إتـــكاءة...إخوتي احبائي مرحب بكم ... في محطتكم ... وقد اخجلتم تواضعي ..

إخوتي ابوعفان ... اخي عوض السيد .... لقد اخجلتم تواضعي بثقتكم في شخصي ... وصدقوني لا تعلو العين أبـــــداً على الحاجب ... ازهري اخي الغالي مع انه رجل عجوز وشايب إلا ان ذاكرته حديد ... وصدقوني إنسان مثل ابو الزهور مع إحترامي سوف لن يتكرر في الحباك ... ازهري الله لا جاب يوم شكره ... فاهم ...ذكي ... لماااح ... فطن ... لبــــق ... حاضر البديهه ... ذاكرته ما شاءالله قويه ...متواضع جداً ... دواخله صافيه نظيفه جداً ... الغضب عنده كسحابة صيف سرعان ما ينقشع ... لا يحمل على احد مهما يكن ... إنساناً عفوياً طيباً متاسمحاً مع نفسه ومع الآخرين ... متمكن جداً من لغته الفصحي ... مميزاً في عمله ووظيفته ... ومنذ ان كان تلميذاً ماشاءالله كان متفوقاً بين اقرانه ...الجماعه القدامنا ...؟؟؟!!! ربنــــــــــا يحفظ لنا هذا الكنز المخفي تماماً ... أزهري ذلك الإنسان القامه لا أقدر ابداً ان اصفه في كلمات ... بس ربنا يحفظك لنا ابوالزهور ... وبس الليله الراس ما يكبر ... وتقوم تعزم كل ناااس الخبر... واعرف انك شهم كريم ... جيبك ورقم حسابك لا يستقر فيه درهم بل تجود به لتغطية حاجات الغير .... ربنا يحفظك ويحفظ لنا جميع أخواني واخواتي بأسرة المنتدي ... وبصفه خاصه ...ابوعفان والرجل الإنسان جداً الشهم عوض السيد واولاد ابويا خليل ....محبتي ....

حمد الله على السلامة يا اخى ما صدقنا انك ظهرت فى المنتدى بعد غياب.

ارجو ان تنقل عتابى للاخوان معتصم و سيف و حامد حسن .

كما ارجو ان تنقل سلامى للاخ عوض

تحياتى

يكفيك تاجا اخى ابو الزهور كنت من قراء المصحف الشريف مع آباءنا فى مسجد ابو جبيهه منذ نعومة اظفارك ..وقت الشقاوة ..وخور البطحة يشهد علينا رغم شخوخته ونحن نشهد على رزانتك والشايب ماخلا لنا فرقة(دود)..ربنا يحفظك لنا جميعا..شكرا لك ابوالزهور دائما مرحبا بكل فرد بالمنتدى.. وانا من قبل رشحتك عمدة المنتدى فى مداخلات ..اتكاءة فى تاريخ ابوجبيهه يبدو الناس معذورة مع الدوام المتجذر صباح ومساء كوصفة طبية دائمة كما اوصف دائما الدوام بذلك ولى مساهمة متواضعة خواطر الغربة سارسلها لمنتدى الشعر والقصة ..فلا يسعفهم الوقت كما قال اخونا عبدالرحمن الحاج البشير وقد سالت عنه فى عدة مداخلات من هنا مرة ثالثا سلام عليكم اخى عبدالرحمن..والأخ فيصل دائما حاضر وودالمحلج واخونا حيدر ..واخوى عثمان الشايب ..مضطر اقول لك الشايب عشان ..سعدالدين دفعتى يكفى انك ريحانة المنتدى((بقيت كرياف))..واخونا عوض السيد بمساهماته دوما وخاصة موضوع الشواكيش..اخوى عوض هاتفتك ولم نكمل الحديث ساتصل بك لاحقا عارفك لك دواميين ومشغول..عموما ..مشكورين الإخوه القائميين على امر المنتدى لهم وسام الشرف كلهم ..وقد إلتقيت بالاخ الفاتخ عبر المنتدى وشكرا على المداخلات واهتمامك بالرد اخوى الفاتح إن دل إنما يدل على رقة ذوقك منذ ان كنت يافعا.والود لكل الحبان...حبان الحباك وخاصة الأبناء الذين نحس بأبوتنا نحوهم مجرد ذكر اسماء ابائهم ..فالاسماء لها ايقاع فى دواخلنا لها حضورا فى تاريخ ابوجبيهه هانحن ضمير مستتر ..عندما اقرا المدخلات احس بالديار و((دوعاشا))ورائحة تربها الخصب عندما تتخلله المياه .واصوات (بوابير)اللستر..وكل الإخوه بالداخل وخاصة ابن عمى امين منقة وينك جنابو لك وحشة ويا حليلك..مشكور اتصلت على من السودان ..بالمناسبة حاولت تلفونك يافيصل حتيلة نيابة عنا اخى فيصل بلغ كل(0الحتيلاب)) التحايا وليس تحية واحدة..مرات عدة اجده خارج التغطيبة ارجو تحديث الرقم او تاكيده اما اولاد كمبال لهم جميعا التحية واخصها اخى جعفر كمبال .. ذا منتدى الحباك والحبان..سبتكم عافية

