اسماء من البلد

من اشهر اسماء المناطق بعضها واضح المعنى والاخر ربما من الشكل
1- البتيرة تعني الارض المنخضة البترة
2- امصاقعة
3- السهل
4- عد الدم
5- بت الكل بقارة
6- حبيس الحمار
7- بتري
8- جالي احد الفرسان قتله اخر فيل تم طردة من منطقة كليب في ابوجبيهة
9-اللكشة
10-القراود
11- ابو عضام
12- الضحاكة
13- ام مرافعين ( ليست مرفعين )
14-الدنكوج
15-ابوكرشولا
16- امقناطير
17-الدكة
18-الدلندوك
19- التركلة
20-امضمنة
21- الكجر
22- البو
23- القو
السلام عليكم

سلام ود النو .... ارجو المواصلة في سرد الباقي من قري وحلال

اخى محمد زمان كنت فاكر نفسى بعرف كل حلالنا بس اتارى فى خبراء وباحثين بس ماشايف وبالعكس........ وبالعكس دىقالوا واحد لقى باص مكتوب عليه كوستى ....ابوجبيهة وبالعكس قال لاخوه كرفنا كوستى وابوجبيهة وبالعكسى دى شنو قال ليه وبالعكس دى حلال(مابعرف اظنه يقصد فطاطات واخواتها واهلها)

السراجيي وام هشيمي ودبة البخس والزريقة و الدليبات و الحمرة ابجريس و دارجم
تكينات الحليلة القردود و دليبة والطمر و قريض وكاو ونارو وفنقر و الديرة و الكتير و عجيز و الواق و الحلوف ابونضريب سرق وغرب و ميعة وصفيرة
هذه المناطق اهلها كنانة وولاد حميد وشلك و نوبة فمنها ماهي للزراعة ومنها مناهل ماء ومنها هشاب ( صمغ عربي) وكلها تقع جنوب شرق ابو جبيهة

نزيدك شوية:
فجق النوم
ام لوبيا
جبيل ويكي
كابوس
ام برطبّو
دنقر
السلعلعاية

وانا اذيدكم شوية كمان يامحمد النو وودنوية انت اخو مجذوب جارنا
مغني
وجرااي
وحليلة السيد طبعا دا جدنا السيد ابو علية رحمة الله
التريده

ليه ام شرموط
الكورقادم
معوان
الليوي
كرن
الدليبات
دبة الربط (حلة ناس مولانا ضيف الله الا رحم الله زوجتة ام سلمة الباشا)
دليبا
الطمر
الحلوف
ونديكم المره الجاية اكتر
وفي شخصيات في زاكرة ابوجبيهة سنفرد لها مساحة خاصة

كل عام وانت بخير اخي زهير 0نعم انا اخو مجذوب تحياتي لكل الاهل
مودتي

ول نويه وين ابن عمنا طارق.
والله مش يغيب....أول ما يجى حأفتح فيهو نار

السلام جاكم
تاني نديكم حبة مع الصباح دا
جبل الدود /ودعابد/فطاطات/تكينة /الرحمانية/البخس
سيسبان الجميلة (دي حلتنا طبعا)
بتري/قد الهبوب/
في حلة في شارع كوستي بين الضكير وابودلدل قاعده لي في حلقي ماقادره تطلع العارفها يورينا
تحياتي

ايضاً دار السلام بين كنجارة ودبيكر
والفيض محمود والكور والملكية
قصدك يازهير (الدقج)

تسلم يابدرالدين بس ياها
معليش قلت من وين في ابوجبيهة ياريت تعرف اكتر لانوا نحن بقينا ناس اعياد ساي في ابوجبيهة

قول لاخينا امرك ماشي بنعمل ليك الايميل؛ بس يدفع لينا حق التعب لانو الزمن ده مافي حاجة تاني بالمجان

الاخ زهير اذيك ومساك زين
انا في ابوجبيهة حي القلعة جوار مدرسة العون السعودي لو بتعرف ياسر قادم وعادل قادم والخال فضل الله مختار والباشمهندس النور مختار لكن حالياً في الابيض لتكملة اجراءات استلام الشهادة عسى ان تجدو لنا شغل

شكرا يا بدرالدين على المعلومة المهمة جدا.

