موقع الكتروني جديد لنج

حسب ما قراته الخميس الماضي سيتم في 31/12/2009م افتتاح اكبر موقع توثيقي الكتروني سوداني بالرياض تحت عنوان منتدي التوثيق الشامل www.tawtheeg.com وهذا المصنف يشمل ابواب عديدة تغطي كثير من جوانب الحياة السودانية سياسية تراثية اجتماعية ثقافية تاريخية جغرافية دجلية والاخيرة من عندي اراهن علي وجودها وهذا الموقع من شأنه مساعدة الباحثين والدارسين في الشأن السوداني وحقيقة ان هذا العمل من مؤسسة التراث والثقافة السودانية يستحق الاشادة والتقدير ونشكر القائمين به يبقي عندي بعض الاسئلة هل النت يمكن ان يغني عن المراجع ؟ هل معلومة النت موثوق منها ؟هل النت وسيلة امنة لاتتعرض للقرصنة والتشويش خاصة اني سمعت خبر بان اسرائبل اعلنت الحرب الكترونية ولم افهم كيف تكون هذه الحرب افيدونا!

**اول شئ انت اختفيت مالك اخوي ان شاء الله خير؟
**التوثيق في حياة الامم الا اننا امه يقال ان تاريخها شفاهي ولا نجيد التوثيق و لا نحتمل الجلوس للكتابة يعني ناس نضمي ساااااااااي
مشكووووور

اين انت ياول اهلي مشتاقين كتير وغيابك انشاء الله عافية -مالك غسط كي ولا دي البرداية دي اخشي عليك برداية الدويم ذات القصص الظريفة؛ صحيح نحن امة لا نهتم كثيراً بالتوثيق-ولو ادركوا هذا التوثيق اخيراً الكترونياً يكونو خير مافعلو
التحية والتقدير لشخصك العظيم

ابو الطب سلاما ت ما تطول الغيبه

يالجوافة يوم بارت لينا عوين ورجال كشحناها
ماذا يذكرك هذا المللوج الجميل من تاريخ بلدنا التليد والماضي العريق
دمت

لكما عاطر تحياتي اخي محمد واخي عوض السيد وانتما فاكهة المنتدي اذا عدتم عدنا ولكما حيز لايشغله احد

عدنا يا الطيب و لك من الشوق و الحب ما قتل.

لك عاطر التحايا و الاشواق و كل تمنياتنا لك بالصحة و العافية اخى.

ارجو ان لا تبخل علينا بطلتك البهية.

تحياتى

لك الشكر اخي فيصل وانت حبيب الكل فلك حبي

حمد الله بسلامتك يااخوي وينك ياخي -انا قلت اخوي ده مشي بي بص الكور الزمان ولا شنو؟
بص الكور ضيق وكتم نفس * وكمان بشارة داير حقو /بشارة ده الكمساري طبعاً
هذا مطلع قصيدة بص الكور التي صاغها الخال عثمان قادم ووعدني بنص القصيدة وبعدها انشاء الله سوف انزلها
لك االتحية والتقدير

ومازلت يا حبيبنا احفظ منه بعض المقاطع يا بص الكور يابص الكور ياضيق نفس ودفاق محصول . لما وقف وجرين عليه. ذي الجراد تلقانا فيه. نبق لالوب هالوك ماليه. تقول خملة يارب خليه التعبان دوام عانيه. بدل كرعينو بركب فيه. ذي النعسان اتحرك بينا للملكية ساعة مشينا الانجل فجق عينينا وشوف الشوك جرح ايدينا.فوق السطح طلعوا الشماسة قلت ادب ضحكات وهباشة .الخاتة دقج بفوق علي راسا اكلوه طب وقطعوا معاشا وبدو الغنا ذي سنما وشاشة ماتتكلم للشماسة .هكذا كانت الكور روعة باهلها

شكرا الطيب وكما قال الاخوان ما تتطول الغيبه

شكراً الطيب علي الروعة -طيب ليه حارمنا من هذا الجمال -علي العموم سارتب معاك وفي حاجات كتيرة اكبد بتكون عندك ياريت تدلي لينا بيها
التحية لك

