....     معزتي ،،،