نعم انت اخ بالفعل فالاخوة: فضل الله و احمد و النور و البيه كلهم اعزاء.

نتمنى ان تكون فعال بين اخوانك.

تحياتى

سلامات

اذيدكم شويه

الخربايه

مويلح حلة الشيخ ادمو ابو الضهب وعليان النمر( الرحمانيه قال والله دى موجعنى جوه قلبى)

حله الشيخ جاد السيد(الكركوانى)

ام لوبيا

مشيل

ام عداره

الرحمانية دى أسم حكومة يازهير الأسم الصحيح الخرباية ومويلح ياناهد حلة اولاد جادالسيد ( اهل استاذ كمال) وام برد دى حلة اهلنا الاسره الدكه حلة آدم الأيسر والمراض وهلمجرا

وأزيدكم :- حمدالله ، قرية جوار قرية السهل . وفطاطات : بلد الأستاذ/الشيخ فضل لله ( داقوش) .وأعتقد يازهير ...بتقصد : قرية البتيرة ...وما ننسي :- ابوجريس والترتر ...وأما الرجل الكريم : آدم الإعيسر ...أعتقد أخي أسامة: بأم قناطير والله أعلم...وهو من أكرم كرماء تلك المناطق ..وله عصارة زيت أبولد كااارب...وهو يعمل باليد اليسري ولذا سمي الإعيسر ...[[ مداخلة أخي التجاني الطيب الزين ::اخى محمد زمان كنت فاكر نفسى بعرف كل حلالنا بس اتارى فى خبراء وباحثين بس ماشايف وبالعكس........ وبالعكس دىقالوا واحد لقى باص مكتوب عليه كوستى ....ابوجبيهة وبالعكس قال لاخوه عرفنا كوستى وابوجبيهة وبالعكسى دى شنو ؟ قال ليه وبالعكس دى حلال(مابعرف اظنه يقصد فطاطات واخواتها واهلها)::: يا جبان خليك شجاع وكمل الكلااام : والبص مكتوب عليهو : العباسية.. رشاد.. ابوجبيهة.. كالوقي.. تلودي.. وبالعكس . وسأل البقاري أخوه وقال ليه وبالعكس دي يين ؟؟؟ قال لي بالعكس ما دول عندك كُنانه دول ( ال....)!! وطيب أنا حاكلم ليك قريبتك أم علياء لأن جذورها أيضاً من أبوجريس والترتر ...ومع تحياتي وإحترامي .... محبتي

وازدكم شوية
مريفعين و الظلط المقددو الكركراية وبالعكس لحد كرن والنيلة الحمرة
والله يخت محنك يا شاويش

نديكم من غرب الجنائن
معوان /حلة كدكا/حلة ياسين/فريف حاج غريغ/ الملكية / ملم الكور / بابنوسة / حلة عيال الصادق جلا الدين (فيض محمد ) /واقف /حلة زولين / الكره /قدالهبوب /حلة النيماية

وبمناسبة ملم الكور حكى لى خالى مولانا التجانى العبيد وحينها كان قاضى فى بورتسودان احضروا له متهمين وجدوا متسللين بالسمبك للسعودية وفى المحاكمة سأل المتهم اسمك عنوانك قال ليه ملم الكور مولانا قال ليه ما تقول ابوجبيهة وخلاص وحكمو بشهر سجن طبعا صاحبنا استقرب من القاضى الفى بورتسودان وبعرف ملم الكور دا .

