يسن محمد يسن من ابناء امبرمبيطه رغم كيد الحاسدين

الاخوه و الاخوات .. بعد التحية و الاحترام

هنالك نقطه مهمة نريد ان نوضحهها للكل و لا نخشي في الحق لومة لائم ..

الاخ يسن محمد يسن صاحب القلم المنمق و العمود الثابت في المنتدي السياسي من ابناء امبرمبيطه ( جارة الوادي ) و لدينا الدلائل و الاثباتات و اليكم السيره الذاتيه للاخ يسن محمد يسن ..

اولا: والده العم محمد يسن من ابناء الحوازمه .. ثانيا: والدته الخاله عسكريه النور اخت جدنا الطاهر النور ناضر عموم الحوازمه من امبرمبيطه .. قبيلة الحوازمه تنتشر في المنطقة الشرقية لكن رئاستها في امبرمبيطه .. ثالثا الاخ يسن متزوج الاخت سهام النور الطاهر بت امير امارة الحوازمه من امبرمبيطه .. رابعا: الدكتور الطاهر محمد يسن اخ يسن محمد يسن منزوج الاخت ساميه بت خالنا الهادي اسماعيل من امبرمبيطه .. خامسا: معظم اهل الاخ يسن من امبرمبيطه .. سادسا : عمنا محمد يسن طيب الله ثراه اشتقل مدرسا بابي جبيهه و هذا شرفا لنا لا ندعيه و فخرا لا نتباها به و هذه واحده من ضمن المساعدات التي يقدمونها ابناء امبرمبيطه لابناء ابوجبيهه .. سابعا : هاجر الاخ يسن محمد يسن الي السعوديه و كان طوال فترة توجده هناك يعتبر واحد من ابناء امبرمبيطه و ما زال اسمه في الكشوفات .. ..

هذه النقاط السبع و ان اردتم اتمامها عشرا لا مانع في ذلك .. هذه المؤشرات توضح وضوحا كاملا بان الاخ يسن محمد يسن من ابناء امبرمبيطه و لا نريد مغالطة في ذلك ..
لن نسمح و لن نقبل لاحد ان يتجرا و يقول يسن محمد يسن من ابوجبيهه ..

عزيزي يسن ابن امبرمبيطه البار .. انت بس خليك ساكت انا و الاخ احمد كوكو سوف نقوم بحسم كل من تسول له نفسه و الخوض في هذه المعركة المحسومه اصلا لصالحنا ..

و هذا منا للمعلوميه يا ابناء ابوجبيهه و ما في شك نحن اهل اكلنا الملح و الملاح لكن هنالك خطوط حمراء لن نسمح لاحد تجاوزها ..

العزيز احمد كوكو انت خليك قاعد ربيطه للدواس و انشاء الله نحسمهم ليك ضحي ..

و لكم التقدير

هاى اخوى ول عشمان يكمن ناس ابوجبيهى انطو اخونا يسن التابعى بحكم حق الاقامة والجوار .ودايريين يجرو ليهم زول كامل متل ول يسن .

العزيز احمد ول كوكو ..

المي خنق القنطور .. جمعاتك ما فيهم ازهري و فيصل الموضوع دا وجعهم .. لكن قول ليهم نحن زول مثل يسن لو قلنا ننطيكم له كضب .. حسي نحن ما دايرين نتكلم عن ابناء امبرمبيطه الموجودين في ابوجبيهه الما فيها غير جبل العمده امثال الاخ محمد نواي ( المعروف بالكناني ) صاحب الصيدليه المشهوره و عيالنا هناك كتار ..

شوفو يا استاذ ازهري نحن الان نريد منكم شيئا واحد الاعتراف مبدئيا بان يسن محمد يسن من امبرمبيطه و تعالونا بالتي هي احسن قولوا لينا والله نحن عندنا نقص في الكادر السياسي بالمنطقه و اكيد تسمعو مننا الا الخير نحن الاعطيناه لكم ما شويه ..
و بعدين يا فيصل خليل نحن طلبنا من الاخ يسن عدم التدخل في هذا البوست ما دام الاخ احمد كوكو موجود امام كل من يتربص و تسول له نفسه بالمساس بابناء امبرمبيطه ..