شكرا أبو عفان وفى لهفة لمساهماتك وأنت ما شاء الله صاحب قلم سيال .. لك الود والمعزة ودمت غاليا.

صباحك انتو حقو الناس يجوهو ويشيلوا منه الفال
صباح البشرى للمحزون وصباح العيد على الاطفال
وابو الزهور طبعا موهبة متفردة وما شاء الله وربنا يحفظه لينا ما ترك لينا رقراق نقفلو ليك بى اى تعيلق من عندنا( واكيد خير من يحسن التلاعب بالالفاظ)
ويا ابو الزهور شلت من المنفلوطى نفحة ومن رحيق شكسبير حتة ومن نزار قبانى خمشة
ومن الطيب صالح وصفة (وباختصار كدا ابوالزهور هو...... دافنشى المنتدى) ودا اقل مايمكن ان يقال ..
بكم ومعكم نسعد

يا أمين الأمة ... أنا أعرابي ، والأعراب مثل الحسان يغرهن الثناء ، فشوية شوية ما أقوم أعمل حكاية الشاب الذي كان يعمل فى تلاجة بطيخ وكان يستلم البطيخة التى ترمى له من اللوري بحركة مسرحية وغاية فى الإتقان والإبداع ثم يودعها فى التلاجة أو المخزن .. فرآه مدرب المريخ وأعجب به وقرر الإستفادة منه كحارس مرمى .. وكان رائعا فى إلتقاط الكرات .. وفى اليوم المشهود وفى مباراة هلال مريخ إلتقط صاحبنا كرة خطرة بصورة ولا أروع وسط هتاف جماهير المريخ فما كان من صاحبنا إلا أن أودع الكرة فى مستودع البطيخ محرزا هدفا للهلال كان كفيلا بحسم اللقاء كالعادة ...................... مودتي .

قويه يا ابو الزهور....... دا مدرب مريخ الفاشر ولا شنو

ودا عندنا فى العسكرية بنسميهو بيان بالعمل
والدليل زيما بقول عمك عادل امام : قالوا لو


منكم نستمد ونستنير مشوارنا

كيف اخبارك عمنا شاويش بالجد مشتاقين ليك وكتاباتك الجميلة والحلوة ؛ انا استمتع جداً عندما ازور هذه الصفحة وانت بحق مفخرة لنا وجراب حكاوي ؛ وعرفة برضو من خلال سردّك كنت بتسوق امجاد ولو كناعارفنك يمين الا تلبد مننا ؛ لانو كنا معي اصحابي كدة من اولاد الحباك انا بسميهم محترفين الميتات
مودتي

مرحب بيك إبني الغالي ... بس اسمع قالوا الملح الكتير بسوي الضغـط ..... وإنت نوارة هذا المنتدي ول نويه الرجل المهذب المحترم دائمأ ويكفيك فخراً نشاطك الملحوظ ..... محبتي .....

