والله مشتاق ليكم كلكم

أهلى واحبابى شوقى لمك بلا حدود.
أعتذر عن هذا الانقطاع الذى ليس بارادتى وبلا استئذان منكم.
ظروف العمل بل زحمة العمل هى التى ابعدتنى منكم هذه الايام وسيكون غيابى أو ربما دخول متذبب لما لا يقل عن شهر لأنى بالجد مزحوم لدرجة انى ما قادر أق{ّب من الكمبيوتر.
تياتى وحبى لكم بلا حدود يا أحلى أهل

ابواابراهيم لك مني التحية والمحبة وحمدلله علي السلامه وسائلين منك وينك ياخي تركت مساحة كبيرة
هل الموضوع زحمة عمل ولا دبرسة ترجي وفي الحالتين انا ضايع
مع احترامنا للعمل ولكن انقطاعك اضعف المنتدي حاول التوفيق.

تعجبني ياأبو إبراهيم هذا منتداك والثاني منتداك لأنك مرن ومتفهم أصول الحياة من تقق للسلام عليكم. يانبراس .... أين ضيفك الفهيم؟؟؟
له الجود والكرم الحاتمي وليس علي الباقي تدور
الداوئر ونحن نتعامل مع صفوة الصفوة....
لك ولضيفك التجلّة والإحترام.

نحمد الله بسلامتك وعودتك وبالجد المنتدي في غيبتك والاخ نوية "برد" شديد وبقي بااااااايخ
ارجوكم ما تطولوا الغيبة

حمدالله علي السلامة
بحضورك أكتملت النجوم
وأعدت الينا البهجةوالسرور
فارجوك أحرص عل التواصل ..
فبي مشاركاتك يتالق هذا المنتدي
لك مني كل الشكر والتقدير .

عوداً حميداً يا ابو السيد وانشاء الله الزنقة دي تعدي بالسلامة وربنا يكتر "ابوعمة" سااااااااااي بس بالله ماتنسونا من النصيب ماتقول لينا الحكاية خشت صناديق وكدة

شكرا لكم جزيلا أحبتى وأهلى الكرام...... والله انا بدونكم مشلول....والله يعلم الله مشتاق ليكم وداير أموت عديييييييييييل كدا.....بطراكم عليكم الله أطرونى.
لقيت لى فرصه دخلت عليكم لكن ما مشيت الرياضى عشان ما يكون سبب دخولى نكسة حبيبى سيد البلد.
أبقو عشره على بيتكم الكبير ولما أجيكم انشاء الله القى كل الطوابق اكتملت.
أقعدو عافيه لكن تأكدو اننى اتقطع شوقا اليكم

يا ابو ابراهيم..عودا حميدا..جماعتك ضربو (الحمص والسمسميه) ويبدو انه القادم احلى

الكلام دا يا دكتور انا قلتو فى المنتدى ان السيّد ابو الهل من واقع حاله الفنى لا يمكن ان يتقدم خطوه اكثر من دور ال16...... لا ادّعى اننى محللا ولا ناقدا رياضيا ولكن الشويه البعرفو دا ممكن يكون يكون رأى أى متابع جيد .....بس بشرط بدون عاطفه.

حمد لله على السلامة أبوإبراهيم ...عارفك ما بتقدر تفوت اليوم دا ... ويبدو أن هزيمة سيد البلد أسعدت الجميع أكثر من حزنهم على ثلاثية الترجي ..المهم البركة في شوفتكم ... لكن كان الترجي دبلها ليكم إلا تطيرو ؟؟؟ (غايتو أنا أمس حلمان علي قدر حبة النوم الجاني بعد شاكوش الإسماعيلي إنو : المريخ 2 الترجي 3 والمريخ متأخر 2/صفر في الشوط الأول وعادل في التاني وسجل الترجي هدفالترجيح في الدقيقة 89 ..الهلال في الإسماعلية : الإسماعيلي 1 الهلال 2 والهلال كان متأخر بهدف في الشوط الاول...أها شن قولكم ...تحياتي ..غايتو دي إمكن تكون هلاويس زول مغلوب وما متعشي ... .

يا البورداب هوووووووووي
عيال الحباك
بعاد وقراب ......

هلالاب .... ومريخاب
شووووق بالجملة

حباب جنابو حبابو الله جابو