و بعدين الاخ غريق كمبال لم يتدخل في هذا البوست و هذا ان دل انما يدل علي عدم الحجه علي كل حال ولدنا ما بننطيكم ليا ..

ان عدتم عدنا ..

العزيز محمود بن منصور المكاوي الابوجبهاوي الاصيل ..

التحية لك و انت تشمر سواعد البناء و التعمير و الجد .. التحية لك و انت تبذل كل غالي و نفيس من اجل استرداد حقوق اهل امبرمبيطه كاملة غير منقوصه ..
ثانيا باسم ابناء امبرمبيطه الصامده لك منا كلمات الشكر و الثناء و التقدير علي مجهودك و الوقفه التاريخيه الشجاعه ..

و يا اخونا الاخ محمود دا كلمتو مسموعه في المنطقه الشرقية لذا نحن بنكتفي بالكلام القالوا دا * يسن محمد يسن * من امبرمبيطه ..

الاخ فيصل خليل

فيما يتعلق بما تفضلت به يعتبر جعجعه بدون طحين و نكتفي بما تفضل به الاخ منصور .. اما فيما تفضل به الاخ ازهري نحن لا نرد علي مثل تلك المداخلات التي لا تثمن و لا تغني من جوع ..

و لكم التقدير

هوووووووى عيال امبرامبيطه ارعو بقيدكم 00000يس ده خط احمر 000بس عشان مشه عرس بت خالو تبقو امبرمبيطاوى 000

كل عيال ابوى محمد يس طيب الله ثراه مولدا ونشاه من الجباك

ود عشمان امير مقاطعة امبرمبيطة المحترم
ياخوي انا شايف الناس ديل كلامهم كتر.. والاخ ياسين ذاتو ماراضي يحدد موقفو من القضية يعني عصا نايمه وعصا قايمة!!! ولو حاولنا نستفيد من ابوهريرة ورفعنا قضية حنخسر عشان ابو هريرة متزوج من ابوجبيهةومتزوج من امبرمبيطة ,,, وما حيقيف معانا لانو حيخاف...
عشان كدة نحن نعمل حل وسط ...ونعمل مشورة شعبية ونستفتي ناس مقاطعة امبرمبيطة بعد ثلاثة شهور من اليوم ليقررو موقفهم من القضية وده طبعا مجرد اقتراح ممكن تعدلو اوتضيف عليه او تحذف منه.
الف تحية

الاخوة ازهرى وفيصل والزعيم سلامات كلامكم ده بقولو علىه شنو دايرين تقلعو ليكم زول الشم ضحى عينك يا تاجركده ول عشمان وضح ليكم نسبة الاخ يسن الى امبرمبيطة كن ما كفتكم ننطيكم زيادة , اما الزعيم فنيحلو الى الاخوة محمد نواى النور(الكنانى) واحمد مصطفى(الكيك) والصادق هنوة لتاكيد ذلك .اخوى ول عشمان ابشر انا جنبك ,واخون العزيز يسن ارقد سااااااااااكت ترى انحن قاعديين.ولكم الشكر اجزله

عييييييييييييييييييييك الاخ احمد كوكو .. اماني ما ذكرتني زول الاخ احمد الكيك شخيصا في ابوجبيهه .. يا ناس ابوجبيهه ما تعبتو معانا .. يعني لو سحبنا منكم 10 تنفار ساي من ناس امبرمبيطه مؤسساتكم الحكومية الا تقيف ..

علي كل حال ولدنا يسن ما بننطيكم ليه

ود عشمان
احمد كوكو
لكم التحية وعاوزين نعمل احصائية عن ابناء مقاطعة امبرمبيطة الموجودين في ابوجبيهة انا ابتديها لكم وانتو كملو الباقي:
1/د الجنيد احمد سليمان
2/الاستاذ عبدالرحمن فضل الله تيمي
3/الاستاذ يسن محمد يسن
4/الاستاذ النور محمد يسن
5/الاستاذ الهادي الشفيع عود الصندل
6/الاستاذ الفاتح محمد التوم
ونرجو من السادة الذين وردت اسماءهم في هذه القائمة مراجعة السيد ودعشمان او الاتصال عليه في الدوحة عبر منبر التفاوض..

