الفنان عاطف ابوجبيهة

الاغانى لحفلة بمدينة الابيض 1990 بحى الشويحات وهى من الزكريات الخالدة اقبلوها هدية :

http://www.mediafire.com/file/ttyz3rugigt/احلى غرام.mp3
http://www.mediafire.com/file/moyj5d4w1jt/افتقدتك.mp3
http://www.mediafire.com/file/ziezzhb5nkd/البهجة فى عينيك.mp3
http://www.mediafire.com/file/zrqyjajkjzz/الحزن النبيل.mp3
http://www.mediafire.com/file/ejfmyzewdhe/الغصن الرطيب.mp3
http://www.mediafire.com/file/wjkewzd5ymy/الليل الهادى.mp3
http://www.mediafire.com/file/oynmnxxjwak/امنة.mp3
http://www.mediafire.com/file/kztymftxujk/انا بهواك.mp3
http://www.mediafire.com/file/xmohyonumz3/اودعكم.mp3
http://www.mediafire.com/file/d1rdimmygng/تفتش الماضى.mp3
http://www.mediafire.com/file/2l5qyjzun2k/حكمة.mp3

شكراً اخي tabota ولكن لم تفتح الروابط...افدنا

التحية لك وللاخ عاطف ابوجبيهه

اخى الروابط تعمل فقط عليك انشاء حساب فى موقع
www.mediafire.com

مع التحية

عاطف فنان رائع وصاحب صوت متميّز.
هذه الحفلات وغيرها من التى أحياها فى الأبيض كلها كنت حضورا فيها اذ اننى كنت من 1989------- 1991م دارسا بمعهد التأهيل التربوى وكنت ملازما للأخ الصديق عاطف مصطفى الشفيع الشهير بعاطف ابوجبيهه

مشكور اخى على الرد وياريت لو اتحتفتنا بعدد من الاغانى الرائعة للفترة المزكورة
سلام
اخوك دوما

ياااااااه ... مدرسه ابوجبيهه الشماليه الابتدائيه وعاطف مصطفى الشفيع يشرقها بنداوه صوته ويترك فى حلقها حرحره بخجله المميز وادبه المتناهى كنا نسرقه من الجمعيات الادبيه التى كان يتحاشاها وهناك عند كومه الرمل الناصعه التى تقع امام دارهم نتوسد ضرعاتنا النحيله وننشده ونندهش وهو يترنم برائعه محمد الامين عويناتك وابوعركى البخيت لفافات الصبر كملتها كنا ساعتها فى الصف الثالث او الرابع لا اذكر .... اى حلاوه هذه التى اعدتموها لنا شكرا تكعيب تابوتا (tabota)

شكرا اخي ...لقد زكرته انسان ...رقيق ...مرهف...فنان بمعني الكلمة...خرج من بيت شعر...يجيد الغناء والتطريب...لم يتغني يوما بغير الفن الاصيل والجميل ...
التحية للاخ عاطف مصطفي الشفيع...الذي حمل اسم الحباك...وحافظ علي الحباك ...وهو خارجها

وبالمناسبة دي آل مصطفي الشفيع وين ؟ يا ياسر جيب الناس ديل

موجودين يادكتوره وعندهم علم بالمنتدى شارك معنا زهير وخالد عثمان البشر ابناء السريره مصطفى الشفيع

شكرا ليك اخي ياسر وحباب الجانا منهم ونطمع في المزيد
تحياتي

عبدالمنعم مصطفي الشفيع أخي وصديقي وحبيبي وزميلي ...وقد درسنا معاً بالمدرسة الشمالية وفي فصل واحد ...وصدقني أنا أحب عاطف ابوجبيهة جداً جداً ...وصدقني أول مره اسمع صوته اليوم فقط ...في اغنية جاي نفتش الماضي للشاعر التجاني الحاج موسي المتواضع:-

جاي تفتش الماضي
خلاص الماضي ولى زمان
وجفت مقلتي الباكية
ونامت من سنين أحزان
**********
أرجع بالزمن مرة
واتذكر حكايتي معاك
تلاقي القصة جد مرة
وهل راعيت شعور مضناك
وكل ما تزيدني في هجرك
أقول ليك زيدني ما أحلاك
لا نفع التوسل ليك
ولا حرماني يوم هماك
**********
جيت تترجى بالدمعات
أسامحك أنسى أغفر ليك
وأجفف دمعك الغالي
مسامحك ما عشان عينيك
عشان تتعلم الغفران
وتصفح لو زمن جار بيك
وحاول لو قدرت كمان
تقدر رقة الحابيك
***********
وعزة نفسي مابية علي
أسلم قلبي ليك تاني
سنين الهجر بيناتنا
وحاجات تانية حامياني
ولو رجع الحنين عاود
وليك من تاني وداني
ولومكتوب علي أحب
بحب إنسان يكون تاني

******************
من أحب ...أحب الأغاني إلى نفسي ...مفروض أحكي السبب بس في حاجات تانية حامياني ...أنا بعشق هذه الأغنيةلدرجة فوق الخيال ... والتحية لك عزيزي الغالي :Tabota وصدقني أشتم في صوت عاطف أبوجبيهة عبق أخي وصديقي عبدالمنعم مصطفي الشفيع الشاعر ..والمغني ...والمتواضع الخلوق المهذب جداً ...بالجد لقد أصبتني في مقتل ..والله يجازي محنك ... محبتي ..

