سهاد ...شكراً كتير

استقبلت أمس مكالمة ..من الاستاذ العزيز صاحب المبادرات الطيبة ...زعيم التصالحات ...الاستاذ عوض السيد ...بدعوة من الاخت الغالية جداً ...سهاد عبد الغفار ..يسألون عن حالي ...وسبب غيابي عن المنتدي ...لك التحية ايتها الاصيلة سهاد ...والشكر الجزيل استاذي عوض السيد ...والشكر لكل الذين سألوا عني ...لم يكن غيابي عن المنتدي متعمداً...ولكن ظروف عمل كانت اقوي من اكون بين ...اعمامي ...واخوتي ...واحبتي ...واخواتي ...هذا حال اهل الحباك ...
التحية لكل اعضاء المنتدي ...
مودتي ...

اخي الصغير زهير ...عودة حميدة ... لازم اسال منك انت كنت المحامي بتاعي لما اتشاكل مع خالك فتاح يدية العافية ..ما اظن تكون متزكر...سلامي ليهم من غير فرز....وربنا يوفقك..

لكم جميعا عاطر التحايا و الاشواق.

التحايا الخاصة للاخت سهاد على هذا النشاط و الحيوية و الذوق.

لم اكن اتخيل ان يكون الاخ زهير هو الاخ الاصغر للاخت سهاد.

يبدو اننا كبرنا و كبرت معانا همومنا و احزاننا.

نحن نحبكم جميعا و نراهن على ان حبكم هو العمود الفقرى الذى يقوم عليه

هذا العملاق الذى ولد ناضجا.

لكم التحية.

الاعزاء الفيصل وزهير والعزيزة سهاد/لكم كل التقدير-بالله ياناس شفتوا المنتدى ده(عالم جميل كيف *دا فى هولندا ودى فى كادقلى ونحن فى النار وفى النهايه الحباك الكسبانة)الله يخلينا لبعض

سلامات ...فيصل ..وينك قاطع اخبارك ....بعد ورشة جوبا ...لقيت شنو هناك ...يخليك تنسي ...بعدين ...ماكلنا كبرنا ...بس في نظر الحباك ...مازلنا ...اطفال نحبوا ...ونلعب ...ونتسامر ...ونحكي ...لان الحباك هي ...الام ...والاب ...وديل مهما كبرت بحسوا بيك صغير ...
ابوحسن ليه النار دي ...فعلاً عالم جميل كجمال ابوجبيهه...واهلها ...وربنا يقبل دعواتك ...
تخريمة شوية كدا ياابوحسن :
عايز افك الشفره بتاعت الكنية حتي اجمع ...
بعدين النار دي الجابها ليك شنوا ...(فرامي ولاشنو )
سهاد ..العزيزه ..بعد دا عايزين الاتعاب حقتنا ...والا نتقدم التماس للمحكمة ...
لكم خالص تقديري ...

تحياتي ...اخي الفاضل الفاتح محمد التوم ...
كنت ناوي دهب الليري ...لكن بعد جهاز طارق اخوي ...طلع فشوش ...قلنا احسن ...ناكل عيش محلي ...من غير حفر ...وفتيش ...في الخلاء ...العيارت حقت الدهب بقت كتيره ...اخر دهب الان ظهر في انقارتوا ...بس الفارغ بتاع الزخيره كتير ...الاجهزه شغاله صفافير ساي .. تقول في ناس بلعبوا مردوع من كترت الصفافير ...
مودتي

العزيز زهير /لك الود يااخوى /يازول انا حامد حسن عبدالرحيم((حامدونا))/ لاعب السهم الاحمر زمان (حلتنا حى الستيبة بيتنا خلف بيت عم عثمان حتيلة)كفاك اما النار دى (يااخوى احسن والله الفرانى اخوك موجود فى السعودية//بينى وبيك ماقاعدين فى النار//تحياتى ياعزيز

اعزائ واللة انا سعيدة بيكم...زهير اطلب وادلل زي ما عايز بس اللة ماجاب المحاكم يا بوي...اخي فيصل ما كبرت لسا شباب وانا دفعت عزيزتي ام البنات انعام تحياتي ليها...عزيزي حامد مالك يا ابوي تسلم من النار... تبدل.؟..

بالمناسبة يا سهاد انا على اتصال بالجماعة و غالبا اكون حضرت زواجك.

عمنا عبدالغفار عليه رحمة الله كان مريخابى على السكين.