انتو بتهضربوا ولا شنو 00000انحنا من اليوم بنصدر قرار بوقف التابعيه عن جالية امبرامبيطه 000لا يتم المنح الا عبر لجنه متخصصه براسة المحامى ابوهريره


افتكر ابوهريره ده خيار بكون مقبول ليكم يا ناس امبرامبيطه

ما هو اصلو النسيب عين شمس

الاخ الزعيم غريق ..

الاستاذ ابوهريره نحن الان في تفاوض مستمر معه و جدود كلهم من ابناء امبرمبيطه و زوجنو من امبرمبيطه انا في تقديري ما تشكشك النيران و خلينا نخلص من موضوع يسن محمد يسن دا اول و بعدين نشوف اقتراحاتكم

لكم التقدير
الاخ محمود منصور الرجل الضكران ..

نحن عاوةين نبقيك زعيم في مدينة امبرمبيطه .. اما عن اقتراحك سوف ينطر فيه بعد التشاور مع الاخ احمد كوكو و الاخ يسن محمد يسن بشرط اذا اردنا ان ندمج المنطقتين تكون الرئاسه دوريه لمدة اربعة سنوات و الشرط الاساسي للجلوس حول المفاوضات ان يكون حظ امبرمبيطه ان تنال الدوره الرئاسية الاولي

ود عشمان زعيم مقاطعة امبرمبيطة
كيف الحال وعساك طيب في بلد الخواويج,
وانا موافق على اقتراح اتحاد فدرالي بين المنطقتين باسم (امبرمبيطة الشمالية) ( وام برمبيطة الجنوبية)
يعني ابوجبيهة تكون ام برمبيطة الجنوبية,
والرئاسة تكون في امبرمبيطة الشمالية... ولا نقبل بابو هريرة اطلاقا ان يتدخل في هذا الموضوع ...عشان ابوهريرة جاتو منحة واعطوه قطعة ارض في السوق الجديد في ابوجبيهة وما حيقيف مع ناس امبرمبيطة بالرغم من انه متزوج منهم... وبعدما تاخذوا حقوقكم وممتلكاتكم تعلنوا التمرد وتطالبوا بتقرير المصير وتعلنو الانفصال....
الف تحية

العزيز محمود

هههههههههههههه ههههههههههههههه هههههه والله ضحكتني اؤيد الفكره بتاعتك .. ياخ موضوع تقرير المصير و التمرد دا ما تنشر الان خلي بيني و بينك ..

اريد ان اوضح نقطه مهمة انا الان اخدته اجازه مفتوحه من الشقل و السبب هو حتي نخلص من موضوع يسن محمد يسن و نثبت اقدامو في امبرمبيطه ..

لك التقدير اخي الكريم مع عاطر تحياتي للاسره ح اتصل عليك قريب انشاءالله ..

فيصل انت الجماعه اولاد ابوجبيهه ديل مالهم ما دايرين يدخلوا فى الموضوع بتاع يس 000


عووووووووك ول نويه


عووووك ول قادم


وعووووووول يا المحامى


هووووى تعالوا شسوفو كلام جالية امبرامبيطه ده

يا استاذ فيصل زعيم طائفة البلطجية والشبيحة
الاستاذة سهاد جزء اصيل من القضية..... وهي تمتلك الحق في الدخول والدفاع والمرافعة لانها ايضا من بنات امبرمبيطة الاصيلين يعني انتو عاوزين تجردو الناس من حقوقهم الشرعية ول كيف؟؟؟
الكرة الان في ملعب الاستاذ ياسين والمطلوب منه الان ان يظهر ويعلن للناس بانه من امبرمبيطة او انه حامل جنسية مزدوجةلانو عندو مصالح في ابوجبيهة
الف تحيه يا سهاد

مبروك عزيزى براهيم اليوم كسبنا دفاع جديد الاخت سهاد انضمت لينا ونشكرها على الوقوف مع الحق.
استاذ فيصل كلامك شنو بعد ده. شايف الزعيم بقى يفزع لكن لن يجديه ذلك شيئا,كون الاخ يسن من الدبيبة دى ما بتنازل منها ابدا فاحسن ليك اخى فيصل انسى الموضوع وباركو.
ول عشمان وينك طولنا ما سمعنا صوتك ,والاستاذ الهمام ده لو ما قال الحقيقة رايك شنو نبلغ فيه الحكومة تسحب منو الرخصة ونخلى يمشى ينضاف لشلة الليمون ,امااخونا فيصل ده ما لقى الخبر ولا شنو الدبيبة بقت او اترفعت لمدينة من زمن وهو لسع فاكره قرية وطرفية .مع خالص احترامى

هاي سهاد ..