قول النصيحه.....كلمنى مالك بالهجر.....كلمنى قول يا ابو علياء.
قول
سألونى
عن
حبى
أنكرت
ما
قرّيت
شفناهو فى عيونك يا ابو علياء وشوف العين ما بكتل غزال

وتعال إنت بتحكها كده ليه بس ... تكفي عبارة كلمني مالك بالهجر .... وسألوني عن حبي أنكرت ما قريت ... إنت ذكي يا عوض ... وبعدين أنا ممكن أكلم ليك ... ولا انكرت ( يا جبااان) محبتي لك أيها العزيز الغالي ...

شكرا ايها الاحباب وعاطف ابوجبيهه واحد من الذين بروا الحباك ورفعوا اسم ابوجبيهه وشهروه 0000عاطف والمنقه هم من اهم من عرف ابوجبيهه للشعب السودانى

الاخ المدير والاخ المشرف البوست يستحق التثبيت

مشكور الاخ تابوتا والفنان عاطف مصطفى الشفيع الخلوق الخجول كان مميزا وكنا بنفتخر به فى الابيض وشنو الحكااااااااااااااية يا ابو علياء تحياتى

يا اخوانا والله حرام
فتشت لما ريقى نشف لم اجد حاجه
لعاطف ابوجبيهة
مع انى وجدت فنانين لم
يستحقو ان يشتهرو
لا اعرف انه سبب شخصى
ام مازا؟؟؟؟؟؟؟؟
الحقونا يا القربيبين
منه وقولو ليه المنتدى بسال منك
والحباك حتزعل منك
اديها طلى

الاستاذ خالد عثمان
مشكور جدا لقد طمانتنا على صحة الاستاذ عاطف والحمد لله وارجو ان تبلغ تحياتي الحارة للوالدة والاخوان عبد المنعم والشفيع والخير وعواطف واولادها

شكراً ليك يا عم محمود منصور على المداخله الطيبه وانشاء الله اوصل سلامك
وانشاء الله ابنك منصور بلغ الصحه ونسأل الله العظيم رب العرش العظيم ان يشفيه

تحياتى يا خالد و شكرا يا عزيزى على مرورك و تذويد الاخوة بأخبار عاطف.

عاطف ظاهرة لم تجد حظها من الاستمرار و التوثيق اللائق و نأسف على قلة الحيله و البصيرة.

كان بالامكان افضل مما كان و لكن!!!

عزرا عاطف

ياسلام والله العظيم دى افضل هدية الواحد وجدها في المنتدى الشكر اجزله للاخ tabota الفنان العملاق عاطف مصطفى الشفيع قمة الابداع بالنسبة لابناء جيله هو فنان سابق لاوانه ...لدينا معاهو ذكريات جميلة في مدينة الابيض بداية التسعينات وكنا بنحضر جميع حفلاته نحضر خصيصا يوم الخميس من خورطقت للاستمتاع بصوته الشجي ..كان دائما يبدا حفلاته باغنية المدينه للرائع الهادى الجبل وعندما تستمع لهذه الاغنية منه تكتفي تماما من التطريب العالي....وكنا نسجل له زيارة في منزله بابوشرة ...اخر مرة التقيته برفقة صديقي(نزار رجب سعيد) في حفل بالجامعة الاهلية حوالي1995 وفي تلك الحفلة اندهش العازفون بفرقة شباب امدرمان بالاداء الراقي والجميل واستغربوا كيف ان هذا الفنان غير ظاهر اعلاميا وهو الذى يستحق اكثر من غيره التحية لاسرته الكريمة وارجو ان نوفق في التوثيق له بصورة اوسع ولكم جميعا محبتي....

أسرة منتدى أبو جبيهة الأعزاء
يسرني الانضمام لأسرتكم العزيزة وأن أكون ضمن أفرادها بأنني أنني من مواطني مدينة الأبيض ولكن صلتي بأبو جبيهة نابعة من عدة جهات فخالة زوجتي من أبو جبيهة وأنا أفتخر بأني كنت سكرتير الفرقة الفنية للأخ والصديق العزيز جداً عاطف وأتمني أن تسنح لي الظروف بفرد صفحات في هذا المنتدى لهذه العلاقة القوية بيني وبين أخي عاطف مصطفى الشفيع
لكم التحية والتجلة

مرحب بناس الأبيض الطيبين ... ناس الكرم والشاهة والنخوة ...ناس الأبيض ناس الذوووق ...ناس الإحترام  ...وحينما أجد شخص من الأبيض أدخل فيه بلا حواجز ...لأني أعرف أن 90% من ناس الأبيض بالدرجة الأولي في الأخلاق والذوق والطيبة العجيبة ... فأهلاً ومرحباً بأخي الغالي طارق منصور

 وبالجد شرفت ونورت المنتدي وكما قال أخي وصديقي وحبيبي محمود أنت إضافة حقيقية لهذا المنتدي .... فألف مرحب بشخصك الغالي ...

 وأسرة مصطفي الشفيع هذه الأسرة الأصيلة العريقة فهي محفورة في وجداننا ... وهم نعم الأحباب والأهل ...وتحياتي لهم فرداً فرداً خاصة صديقي العزيز عبدالمنعم مصطفي الشفيع الشاعر المتواضع جداً ...


 شكراً أخي محمود ...