الفارس الجحجاح

كلمات الشاعر /..عمر الحسين
غناء الفنان / سيد خليفة
شدوا لك ركب ..فوق مهرك الجماح
ضرغام الرجال... الفارس الجحجاح
السم النقوع...للبدن نتٌاح
تمساح الدميرة ..الما بكتلو سلاح
عصار المفازة ..للعيون كتاح
المال ما بيهمو ...إن كتر وإن راح
***
أبواتك جبير بيسدوا للعوجات
مطمورتك تكيل للخالة والعمات
في الجود والكرم إيديك دوام بارزات
ويا أب قلباً حديد في الحوبة ما بتنفات
***
بطناً جابتك والله ما بتندم
أسد الكداد الفي خلاكَ رزم
ويا رعد الخريف الفوق سماك دمدم
بابك ما انقفل نارك تجيب اللم
ما بتعزم تقول غير استريح حرٌّم
***
عينيك يا الصقر في الحاره ما بتنوم
صدرك للصعاب دايماً بعرف العوم
في وسط الفريق في الفارغة ما بتحوم
لا بتتلام ولا بتعرف تجيب اللوم
ود ناساً عُزاز جمعوا المكارم كوم
تفخر بيك بنات البادية والخرطوم

بطناً جابتك والله ما بتندم
أسد الكداد الفي خلاكَ رزم
شكراً أخى الفاتح,,,,,,,
حقيقة من أجمل الاغنيات الحماسية..والمحببة الى نفسى..
رحم الله الفنان سيد خليفة

عينيك يا الصقر في الحاره ما بتنوم
صدرك للصعاب دايماً بعرف العوم
في وسط الفريق في الفارغة ما بتحوم
لا بتتلام ولا بتعرف تجيب اللوم
ود ناساً عُزاز جمعوا المكارم كوم
تفخر بيك بنات البادية والخرطوم مشكور اخى الفاتح والله عاجبانى القصيدة وحببنى فيها الاستاز االراحل المقيم رحمة الله تعالى وبركاته سيد خليفة وطريقة ادائه وانفعاله بكل صدق .

شكراً يا فارس الكلم علي إبداعك المتجدد00000000
فهذه واحدة من الأغنيات الحماسية التي تغني بها الراحل سيد خليفة؛ وقامت هذه الاغنيات"الحماسية" بتغطية الكثير من تاريخ وتراث سوداني وتفصح عن قصص حقيقية مترعة بالشجاعة والحماس والكرم السوداني الاصيل؛فتظل هذه الاغنيات الحماسية تراثاً يتناقله الاجيال
الرحمة والمغفرة للراحل سيد خليفة

الغالي الفاضل
اختي العزيزة سهاد
عزيزي الغالي محمد نوية....
مشكورين على المرور والتعليقات الحماسية..... أنــا الان قاعد أعرض عديييييل
وكما أسلفتم فإنّ أغاني الحماسة هي أكثر أنواع الاغاني انتشارا و تلقي قبولا واستجابة منقطع النظير في مناسبات الزواج وتتميز أغاني الحماسة بنوعية معينة من الايقاع تعرف بايقاع التم تم
وهناك نوع أخر من الاغاني التي لاتقل أهمية من أغاني الحماسة وهي أغاني البنات والتي نجدها بصورة متميزة في حنة العروسة ويو م الصبوحيه وتتميز أغاني البنات بدائرة الموسيقي ومفرداتها الخفيفه وتعتبر أغاني البنات المراة الحقيقية التي تعكس واقع الحال الاجتماعية والمعيشية بصدق ودون تزيف ,واذا تمازجت أغاني الحماسة مع أغاني البنات في قلب واحد وُقدمت للجمهور فأن حالة من الهستيرية الشبابية

المدفع الرزام
كلمات الشاعر / عمر البنا
المدفع الرزام طلقاتو من صدرك
يا جبل الضرا المافى سيل حدرك
النار ولعا واتوطا فوق جمرك
*****
ألف بجيب شكرك
يا حاتم زمانك يا السديد فكرك
يا التلب اللزوم الشلت فوق دبرك
يا أب دربا زلق كضب البشق وكرك
*****
لزام التقيله والعاطله دراجه
وروني العدو واقعدوا فراجه
كان ما اشت شملهم واديهم الحاجه
ما برجع تانى للزندو عاجه
*****
الأسد المربعن حارس جبال برى
نتراتو الفى بارا مسموعه في برى
ما بعرف كلام الهشكى والهبرى
وقت الصح يبين يا أم خد بجيك خبري
*****
من عصرا كبير حس النحاس قحّ
الفارس برز والخايف اتنح
وقت الشوف بشوف اخوكى يا السمحه
فرتاك الصفوف أقلّ من لمحه
*****
يا فارس اللقا وعصار ضهور الخيل
يا الحقيت كلام أم سر وست الجيل
في يوم القتال سموك فشق الفيل
لميت في الفرسان بهدلتهم بهديل
*****
غربلت الفراسه وأخدت صافيها
وان جاتنى الألوف غير شك بكفيها
تعرفني أم خدود وأنا بعرف الفيها
النار ولعت بى كفى بطفيها

انا ليهم بجر كلام دخلوها و صقيرها حام
سن اب درق البصقع جدرى القيع البفقع
والله صوتك مانع برجع الطيب فى شطارتو مبدع
سن اب درق الجرادى تكل الجدرى البعادى
للخصيم ضربو بياذى موسى المر الحجازى
قرقر ملا للوسادة برنو و شال لى مكادة
و االله ديل جنياتنا الندادة سيري الدار فى السيادة
قرقر فوق للدرب و ربط الهوى و الشرق
كدى ميزو لينا الضرب و ديل جنياتنا ما بتتغلب
عامر سوقك مبدر مجرجر توبك مسبل
الطيب للشر مبدر مر يا التكل المجندل
انا نميت جبت قلبو فشلو القالو قصو دربو
ديل رازوه و شافو ضربو دق السندالة قلبو
انا نميت جبت غناكم يا البينين هوى براكم
البدوركم تراكم حلق الطير لى غداكم
الصف العامر رجاكم اتباشرو لى بلاكم و اركزو زينب وراكم
عبد الدايم معاهو اخوانو
طافو البلا فى بكانو
لو شافوهو قنعو قامو
الصف العمر زحامو
هو مستعد لى لطامو

الفارس الجحجاح

الفارس الجحجاح

رد: الفارس الجحجاح

رد: الفارس الجحجاح

رد: الفارس الجحجاح

رد: الفارس الجحجاح

الى : سهاد /محمد نوية/ الفاضل وبقية الأعضاء في المنتدى

دي فيها عرضة قوية للرجل الشهم ود الجبـــل......