الان حصحص الحق .. خمسة من ابناء ابوجبيهه بقولو يسن محمد يسن من امبرمبيطة .. بعدين ما تستغربو و تقولوا الخمسة ديل منو .. الاخ محمود بن منصور براه بعادل تلاتة انفار و سهاد تعادل اثنين و نوتقع العدد يزداد كل يوم ..

سهاد كفاك الشيك .. لكن اقول ليك قوله رسلي لي حسابك بتاع البنك و بعدين ادي الاخت اقبال لكزه خفيفه بتلفون و وريها بالموضوع ..

العزيز احمد ( كو .. كو ) تذكر استاذ الضي زمان بناديك بالاسم دا ههههههه .. والله مشتاقين توقع مني تلفون يوم باكر انشاء الله .. اما بالنسبة للاخ المحامي ابوهريره خلي علي امبارح كنت بتكلم معه بتلفون و ملتو ليك طب ما خليت فوقو سطر هو في صفنا ..

تحياتي لبقية الاخوان المعاك و عليك الله كلم اولادد امبرمبيطه المعاكم في السعودية خليهم يسجلو في المنتدي دا دايرين نخلي جمعتك ديل يكونو فراجا ..
الاخ الزبير عمل بوست رائع عن امبرمبيطة امشي شوفه في المنتدي العام ..

لكم التقدير

رسالتك وصلت عزيزى براهيم يا حليل ايام زمان الليلة ذكرتنى استاذنا الجليل الضى وصوطتو العجيب(الاطرش ودالاطرش) يا سلام ايام جميلة ما بترجع تانى.
انت يا ود عشمان الدكتورةدى قالو معلوماته ميه الميه ما تقوم توصى ليها اخوتنا سهاد تكلمها واكيد رايه قاطع.
الاخ/ود منصورعمل احصائية لناس ابرمبيطة بالحباك و طلب نكملها لكن انا خايف لو بدينا فيها فى ناس كتار بلقو انفسم جواها بما فيهم العزيز حتيلة والزعيم, عشان كده انا راى نخليها مستورة ,وخصوصا فى ناس ظهرو قبلما نبدأ متل اخونا عود الصندل قريب عمنا حماد اللبيرى وامسكو الخشب.

سهاد ده كلام شنو 000عمك محمد يس ما بتعرفى بيتو 000علاقتو بامبرمبيطه شنو عشان حازمى وبس ده اسمو كلام 000سمح يا ود عشمان كن الامر كده تبقى انت قلطان انت عارف يس ده انحنا لعبنا معاهو البلى هل انت لعبت معاهو البلى وكمان لعبنا معاهو جاو فى حلة الانجل هل انت وول كوكو لعبتو معاهو جاو وانحنا كمان لعبنا معاهو ويرىنا ويريكم ولعبنا حكو (شدت)

وكمان اكلنا الوينا ودرسنا فى الابتدائى والمتوسطه والثانوى كمان


كل الكلام ده تم فى ابوجبيهه

هذا هو تاريخ الاخ يس فى الحباك وطفولته وصباة

هل له زكريات فى امبرامبيطه

اها يا وليدات امبرامبيطه تقدروا تانى تقولو معانا شنو


اعنى بلغة اولاد امبده يس ده ولد بوشنا


رايك شنو يا مونج

العزيز الزعيم غريق

متعك الله بالصحة و العافية ..اولا ما تفضلت به ليس به جديد عمنا محمد يسن طيب الله ثراه زيو و زي اخوانا احمد مصطفي ( الكيك ) و زي محمد نواي النور (الكناني) و زي احمد هنوه هؤلاء ابناء مدينة امبرمبيطة جميعهم اناس لهم مكانتهم في المجتمع الابو جبهاوي و يخدمونه فيه لا نريد منكم جزاء و لا شكورا و دي خدمة لوجه الله ناس امبرمبيطة بقدموها لكم يا اهلنا في ابوجبيهه ..
الان و انت شايف عدد كبير من ابناء ابوجبيهه في هذا المنتدي العريق ادلو بكلمتهم و قالوا الرّجال من امبرمبيطه ضف الي ذلك الاخ الزبير محمد احمد عمل بوست محترم عن مدينة امبرمبيطة .. الامر الاهم ناسك الكنوا وقفين معاك اتنازلو عن الموضوع امثال الاستاذ ازهري و غيرو .. علي كل حال و زي ما قال اخونا احمد كوكو انت بارك الشقلانية و نقول ليك جزالك الله خير ..

