أبوالزهور ... قبل قطر وبعد قطر ....

تفاكرنا في موضوع مع أبو نوال على أساس أن ينزل بالمنتدي ....

 وإتفقنا أن ينزله هو ....

وقال لي بشرط أن تذكرني .... قلت ليهو معقول يا ابو نوال ؟؟؟

قال لي شوف الحاجات السابقة من الصغر والإبتدائي وحتى وصولي قطر أسألني عنها أجيبك ....ولكن بعد ما وصلت قطر إلا تذكرني .... 

وقد ضحكت كثيراً ..... واعرف مشغولياته ...وحجم مسئولياته ...وأعرف أن ابو نوال ذخرنا ومرجعنا ...وبارك الله لنا فيك وفي شخصك الكريم الطيب الخلوق ...

بس ما تنسي الموصوع !!!

وأرجو أن لا تسألني وتقول لي موضوع شنو ؟؟؟

                                                            إحترامي ،،،،

موضوع الليلة الثقافية . 

 وصلنا فيهو لشنو ....وآخر حاجة وصلنا وين ؟؟؟؟

وزماااااان في الزمن الجميل قبل التلفزيونات . كنا نستمتع جداً بقصة يوم الخميس ونحنا بالصف الأول أولية .

وكان يحكي لنا قصة الخميس ( أفندي فرج وبلدته كالوقي ) وحكي لنا قصة جعران وتركناه أعلي الجبل  وجرس الفطور ضرب ولم تكتمل القصة  ...وخرجنا من الفصل ونحن في نشوة ما بعدها نشوة ....وننتظر الخميس بفارغ الصبر .
وحينما أتي الخميس نسي (أفندي فرج) وبدأ لنا في قصة أخري ....وزميلنا عيسي يرفع يده ويقول بحماس وبصوت عالي أفندي ...افندي ....افندي ... قال ليهو آها يا عيسي !!  عيسي قال ليهو إتا تري قصة أبيا جعران ما تمتا لينا ..... ونحنا نموت من الضحك ....

وهذا هو الزمن الجميل ....ولا أدري أين عيسي الآن وهو من أبناء كالوقي أيضاً وفي إعتقادي انه قريب ( أفندي فرج )                    إحترامي ،،،