المريخ يصطاد الغزالة التشادي

تأهل فريق المريخ الي دور الستة عشر بعد ان تخطي فريق الغزالة التشادي بهدفين نظيف في مباراة تألق فيها كل نجوم الاحمر الوهاج ؛ امنياتنا غدا للهلال والامل ببلوغ الدور التاني

مبروك قبلتى الحمراء ومزيداً من الأنتصارات وعقبال الهلال غدا ونتمنى للفريقين التقدم فى البطولات طبعاً كل منهم يمثل السودان والواجب علينا الوقوف خلفهم دون عصبية مفرطه ولاشنو مع كامل الأحتفاظ بالأنتماء الخاص ولاشنو ياول نويه وعوض السيد وبقية قبلتى الحمراء دمتم أحبه

نعم نويه واسامه والله سوينا العجب والأولاد تب ما قصروا.
فرقه زى السم واداء قمة الروعه.
اللله يدينا الفى مرادنا

مبروك التاهل ... حمام لاقى حمام

الا يتفق معى الاخوه بالمنتدى خصوصا المريخاب بان مباراه الغزاله التى لعبها امس بملعبه المفخره كانت من اسواء المباريات التى لعبها مؤخرا باثتثناء ربع الساعه الاولى ... نريد ياعوض سيد ومحمد نويه تحليلا فنيا لاداء المريخ فى هذه المباراه ... وتانى مبروك التاهل علما بان المريخ سيلاقى الترجى التونسى الذى تاهل على تامبو نايز ريونيون رايح جاى .. لذا لزم التنويه

مبروك للصفوة في جميع انحاء وطني الحبيب ...والي الصفوة خارج بلادي ...
ول نوية ...الاستاذ عوض السيد لكم التحية

ماقلنا من زمان الغزال لحموا طاعم ولذيذ..امبارح شويناه شي ...

عقبال الهلال...

دمتم ...

والله يا ماجد كدا تكون بالغت......صدقنى لا أظن أن أحدا من كل الرياضين الذين شاهدوا المباراة بمختلف ألوانهم يتفق معك فى ما ذهبت اليه.
ياخى خليك موضوعى وادينا حقنا

نحن مابنغي كده ياأحمد اخوي ...
نحن بنقول ...وروني العدو واقعدوا فراجة...
ياخرابي ويافليلي دا حق الملحناتية ...

هيبة يالمريخ ...هيبة يالنجمة...

استاذى احمد كودى هسه انا ما فاضى ليك لكن ارجانى العصر

مبروك تاهل المريخ وفوز مستحق ولكن حتي يكون القادم احلي عندكم مشاكل في الهجوم عالجوها وكلموا النفطي يبطل الانانية
وسلم لي علي الوهاج

ول نويه لك التحية والمحبة شكرا انشاء الله اليوم يومنا بس انتو صفو النية وقولوا امين والله ياول نويه مباراة صعبة وكل الاحتمالات واردة بس ربنا يهون

اخى عوض السيد مازلت فى انتظار تحليلك الفنى للقاء ...

نعم يا حيدر المباراة صعبة ؛ بس المطلوب من اللعيبة التركيز ثم التركيز ولا سبيل للهلال سوي الفوز وانشاء الله لو ركزو سيكون النصر حليفهم

يااخوي طارق اهدوء شوية واملو قلبكم يقين ؛ قال نصارع قال انتو بالله وليدكم الصغيروووووووووووني رماكم لمن الافيال كمان ربنا يكضب الشينة

الحبيب تخميس أحمد كودى........ لك ودى واحترامى وتلحين غالى أغنياتى يا السقّط حجركم الملحناتى ويا الأغبركم المخمساتى.... ويا الأفلس من فار المسيد البقرو فيهو الدين يوماتى.
أسمح لى حبيبى ابوحميد أذكّرك انك بتتكلم عن فريق غيّر جلده تماما بكميه بتاعت قروش الارباب الملحناتى بتاعكم زاتو كان قالو ليهو تعال أحسبها يتعقد.
وبعدين شنو يا ابو الشباب سرحت كتير كدا..... الغزاله مالها.... فريق عندو طموح يوصل لدورى ال16 زيّو وزى الأخ الفقيد المكلوم والمكلومين أهله الذى يدعى (الهليّل).
ثم تانيا راجع نفسك وفتش فى الارشيف وانتو أصلكم بتاعين ارشيفات وشوف البطوله الفاتت تأهلت على حساب منو يا بتاع أول أغسطس وحاجات تانيه حاميانى.
قال كوارع ولحم راس..... فى ذمتك الكوارع النفطى وورغو ولا عمر بخيت ونسيبو.
يا ناس يا عالم الاختشو ماتو..........
أكتبو لينا كلام نقدر نبلعو يا وصيفاب............
حبى واحترامى لك يا احمد كودى يا أزرقانى يا مكلوم.
.......................هيبه وجبره.......................
ان عدتم عنا
الله يدينا الفى مرادنا

الحبيب ماجد.....المبارة فى مجملها فنيا رفيعه للغايه هذا بشهادة كل الصحافه الرياضيه المحايده وحتى الحقّانيين من أخوتنا بنو زرقان المكلومين.
هنالك هنّات طبيعيه بسيطه لا تذكر سيعمل الجهاز الفنى على تفاديها.
أرجو ان تعترفو بالشكل الجديد الذى ظهر به الزعيم

يا ابو السيد خو صحبك ماجد عارف اداءنا كان كيف ؛ ومعترف تماما بفنيات الاحمر الوهاج بس مالقي ليهو دريب يخش بيهو ؛ وقول ليهو كدة انتو الليلة امرقو منها !!!

ماجد يا ول نويه انا ممكن أحلل ليهو المباراة من خمسه صفحات يعنى قدر اقوان مازيمبى فى المقبره وبنفس نفس عبد المجيد عبد الرازق لكن مافى داعى لأن سهرة كفتهم