المستحيــــــــــــــل / للشاعر الفذ إسماعيل حسن

إهداء لكل الاحباب 00000000000000
هذه واحدة من الاغنيات الخالدة في وجدانا التي تغني بها فنان افريقيا الاول "وردي"
لو بإيدي ..
لو بإيدي كنت طوعت الليالي
لو بإيدي ..
لو بإيدي كنت زللت المحال
والأماني الدايرة في دنياي ماكانت محال
دي الإرادة ونحن ما بنقدر نجابه المستحيل
دي الإرادة والمقدر ما بنجيب ليه بديل
دي الإرادة أجبرتني في هواكم من قبيل

غصبا عني وغصبا عنك
انت حبيتني وهويتك
لو بإيدنا من زمان
كنت خليتني ونسيتك
والنهاية ..
انت عارف وانا عارف
لو بإيدي كان هديتك

أصلو حبي أقوى وأكبر من إرادتي
وانا حاسس في جحيم نارك سعادتي
والهيب البكوي في روحي
في ذاتي
هو إنت
قلبي دايرك
حبي عارفك
في شبابك في صباك
في جمالك في وفاك
في شبابك في وفاك
يا المسير وماك مخير
انت ياصابر عند الله جزاك

ما قصّرتا يا ودالنوبه ذكرتنا بأغنياته العاطفيه بجانب وطنيــاته
بلادى بلادى اهلا يا بلادى الف تحية ليك من الفؤادى
بلادى بلادى اهلا يا بلادى صدورنا حماية ليكى من الأعادى
بلادى أنا
بلاد ناسا فى أول مواريثهم كتاب الله
وخيل مشدود و سيف مسنون حداه درع
تقافيبهم تسرج الليل مع الحيران
وشيخا فى الخلاوى ورع
وكم نخلات تهبهب فوق جروف الساب
وبقره حلوبة تتضرع وليها ضرع
بلادى أنا
تشيل الناس وكل الناس وساع بى خيرو لينا يسع
وتتدفق مياه النيل على الوديان
بياض الفضه فى وهج الهجير يشع
بلادى سهول بلادى حقول
بلادى الجنه لي الشافوها أو للبره بيها سمع
بلادى أنا.... تكرم الضيف
وحتى الطير يجيها جيعان ومن أطراف تقيها شبع
بلادى الصفقه والطنبور و داراتا تنح فى الليل
وبنوتا تحاكى الخيل...يشابن زى جدى الريل
وشبالا مكنكن فى طريفو ودع
بلادى ...بلاد من التاريخ
من ترهاقا لى عن ميسنا ..حتى الجاى خيل و دروع
بلادى أمان ..بلادى حنان ..وناسا حنان
يكفكفو دمعه المفجوع...يبدوا الغير على ذاتهم
يقسموا اللقمه بيناتهم ..ويدوا الزاد
حتى ان كان مصيرهم جوع
يحبوا الدار ..يموتو عشان حقوق الجار
ويخوضوا النار ..عشان فد دمعه
وكيف الحال اكان شافوها سايلة دموع
ديل أعلى البقيف فى الداره ..وسط الداره واتنبر
واقول للدنيا ...ديل أهلى..كل الدنيا ..ديل أهلى
عرب ممزوجة بى دم الزنوج الحارة ..ديل أهلى
وديلة قبيلتى لما ادور أفصل ..للبدور فصلى
أقول بعضى ألاقيهم تسربوا فى مسارب الروح بقوا كلى
أصحاب روحى والاحساس..
و اسافر فى بحار شوقهم كمان عقلى
محل قبلت ألقاهم معاى ..معاى ..زى ضلى
لو ما جيت من زى ديل ..كان أسفاى...وامأساتى ..وا ذلى
تصور كيف يكون الحال ,,لو ما كنت سودانى ..
وأهل الحارة ما أهلى

ماأروع الإختيار يا رائعان !!
الشاعر الكبير إسماعيل حسن قامه ورقم كبير علي خارطة شعراء السودان حروفه عذبة وجميلة كتب أجمل الكلمات وأرقها
ياما دربك كنت بفرشو ورد وحنية واماني
ياما عهدك صنتو وما خنت وكان ليك حناني
ياما من ليلي ونهاري ودمعي بنسج لك أغاني
وكل كلمة من غناي فيها من حبك معاني
إن نئيت برجاك
وان نسيت بطراك
وان قسيت بهواك
جيت اعاتبك واشتكيلك واشرح الحب من بدايتو
قلب خادع مافي رافع بس عليك تسمع حكايتو
انت حاكمو وانت مالكو وانت في ايدك وصايتو
انت لو حكمت قلبك ما اظن ترضى بنهايتو
العهود صونوها
اوعو لا تخونوها
دا حرام تنسوها
تبقى جنبي ونسى كل الدنيا نغرق في الأماني
واشتكيلك يا حبيبي منك انت ومن زماني
في غيابك ياما ليل الغربة بالآلام رماني
ابقى عيني وابقي روحي وابقي قلبي يا حناني
يا أمل يا لطفي يا حنية وينك من عيوني
لو تعود وتجيني
القى فيك حنيني
وانسى بيك انيني
ابتساماتك ربيع دنياي ياما عشت فيها
فتحت في دربي أشواق الليالي البشتهيها
دي السعادة المن زمان بسأل عليها
بكياني بشبابي بحياتي افتديها
الإله يرعانا
هدا الغرام ضمانا
ونحن ما أحلانا
لو بكاي هماك
لو شقاي هماك
ما كنت يوم
فارقتني
خاصمتني
عذبتني !!!

المستحيــــــــــــــل / للشاعر الفذ إسماعيل حسن

المستحيــــــــــــــل / للشاعر الفذ إسماعيل حسن

رد: المستحيــــــــــــــل / للشاعر الفذ إسماعيل حسن

رد: المستحيــــــــــــــل / للشاعر الفذ إسماعيل حسن