بسم الله الرحمن الرحيم
الاعزاء الكرام / عشمانوجميع المُتداخلين في هذا الحِراك
=======
لكم جميعا التحية والاحترام والشكر علي هذا النقاش الثر الذي يدل علي اِننا جميعا نحب تراب الوطن السودان فريق فريق قريه قريه زنقه زنقه ‘ وبهذه المُناسبة اُعلن أمامكم اِنني من تقلي عامة يعني من حدودنا مع ام روابه وحتي العباسية وضوحيهاورشاد وضواحيها وابوجبيهة وضواحيها وكالوقي وتالودي والليري وحتي كُرندي امتدادا مع الناصر ولدي جنسيه مذدوجه لجمهورية امبرامبيطه السودانية ‘ بالمناسبة لدي محبه خاصه لامبرمبيطه لان أخونا بلول بشكاتب المجلس كان فخورا بها مثل الاستاذ ود عشمان والاستاذ أحمد كو كو والله اخوتي الاعزاء اُريد ان أقول كلمة حق بعد ان جبت المنطقة بالطول والعرض انها من أفضل مناطق السودان ارضاوانسانا 00
تحيا تي
===

الاخ الكريم الزبير محمد احمد

اكرمك الله بالتقوي ..
شكرا .. شكرا .. شكرا علي المداخله و علي الكلام الجميل و اتمني كلامك دا الاخ فيصل خليل و الزعيم غريق كمبال يقرأوه ..

اخي الزبير انت الان تعبر امبرمباطاوي ميه الميه و باسم ابناء امبرمبيطة بهذا المنتدي تصدقنا لك بقطعة ارض بجوار استراحة المجلس عشان تستمتع بالمناظر الخلابه و انت علي ضفاف الخور الكبير و من علي البعد جناين المحلج تعكس لك صورة رائعة تأكد جمال تلك المنطقة ..

الان يااخوانا فيصل و غريق زاد العدد لم نطلب منكم شيئا سوي الاستسلام و رجوع لينا ولدنا لانو نحن قرمانين له حار ..

حبابك يا اخي الزبير وسط اهلك ابناء امبرمبيطة بهذا المنتدي و حبابك وسط عشيرتك و احبابك بمدينة امبرمبيطة ..

يا اخوانا في زول تاني داير ينضم علي ابناء امبرمبيطة ؟؟ لانو الان نحن بنوزع في قطع اراضي عشان الفرصة ما تفوتكم .. كده نكون ضمنا الرجل الضكران بل الزعيم محمود منصور و الدكتوره ناشي و الزبير محمد احمد ..

يلا يا احمد كوكو حرك الجماعة الحولك و ممكن تسجل زيارة لاخونا ازهري و تشرب معه شاي المغرب و بعد داك استدرجو ..

لكم التقدير

دا أجمل ما فى منتدى أحباب الحباك
خلونا خارج إطار الجغرافيا
و فى لب الإنسانية
يسن محمد يسن ليهو فى مساحاتنا الداخلية مكانة لا تسمى أبوجبيهة و لا أمبرمبيطة
و مع ذلك فهو إن استنشق عبير أبوجبيهة يتنفسه أمبرمبيطة
تحية حب لفيصل و أنا بعد أن ضربنى الهمبريب من مشكلة كادقلى ما رجعت ليهو عشان أشكرو على إنشغالوا بينا أثناء المشكلة
و كذلك صديقى بابكر محمد الحسن
و آخرين أثقلنا عليهم الأيام تلك ـ الله لا عادا
أرجو أن أجد فى المنتدى شوية مساحة أخت ضراعى أتوسدو