مشتاقين ياحبيب وينك ماظاهر انا قلت ولد ابوي مشي وين ------ وشنو يومداك ضحكة في متركش الطاقية دي
التحية لك

الحقيقة اخي محمد انت في الظرافة اقرب لخالك عبدالله عليه رحمة الله التي وسعت كل شئ والله كلما اقرأ كلامك اضحك واكثر ما يضكحني قولك اب حسين من زمان ماسمعتها
معزتي

الود ما صفوه والصفوه ما فيهم كلام يا ابو الطب.
تحياتى لك وعبرك الى حبيبنا حفيد العمده

تسلم ابو عويض كلكم صفوة وصفوة صفوة كمان

الله يديك العافيه يا حبيب

تور أحمر كمان.
كميت يذل اللبد عن حال متنه***
واحد يكمل ماليش فى الشعر

هههههههها والله كمان زكرتني اسم جلافيت كان منعو علينا وما بقول ليه الا خال عبدالله وبقول ليه ول عمتي اللخشن يا لها من ايام كانت يوم كان عندنا مبارة هلال مريخ مذاعة فلما دحلنا الاستاد عفوا الميدان دخلوا ناس فضل صاغة وحسن عيسي واحرين وكل واحد انا مريخابي والله الا العب وداك اقول ليك انا هلالابي والله الا الغب وكان خالك اموت من الضحك واكبش فيهم واقول ليهم هم ديل احسن منكوا يا لها من ايام كانت كنت بشكر في خالك وبقول ليه ولد الحاجي فحل وسمح عليك الله الناس العلق ديل ماتكبشم بقول لي لالا هم مالهم اتوا اخير منهم وانا ادري هو عايز اضحك بس

شكرا اخي ابوعويض بس التور خليه ابرق مناصفه

ولا يهمك يا ابو الطب

هاهاهاهااهاهاهاهاهاهاها والله ضحكتيني ياسلام والله انت يا ابو الطب مستحضر ذكريات جميلة - والمرة الجاية بذكرك بي ناس ابقنطور وايةّ العقب
التحية لكم

يا محمد بالله الناس ديل قاعدين يا شوقنا لتلك الايام ولكن كشوق الكل للشاي اما قنطور فاذكر له الكثير من المواقف المضحكةاما ايه العقب ياما لعبنا الكشتينة كثيرا في بيتها

سلامات ابو الطب -يلا منتظرك وين ناس اوقنطور وايّ الأُغب
راجع اخر مدالخة في قصيدة الاعصمي وافيدنا
دمت

سلامات يا حبيبنا كان خالك الله يرحمه حافظ خطبة اب حسين المن زمن السلطان عبد الحميد وبقولها لينا الدنيا سوق ربح فيه الرابحون وخسر فيه الخاسرون الحديث.....
مع عاطر تحياتي ومودتي

ياسلام عليك والله ضحكتيني كيف؟
لك التحية والتقدير

وأخبار الموقع الجديد الدايرين يفتحو شنو

اخي غريق لك التحية الموقع تم افتتاحه واستركت فيه وبدأت اوثق للبقارة عموما وقد طلب مني ان اتحدث ايضا عن كل قبيلة منفردة والحقيقة تنقصني بعض المعلومات عن اهلي فارجو ان تزودوني بمعلومات اويمكن ان تزوروا الموقع وتشاركونا في التوثيق وذلك يكون افضل
تحياتي

محمد مشتاقين كتير لمن جيت كداري خليت السفنجة ذاتها بس للاسف يااخي فتشت الموضوع لمن دخت وما حصلت لان بريدي مليان بطريقة ما عادية تخيل يومين مافتحتو لمن جيت لقيت ثمانيييييييييييين 80رسالة بالله ماكلام بشبه الدليب لكن انشاء الله سوف اجده بالمهلة

