مسدار باب الروح .......... عاطف خيري

شكرا فيصل على المسدار الجميل وفي الحقيقة كنت دوما أقرأ مسدار باب الروح وأحس بعدم إستقامة في البيت أدناه ,وإختلال في موسيقاه

وَأَفْتْحيّ بَابُ ضَرِيْحَكَ يَدْخُلُ الْدَّرْوِيشْ مْغَبّي

حتى أتيح لي سماع النص بصوت عاطف فوجدت أنه كان يقرأ البيت متبوعا بالكلمة الأولى في البيت الذي يليه فيستقيم الجرس والوزن كما هو أدناه

وَأَفْتْحيّ بَابُ ضَرِيْحَكَ يَدْخُلُ الْدَّرْوِيشْ مْغَبّي وَأَدُبَغِيّ
وَأَدُبَغِيّ جِلْدِيّ بِقَطِرَانٍ مُهَيَّجٌ لُبِّيّ


ونهديك رائعته أقراكي صاح التي تغني بها الأستاذ

أقراك مرّة صاح
عكس إحتشادك فى الحضور
هل غاب معاك وعى الطريق
أم بيكى زكـّانى الزمن
ماشيك وعارفك يا حريق
فى يوم غماماتك بجن
فرهد غيابك أغنيات
ظلت أراضى اللقيا بور
بلقاكى يا كل الطيور
مسجونة والحرية سور
وبلقاكى بيناتنا الثبات
وبيناتنا شمس البكرة فى لحظة مخاض
*******
طول الوجع رشـّح مواطن العافية فيك
خلانى أرجع وأبتديك
وأقراكى من كل الجهات
ومابين أقابلك ومشتهيك كان حلمك الأول
ترفْ
وكنتى الصبية الغايبة
فى زحمة حجا وكلمة شرف
كنتى الزوايا الميتة فى متحف خزف
كنتى الوصايا العشرة واللون الشحيح
*********
سميت مساحاتتك حكر
كل البيحلمو ا بى الشمس
هجـّرت من واقعك عبث
سكـّنت فيك ضد السكون
كل اللى كان ممكن يكون
وطارت ضفيرتك ليل غنا
جدلة صبُر وطولة نفس
*******
ومابين أقابلك وجيت عليك
كان عندى ليك بس نحنّ والجرح الثرى
وخيبة أمل أم الشهيد
فى الكلمة والوجه الجديد
وكان إحتقان نبض الزمن
نومة طفل فوق الدّمن
يا صاحية بى الحاصل علىْ
يا نايمة عن فقرى البليد
سميت منافيك الوطن
صبحت مناحاتك نشيد

شكراً للمسادير أستاذنا أزهري ,, والأعزاء فيصل ومدثر ....
أنا قريتـــا صاح وصراحة نوع من الشعر يذكرك دهاليز قصور متداخلة جميلة مرصعة ,يزينها الياقوات تدخل وتتوه توهان الولهان الشغف ونفسك ماتطلع ,,,, وإنت أصلو ماعارف تطلع من كثرة الصور الجميلة المتزاحمة المتراصة ..

فجأة تلقى نفسك على رمال الشاطئ البيضاء والموج يمد لسانه ,, ليحييك...
يافيصل ,,,,, عجبنا وعجبنا وليه ما يعجبنا ؟؟؟