شفت يا ود عشمان كلام ناس الحباك بتاع عقل كيف 0000بعدين معاك انت كل واحد ما جاء طالى على البوست دا انت تقوم طوالى تنسبوا لامبرامبيطه بتاعتكم دى 000كده شوف كرم قال شنو ولا كمان تقوم تطلع لينا كرم امبرمبيطاوى كمان لعلمك لو سويت دى ناس ابوجبيهه بظاهرو ضدك 000انت عارف 000انحنا نطر نقوم مظاهره من الجاليه المعانا تهتف تقول 000الشعب يريد انضمام ول عشمان000

بعدين شنو الاساليب الفاسده دى 000قطع ارض درجه اولى وجنب المجلس


الشعب يريد اجتساس الفساد

الزعيم غريق ..

والله الواحد وقت يدخل علي المنتدي دا يضحك براو كالمجنون ..

اولا نرحب بالاخ كرم هجانه و نشكرو لمداخلتو و بعدين انا ما داير اسبق الحوادث لكن انت يا غريق اسأل اخونا كرم هجانه قول له انت متزوج من وين ؟؟ و متزوج بت منو ؟؟ و ابوها وظيفتو شنو ؟؟ ..

و الكلام سمح من خشم سيدو .. و هذا هو اسلوبنا في الحوار نخلي الناس براها تجي لمدينة امبرمبيطة دون ادني شرط ..

و بعدين الكلام القالوا كرم دا انا بعتبر في عاية الاهمية و ما دام يا زعيم انت بتتفق معه .. الزول لو اشتنشق له هواء نقي من ابوجبيهه بتنفس في امبرمبيطة .. طيب انتطونا ولدنا ..

و لكم التقدير

السلام عليكم ياجماعة
ول عشمان وول كوكو الصلبطة خلوها..

ود عشمان وسهاد اكل القعونج خرب روسيكو تب..
والهوا العليل من ابوجبيهة بتنفسو في امبرمبيطة ثاني اكسيد كربون ..دي بلد بتنقعد..
وتعالو هنا امبرمبيطة دي معناها شنو؟

كرم منور

شفت يا ول عشمان 0000اقبال ادتكم جامد كيف شكرا يا بت ابوى عافى منك تب

وبعدين ياول عشمان انت البعرس منكم كلو بيبقى امبرمبيطاوى ولا شنو


انت عارف كان ده منطقك معا ول كوكو تكونو طلعتو فشوش

بعدين انت ماسمعت العرب قالوا شنو

المره مع اهل راجلها

الاخ الاكرم /الزبير
حبابك عشرة بلا كشرة ,اشكرك تانيا وثالثا على المداخلة الشيقة ونرحب بمقدمك فى مدينتنا الجميلة ولو ما شالتك الارض تشيلك العين والراس وانت واحد مننا.
اخوى ول عشمان اقترح انه نكرم الاخ الزبير عشان الوقفة المشرفةدى ثم تانيا الزول ده يحمل فى جعبته الكثير من تاريخ جارت الوادى سوف نتيح له الفرصة كى يلتقى بالذين عاصرهم فى تلك الحقبة من يسترجع التاريخ الجميل ويفيد به الجيل الحاضر .ويلا نسمى لجنة التكريم واقترح انها تكون برئاسة الاخ الاصيل يسن ومقررها اخونا العزيز جدا بن امبرمبيطة كرم الدين محمد هجانةوالباقى عليك,وكما اقترح مكان الاحتفال يكون فى جنينة حاج ماضى التوم.
الاخ الزيع/الزعيم غريق
سلامات وكيف اخبارك انشاءالله السنة الرشاش عندكم كويس ,رملت ولا يا توه,يسن عندك فوقو فرقة شوية ممكن تتكلم فيهالكين كرم اسكت سااااكت.
الاخت اقبال السلام عليك والرحمة,دى ما سلبطة الاخوة يسن وكرم الدين اصليين بامبرمبيطة وما ممكن نتنازل عنهم بالسهولة دى,الاسم جاى من اسم نبتة تسمى ام برابيط وهى شبيه بنبات الحصير المعروف ,وكانت هذه (القشاية) بتقوم بصورة كبيرة جدا فى الرجل الزريقة لذا اخدت امبربيطة الاسم من هذه القشاية.
الاخ العزيز جدا /كرم هجانة والله ليك وحشة اخى الكريم ومفقدك بالجدكيفك وكيف كل الاخوة بكادقلى حاولت مرارة الاتصال بك والاخ نادر حماد ولكن دون جدوى كويس اليوم لقيتك فى الحباك وناسا الظراف لك منى احر التحايا وسلامى لجميع الاخوة بدون فرز بكادوقلى واتمنى لكم الامن والامان فى تلكم المدينة الساحرة التى تركت اثرا فى نفسى جميلا.
الاخ الجميل دوما/فيصل حتيلة
العارف عزو مستيح اخونايسن ابدا ما ينضم فى الموضوع ده لانه مؤمن تماما هو من وين وخليهو( راقد قفى),ترى انحن عندنا البانجديد والرجل الزريقة والبطحة وفيض الجزم وسبحان الله لو نظرت للخيران الثلاثة فى شكلهم عاملين زى النيل الازرق والنيل الابيض ويلاقيهم قدام العطبراوى ولا مش كده يا ول عشمان.عجبتنى مداخلتك وندعوك لحضور تكريم الاخ الزبير وسوف تكرم معه انشاء الله.