مساءك منور حبيبنا والله يازول نزلت ليك الموضوع وكان اضافة حقيقية كان عندي لي حريبات كي تبرتهن الناس قالوا القبة فوقها فكي الا بسووا لي اكتب ليناوانا بقول ليهم اصبروا الصبر الكتل الورل ماعندكوا وانا قربت بسوي ليهم حقة ادم داؤد مع ابوك حسن نوية.ادم داود من حلة زولين قام شال من ابوك حسن قروش صيف قال بحش لي في الخريف يوم جاء وقت الحش كل يوم بغش ابوك بكرة وبكرة قام عمك حسن داهمه صلات الفجر مالقي اي مخرج قال خلاص يا حسن ارح قاموا ماشين انضمنا وفي الشارع قام بغالط عمك حسن والله كن جرينا معاك ياحسن بسبقك قال جع تسبقني ات ؟هسع تعال نتسابقوا يله واحد اتنين تلاتة وانطلقوا عمك حسن قولت تيت طلع منه بب ادم داود وقع في القش ومنها عمك حسن ما شاف تاني الا درت .والله لو حكها ابوك حسن نوية تموت من الضحك
دمت

يا سلام عليك يامحمد انت مؤرخ عديل لو لقيت اي حاجة عن البقاقير رسلها لي علي طول ظلمونا في التاريخ كمان تاني اظلمونا

كلنا بندور عليك يا ابو الطب..........وينك يا رجل

لكما التحية اخوتي درر المنتدي ورياحينه اخي محمد واخي عوض السيد
لكما كل المودة والتقدير كنت عايز اشاغلكم ولكن الاذان اذن للصلاة لكم محبتي

مساء الانوار محمد وخدك واحدة من الطرائف المنحوتة في الذاكرة الخربة
اليوم كان جمعة موعودون بمصارعة متلفزة الفريق الزائر من تجملة ستكون البداية بعد الصلاة مباشرة وفي اثناء انتظار قدوم الزوار رفع اب حماد الاذان وما هي الا لحظات اكتظ المسجد بالمصلين من يسبح ومن هو راكع ومن هو ساجد فاذا بود الطيب رافع صوته يا يا حماد جيلي بلا نقول فكيكم حسين ده وينو بلانقول نادي خلي اصلي بالناس وبلانقول انا ساجد سمعت قرن بحري في كنجارة الناس انفجرت من الضحك كان رجل مولع بالصراع
تحياتي

والله ضحكة زي دي لي منها زمن تسلم ولد ابوي ؛لكن ود الطيب دا ماجابا كبيرة خلاص ؛ هو بالله دا بوق ولا مكرفون ؛ طبعا ود الطيب وبكر علي من المغرمين بالصراع ؛ يوم الصراع من الصباح تلقاهم بنضفو في الدارة ويومك كان جيت ماري بالدارة تسمع ابوي بكر علي ( هاي الول تِرْ قادي) ايام لها ايقاع ليتها تعود
صحبك جناببو مسافر البلد وتلفوناتو بتخش عادي لو داير بتلقاهو
تحياتي

سلامات اخي العزيز الطيب ادم علي مشتاقيين كتير والله وينك انت غربتك طالت ؛ الاهل اخبارهم تمامين بس فاقدنكم ربنا يرد غربتكم سالمين غانمين انشاء الله
بالله مازلت متزكر الماضي الجميل ده حتي بوق بحري؟ ياسلام علي ذاك الزمن
لك ودي وتقديري

تحياتي اخي العزيز حسن نوية
كم اني سعيد بمرورك واتمني ان يجمع الله الشتيتين بعد ظنا الا تلاقيا ارجو ان انقل عبرك تحياتي لكل الاهل الوالد والوالدة ولجنابو تحية خاصة
تحياتي واشواقي بلا حدود

مساء الخير يا الغالي ول غالين يا اخي الجو عندنا هنا غيوم عجيبة ذكرتنا البلد وزادت شجونا ممزوجة بالفرح تلك الاخبار التي نقلتها الينا ونقول اولا مبروك للاخ الفاتح ونقول نحن معهم بكل مشاعرنا فقط تنقصنا المشاوفة عفوا المشاهدة سوف اتصل علي الفاتح وابارك له واساله ان كانت العروس بتركب التور من شقه ولا كو؟

الخريف المنيل الريل المقيل
ياخدار الجناين الغلب وفوق العين باين
كن كي الفاتح ما راح
تحياتي

سلامتكم يا ناس الرياض جميعا وان شاء الله ما تشوفوا شر
طمنونا عليكم وعلي البقية