عموما انا سعيد كونى عرفت اخباركم و تحياتك تصل لصديقتى انعام خليل.

ارقدوا عافيه.

شكراً اخي حامد حسن ...ابو حسن ...لك مني خالص الاحترام والتقدير ...وربنا يتقبل الولده قبولاً حسناً ويدخلها الجنة مع الصديقيين والشهداء ...
وربنا يرجعكم لينا بالعافية والسلامة ...
ول نوية :
تحياتي واشواقي ...الاهل بخير وعافية ...والله يقبل حمدك ...بس اليومين دي الحموا في السودان كاتلنا ...
عزيزتي سهاد:-
ربنا يديك العافية ...والصحة ...والعمر المديد ...نأجل طلبات الي حين عودتكم لنا ...كفاية غربة ...الطلب الوحيد لجميع الطيور المهاجره ...
كفاية غربة ...كفاية غربة ...

النرش ليكم الراكوبة ونفرش العناقريب ديل ونخت الكفتيرة في الكانون ونجيب الكبابي المبخرات بالمستكة إلا سهاد حبيبتي اعملي الشاي انتي
برجع ليكم بعد شوية ننادي الاخوات بالحيطة ونجي
والله اللمة سمحة..الله ما حرمنا منكم

الغالية جدا الدكتورة واللة اللمة حلوة بيك وشكرا علي شاهيكي بس خلوني الملم الباقين ...ولا نجيب ست الودع تورينا الحاصل شنو ...

ياخى دا بوست جميل لدرجة الدراما.
عليك الله يا زهير تانى غيب وخسّرنى اتصال طالما التمن هذا الجمال وهذه الأريحيه.
جمال البوست جاب لينا ناس عزاز زى فيصل خليل الذى طال انتظارنا له.
حمدونا يا اخوى ما تخوفنا عليك الله يجيرك من النار يا ابن عمى.
سهاد نسابتك بيسلّموا عليكى.
زهير الحاج وين؟
دكتوره احسان كان كركدى كبى لى.
ول نويه داير شاى تقيل ولا خفيف؟
فتّوح والله مشتاقين.
ودعتكم الله

هذه سماحة اهل الحباك ...استاذي عوض السيد ...هو انا بقدر اغيب منكم كتير ...لوغبت المره الجاية ست الودع مابتجيبني ...والله لاجاب الغياب ...وياريت كل الغياب حضور بيننا ...
الحاج في السكة ...بسخن ساي ...ماتقلقوا عليه ...
تحياتي ...

ود نوية اخوي حقك علي كان صادفناك في الاجازة تشرب شاهيني ده تب
الودع يا سهاد يا ختي محتاجين نعرف منه البحصل شنو في الراكوبة وناسها
مافي مشكلة عوض اخوي طواااالي مزبوط الكركدي تشربه وما تدي الجنبك

اخي فيصل يديك العافية ...نعم والدي رحمة اللة علية ميريخابي ولقايت الان من ضمن الاشباء المحتفظين بيها بطاقة عضوية نادي المريخ بالابيض...وانا كمان مريخابية بس ما تقول لي حامد حسن ...تحياتي الي الاسرة الكريمة ولو ممكن ترسل لي رغم انعام في الخاص بتاعي مشكور....اختي الدكتورة ما نوصيك علي ود نوية لما ينزل ظبتي ليهو شاهيكي الزي[ الهالوك ] خلي ينسى الغربة وما ادراك ما....

لكم جميعا التحية.

يا ول نوية الاستقطاب داخل المنتدى محظور بنص قانون العضوية و دى جرسة

منك بقيت تكوس الفزع من البنات ( ما قل بوليس )

اى محاولة من سهاد لدخول المنتدى الرياضى ينتج عنها مخالفات ليكم الاتنين.

سهاد انا بكلم ليكى على عبدالغفار و ماجد و منتصر و بثينة و نوال

و د.كمبال

ايه رايك يا ول نويه.

تحياتى

عفوا سهاد

تلفون انعام خليل : 00249918601210

عفوا سهاد دا تلفون انعام خليل.

00249918601210

تحياتى

شكرا اخي فيصل ..كلامك علي عيني وراسي من غير تكلم الجماعة ديل واللة معزتك من معزتهم بس ممكن ازغرد من بعيد و اوزع الحمص........عاد اسوي شنو يا ود نوية يا اخوي اخو حكم علي اختة في زول بقول بغم...