أصل المثل : على رأس السارق ريشه

وأكيد هناك العديد من الأمثال التي تطابق المثل في سودانّا الحبيب.....وغيره من البلدان مثلا ...
" الفي بطنــو حرقص براهو برقص "

تسلم ياكبير ...ومشكور يا داب فهمنا ما القصد من هذا المثل ...بس فقط ذكرتنا : لما كنا صغار كنا نسرق الدجاج لأولاد الطهور ( الختان) بس صدقني كانت عاده جميلة بريئة...وهل ياتري بنطبق علينا هذا المثل ...محبتي

المثل ذكرنى المتوسطة وكان الحديث عن سفافين التمباك واظن كان استاذ عوض السيد ابو ابراهيم قال اى زول بسف تكون عنده شعرة فى كفه والجماعة نروا لاياديهم والاستاذ قومهم على حيلهم وبعد تعب شديد حتى اتحلوا من الاستاذ .

تسلم اخوى الفاتح
ومشكور على قصة المثل
والله المثل ده خدمنا شديد فى حياتنا اليوميه

فتّوح دائما تأتى بالمفيد ولا شك انك رجل رائع.
ابوهريره العزيز:- يا حليل زمن كنا مدرسين وخاصه قبل ذوبان المرحله المتوسطه فى مرحلة الأساس ذلك الذوبان الذى جعلنا(نحرد) التدريس فى السودان.
ذاكرتك ما شاء الله حديديه

تسلم يا فتّوح.
تحياتى لك ولأبى هريره