منور المنتدى بمحمد نوية

يا راجل وينك خليت المنتدى ضلام ... لو زعلان لك العتبى حتى ترضى يا ابني .. عايزنك تفرح بانفطي وتفحط حتى تخرج الأرض تحتك نفطاً .. وكمان عايزين نشوف الأنيق ابن أخينا الأنيق عوض السيد وإلا نكلم ليكم بأثر رجعي خدورة أم بشق ووالله ياول نوية لو شفته خدورة تموت من الضحك على تعليقي ..وهو نحيف طويل دائماً متحزم بعمامة أكل عليها الدهر وشرب وبملابس لمن حمره من الطين وكان جنو بس تقول ليه أم بشق واللع أتذكر مرة كنا مأجرين عجلات من حاج حسين العجلاتي سنة 59 أو سنة 60 وكنا جنب بيت جعفر محمد خير جنب خور البطحاء قصاد الكماين وقرب الدبة وكان معاي حامد الطيب واسامة خال حنجاف وخليفة مصطفى وتجاني كوكو الطيب وبس حامد الطيب شافه وقال : أم بشق والله الساعة التبر ليك حامد الطيب بطبيقة والكوكاب النم نم وراها وحامد خنس منهن الاتنين تقول جنقاي وانطلقنا بالعجلات

حبابك الف يا ود امي وكمان نحمدل ليك السلامة بالملعونة الميزانية إن شاء الله تكون إنتهت..
الله يديكم العافييييي

الاحباب وبكل المقامات
السلام والرحمة والاكرام وكل عام وانتم اقوى واصلب بخيركم وبركاتكم
وحدة والفة ومحبة ومحنة ورفعة....
وشوووووووووقكم شاااوينى

شكراً عم الفضل علي فقدك لي والحمد لله ها انا اليوم معك في البيت نغيب ونلم فيه- وشكراً دكتورة احسان علي المرور والميزانيي تعبتنا شديد الحمد لله خلصناها بالعافيِي - والشكر موصول علي اخونا العزيز ول منقة الرجل المرح حقيقة اذا تكلمت مراراً وتكراراً لن اوفيكم حقكم نختصرها في (ربنا يحفظكم لينا)
دمتم

مرحبابك محمد نويه

حمد لله على السلامة عزيزي محمد : عوداً حميداً , وذكرتني بأيام سيتي بنك والClossing ولخمة الحسابات ,, أهلاً بيك مرة ثانية في بيتناوحارتنا جميعاً
يالهليت فرحت قلوبنا إطريتنا الليلة وجيتنا
كنا فرشنا السكة ورود لو كلمتنا كان بالجية
خطوة عزيزة ويوم موعود الخلاك تطرانا شوية
مع كل الود

حمدلله علي السلامة لكم جميعا
حسب الاقديمة
امين منقة
عوض السيد
ول نوية
وتحية خاصة لعمنا فضل الحاج
وحمدلله علي سلامة شاويش
والله منورين ...

والله يا زهير كلما أشوف صورتك أحس بعمق الجرح في نفسي الجرح الذي خلفه رحيل والدك الأخ العزيز حسن طيب الله ثراه المهنة المشتركة حب الشعر والأدب محبتنا وتقديرنا لبعض ... وجبال من الذكريات الجميلة محفورة في الذاكرة إلى أن يسترد الله الوديعة عليك رحمة الله أخي حسن وسقت جدثك الغيوم المواطر ,أسأل الله أن يجعني بك في رحاب رحمته بالفردوس آمين يا رب العالمين.. ماوددت أن أنكأ جراحاً انطوت ولكن جرحي فيه مازال دامياً غفر الله لي.

الف مرحب بالحبايب المنتدى بدونكم مسسسسسسسسسسسسسسسسسسيخ