هدية لول نوية

كلام في وصف أحوال البيوت ...
--------------------------------------
أنا و الدجاجة والطشت والباب والعتلة ...
---------------------------------------

منزلنا ..حياه الغمام ..
حيطتاه ....جلوس و قيام
وسقفه ..سخي ..في الظلام
..يريك البرق خوفاً ..وطمعاً ..حين المنام
وأنت تحت "البرش" مستدفئاً ..
تصطك منك ..العظام
يصب الماء ..فوقك ..
"ساقطاً" ..يتساقط ..بارتطام
فتذهل ..عن حفظ ..متاعك
بحفظ ...الدفء ..تحت الحطام
***
وباب منزلنا ..بلا مفاصل ..
يتكئ على الجدار
تثنيه الريح ..يمنة
ويجره الماء .. يسار
و" ترباسه " المكسور ..
يلوي عنقه ..كالحمار..
يطلب الفكاك من حبل ..
تدلى .. نحو الأرض يرجو الفرار ..
وعقدة ذيله ..مطوية
خلف خرم الزنكي .. تبكي بإنكسار
***
وعتلة ..معوجة .. "مكلوجة "
تحت الباب " مجدوعة " ..
يكسوها الصدأ ..إهاباً
بالطين ..مرقوعا
رأسها المحني ..من عنت ..
ثلمه الصخر..يوم كان مرفوعا
بأيد الرجال والصبيان ..
كم رقصت ..كالصبية بالألحان .. مولوعة
كم حفرت الأرض ..بلا كلل
بالأفراح والأتراح مدفوعة
واليوم غاب نجمها.. عجباً ..
فهي خردة ..خلف الباب .. " مرزوعة "
***
و"طشت" ..منكفئ ..
تحت نافذتي ..ينتحب
مطرقع .. مخرم ..
صدئ ..مقوقس .. خرب
" تكلته " أمي ..على عجل
بعد أن غسلت.. بالطين ..
جلباب..بلون الطين ..يقتشب
وسارعت إلى " حلة " سوداء
يفور حليبها ..أبيضا ..
فوق الجمر .. يضطرب ..
يبكي ..من حرد ..والحزن يدثره ..
ماضي ..مضى ..لا عاد ..ولا يجب ..
والماء ينقر ..على ظهره..
وفي كنفه ..دجاجة ..تختبئ
تكاكئ ..من هول الفجيعة .. مرتعبة..
وبيضها تحت جناحها ..لم يغب ..
***
مطر ..على مطر ..
تساقط ..فوقنا ..هطلا
فأنا والدجاجة و " الطشت " ..
والباب .. معاً ..و " العتلة " ..
أصيحاب ..في مسيكننا..
لا يفسد ودنا .. جدال ..ولا مطلا
نأكل ..مما يأكل السبع .. معاً
ونشرب .. جود العارض منهملا
البرد ..يجمع بيننا ..
وقرع الماء على ظهورنا والبللا ..
وإن جزتهم..فبرشفة شاي ...دافئة ..
خصتني بها أمي .. من دون
الخلائق ... والمللا ..
ارتشفها ..تحت " برشي " الصغير ..مختبئاً ..
مهلاً ..أمتع نفسي ..منتهلاً
لا أحفل ما أحفل ..
بماء " ينقط " من سقفنا .." منفتلا " ..
أو ما سال ..سيل ..بألحفتي ..
و مركوبي .. الجديد ...جلد الأصلة ..
" أو ما ثار النقع فوق رأسي
وما سيفي ليل .. وما تهاوت كواكبه ..شللا "
-------------------------------------------
2009/11/12 م -------------------------------------------
منقول.....

(عدل بواسطة ibrahim fadlalla on 13-11-2009, 02:56 م)

شكرا ول منقة علي الهدية وغداً لنا لقاء انشاء الله

انت عارف يا ول منقة الشغلة طالت الا بكرة نجيب ليها سي دي ننسخها وبعداك نشوف الحاصل لانو قدر ماحاولت العملية لم تكلل بالنجاح
واخوي قال لي خشيت عليهو في skypeقال لي لمن خفت يوم شفة الدبابير
مودتي

هديه من ايدك مقبوله معناها انى على بالك ***اتذكر حسنك وجمالك ونعيد الايام الاولى
اعتبر الرد دا من ول نويه يا منقاوى

هييييييع عارفك يا الكيك (قدرها وزيادة)
والزيك حرام يعيد فى الغربة بس
هى حــــــــــــظــــــــــــــــــــوظ ياعم

صباح الخير ول منقة الملفات القلتها ماجات كدة اعيد ارسالها مرة اخري

يااخوي لغاية الان ماجاتني اي حاجة في البريد انت مرسلها بالبطئ ولا شنو ؟
لو عندك حساب في المسنجر اعمل لي اضافة ده حسابي
mohamed55592@hotmail.com

اخي الغالي ول منقة والله بالامس بضحك لغاية ماوصلت السكن في مثلك بتاع المغراف
امبارح قدر المريخ شكلو الُمغراف جابو
تحياتي

سلام وشوق ياول منقة- تشينا عويش انشاء الله دخانو وصلك باقي العويش بتشو يوم السبت انشاء الله -بعد ده عملنا العلينا الباقي علي ربنا
تحياتي

اخي العزيز كيف الاخبار- اهلنا قالو الوصة بي المهلي مالو قال كن فتح بريدك الالكتروني
تحياتي

شكرا اعزائى على هذا الابداع ول منقه وول نويه