الله يزيد الحلال
كمان
حفيرة ضوالبيت
امخرز
فاجة الحلاه
ابوعضام
القرضاية
تاكل بارد
جليد السخيل
المشبط
حجيرات قمر
المراط
الدروت
هبايل
الصهب
كراراية
حبيس الحمار
كرلكت
حلة سماعين الاصيقع
ام نعامة
امضرابة
السريف
جبل المشبط

ياشباب تعرفوا (( الدليندوك ))

معنى الوسى

والله ياود النو انت مشيت جبال تيره عديل
بكرة تجيب لينا كرندل وتمبيرا وام درافى والجقيبه ,
اشكرك كثير

أبا هريرة الوريف ..عرفتك للبكانات دي كنت بتمشي مع ناس الملايش ولا شنو؟ لأنو المحلات دي لو زول ماشافا مابعرفا
مشكور ياحريف كلامك حلو خلاص!!!!

والله يا ود نوية ما مشيت ملايش لكن كان عندى طاحونة فى الرحمانية وبنمشى نضرب الجداد مع عمنا النو ابو اخونا ودالنو والله عمك النو شبعنا جداد خلا وحشيت فى امضمنا مع نا س حاج ضيين .

انت عارف يا ول نويه ابوهريره ده راجل عصامى بشكل بعدين زول عملى منذ الطفوله وانا شاهده بيقطع القش وبمشى الزراعه 00ده طبعا كان زمان والان بقى محامى مرطب وساكن الخرتوم

مشكور الزعيم غريق ياخى انت قايلنا نحن وقفنا على الزراعة وقطع القش بس الكوارو ما خليناها والطلبة ما خليناها واشتغلنا جنقو فى الدقاقة وطبعا شغل الدقاقة ده اصعب شغل وكنا متحمسين لكن يومين بس وزغنا.

ياود نوية ان شاء الله نلتقى ونحضر عرسك
تحياتى

زمان ياول نوية شروطنا التراب دا كله مشي كداري وشي بالعجلات لما رطبنا لكن مشيت كداري من ابوجبيهة الى الموريب والقردود وكالوقي ومشيت لعريض ومشيت لكوستي كداري
عشان كدة

عود الصندل ياخطير
والدكة ودبدوب وكرابرا والرصيرصة والحميض ودى مشهورة اليومين ديل

ام الشيخ -اللغيبش-الساني-كورو-ويرني-مرنج-امحجر-هبوب-المناورات 

يا اخوانا اتو كلامكم دا ككيف الحلااال دي كلها طريتوها ما شف زول طرا ..امبرمبيطة ..
و شايف الاح محمد النو و محمد نوية قربو لينا بذكرهم لي (( امبرطبو و ابوكرشولا)) و انتم عارفين امبرطبو دي لو جدع حجر من امبرمبيطة ترمي مناك ليها و بها 13 بيت فقد .. يا اخوانا كلامكو دا بجيب ليك اللوم ..

ارقدو عافية ..

هاي عود الصندل .. ماك طيب .. انشاءالله البقيرات و الغنيميات ملعشيات .. اخي الشقل الجابك خورالدليب و امبير دا شنو .. سارح بالبار و لا مودر .. لو ما اخاف الكضب اقول جيت الساوق في سوق امبرمبيطة ..

لك التقديؤ اخي الكريم عود الصندل لك مني الف تحية ..

هاي ول دا امي .. عود الصندل .. ماك طيب انشاء الله الاهل خليتهم وراك طيبين .. السنه قالوا الخريف تعيس البار ببايتن في النقره الحمره .. لكن لو مشيت علي فرقان هاشي ول دقل ( سنداله تصنع البقر ) تورك دا تلقاه معهم هناك ..

اخي جيتني في بكاني حماد اللبيري عمي و مرته مرخه حبوبتي و عبدالكريم ول نواي مزوج بته مريم .. اخي ابوي حماد عندو بتين ازوجوهن من عيالكو و دقشو بيهن ملم الكور لليوم بجرن و بنجمن ما قبلن علي امبرمبيطه اخي اتو كلامكو دا شنو ما تخلو البنات يجن يسلمن علي الاهل .. و نسيتك الشر بيتنا جنب بيت عمي حماد اللبيري قبال ما يسيري علي حي القردود كنا ساكنين جنب عمك سماعين الزبير عمدة الطوقية لكن توه ناس بيتنا رحلو من الجيهه الصبحانية كأنك جاي من خورالدليب داخل علي سوق امبرمبيطه البيت الاصفر البقابلك في وجك دا بيتنا المره الجاية لو جيت تتساوق في امبرمبيطه لازم تغشي ناس البيت عشان تسلم و تتعرف عليهم تلقي عمتك و عمك عشمان و العيال شاتين اخي في الخراطيم و امدرامين كلامناهم الف مره قولنا ليهم دي السعية خليكم معاها الا ما بسمعو الكلام ..

