الغزالة جاورت

الغزالة جاورت..!(منقول)

• كتبها احدهم في المنتديات (عشت يا مريخ موفور هبات الحكم)...

• واعتقد انه اصاب ونجح في التعبير عما شاهدناه ما بين همام جورج ونعام الوصيف..

• ايه دا ..شي حمام.. وشي نعام... دي كورة ولا حديقة حيوان...؟

• وقبل ان استرسل ابعث التهانيء لاهلنا في الدندر الذين هاتفوني معاتبين كيف اتجرأ ان ادخل الغزالة التشادية حظيرتهم...!

• فلقد قالوا شن جاب لي جاب...قالوا بان غزالتهم لا تقارن...وترفض ان تستضيف غزالة تشادية ساقتها الاقدار لكي تذبح بواسطة سكين الوهم الحمراء...

• ولمزيدا من التعبير عن غضبهم قالوا انهم سيقاضوني في محكمة حقوق الحيوان لأنني اسأت لغزالتهم وحرضت على استضافة غزالة اجنبية...

• ولاخوتي بالدندر اوضح ان مقصدي هو أن تنعم الغزالة التشادية باستضافة طيبة لان البجاور السعيد بسعد...

• واكيد لو غزالة تشاد ارتوت من فيض غزالة الدندر الوصيف حيضوق العذاب...

• وعوضاً عن القول الغزالة جاوزت نقول الغزالة جاورت...

• ولكن دعونا أولاً نعرف سبب تسمية المنطقة الكردفانية بالغزالة جاوزت...

• وما هو المعنى للاسم...؟

• وحقيقة قمت بسؤال كل الأخوة الكردفانيين بـ(حبيب البلد) لمعرفة المعنى فلم يعرف احدهم ...بل ان فارس الهادي رد باستغراب الغزالة جاوزت دي شنو..؟

• ولقد اجتهدت وتوصلت لوحدي الى انها جاوزت اي زاوجت اي اما انها انجبت او في طريقها للانجاب..

• او هي جاوزت مدي سهم الصياد وابتعدت عن منطقته فاضحت المنطقة يطلق عليها الاسم بانها المكان الذي تفر منه الغزالة ولا يمكن بلوغها لمرمى الصيد...

• أو ان ناس هذه المنطقة مولعين بالكوتشينة فاختاروا تعبير جاوزت...

• وهذه فرصة طيبة لأهلنا في كردفان لتبيان معنى الاسم ...ونحن في الانتظار...

• ونعود للقول أن القدر بات يسخر منا نحن عشاق الهلال ويمد الينا لسانه وهذه المرة يواصل نكده علينا ويأتي بالغزالة جاورت التشادية لتجابه الوصيف بينما يصعبها علينا ويدخلنا في معترك افريكا سبورت..وان كتب لنا التفوق ومددنا عنقنا لواجهنا الدراويش الخطرين...معقول بس كده يا قدر...خلي أقدارك شوية بتنبلع..

• ناس تجيب ليهم غزالة ..وناس تجيب ليهم ام بعلو...!؟!

• حظ النعام غزال...وحظ الهلال اسود الجبال...

• يعني شوية كده القرعة دي كان ممكن تجيب لينا الكلاب المتوحشة الوافدة البربطها الزاكي التيجاني لمن يكون الأرباب بره البلد..!

• حمام جورج اتظلم ظلم الحسن والحسين ...

• وكما يظلم الهلال من التحكيم...

• ومع امنياتنا للشفاء العاجل للحبيب حافظ الا أن اللعبة التى اصيب فيها كان يستحق الكرت الاحمر واحتساب ركلة جزاء...

• وان كان الحكم نزيهاً في هذه اللعبة لما تاهل الوصيف وطار النعام طيران...

• ولا جديد...حاحا موجود ولسه عضلاته حديد...

• وغداً نشاهد الفضائح وربما يأتي من يطقطق اصابعه على طريقة مساعد مدرب الاسماعيلي...

• على كل حال إن كان أهل الوصيف يعتقدون بأن هذا الفريق يستطيع أن يتقدم خطوة واحدة فعليهم بأن يفيقوا من أوهامهم لأن الصدمة هذه المرة حتكون اعنف من صدمة حافظ بركبة المهاجم الاثيوبي..