الإبن محمد نويه ..لك التحية وابو عفان الرائع ..بس ابننا محمد الجماعة بداوسو بره الداره ..احمر وازرق..والضحية البطيخة..قل لهم تعالوا دارى..منتدى الرياضة..زمان كنا متعصبيين..جاء نميرى سواها جماهرية..الناس حردت ((طمحت))الرياضة..بس بخلى لونى الرياضى بدون تحديد..بس كنت مغرم بصفاء السماء ولجة البحر..وصار عندى فوبيا من اللون الأحمر عشان نيران((ابوكوليكة))..أخوتى..طرح الأخ الفاتح بان نفتح موضوع محكمة ابوجبيهه ..وقد اشرت لها فى مداخلةلى..ونضيف إليها ظاهرة ((نار ابوكليكة))التى إلتهمت الكثير..بس بعد ده كله لم احدد لونى الرياضى..؟؟لكم ودى

العاجبو عاجبو و الما عاجبو يشرب من النيل الازرق.

(بس كنت مغرم بصفاء السماء ولجة البحر..وصار عندى فوبيا من اللون الأحمر عشان نيران )

مرحب بيك يا عثمان فى مجموعة الموج الازرق.الجكاية قلع ولا شنو يا نوية ما عوض السيد عارف

عثمان لونو شنو

..بس بعد ده كله لم احدد لونى الرياضى..؟؟لكم ودى

خلوها مستورة عشان اخوى الصغير عوض السيد مايزعل عزاه صحبو تلاف يعنى ماعندو فوبيا ...من نيار ابوكوليكة..وولدنا ول نويه ...اشوفك مغبون حار من عمك البلباص ..وفيصل لك ودى ..ابو الزهور قائدنا((البحر خلفى والعدوامامى)

يا ول كمبال ....
وييييييييييييييييييييييييييييييييينك يا حبة!!؟؟؟؟؟
شايفك برة الشبكة لكن الشغلانية دى دايرى ليها شيوية بهارات
وقالوا البكى بحرروهو اهلو ولا شنـــــــــــــــــــــــــــــــــــــــو؟؟؟
دمتم فى رعايته ونعيمه

إنت يا عثمان موسي بتبيع المويــــــــــــــة في حارة الســــــــقاييين ؟؟؟؟!!!! وبعدين انا بموووووت في ابو كليــقه ... بس ما عاوز اصرح بلونـــــــــــي .... وإستني لي بس يا ابوعفـااااان ..... محبتي .....

يا جاويش ما انت كرت مكشوف لينا يا اخوى نسيت اننا اولاد ( دنقر واحد )

يبدو انك مشغول شويه اليومين دى.كنت عايزك تكتب لينا موضوع عن اعمامنا ( محمد ود الشيخ

عمنا المرحوم بخيت الحاج - عمنا نواى ربنا يمد فى ايامه - عمنا المرحوم مرحوم عبد الرضى -

و عمنا مصطفى بابكر و عبد المجيد الامير) وكذلك مجموعة النادى الاهلى.

لك الحب

تصدق هذه الأيام زحمة عمل مش عادية .... كيف عرفت يا خطير ....
وبس خلينا نصفي مع ناااس ......عثماان موسي ديل ونشوف لونهم شنو بالضبط ....يا ابيض يا اسووود كما قال عادل إمام ( وإنت يا ابوعفان عاملي لي لونك رمادي ؟؟؟!!!.....محبتي ....

صاحب الاتكاءة الجميلة الظاهر مشغول لاننا ومن مدة بنتابع وبنلقاك كاتب رد صغييييير اها الحكي مشي وين؟ في انتظار تداعياتك يا اخوي.....تسلم