اخي الونسه معاك حلوه الا باقي مستعجل شوية لكن امباكر بكتب ليك جواب في البريد الخاص كن ما عرف قريته انطي لي محمد ول نوية يقرا ليك قالو اليومين دي جا من السعوديه او انطي لول ابوي خليل حتيله البنادو فيصل باقي ملفنجر خلاص رابط صليبه النهار كلو لكن ممكن يقرا ليك هو زاته زول خدوم خلاص ..

لقايد ما القاك سلم علي الجماعة كلهم بدون فرز ..

و ارقدو عافية

اخي اتوه دا انت جيتني في اللحم الحي حماد اللبيره دا عمي لزم تعرف عمر وحسن وموسي وعبد الرحمن ومحمد ومريم وتمر الجنةحماد ووووووووو وعمتي مرخة ضربت الخراطيم وامدرامين مع عيالها موسي وعبد الرحمن والدركريم ول نواي دا بتا صفاء معرسها واحد من اهلك اللسرة شغال في ديوان الزكاة. وبت عمي حماد اللبيري دي بسموها امنة متزوجها عمي لزم فرقكم في الفيوض هناك محل اسمو ملجاوط مصيفين هناك اخي لكن من تعب الفريق والحرور كن لقتا مابتعرفها. انت ول عشمان انا كن مابخاف الكضب بعرفك

ود عثمان
سيبك من اللولة بتاعت الانقليز دي
عود الصندل ده طلع قريبي انا !!!ونحن من بحري وانت من براغ
وبعدين انا فتشت في خريطة السودان كلها مالقيت حله اسمها امبرمبيطة؟؟؟
لقيت السهل.. لقيت القردود.. لقيت خور الدليب.. لقيت ابونوارة.. لقيت دبيكر.. لقيت ام بير ..لقيت الفيض ..لقيت قرى كتيرة ما لقيت امبرمبيطة دى..

والله ياناس ابجبيهي ماخليتو لي قريه او حله مازكرتوها وتحكتوني ووقطعو قلبي بالتحك للمداخلات الطيبه الجميله الراقيه وحمد الله الله سوال الاخ زهير وجد الاجابه السريعه والاخ عثمان تعرفون غفشاته الراقيه التي يعر بها المنتدي واهلنا كنانه لكم جميعاً التحيه والاحترام
ونديكم زياده شويه
جبل العمده
أمكداده
قردود عبد المنعم
البحير
الجبال الحمر
جبيل حوا
دبيبة الفخريه
المنورات
حلة جالي
كرن
ام خميري
النيلي
مع احترامي لي بكره كده نشوف ليكم زياده شويه

الاخ زهير حسن السيد

تحية طببة و بعد الحقيقة انا سمعت الاستازة امسلمة الباشا في لحظة قرائة دبة الربط (حلة ناس مولانا ضيف الله الا رحم الله زوجتة ام سلمة الباشا) والله اول مرة اعرف ان ام سلمة الباشا توفت. اللهم ارحم الاخت ام سلمة الباشا واجعل قبرها روضة من رياض الجنة.
ارجو ان تمدنا مولانا ضيف الله وتلفون ا سرت ال الباشا.
و تلفون ال البقيع علي الناعم.
و شكرا يعقوب النو

امقعينجه مقطاع ود المليسه تجاه كالوقى سميت بهذا الاسم لانها بها رهد ملئ بالضفادع
عندما يحين الليل تبدأ الضفادع بالغناء حتى الصباح. ونسبة لهذا الازعاج سموها ام قعينجه.