• بس عجبني لوارغو...وارغو ببح...وارغو بيغرد برااااهو...شغال لف سااااكت زي الخايف من ناس القسم الشرقي...

• تاني تلف هنا بس...اي لفة بره ردف ساكت وامشي على المحكمة...

• بيني بينكم الولد بطنه طمت خالص...فاما ان تسرحوه باحسان او تسكنوه توتي عشان ما يتعب في الليمون الطازج

اخونا فلس بصراحة خلاص كل الحمر والصفر اليوم لايستطيعون الرد على هذا المقال والله يافلس فيك طول لسان لكن الفريق العاجي احتمال يكون ارنب واقدروا صيدوا خلينا نحن نساهر اليوم نكتب قصيدة نجاري فيها الارانب
الغزال هزمت نيجريا لكن المريخ سوف يصيدها حية ويضف ليكم حيوان جديد من تشاد في حديقة الحيوانات الجديدة.اخي محمد سعيد لك التحية للموضوع الجميل لكن المريخاب مابزعلوا ابدا

طبعا يافلس بينى وبينك كده اقوان السعودى تستحق الإشاده00

وين أقوان وارغو والزفتي وإيداهور وأحسب المليارات المنهوبة والمدفوعة لهم!!!

سلامات للجميع!!!!!!!!!!!!!!!!
المريخاب معروفين لسانهم علي راسهم صحبي ودقادم فصيح وسليط لكن ما لقيتو عمنا دا بديكم في التنك طوالي ماتعملو لينا مع ابو السيد كبارات بلد وكدة ؛بالله هسي وينو فريقكم المالين لينا بيهو الدنيا ربنا سترو ساي من الحبش كان اكلوه (زِغني) بتعرفا كويس يا ود قادم اكلناها معاك كم مرة في السجانة؛وشفتو الغزال التشادي دا يفتح دفاعاتكم المخلخلة دي كيف قال طارق مختار قال مخير الله قايتو جنس مواسير السنة بنشبع ضحك غايتو
بجد مشتاقين يا وجيييييييييييييييه ود قادم مع ظروف الغشل وكدة بقينا نخش بسيييييييط وكدة
دمتم يا حلوين

والزفتي





ايه ذنبى الجنيتو

تحياتي عم محمد سعيد ويبدو انو المريخ شغل بالكم ماخليتو معلقة رياضية او قصص كتبها المتاجرون ما جبتوها ؛ بالله تاري نحنا شغلنا بال الناس كدة وماعارفين الله يدينا الفي مرادنا

ايه ذنبي الجنيتو حلوه يا عوض السيد بس يااخوي حظكم الحلو ده مجننا وخايفين علي الكاس يذهب الي القلعة الحمراء لانو الموضوع شايفو جاب ليهو غزال
غايتو نحمد الله علي حظنا

ماتنسى يا حيدر أن الوصيف في الستينات عنده لعيبة اسمهم وزة وسيد بطة وجلك مع تعطيش الجيم جلك الأزرق العندنا في الجبل دايماً تلقى راكي على جلود جدي إدريس وعمنا ود بخيت

شيخ الطلاب لك التحية والود لكن والله المخوفني حظ الجماعة ديل ياخي ده حظ يهود يطلعوا من مضطب يقابلوا الغزال التشادي وصدقني حيموشوا بالطريقة دي وربك يستر ديل ماشين وين؟؟ مافي علامة قف:
اخوي ول نويه والمنير حبة حقد مع الصباحية ماتزعلوا

ول نوية تحياتي ... براك قلتها ناس مع أفيال ساحل العاج وناس مع غزالة تشاد..شن جاب لي جاب .. وسيد البلد دائماً قدر التحدي.. مش زي بتاعين الدور التمهيدي(دور الـ 64)..والكبير كبير ..
وياحيدر ناس أمس إتحاد مدني بـ عشرة لعيبة جهجهم ومرقوا منو بكرامة البليلة بهدف يتيم، ديل كان مرقوا من غزالة تشاد الترجي بلحق حدهم !!!

والله مازيمبي بدفاعكم دا كان لاقاكم إلا تجيبوا معاكم قفة أكبر من قفةالوحدات ولو حرس مرمى المريخ أكرم ومحمد كمال والانكسرت يده مع الاحباش بس يوصلوا حي لسادومبا يخليهم يحبو حبي في الواطة

نحيى ونشوف 00