يا بت يانيل .. مصطفي سيدم أحمد ...

هذه المساحة اليومية مخصصة للكلمة الرصينة والحرف البهي ...
وهى نافذه للإطلاع على كل ماتيسر من الشعر والبوح عودة طيبه بالقصيدة إلى موطنها الأول وجسرا" من المحبه والتواصل والإحترام ..

يا بت يانيل

رسمت في وجيها بسيمة ضوء
بتغالط في الزمن القاسي ..
وبتعاتب في الغنوة الصعبة ..
وفي لحن حزين ....
و وتر موجوع ...يحكي إحساسي ..
تسأل عن شدو الأفراح ...
يمكن لجراحنا يكون ... آسي ..
ما بشبع روحنا فرح زايف ...
لو كان بتناسى وتتناسي ...
يا بت يا نيل..
العاشقك عاشق كل الفيك ...
غانيك في كل ظروفك ...
في الفرح البيدفق .. وعد ... و فال ..
والحزن الوكر مني شوفك ...
في سجون القهرك خوفك ...
في الفيض الصامد ...
في البركان السامعوا يدمدم في جوفك ...
جرحنا عاتبك يا باكية ...
وعايزانا نغني غنى الأفراح ...
ما الغنوة الصعبة لبن ضرعك ...
والفرح القبلو خلانا .. وراح ...
ولقينا فرحنا وإنت حزينة ...
يكون أشتر ...
ويزيدنا جراح ....
خلينا من الفرح الزايف ...
بتعود أفراحنا ... وتلقى براح ...

التحيه ليك يا الحاج وللمبدع الراحل المقيم مصطفى 00كل المواويل الجميله توغظ الأشجان وترنما

وضاحة

الصباح الباهي لونك
وضاحة يا فجر المشارق
غابة الابنوس عيونك يا بنية من خبز الفنادق
شيدتي في جواي صوامع للفرح
وفتحتي في دنياي مسارح للمرح
وبقيتي لي سكة وعيون
لا قدرت اطولك شان اجيك
لا قدرت من غيرك اكون
وانا بيك ماليني الكلام
حركت بيك عصب السكون
جلبت ليك الغيم رحط
طرزت ليك النيل زفاف
حرقت ليك الشوق بخور
وفرشت ليك الريد لحاف
للسكة غيرك تنتهي ولا معاك مليت طواف
يا ريتني لو اقدر اكون
وضاحة يا فجر المشارق
الصباح الباهي لونك
يابنية من خبز الفنادق غابة الابنوس عيونك

أشكر مساحتك الرصينة والتي زادها الزعيم ألقاً ..... لبنت النيل فرحة ارتسمت ..خلال الحزن الذي غطى وجهها الجميل ....... حتى أنه استحدث لها من جوائز نوبل.

يا بت ملوك النيل يا أخت البدور
مين لى علاك ينيل فى البدور والحضور
الجبرة فيك بتخيل محمية الحما
الما حام حداه دخيل
ما أبوكى بخيل بت عز الرجال
أهل الدروع والخيل
والهنا... والسرور
يا السامية ست الجيل طرفك من حياء
فى عصر السفور خجيل
حسنك وضع تسجيل فى صحف الدهور
يتلوه جيل عن جيل
لى يوم النشور
الهيفا يا الخنتيل حروف آيات محاسنك
أرتلن ترتيل
يعجبنى فيك تمثيل أخلاق الملاك
فى سطوة القتيل
الفارس الجسور
غضنك رطيب وعديل شعرك ليل
جبينك يخجل القنديل
النور عليكى سديل يا معنى الجمال
الما أتوجد له عديل
فى ناس ولا حور
فقتى الكانوا قبيل ما خدات فى الجمال
جائزة نوبيل
حيرتى كل نبيل عيناك سحرهن
يسحر سحر أبابيل
يخترق الصدور
يا صاحبة الأكليل ما أظن النهار
العين تدور له دليل
محياك نوره جليل كنت أقول شمس
لو ما الزمان كان ليل
أن عليك نور
لا زلت ليك أميل يا رمز السعادة
الما أتوجد له زميل
يا آية التكميل يا مراية الجمال
الفيكى كل جميل
ريحانة العصور

يا بت يانيل .. مصطفي سيدم أحمد ...

يا بت يانيل .. مصطفي سيدم أحمد ...

رد: يا بت يانيل .. مصطفي سيدم أحمد ...

رد: يا بت يانيل .. مصطفي سيدم أحمد ...