رحّبوا معى بأختى دولت ابراهيم عوض السيد

مرحب بالأخت العزيزة دوله فى البيت العامر بيكم و كل امنياتنا ان

تكونى زى اخواتك احسان و سهاد و هدى و باقى العقد.

انتى بتسوى شنو فى كادوقلى دى يا دوله؟ حصلنا يا عوض السيد.

تحياتى

طبعاً سبقتني يا عوض السيد بفتح البوست
ويا مليار مرحب بالاخت /دولة ابراهيم
والله منورة وفرحانه بيك شديد
تحياتي
احسان

الف مراحب باختنا دولة ومنورانا ....وربنا يكتر من الاخوات عشان نتقل شوية بيكم...مرحبتين

ترحيب حار بالاخت دولة حللتى اهلا ونزلتى سهلا ومنورة المنتدى بحضورك الكريم نتمنى ان نستفيد من عطاءكم الثر فى كافة الاقسام.. مرحبا بك بين اهلك واخوانك

المنتدى منور بكي اختي دولة و مرحبا بكي احدى فارساته.
انا برضو الشمار كاتلني دولة دي اشتغلت في كادقلي ولا شنو؟
و شوفو لينا اميرة تجي برضو

يا مرحبا بالاخت (دولت )ابراهيم عوض السيد...ومرحبتين كمان بالاخ عبد القادر (الكات) ومنورين والله...ويا (دولت) راجيك كتير لان درب عوض السيد فى المنتدى صعب الا تتحزمى شديد حتى تقدرى عليه..الله يساعدك...
أخونا ابو الزهور بتواضعه الجم صحح كتابة الاسم بطريقه تكشف معدنه الاصيل وفعلا (حسب علمى) هى تكتب هكذا:دولت وليس :دولة
الله ينور طريقكم كلكم

مرحب بالاخت دولة المنتدي منور بيك
بس لي قدام البيت بيتك
ومرحب باخي وصديقي عبد القادر الامين (الكات)
شنو يااخوي تخش كده بدون اي مقدمات (كان ماغنم)

مرحبتين مليار حبابك ...منور المنتدي بوجودك ...بين اعمامك واخوانك ...واخواتك ...شدي حيلك واياك من الزوقة ...
تخريمة :
(الله لا جاب يوم الشكر استاذي عوض السيد)
دولة دي مااختنا الصغيره ...وبت حلتنا ...
بس المشكلة الوحيده ياول نوية وعوض السيد تابعة الملحناتي ...والله يستر ...
تحياتي ...

اخوتي واخواتي اشكركم جزيل الشكر علي ترحيبكم بي وانشاالله اكون عند حسن ظنكم .
وانشاالله نقف صفا واحدا من اجل رفعة الحباك.

تحياتي واحترامي

مرحبتين بأختنا الصغيرة دولة ابراهيم عوض السيد في المنتدى العامر منتدى الحباك..

وأنا أيضا أحبتى أشكركم على حفاوة الترحاب بأختى دوله(دولت).
بس انشاء الله ما تخذلنا وتكب الزوغه.
للذين سألوا عن وجود دوله فى كادوقلى هى بتعمل training ونحن نتمنى عودتها بأسرع فرصه لحوجة البيت لها.
كلنا طفشنا وخلينا البيوت فاضيه لكن الله غالب

الف مرحب بالأخت دولة إبراهيم عوض السيد... مرحباً بك بين أهلك وأخوانك وأخواتك في المنتدى.

مرحب بدوله بين اهلك في الحباك منووووووووووووووووووره المنتدى

شقيقتي د/احسان ذات القلب الطيب والروح الحلوة لكي اناقة الكلمات ولكي ما استطيع الشوق.انا الاسعد ياستي

مع فائق احترامي

مرحباً بأختنا دولة ونتمنى لكي التوفيق بكادقلي ....

يا اخواني مسئولين من الخير
البنوت مشن وين؟
"دولتنا" الصغيره العسل وبنات استاذتي "ليلي الامين" الاتنين مشن وين؟

يعلم الله مشتاقييييييين

يا دكتوره دوله دى باركى ليها ساكت افتكت من العطاله وعينوها مديره للاحصاء بالولايه وأكيد بتكون الاعباء كترت والزمن بقى ما ملكها.
أما بنات العزيز الأستاذ/كمال عبد الكريم جميعهن بخير وسبق أن زرت الاستاذ فى البيت ووجدتهن لكن سبب الغياب قد يكون سوء فى الشبكه.
تحياتى

ألف الف مبروووك يا دوله وربنا يوفقك ويوفق كل بنات الحباك يا رب
شكراً عوض السيد للخبر السار
والحمدلله اخواتي بنات كمال كمان كويسات

عقبال كل أحباب المنتدى يفرحوا معك بالدكتوراه

عمنا إبراهيم عوض السيد ...الرجل البشوش الحبوب ...أطال الله في عمره ومتعه بالصحة والعافية ..والله يا عمي إبراهيم : ربيت أبناءك فأحسنت التربية ...مٌثل ..وقيم ..وأخلاق ..وشهامة ...وأبوإبراهيم خير مثال ...هذا الإنسان المتفاني المخلص الخلوق ...,كيف لنا ولا نرحب بدولة ...ونفرش ليك الأرض ورود يادولة ...ونرش ليك المنتدي بالعطور ...وخاصة الباريسية ... وشئ من نفحة الياسمين ..لتليق بمقامك الرفيع ...ومبروك الوظيفة الجديدة ..وأسأل الله أن تكون كادقلي موطن رزق ولقمة عيش شريفة طاهرة لكي ...والأسرةالكريمة ومش تعملي نايمة براك بالراتب !!!..ووصيتي لك المواظبة على الصلاة...وتلاوة المصحف الشريف يومياً ولو قليل تكفي ...لأن في قراءة المصحف تهذيب روحي ما بعده تهذيب ..معليش لأنك وأبو خليل وأسرتكم الكريمة تعزون على شديد ولذا سامحيني ...أني شطحت كتير ...ومعليش أدخلي المنتدي برجلك اليمين وقولي بسم الله ... إحترامي

مبروك دوله الوظيفه ودوله اضافه كبيره لجالية الحباك فى حاضرت الولايه

ماشاءالله تبارك الله
ربنا يحفظك ويسهل عليك طريقك
وكما وصاكى اخونا شاويش ابقى عشره
وربنا يقويكى
وفاقدنك فى المنتدى

ألف مرحب بك يادولة _ في الحقيقه الشباب ديل والشابات من أميزماقابلت في حياتي بالرغم من عدم مشاركتنا معهم المواضيع_وستجدي منهم كل العون إنشاء الله_اخوك الكرو ود فضل الله قوري

الف مرحب بأختنا الصغيرة دولت المنتدى اشرق ونور بوجودك والف مبروك على الوظيفة وان شاء الله نشوف كل ابناء الحباك بنين وبنات في اعلى المراتب وان يسخرك الله لخدمة اهلك وبلدك