حكم بالجلد على وورجو نجم المريخ النيجيري

السودان: حكم بالجلد على وورجو نجم المريخ النيجيري
أدانت محكمة سودانية اللاعب النيجيري ستيفن وروجو، نجم نادي المريخ السوداني، بشرب الخمر، وقضت بمعاقبته بعقوبة الجلد.

ويعتبر المريخ أحد أشهر أندية شمال السودان، حيث يعتبر شرب الخمور محرما، بينما لا يسري نفس القانون على جنوب السوادن الذي يتمتع بحكم ذاتي ولا تسري عليه قوانين الشريعة الإسلامية.

وقدم محامي وورجو استئنافا ضد الحكم للحيلولة دون تطبيقه، لكنه يقول إنه في حال رفض الاستئناف فسوف يجلد لاعب الهجوم في المريخ 40 جلدة إضافة إلى غرامة تعادل قيمتها 100 دولار أمريكي.

وتقول مصادر سودانية إن وورجو قد ضبط وهو يقود سيارته مخمورا في أغسطس/ آب الماضي.

وكان المريخ السوداني قد اشترى وورجو من نادي إنيمبا النيجيري في صفقة بلغت قيمتها 2.6 مليون دولار وهى واحدة من اكبر صفقات اللاعبين في تاريخ الكرة الأفريقية.

وسجل المهاجم النيجيري 13 هدفا في كأس الأندية الأبطال للقارة في العام الماضي وحاز لقب هداف العام.

ثقافة مختلفة
لكن أداء وورجو في الملاعب في المرحلة التالية كان مخيبا للآمال، فقد ظل ضمن لاعبي الاحتياط خلال مباريات دولية مهمة لفريقه في الموسم الراهن.

وقد اعترف وورجو في مقابلة مع بي بي سي في وقت سابق من العالم الحالي بانه يعاني في محاولته للتأقلم مع أسلوب الحياة في السودان.

وقال " أجد صعوبة في التأقلم هنا، إنها ثقافة مختلفة، ولغة مختلفة وديانة مختلقة.. كل شيء مختلف هنا، إنهم يطبقون قوانين الشريعة وهو يؤثر بالتأكيد علي لأنها تحد من حريتي في فعل ما أريد".


وكان وورجو قد أعرب عن أمله، ورغم تلك المعاناة، في الانتقال إلى فريق أوروبي.

وقال مصدر مقرب من نادي المريخ إن فرقا أوروبية عديدة تتابع خطوات وورجو عن كثب.

أما التأثير الذي يمكن أن يخلفه تنفيذ الحكم على آمال اللاعب وخططه، فلا يزال غير معروف.
BBC arabic

عوير.
قالو ليهو قول : كآآآآه
قال : كآآآآه

شئ مؤسف للغاية عدم تدارك ادارة المريخ للامر حتى يتفادى وارغو المحنة دى.

ليس للاعب وارغو اى مستقبل فى السودان بعد المحاكمة.

( تخريمة ) ( القاضى تكون بايتة معاه ) دا دمار للاعب صغيرالسن

تحياتى

حمدا لله علي السلامة اخي فيصل ....
السؤال الذي يطرح نفسه هل اللاعب مسلم؟

بالطبع غير مسلم ( فهو مسيحى ) و لكن السؤال هو أين وجد الخمرة ( ضارب ويسكى )

دى بالفعل معايير مختلة تماما يا عالم.

تحيلتى

حقيقة امر محزن لاعب بحجم وارغو يغبض عليه في جريمةخمر ؛نعم هو مسيحي ويحاكم بصفته مسيحي ؛لكن اين وجد ضالته هذه ها هو حال سودان كل شي بقي مستشري بصورة فظيعة والمحرمات تباع عينك ياتاجر؛ ننتظر رد اخوانِي محمد وعوض السيد عن وارغو

نحن مع المريخ يا شباب وليس مع الخمر...... وهل وارغو هو الوحيد فى السودان البيسكر.
فى ناس كبار مامقصرين فى البلد ليش وارغو بالتحديد

طبعاً يا عوض السيد انا عارف ترصّد بت ابوي لحالنا لو واحد عتر فينا تغلب فيه الدنيا ؛وطبعاً زي ماعارفين وارغو مسيحي ويحاكم بصفته مسيحي وهو اول واحد يعمل هذه العملية ماكتااااااار واولاد بلد بعملو اكتر منو بس ساترنهم سااااااااااااي

لو راجعت المداخلة يا محمد كان فهمت بت ابوك قاصدة شنو كل الذي يهمني ان كان وارغو مسيحي لايحاكم محاكمة المسلم والبلد ما ناقصة ...

صحيح البلد ماناقصة وفاهم كلامك جيداً ؛ طبعاً ماشاء الله عليك جمعتي بين عدة تخصصات ومن ضمنها كلية التجارة يعني في الحساب مافي كلام والان عدد مشاركاتك 505 بعد خمسين مشاركة اجمعي الارقام واقسميها علي عددها (3) بعطيك رقم لن ينساهو اي سيد بلد وكان مكضباني اسألي عمي ازهري

ده ماقانون البلد يا احباب هو ما كان يزوق0000 بعديين هو الظاهر عليه تقل0000 مابكون طوول0000 بعدين البلد اتملت خواجات000 واقول ليكم والله فنادق السوق العربى الفى النص دى فيها بلاوى0000 لكن صاحبنا ده دقس

القسمة على 3!!! أظنها دى دي التلاتة المدنكم ليها ؟ ولا مو قصدك هيك خيّي ...

كويس انو الناس بقت تظهر حبة حبة مالو قال كان الواحد جاء عديل كدة بالباب بسألو منو؟

انا مع ابو الزهور
لوكان وارقو مع اسياد البلد ما كان انجلد

اضحكتني كثيرا تخريمة فيصل (القاضي تكون بايته معاهو) وتذكرت اخونا العميد موسي الغالي الله يطراهو بالخير قائد حامية ابوجبيهه في زمن مضي وقصتهم مع قائد الدفاع الشعبي بمدينة العباسية تقلي عند استقبال وزير العدل والوفد المرافق له جاء قائد الدفاع الشعبي امام وزير العدل لاداء التحية العسكرية تعظيم سلام وعندما وقف امام الوزير كانت رائحة الخمر تفوح منه فادرك الوزير الامر وطلب من العميد موسي الغالي ان يحقق في الامر وقال ليه ياجنابو زولكم ده سكران فاخذه العميد موسي الغالي علي الجنب وقال ليه اعمل ليك شنو انت قضيتك شاهد فيها وزير العدل
حقيقة موضوع السكر في السودان ليس بالشئ الغريب كما ذكر الاخ عوض السيد بس الراجل دقس زي ما قال اخونا غريق.