الليمون الرشوه

لطالما زخرت بلادنا بالثقافات والتراثيات التي لا حدود لها ولا نهاية اليكم بعض شعر الحكامات اللاتي زرعنً في قلوبنا حنين الوطن وسقيننا بروح البسالة والكرم والجود :
هذه الكلمات قيلت في السبعينات قبل ميلادنا ولكن تواترت حتى وصلت الينا جيلاً بعد جيل اليكم النص.
شايلة جردلي انا ماشة بتزكر
فريع الدبكر خشمه قطن بكًـر
شاهي العصير بجلي النظـــــر
********
اليمون الرشو تلشي حاربو
حمدان بتاً ما ولــــــدوه
الميت ضحى تاره ما شالـو
خلوا الفريق بابــــــو
***********
شيلي هوي ام سبيـــب
جاكي خبير عجيــــــب
ابطالي سووا النجيــض
الميت حمدان واحد فريد
جهالي سنوا الحـــــديد
وحمدان كان احد الفرسان قتل في حروب الحواذمة مع قبائل تلشي في السبعينات فكان غتى الحكامات له ايقاعه وله كلمته في وسط الفرسان

شكرا على المرور يا ابو فراس بالجد خوفتني بتعليقاتك الخيالية دي ولو كنت عارف الكلام دا بأثر فيك كدا كان جبت الحبوبة زاتا غنت ليك.
تحياتي

محمد عبدالله قادم ... سعيدين بحضورك المميز هذه الأيام أرجوا أن لا تنقطع عنا ...........

محبتي

لا اتطمن يا ابو الزهور انشاء الله سوف اداوم معكم بس كانت شوية مشاكل وظروف والحمد لله عدنا ليكم يا حبايبنا بس بعد العيد برضو ح اغيب شوية طبعاً ولدك خاش العش الذهبي وكدا
طبعاً العيال كبرت يا عم ازهري

الله يبارك فيك يا الفاتح وطبعا سالتك منك ول نوية ما قصر بس قول ليهو يفارق حياة العزوبية دي خلاص . بس بالله القيدومة يوم 17 سبتمبر الجاي

مبروووك يا محمد ,,,, أتمنى لك كل توفيق...وبيت مال وعيال .. ؟

يا سلام يا فاتح والله شوقتنا لبنات بلدنا. بالجد والله الاغنية حلوة وانا اطمنك البت من البلد يعني من اهلك المسيرية ديل
بالمناسبة معزومين كلكم اعضاء المنتدى داخل السودان وخارجه

محمد شكرا على هذه الليمونة الحلوه.

ربننا يتتم ليك يا ابو حميد و بيت مال و عيال و زى ما قال ليك

الفاتح نعمل ليك قيدومة فى المنتدى انشاالله.

لك التحية

لك التحيه ايها الرائع ول قادم لى سنين ما سمعت غنى بتاع بقاره اصيل زى ده لك التحيه متعتنا نرجو يا محمد لو حافظ حاجات زى دى نزلها لينا انحنا ناس زمان طبعا الغنا ده بعمل فينا عمايل !!!لك التحيه

هههههههههه
ايوة عارف يا غريق انكم ح تنداحوا مع اغاني الحكامات ديل لاني قضيت سنة بين جديد وام نوارة وبالجد قضيت اجمل اوقات حياتي مع اهلنا اولاد حميد الناس الطيبين الزينين حيث اغاني المردوم والنقارة واغاني الحكامات وشتى ضروب التراث .
لكن اعدك سوف اطربكم بكل ما احفظ من كلام (زمان) على قولك