اللبن الرائب

أكدت الدراسات العلمية أن اللبن الرائب يقوي المعدة ويقطع الاسهال، ويخصب البدن ويفتح الشهية ويسكن الحرارة

وأوضح الباحثون أن اللبن الرائب يساهم في التجدد الدائم والحيوية الثابتة وجمال المظهر وسلامة الأجهزة من الأمراض، وقد بينت الدراسات والأبحاث التي أجريت على اللبن الرائب أهميته العلاجية، حيث وجد أنه يتلف جراثيم العصبات القولونية في المعدة الأمعاء، كما يفيد في حالات التهاب الكبد والكلى وضعفها وايضاً تخمرات المعدة حيث أنه طارد للغازات، كما يدر البول ويكافح الحصى في المثانة والكلى ويذيب الرمال.
وللبن الرائب أيضاً فوائد هامة في عمل أجهزة الهضم وفي حالات تصلب الشرايين والوهن، ويلعب دوراً عظيماً في تهدئة الأعصاب ومحاربة الأرق كما يجمل الوجه ويطري الجلد.

عشان كده عليك بالغباش يا الفاتح او الصباح
منقول

في حل مشاكل المعده يا طارق اخوي مجرب
وحقيقه رهيب في حل كل مشاكل الجهاز الهضمي


-------------------------------
احسن اشربوه بالليل كباية بدل العشاء

شكرا ابن عمى على المعلومه وانا من المجربين بل المداومين على شرب اللبن الرايب المخلوط ب 7up خاصة بعد(اللهّط) فى الوجبات التى يصاحبها تعسر فى الهضم.
لذلك أضم صوتى الى صوتك وأنصح به خاصة للمساعده على الهضم

يعني تاني يا حبيبنا طارق كمبال نقول الرووووووببعد كل وجبة ولا شنو رايك ؟؟؟

اخوي ول كمبال تاني كان كدا نشرط فيه شرط خصوصا البارد داك بينزل خريط,تسلم اخوي

دي يا محمد سعيد هديتنا ليك بمناسبة عيد الام

العزيز ابن العزيز اخو العزاز(جنابو)لك التحية والتجلي مشكور كتير علي الهدية القيمة عندي(بت الجزيرة)ان شاءالله ماعدمناك ياابو وائل(تخريمة دي من راسك ولا من كراسك)

السادة الاحباب كل سنة وانتم طيبين وعليكم بالبن الرايب على الريق
يا جنابو امين في ناس جداد في الغربة كان جبت ليهم طاري الاعياد بكتروا الجعير

دمتم يا رائعيم

الاحباب فلس/نوية /ول كمبال
كل الشوق وكل الود
* محمد سعيد براك عارف بت الجزيرة دي معزّتها عندنا قدر شنو ؟ وان شاالله تكون شايلة الاسم يارب

* يا ول نوية قريبك قاصد يدودرنا للصين ويفتح لينا طاقة هوا باااارد مع الدكتورة بعدما قربّنا نوّقع مذكّرة تفاهم

أخي طارق : " ياهو ده الغباشي الأنــا بقصدو ليكا من زمان "
أشكرك اخي طارق ,,, مقال مفيد جداً

amin_manga كتب:يعني تاني يا حبيبنا طارق كمبال نقول الرووووووببعد كل وجبة ولا شنو رايك ؟؟؟

يا اخوي امين انت اوعاك منو بعد الوجبة لانك بتمشي السقالة وقالو البن مع الحوت ما كويس

اخوي الفاتح انا شغال بنصيحتك وبدري خالص لكن اخونا عوض السيد قال بيخلطوا بالقام زوت انت رايك شنو نخلطوا بيه ولا نشربو براهو
دمت ايها الاحبة

هوى يا ابن عمى يا (بلباص) أنا قلت ليك أخلطوا ب7up ما بالقام زت.
عليك الله يا طارق أنا جاى شهر 7 انشاء الله نمشى سوق الناقه نضرب اللحم ونكتر من الشطه والبصل لمن (نخرينّا يجرن مويه) وبعد داك نضرب الخلطه وأدينى رأيك.
محمد سعيد ياخى ربنا يحفظ ليك بت الجزيره الصغيره وزى ما قاليك أمين انشاء الله شايله اسمها

اخوي استاذ عوض السيد لقيتك مقدد النقار كلهن
عزومتك علي في سوق الناقة ونسوق معانا جماعة هم هسأ في المنتدي لكن مرافعين لحم
وربنا يدينا الفي مرادنا

كان مشيتو سوق الناقة براكم ما عافية ليكم

ليه ليه كدة يا دكتورة؟
يمين حقك محوظ بس ادينا خبر جيتك

ولا يهمك يا دكتوره خليناهو لكن بنكلم ابو علياء يضبح لينا فى بيتو أصلو شهر 7 بكون قاعد فى السودان نضرب الشيّه والمخلوط انا وابن عمى وانشاء الله بعد داك نصادف لينا هلال مريخ

والله يا ابن عمي انا ماشي معاك كويس لحد خروف ابو علياء والمخلوط
لكن تاني رجعت منك في الهلال والمريخ

يا ول نوية يارهيب المذكرة بوقعوها مع جنابو انا برة منها لكن انا خايف على اخوي فلس والفاضل من الجعير

أبشر يا ول نويه نتلاقى شهر 7 فى البلد ونمشى أنقولا لكن نأخد معنا عمك عبد الرازق الحاج عشان الدكتوره تكون عافيه لينا.
ابن عمى لو ما بتمشى معاى هلال مريخ مافى ليك لا ناقه ولا مخلوط

ابن عمى لو ما بتمشى معاى هلال مريخ مافى ليك لا ناقه ولا مخلوط

انا كان مشيت معاك هلال مريخ بنبز ليك ناسك الوصيفاب وانا خايف من شد الهواء والتعليقة ودخول الغابة

ولد ابو انا كل الرشاش ما يجي بمشي هنا عشان اسمع معطيب شيخ الطيور
وشجر الهبيل والدروت وشنيبر بتبكي مع الصباح
انت رائع يا ولد ابو بس معطيب ابن عمي ما بيعرفو

الأعزاء (عوض السيد/ ول نوية/ جنابو )
قعدتوا وشربتو شاهيكو ,,, ولمة الأهل و الأحباب لا تنسى ولا تتكرر.......وجلسة في
مطر الرشاش الرشة........
وزار كردفان الهشـــه
انا عقلى راح وين طشة
وراء المراح النشة
الماشات وراه ناس عشة
هنيئاُ لكم
طارق : " خلطة الروب ,, اللي قالها الأستاذ /عوض السيد دي أنا مابعرفا ,,, لكن (الروب +الشعير+ سفن أب )بعد الغدا بالحيل بعرفا...."