مع خالص ودى للجميع

النار بتقرعها الحريقه


اهااا جاكم ول نويه

ده رايكم فيه شنو

ده سليل كور قادم 000تانى بتقولوا شنو

بعدين يا ول كوكو لو قلت كرم الدين من ابوكرشولا بتكون شويه جاورت لينا الكضب مجاوره 000

لكن تقول كرم من امبرامبيطه ده كلام ما بخش العقل


بعدين يا ول عشمان انا بقبل عليك وبطلع ليك امبرامبيطه دى كلها فى الاصل سكانها هم من الحباك

لكن لظروف الرعى هاجروا الى تلك المنطقه التى تسمى امبرامبيطه بحثا عن الكلا

الاخت الكريمه اقبال عبداللطيف ..

الاخ احمد كوكو كان رده شافيا كافيا بالنسبة لاسئلتك بس اذيدك بيت شعر .. القشه الاسمه امبرابيط دي رائحتها ذكيه جدا جدا جدا يعني انت جايه داخله علي امبرمبيطه تشتمي رائحة طيبه

الاخ فيصل خليل

اسلوبنا في الحوار هو المنطق بالحجه و التريس في الرد علي التساءلات بعيدا عن المهاترات .. نهجنا في الحوار هو الديمقراطيه بعيدا عن الانانيه .. و هذا هو الذي جعل المناطق المجاوره يستعينوا بابناء امبرمبيطه في التدريس و غيرها من الوظائف الاداريه .. يسن محمد يسن ابننا ان رضيتم ام ابيتم و طلبنا منه عدم التدخل في هذا البوست لانو لا يحتاج منه ذلك ..

العزيز غريق كمبال

ياخ الموضوع دا نحن ما عاوزين ندخل فيه دولة قطر و لا اي وساطة دولية .. نحن ابناء امبرمبيطة قدمنا ليكم كل الملفات المطلوبه .. لو تكرمتم اتنازلو من موضوع يسن و خلي نشوف لينا شقله تانيه لانو المنطقه محتاجه مننا لتنمية .. و اذا ابيتم سوف نستعين بالسيد جبريل باسولي ( الوسيط المشترك )

لكم التقدير

الاخ محمد نويه ..

انت مش حبوبتك ام ذايد من امبرمبيطة ؟؟

الاخ العزيز احمد كوكو ..

ارجو ان تقوم بتنفيذ كل البنود التي اتفقنا عليها ليلة البارحة في الاجتماع المطول عبر الهاتف .. و لا تنسي ان تذهب للاخ ازهري الحاج في البيت و تشرب معه شاي المغرب و اشرح له ابعاد الموضوع و ايجاد حل لاقناع البقية و التنازل من ولدنا ..

مع التقدير

الهضربه دى شنى يا ول عشمان


انت وول كوكو انحنا بنخلى ليكم ول نويه براهو بجيب خبركم

يس ووكرم والمحامى وووو

سمح ما نسجل ليكم فيصل


وابو الزهور وكمان نديكم الجبالى على سبيل الاعاره